رواية حقيقتي البشعة الفصل التاسع 9 بقلم سجين الوحدة
رواية حقيقتي البشعة الجزء التاسع
رواية حقيقتي البشعة البارت التاسع
رواية حقيقتي البشعة الحلقة التاسعة
نورا صحيت من النوم لقت امير واقف جمبها وبيبصلها اتخضت اوي…
“انت ازاي تدخل عندي وانا نايمة”
“بيتي وادخل الاوضة اللي انا عاوزها”
“طيب ممكن تطلع برة”
“ليه”
“يعني ايه ليه…”
“هههههههههه خلاص بلاش خناق على الصبح انا جاي اقولك حاجة مهمة لقيتك لسه نايمة…بالليل في حفلة كبيرة اوي..مش
هيكون فيها بشر..بس انتي هتكوني”
“اشمعنى انا”
“مش عاوز اسئلة واللي اقوله يتنفذ بالحرف ماتخلنيش اخدك بالعافية…المهم الساعة 6 هتلاقي كوافير ولبس سواريه عندك
فالاوضة…ماتنزليش غير لما سارة تجيلك..لو المرة دي شادي مسكك ماحدش هيلحقك عشان ماحدش اصلا هيهتم”
سابها امير وطلع من الاوضة…هي فضلت مكانها مرعوبة
سارة جاية فالطريق ومالحظتش انه في عربية وراها…ركنت عند بيت امير ودخلت…زياد مشي بالعربية عشان ماحدش يشوفه
وركن بعيد…
سارة دخلت عند امير
“صباح الخير”
“صباح النور…اتأخرتي”
“معلش ماخدتش بالي”
“ايه مالك”
“مافيش”
“على امير برضه…مالك ياسارة..آه تكون البنت دي فكرتك بحاجات”
بصتله سارة ودورت وشها
“على فكرة انا لسه ماعرفش اسمها”
“نورا”
“اممممم نورا…جهزيها عشان حفلة الليل”
“حفلة الليل…بس ده خطر عليها…مش هيكون غير مصاصي دماء فالحفلة”
“الكلام اللي اقوله يتنفذ..ويعني ايه خطر عليها انتي جايباها هنا تتفسح مثلا..انتي عارفة هي هنا بتعمل ايه”
سكتت سارة وادورت عشان تخرج”انا رايحة اشوفها”
“ماشي ماتسيبيهاش لوحدها مهما حصل”
بصتله ومش فاهمة التناقض اللي هو فيه..ماسألتش وخرجت
وصلت باب نورا خبطت ودخلت
“صباح الخير”
“وهيجي منين الخير”
“ليه بس”
“صحيت لقيت اللي اسمه امير ده قاعد فوشي”
“ههههههههههههه هو كده مش بيستأذن فحاجة بيعمل اللي هو عايزه”
“بيقول في حفلة وعاوزني فيها”
“ايوة قالي من شوية”
“وتفتكري ليه عاوزني”
“مش عارفة يانورا…من ناحية بيوصيني عليكي ماحدش يقربلك..ومن ناحية بيعرضك للخطر…ماحدش بيفهم امير الا هو”
“طيب ماتسيبينيش لوحدي انا خايفة”
“مش هسيبك ماتخافيش”
عند زياد اتأكدت شكوكه ان سارة واحدة منهم ومسكو نورا بس مش عارف هي لسه عايشة ولا لا…قرر يتصل بالصيادين عشان
يطلب مساعدتهم
————————————————————————–
الساعة 8 المعازيم ابتدو يوصلو…نورا لابسة فستان وبقيت حلوة اكتر سارة معاها مش سايباها خالص عشان نورا خايفة
اوي…امير بيرحب بضيوفه…زياد ومجموعة الصيادين بيستنوا اللحظة المناسبة عشان يهجمو….
امير واقف مع شاب وبيتكلم معاه
“هي موجودة دلوقتي”
“اها موجودة …انا من ساعة ماشفتها مش عارف ليه عندي احساس انها مألوفة اوي بس مش قادر افتكر شبه مين”
“امممم ماشي هاتها عشان اشوفها يمكن اعرف هي شبه مين”
“شادي..نادي لسارة تجيب البنت اللي معاها..وامسك نفسك”
شادي ضحكله وراح ينادي عليهم…اول مادخل عندهم نورا مسكت فسارة اوي ووقفت وراها
“ايه ياشادي في ايه”
“ماتخفيش…امير بيقولك هاتيها وانزلوا”
“طيب روح انت”
“اروح فين انا هبقى وراكو عشان لو حصلت حاجة…امير منبه اوي ماحدش يقربلها…حظك حلو اول مرة يهتم ببشرية كده”
نورا بتبص لسارة…شدت على ايدها وقالتلها”ماتخافيش ماحدش هيلمسك”
دخلو الحلفة وشادي وراهم بمسافة عشان يسيطر على نفسه
الكل بيبص عليها لما شمو ريحة الدم..بس هما متعودين يعيشو وسط البشر
وصلت سارة ونورا عند امير والشاب اللي معاه
امير ضحكلها هي مش عارفة فرحانة ليه انها شافته
“امممم ايه الحلاوة دي”
“ايه ياامير من لقي احبابه نسي اصحابه”
نورا بصتلها بدهشة وامير ضحك”لا ياسارة انتي حبيبتي وعارفة كده”
“اممممم انا عارفة…مش تعرفنا”
“آه سوري نسيت…سارة ونورا ده ادهم”
ادهم مش بيرد بيبص لنورا بس
“ايه ياادهم مالك”
“سالي؟؟”
“سالي ايه يابني انت..بقولك نورا”
“امير انت متأكد دي مش سالي”
امير بصلها بصدمة وسارة كمان نورا ارتبكت وخافت منهم”ايه مالكم بتبصولي كده ليه”
امير”انا من ساعة ماشفتك وانا متأكد انك شبه حد..مش معقول انتي نسخة عنها”
سارة”ايوة عندك حق انا ازاي ماخدتش بالي”
نورا”سارة في ايه..مين سالي”
سارة”سالي دي اميرتنا…حبت واحد من البشر…هربت معاه واتجوزته”
نورا”وبعدين”
امير”الملك ماسابهاش لحق بيها لحد ماوصل لها…قتل جوزها وجابها معاه جوزها لعمي وبقت الملكة ولدت شادي بس هربت
تاني..ساعتها الملك كان مات وعمي مادورش عليها وطلقها قبل مايموت..بيقولو كان عندها بيبي من جوزها البشري..ماحدش
يعرف البيبي ده راح فين”
نورا”وانا مالي بالكلام ده..انا عندي اهلي”
ادهم”مستحيل الشبه ده صدفة…انتي نسخة منها”
سارة”طيب انا عندي فكرة نتأكد ازاي”
امير”ازاي”
سارة”نروح لاهل نورا ويقولولنا”
نورا”يعني ايه تروحي لاهلي انتي اتجننتي”
سارة “فاكرة لما خليت عمر يعتذرلك…الامر بسيط هو سؤال وبعدين اقولهم ينسوا انني سألت او شافوني اصلا”
امير”انا موافق”
نورا”وانا مش موافقة”
امير”مش مستني موافقتك”
سارة”طيب هنروح احنا يلا يانورا”
ولما بعدو عنهم”انتي ايه اللي بتقوليه ده تروحو لاهلي ازاي”
“ششششش وطي صوتك اولا ده الحل الوحيد عشان امير مايموتكيش لو طلعتي بجد بنت سالي…عشان انتي هتبقي
الاميرة..ثانيا شادي هيبقى اخوكي وامير ابن عمك يعني مش هيقدرو يعملولك حاجة تاني ولا اي حد يقدر..ماتخافيش انا اللي
هروح لاهلك مش حد تاني”
لسه نورا عاوزة ترد ابتدى ارتباك بين الحضور
وفجأة بقت هيصة والصيادين هجمو اللي بيهرب واللي بيحارب والحراس كمان بيحاربوهم…
زياد شاف نورا خبط سارة واخدها معاه وهي بتصرخ”انت مين سيبني”
امير مسك واحد منهم وطلع قلبه من صدره بايده سمع صراخ نورا لسه هيدور..زياد كان وراه وهيقتله بس نورا مسكت ايده
ووقفت قدامه
“لا انا هروح معاك بس ماتأذهوش..امير الحق سارة”
زياد مصدوم من كلامها وامير اكتر…نورا بصت لامير نظرة وداع
ومسكها زياد بسرعة وجري بيها………
امير شاف سارة واقعة جري عليها
“سارة..سارة فوقي”
ابتدت سارة تصحى”نورا فين”
“اخدوها الصيادين…احنا لازم نثبت انها مننا.
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حقيقتي البشعة)
