رواية حقيقتي البشعة الفصل العاشر 10 بقلم سجين الوحدة
رواية حقيقتي البشعة الجزء العاشر
رواية حقيقتي البشعة البارت العاشر
رواية حقيقتي البشعة الحلقة العاشرة
زياد اخد نورا معاه فعربية كبيرة…نورا بتعيط وزياد مش فاهم هي دافعت عن امير ليه…
“بتعيطي ليه دلوقتي”
نورا ماردتش
“بطلي عياط…انا مش فاهم مالك…كانت عاجباكي اوي القعدة عنده”
“انت ازاي تكلمني كده..”
“انتي اللي مالك زعلانة اوي كده..انا انقذتك منهم”
“انت مش فاهم حاجة خالص”
“نورا…هو عملك حاجة”
بصتله بعصبية وزعقت بصوت متقطع”انت قصدك ايه…انا ماحدش لمسني”
“انا آسف..عموما هتروحي معايا البيت ماتخافيش ولما تهدي ابقي احكيلي حكايتك ايه”
“اروح معاك البيت ايه..انت مين اصلا وعاوز مني ايه وعرفت اسمي ازاي”
“امال عاوزة تروحي فين…ده افضل مكان دلوقتي..ماتخافيش مش هعملك حاجة..تعالي معايا وانا هفهمك كل حاجة”
———————————————————————–
شادي وامير وسارة قاعدين مع بعض…شادي حكوله كل حاجة..مش مصدق نفسه
“يعني نورا تبقى اختي”
امير”لسه مش متأكدين”
“انا ازاي ماخدتش بالي من الحكاية دي”
امير”شادي سالي لما هربت تاني كنت انت صغير اوي..مش معقول هتلاحظ ان نورا شبهها…انا بنفسي ماخدتش بالي غير لما
ادهم قالي”
سارة”هنعمل ايه دلوقتي”
“امير”لازم نتأكد الاول وبعدين هنرجعها غصب عنهم”
………………………………..
نورا وزياد وصلوا البيت..زياد قعد على كنبة بعد ماقعدت نورا كمان
بصلها زياد”ها مش فاهم ايه”
“انا عاوزة ارجع عندهم”
زياد بصوت عالي”انتي اتجننتي ترجعي فين…ياه للدرجة دي مش قادرة على بعده”
نورا قامت ناحية الباب وقفها زياد ومسكها من ايدها بقوة
“سيب ايدي بتوجعني”
“اسيبك عشان تروحيله”
“وانت مالك اروحله ولا لا…انت اصلا ازاي تسمح لنفسك تكلمني كده”
“انتي عاوزة ترجعي كده ليه”
“عشان انا واحدة منهم”
زياد ساب ايدها بدهشة”واحدة منهم ازاي وانتي بشرية”
فاللحظة دي دخل شاب تاني”مالكم صوتكم عالي كده ليه…دي البنت اللي روحتو تجيبوها…بتصرخي كده ليه بدل ماتشكريه”
نورا لفتله وشها بعصبية اول الشاب ماشافها برق عنيه
“سالي؟؟؟”
زياد”مش ناقصك ياآسر..سالي مين انت التاني”
آسر”انت ازاي تجيب مصاصة دماء على البيت وتقول انها بشرية”
زياد”دي مش مصاصة دماء يابني وماسمهاش سالي…دي نورا”
آسر”مش معقول انتي شبهها اوي كده ليه”
زياد”شبه مين”
آسر”شبه الملكة بتاعتهم سالي..التقينا بيها من وقت قصير”
نورا راحت عليه”فين هي فين”
آسر افتكرها عاوزة تهاجمه مسك سكين بسرعة وضربها فبطنها
نورا”آآآآآآآآه”
زياد زقه بسرعة”انت اتجننت”
آسر”فعلا انتي مش هي الجرح ماتلمش”
زياد”انت اتجننت دي هتموووووووووت”
نورا بتبص على الدم فايديها..ابتدت تدوخ ولسه هتقع مسكها زياد بسرعة
“انت لسه واقف اتصل بباباك بسسسسسسسرعة”
جري آسر يجيب باباه عشان هو دكتور ومع الصيادين برضه
“نورا..نورا بصيلي ماتغبيش..اضغطي على ايدي”
نورا بتبصله وابتدت الرؤية ماتبقاش واضحة بعدها ماحستش بيه
————————————————————————-
سارة راحت عند اهل نورا البلد وقعدت معاهم
“خير يابنتي بتسألي على نورا ليه…هي فمصر مش هنا”
“اه مانا عارفة انا رحتلها وكلمتها هناك..انا من المباحث”
“ليه هي عملت ايه”
“ماعملتش حاجة…هي نورا بنتكم بجد”
الام”طبعا بنتنا”
“بصيلي فعينيا وجاوبيني ياحاجة…نورا بنتك..انتي اللي ولدتيها”
ام نورا مسحورة وبتجاوب”لا ماولدتهاش”
“و جبتيها منين”
“انا مش بخلف مرة بالليل واحنا جايين البيت فالشارع سمعنا صوت عياط لما رحنا نشوف لقيناها بنت صغيرة…جبناها
معانا..كانت معاها سلسلة ذهب فيها صورة ست لما كبرت نورا بقت شبهها”
“جيبيلي السلسلة”
جابتها ام نورا من غير كلام واديتها لسارة فتحتها لقت صورة سالي جواها”اممم كويس..انتي مادتنيش حاجة وماحدش جه
زارك انهاردة من المباحث او سألك عن نورا..نورا كويسة اوي ماتقلقيش عليها ولا تتصلي بيها تمام”
الام رددت كلامها”نورا كويسة مش هقلق عليها وانا ماحدش زارني”
ابتسمت سارة وخرجت من البيت…….
…………………………………………………………..
نورا صحيت بصت حواليها لقت زياد نايم على كرسي جمبها وآسر واقف ظهره ليها ووشه للشباك…هي متعلق لها كيس دم
وانبوب اكسجين على انفها
حاولت تقوم بس وجعها الجرح واتألمت..آسر لف وشه بسرعة”انتي كويسة”
زياد صحي على صوته وراح لها بسرعة”حاسة بايه دلوقتي”
نورا”هو انا ليه كل ماحد يخطفني يحاول يقتلني وبعدها يحن”
زياد”احنا ماخطفناكيش..احنا بنساعدك”
آسر”انا آسف بجد مش قصدي..انا فكرتك سالي”
نورا”انا مش سالي…انا بنتها”
زياد وآسر بصو لبعض…
زياد”مين سالي دي اصلا”
آسر حكاله قصتها”بس بنتها ازاي..شادي ابنها و مصاص دماء..اوعي تقولي انك..”
“ايوة انا هجينة نص مصاصة دماء ونص بشرية”
آسر”احنا لازم نرجعها”
زياد”نرجعها ايه”
“انت مش بتفهم دي من العيلة الملكية بتاعتهم…الصيادين بيحموا البشر”
“بس هي لسه مش مصاصة دماء ”
“دي هجينة يعني مصاصة دماء اصلا لو عاوزة تقتل اي حد فينا ممكن دلوقتي”
“ازاي وانت اللي كنت هتقتلها”
“شكلها لسه ماعرفتش تخلي قوة مصاصة دماء تشتغل”
نورا”انا لايمكن اقتل حد…انا عاوزة اروح دلوقتي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حقيقتي البشعة)
