رواية حكايات ريم وزين الفصل الثاني 2 بقلم زمردة الزين
رواية حكايات ريم وزين الجزء الثاني
رواية حكايات ريم وزين البارت الثاني
رواية حكايات ريم وزين الحلقة الثانية
بعد دقايق الوضع كالتالي ريم مستربعه علي عربيه وبتشرب عصير موز بلبن والناس متجمعين حوالين شخص وتقريبا الشخص دا ملامحه اختفت من كتر الض*رب
ريم بتصفير :الله ينور عليكم يا رجاله ربنا يحميكم لمصر
نطت من علي العربية
ريم :اسفين يا رجاله علي التعب
واحد من الواقفين: ولا يهمك يا بنتي ربنا يسترك
ريم :تسلم يا حج
وكملت طريقها
_علي فكره يستاهل
ريم ببرود :عارفه
_امممم بس شكلك شرسه مش هاديه
ريم :وانت مالك وبعدين خليك في حالك احسنلك وابعد عني وخلي بالك من أفعالك
_ليه بقا
ريم :عشان هتاخد لفه ورجعالك يا خفه
_لسانها طويل بس قمر
في البيت
مريم :ماما عشان خاطري ممكن أسافر هو اسبوع واحد بس
ماما :يا مريم يا حبيبتي مينفعش انك تسافري لواحدك
مريم :ياسين (زوج فريده) هيجي ياخدني عشان خاطري وافقي انا مصدقت خلصت الامتحانات اعصابي تعبت والله
ماما باقتناع:ماشي يا مريومتي
مريم بفرحه :والله انتي احلي ام ربنا يديمك ليا يا قلبي
يوسف :يلا يا ست البنات
مياده بخجل :احم في اي يا يوسف
يوسف :في انك جميله اوي ولازم اكلم خالتي بسرعه
مياده طلعت بسرعه البيت ويوسف اتنهد بابتسامة وتليفونه رن
يوسف : ايوا…. يبني انا بعتلك اللوكيشن…. خلاص انا شايفك اهو
زين :اخيرا وصلت
يوسف :اي اللي حصل
زين :دانا شفت بنت أقسم بالله اقنعتني بانها بريئه بعد كدا طلعت بلطجيه بس بصراحه قمر
يوسف :انا نفسي تلاقي اللي تلمك عشان اشمت فيك بمزاج 😹
يوسف خبط استقبلته خالته ورحبت بالضيف خرجت مياده من المطبخ باسدال وحطت الاطباق ورحبت بزين وقعدت قصاد يوسف
ريم بصوت عالي وتخبيط:انتم يا ناس ياللي هنا يا أهل الدار افتحوا انا جعاااانه
ماما : ا
ريم :بس بالله يا حاجه انا علي لحم بطني من الصبح اول ما دخلت الصاله اتخضت وجريت علي الأوضة باحراج ويوسف وزين واقعين في الأرض من كتر الضحك
خرجت ريم باسدال وقعدت مقابل زين اللي مركز معاها من اول ما دخلت
ماما :بس انت يا أستاذ بتشتغل اي
زين بتواضع:انا مش أستاذ يا أمي انا اسمي زين وعندي 30 سنه وعندي شركه بتاعتي بس مندمجة مع شركة يوسف واحنا الاتنين شركاء
ريم حست انها عارفه الصوت رفعت عنيها لقت انه نفس الشخص اللي كلمها
ريم بصدمه وصوت عالي : هو انت انت جاي هنا كمان عشان تكمل معاكسه ياض
يوسف باستغراب : انتم تعرفوا بعض
ريم :هه اه
مياده بفضول :ايوا ازاي يعني
زين بخبث:
فلاش باك
مجهول :يا مساء الكوسة ممكن اخذ بوسه
ريم بشر : يا مساء العناب دانت ليله اهلك هتبقي هباب
ريم ببكاء مصطنع :يعني انت عمال بتقول كلام وحش وماشي ورايا من الصبح اكمني انثي وحيده مليش لا حبيب ولا قريب ولا غريب (بصوت عالي وزعيق) لاااا يابابا انت فاكر ان الشارع مفيش فيه رجاله تحمي بنت منطقتهم
الناس اتجمعت
_في اي يا بنتي
ريم بمسكنه مزيفه : والله يا حج انا ماشيه لقيته بيقول ك كلام خارج
واحده من الواقفين طبطبت عليها وعملت نفسها تعبانه والست قعدتها والشاب اللي عاكسها الرجاله اتلموا عليه ضربوه لحد ما ملامحه اختفت (احسن يا قليل الادب)
زين : وانا كنت معدي لقيت الخناقة لقيت البنت دي وشاور علي ريم وساعدتها
ريم بصت ليه بصدمه من كدبه ووقاحته وكانت هترد عليه ولكن بصلها بغموض خوفها
ريم في سرها :يابن الكدابه
وسكتت وكانت شبه الأطفال زين سرح فيها ازاي هي شرسه ولسانها طويل بس ملامحها هاديه وبريئه ريم رفعت عينها لقيته سرحان اتوترت ويوسف مش سايب مياده كل شويه يعمل حاجه تكسفها وهي مبسوطه خلصوا وكل واحد من الشباب روح بيته وهو باله مشغول باللي قلبه اختارها
تاني يوم في الشركه
مياده اشترت ورد احمر ودخلت المكتب فتحت الباب بابتسامه لقت يوسف واقف مخنوق وفي بنت لازقه فيه
-انتي ازاي تدخلي كدا امشي اطلعي برا
يوسف بزعيق:لارين احترمي نفسك والزمي حدك
مياده بابتسامه شيطانية : اهدى علي نفسك يا حبيبي بلاش عصبيه هتتعب يا قلبي وقربت منه ويوسف مصدوم ومسكت الفازه بتاعه الورد
مياده :مش قولتلك يا حبيبي تغير المايه بتاعه الورد اخص عليك وحدفت المايه كلها علي لارين ويوسف مش مستوعب لسا اللي حصل فاق علي صوت لارين بتصرخ
لارين :انتي متخلفه طب والله لاطردك
مياده ببرود :هاتي اخرك
لارين ضربت مياده يوسف كان الغضب عمى عيونه وبيقرب مياده مسكت ايده وبصت لها بنظره رعبتها بعد دقيقه الوضع كالتالي شعر لارين في ايد مياده وايد لارين تحت سنانها وايدها التانيه بتضرب لارين ولافه رجليها حوالين وسط لارين (مكتفاها) وزين ويوسف مش قادرين يفكوها
بعد خمس دقايق من المعافره اخيرا مياده سابت المرحومه اقصد لارين شعرها واقف واغلبه اتقطع وهدومها اتبهدلت ووشها متبهدل وطلعت تجري بسرعه (يلا بالشفا يا مقشفه)
يوسف :اي يا شيخه حرام عليكي هديتي حيلي
زين :لا جامده
يوسف ضر*به بالبوكس: احترم نفسك يا حي*وان
زين :اي ياعم وبعدين انا هتجوز ريم اصلا
يوسف :طب يلا يا باشا عشان لازم اروح مياده البيت
مياده : اه بالله عليك عايزه اروح عشان نفسي انام
يوسف :يلا يا ست البنات
في العربيه
يوسف :اي رايك في الكلام اللي قلته فوق دا
مياده ببرئه مزيفه : كلام اي اصل انت اتكلمت كتير
يوسف بابتسامه جانبيه: طيب عموما انا بحبك وعايز اتجوزك
مياده :مستحيل اتجوزك يا مغرور
يوسف بنظره غامضه :هنشوف
العربية وقفت ومياده فتحت باب العربية وطلعت بسرعه ويوسف وراها
يوسف بسرعه :خالتي انا هتجوز مياده
ماما بضحك :لا والله وانا معزومه ولا مش مهم
يوسف :دانتي الأساس والأصل عموما كتب الكتاب يوم الخميس
مريم بذهول : اللي هو كمان اربع ايام
يوسف :كتير صح خلاص يوم الأربع حلو يلا سلام عليكم
مياده خرجت من الأوضة بصت لماما وريم وفي وقت واحد زغرطوا
(بارك الله لكما وبارك عليكما وجمع بينكما في خير) لقيته بيقرب عليا وبيحضني
يوسف بحب :بعشقك يا ست البنات
مياده :وانا كمان بحبك اوي يا سكر العمر
يوسف : وعد مني ليكي كمان اسبوع هيكون معمول ليكي احلي فرح في الدنيا
مياده بدموع :شكرا انك في حياتي وحضنته
بعد اسبوع
مياده لابسه فستان ابيض وخمارها ولابسه تاج بسيط وكانت شبه الحوريات
ريم لبست فستان نبيتي وخمار بيج ومكياج بسيط
مريم لبست فستان وردي وخمار ابيض
طلع يوسف واتصدم من جمال مياده حضنها ومسك ايدها ونزل بيها ومريم وريم وراها
مريم :الو…. انتي فين يا سلمي…. طب تمام انا جايه اشوف
خبطت في شخص رفعت عنيها وكانت هتشتمه
الشخص بذهول =سبحان من خلق الجمال دا… عيونك حلوه وفيها لمعه عامله زي نبض القلب
ومريم واقفه مصدومه
مريم :م مين حضرتك
=انا محمد ممكن تديني رقم حد من أهلك
مريم ادتله الرقم وطلعت تجري بسرعه جابت سلمي طلعت ريم ومريم وسلمي سلموا عليها وعلي يوسف ونزلوا التلاته عند سلمي
~ممكن طلب يا انسه
سلمي :اتفضل
~انا كريم اخو العريس
سلمي بابتسامه :اهلا وسهلا
كريم :ممكن اخد رقم والدك
سلمي بهدؤ : ليه
كريم :بصراحه انا متابعك بقالي كام شهر وبصراحة انا بحبك وعايزك في الحلال موافقه ولا لا
سلمي بخجل :احم طب اتفضل
عند ريم
زين بمشاكسه :عقبالك
ريم :اومال يخويا هفضل قاعده مهو انا هتجوز اكيد
زين :طب متيجي اتجوزك واعمل فيكي جميل
ريم بردح:جميل في مين يا عم
زين كتم صوتها بسرعه :يخربيتك فضحتينا بحبك يا مجنونه
ريم باقتناع :تمام اتفضل أتقدم وهفكر
زين بهمس :حنان سعيد قالت (اذا كانت المعضله تشابك الأرواح فكيف تفك الروح من الروح) 😉
بصت عليهم فريده وامهم بفرحه بناتها المجانين لقوا اللي يحبهم ويتقى الله فيهم
فريده :يلا ناخد صوره كلنا 💜
(عذراء كل امرأة لم تعرفك عزباء من لن تعقد قرانك عليها يتيمه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حكايات ريم وزين)
