رواية حكايا الفصل التاسع عشر 19 بقلم إيمان
رواية حكايا البارت التاسع عشر
رواية حكايا الجزء التاسع عشر
رواية حكايا الحلقة التاسعة عشر
ايه يا مجد العقد اللى مضيته مع عزت ده
مالوا فى ايه
دا فيه شرط جزائى كبير جدا
طبيعى لان الصفقة كبيرة
مجد انا قلبى مش مطمن ولتانى مرة بقولك بلاش الصفقة دى
العقود اتمضت وخلاص يا امجد
بت يا سلمى هو انا صحيه ولا نايمه
صاحيه ياختى صاحيه
طب هو بجد انهاردة قرايت فتحتى بصحيح
ياااادى النيله يابنتى دى المرة الخمستلاف اللى تسألينى السؤال ده ما تهمدى بقه
اصلى مش مصدقة اللى حصل ده وانه حصل بالشكل ده و بالسرعة دى واحد يشوفنى ويعجب بيا ويتقدملى يالهووووى قلبى حيوقف من الفرحة
أجلى ياختى موضوع قلبك ده وقومى عشان نرتب البيت مع أمك لحسن تط ين عيشتنا ولا يبقه فيه قرايت فاتحه ولا غيره
ايه لالا يلا بينا نساعدها بسرعه
انا بقول كده برضو
فى المساء وصل سامر ومعه راجى وامجد ومجد لبيت نجلاء
أروى أروى
ايه يا نجلاء
مين اللى جه بره
يعنى حيكون مين العريس ياختى
ايوة العريس ومعاه مين انا سمعه اصوات كتير
سامر ومعاه راجى ومجد وأمجد
سلمى مندفعه : يخربيت كده بت يا نجلاء ارفضيه يابت
نجلاء بفزع : نعم ياختى ارفضه دا انا ماصدقت
سلمى : ارفضيه عشان جاب معاه الواد الغتت اللى اسمه امجد ده
شاهى : سلمى أمجد يبقه ابن خالتى على فكرة
سلمى : على عينى وعلى راسى ابن خالتك بس ده مش حيغير من الموضوع حاجة وانه غتت برضو صدقينى
شاهى بضحك : سلمى حزعل منك وبعدين والله أمجد دمه شربات معرفش انتى ليه مش قبلاه
سلمى : معرفش انا بشوفه بتعفرت
اروى : تسلم ايدك يا ورد الميكاب اللى حطاه لنجلاء هادى اوى ولايق خالص على فستانها
سلمى : ورد المفروض تبقه ميكاب ارتست
ورد بضحك : مش اوى كده انا يادوب هاويه
أم سلمى : يلا بقه يا نجلاء تعالى قدمى العصير للضيوف
نجلاء بفزع : ايه عصير ايه اللى اقدمه ده
اروى بضحك : ايوة طبعا انتى اللى لازم تقدمى العصير وتعملى زى الافلام وتقومى موقعه الصينيه على العريس
فانفجرت البنات فى الضحك
نجلاء بغضب : انتوا بتضحكوا على ايه بقولك ايه يا ماما انا مش حقدم عصير لحد
والدتها بعصبية : طب يلا خلصينى تعالى ادخلى جنبى وانا اللى حقدم العصير
خرجت نجلاء بجوار والدتها ومن خلفهم اروى وسلمى وشاهى وورد
والدها : تعالى يانجلاء تعالى اقعدى جنبى
فجلست نجلاء بجواره وأخذ والدها يتحدث مع سامر واصدقاءه بعض الاحاديث وبعدها تمت قراءة الفاتحة
ايه يا أمجد مالك ساكت من ساعة ما ركبت العربية
هو احنا حنفضل كده يا مجد
كده اللى هو ازاى
يعنى حنفضل عزاب كده احنا الحمد لله شركتنا كبرت وبقه لينا اسم فالسوق وماديا مرتحين يعنى مش فاضلنا غير ان كل واحد فينا يبقه له بيت وزوجة واولاد
ايه هو سامر فتح نفسك للجواز ولا ايه
الحقيقة ايوة انا كمان عاوز حد يشاركنى حياتى
طب على خيرة الله واهو العروسه موجودة كمان
عروسة هى فين دى ؟؟؟
لومى سلمى يا خويا ولا يكش فاكرنى نايم على ودانى
ايه انت بتقول ايه سلمى اشمعنى يعنى
حتضحك على اخوك برضو
لا بجد اشمعنى اخترت سلمى
لهو انت بجد مش فدماغك سلمى
هى بنت كويسه ومحترمه واهلها ناس كويسه جدا حتى مسأله وزنها دى مش مهمه وعندك سامر اهو خطب توأمها
اه ودمها خفيف وبتروحلها كل يوم الاتيليه وتفضل تعاكسها
لالا انا بروح عشان اشوف جواد
لا والله مش عليا الكلام ده انت لو حابب تشوف جواد ممكن تقابله فأى مكان مش لازم الاتيليه وبعدين مكنتش كل لما تيجى سيرة مرواحك هناك تتكلم عن اد ايه غظت سلمى والمقالب اللى بتعملها فيها وبتعملها فيك دا غير انى اتأكدت من كل شكوكى يوم ما روحت معاك العيد ميلاد وشوفتك وانت سايب كل الناس ومركز معاها
ايه ده يعنى انا متعلق بيها وانا مش دارى بقه
ممكن ليه لا
يالهوووووووى
ايه يا سلمى فجعتينى فى ايه
انتى ياختى حتفضلى تتفحصى وتملسى ع الخاتم اللى لبسهولك بسلامته ومش حنام فى ليليتنا دى
ما تنامى هو حد حاشك
انام ازاى والنور والع
طيب خلاص حطفيه
حمدلله ع السلامه ياراجى
الله يسلمك يا ماما امال فين خالتوا عزة
كبس عليها النوم فدخلت تنام
طب ما دخلتيش تنامى انتى كمان ليه
مقدرش انام الا لما اشوفم واطمن عليك قولى الليلة كانت حلوة
ايوة كانت جميلة اوى
انت شوفت اروى هناك
طبعا مش العروسه بنت خالتها
وعامله ايه دى وحشانى اوى
طب بقولك ايه ما تعزميها يوم تيجى تتغدى معانا
تصدق فكرة حلوة انا بكرة حتصل بيها اعزمها
الوا مين باسل ااااه ازيك
جذبت نجلاء سلمى وهى تقول بهمس : بيتصل بسكى ليه ده
فأجابتها بهمس : استنى انتى بس وانا حعرف واقولك
ايوة يا باسل كنت بتقول ايه
كنت بقولك عاوز اشوفك ضرورى
تشوفنى ليه
عندى كلام مهم عاوز اقولهولك ومش حينفع فى التلفون
احنا مفيش بيينا موضيع ولا حوارات نتكلم فيها
لا فى يا سلمى ولازم تسمعينى ارجوكى انا مستنيكى فى العنوان ده
واملاها باسل عنوان الكافيه
اغلقت سلمى الهاتف وظلت ساهمه
نجلاء : عاوز ايه منك الواد ده تانى
عاوز يشوفنى بيقول انه عنده لام مهم لازم اسمعه
وانتى ناويه على ايه
حروح اسمعه
لا ولا تعبريه دا ما يستهلش
عشان كده حروح وذنبه على جنبه بقه
طب يا مجد انا حروح المشوار اللى كنت قولتلك عليه
حاول ما تتأخرش يا سامر
حاحاول بس موعدكش
كده طيب
سلام
سلام
بعد مغادرة سامر بقليل سمع مجد رنه غريبة فتلفت ليعرف مصدرها فوجد هاتف سامر قد نسيه وكانت نجلاء فتردد قليلا ثم رد عليها
مساء الخير
فقالت مندفعه ودون ان تنتبه انه ليس سامر : سامر انا عوزاك ضروىى عندى مشكلة كبيرة
فأجاب مجد بهدوء : انسه نجلاء ازيك انا مجد
فاجابت بخجل : اسفة بس هو فين سامر
سامر فمشوار بره الشركه ونسى موبايله فمكتبى وعشان كده رديت عليكى بدل ما تقلقى
كده يعنى هو مش موجود ثم اكملت بحيرة دون شعور طب انا حعمل ايه دلوقت واتصرف ازاى
انسه نجلاء لو فى حاجة اقدر اعملها بدل سامر قوليلى بس انتى محتاجة ايه
مش عارفه اقول ايه
خلاص برحتك لو مش عوزة تقولى بلاش
لالا حقولم وخلاص ماهو لازم حد يلحقها
يلحق مين وفى ايه بالظبط
بص حضرتك وبختصار لينا زميل فالكلية سلمى فوقت كده كان متهيألها انها مياله ليه وانه بيبادلها نفس الشعور لكن فجأة هو خطب بنت معانا برضو وده عملها صدمه مخرجتش منها الا بعد ما قابلنا شاهى واشتغلنا معاها ونجحنا فشغلنا بعدها الولد ده رجع تانى يحاول يتقرب منها وانهارده اتصل بيها وصمم يشوفها وهى راحت تقابله
طب كل ده عادى انتى ليه خايفة ومرعوبة اوى كده
لان سلمى مكنش شكلها طبيعى قبل ما تخرج وزى اللى نوياله على حاجة وانا خايفة تتهور عليه او هو يضايقها معرفش بقه انا قلبى مش مرتاح وخلاص
وقبل ان يرد عليها وجد أمجد يدخل عليه فأشار له ان يجلس دون صوت ثم عاد ليتحدث اليها
طب خلاص يا نجلاء ولا تقلقى أنا حتصرف
بجد بجد يا استاذ مجد
ايوة ما تقلقيش قوليلى انتى بس المكان وسيبى الباقى عليا
اخذ ورقة من امامه وكتب العنوان الذى املته عليه بسرعة ثم اغلق الهاتف ليناول أمجد الورقة
ايه ده
خد العنوان ده عوزك تروح هناك حتلاقى سلمى ياريت تروحها
ليه هى تايهه ومش عارفة تروح يا ولداه ولا مفيش تكسيات وانا السواق بتاعها
مش عاوز خفه دم اللى قولته اعمله وخلاص
هو انت عشان اخويا الكبير خلاص تعمل معايا اللى انت عوزة
ايوة ويلا بسرعة مفيش وقت
مفيش وقت على ايه
روح وانت تعرف اتحرك انت لسه قاعد
طيب امرى لله
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حكايا)
