رواية حفصه الأسد (انت مرادي 2) الفصل الرابع عشر 14 بقلم يارا ابراهيم

رواية حفصه الأسد (انت مرادي 2) الجزء الرابع عشر

رواية حفصه الأسد (انت مرادي 2) البارت الرابع عشر

رواية حفصه الأسد (انت مرادي 2) الحلقة الرابعة عشر

يارا:/يا أستاذ بعد اذنك فهمنا فيه ايه وتعرفني منين.
الشخص:/أنا يوسف فراس الالفي.
الجميع بصدمه:/ايييييه.!
كانوا كلهم مش مصدقين بس فجأة قرب خالد من يوسف وحضنه وهو بيقول…….
خالد:/بجد….. أحنا افتكرنا مش هنشوفك تاني بس ربنا كريم ومبيرضاش بالظلم أبدا. نورت بيتك وأهلك من تاني.
طلع يوسف من حضن عمه وهو بيبص لي يارا اللي واقفه بتبصله وهيا ساكته بس فجأة قالت نجلاء……….
نجلاء:/ما شاء لله طالع لأبوك في الشكل ولأمك في طبعها وحنيتها.. أنا مش مصدقه أنك معانا دلوقتي.
يوسف ابتسم وقال………..
يوسف:/شكرا يا….؟
نجلاء:/ماما.. قولي يا ماما.
يوسف بدموع:/بس يعني.
نجلاء:/مفيش بس أنت إبني.
يوسف رجع حضنها وقال…….
يوسف:/ماشي يا ماما.
خرج يوسف من حضن نجلاء وبعدين بص لي يارا وقال…….
يوسف:/مش هتسلمي علي أخوكي اللي اتحرمتي منه 20 سنه.
يارا بجمود عكس اللي جواها……….
يارا:/إيه اللي يثبت إنك أخويا.
يوسف ابتسم وطلع حاجه من جيبه وقال……..
يوسف:/أظن الصورة دي دليل.
يارا بصت للصوره اللي كان فيها أبوها وأمها وبعدين هيا واخوها شايلها بصتله يارا بدموع فتح يوسف دراعه ليها فكانت لسه هتجري عليه بس وقفت فجأة وبصت لي مراد اللي لما شاف دموعها هز رأسه بالموافقة فجريت يارا وحضنت أخوها ابتسم مراد لأنه برغم اللي حصل هيا لسه بتحترمه رجع بصلها وكانت عماله تعيط وبتقول…..
يارا:/أنت وحشتيني أوي أنت عارف أنا مريت في ايه من بعد أنت وماما وبابا متسبنيش تاني يا يوسف.
يوسف بدموع وهو بيشدد علي حضنها………..
يوسف:/مش هسيبك أبدا يا قلب يوسف.
كله كان واقف متأثر إلا مراد كان واقف هيشيط من كتر الغضب لأنه شايف أنه مش من حق حد غيره أنه يقرب منها حتى لو الحد ده أخوها أتحرك مراد ناحيتهم فمسكه غيث وفهد وهما بيقولوا…….
فهد:/يابني سيبها ده أخوها.
غيث:/ياسطا اتهد شويه أنت طلعت عين اللي جابونا انهارده.
مراد:/اللهم طولك يا روحي.
يوسف مسك ايد يارا وقعد يبوس إيد يارا فقال مراد………
مراد:/شوفوا بيبصلي ازاي شوفوا.
غيث:/ارحموا من في الأرض يرحمكم من في السماء.
فهد غمز لي غيث وقال……….
فهد:/بس تصدق فيه شبه من يارا و وسيم أوي بس خلاص بقي.
مراد كان بيسمع وهو بيشيط فقال غيث وهو بيجاري أخوه………
غيث:/اه علي كده يارا هتنسي الكل علشان أخوها ده حتي طلاقها هتصر عليه أكتر.
مراد بصلهم بصه مريبه فقال غيث……….
غيث:/دي الحقيقه مش هنكذب وبعدين علي فكره هيا هتسافر بكره بليل.
مراد:/هتسكت ولا ازعلك.
غيث:/لا وعلي إيه خلاص ياخويا.
اتفتح الباب فجأة ودخلت هنا وهيا ماسكة إيد مها وهيا بتتكلم ومش واخده بالها من اللي واقف………….
هنا:/خلاص كده اتصافينا يا ماهي صح.
مها:/صح يا أخره صبري.
بصت هنا لقت يارا حاضنها حد جامد فقربت من غيث وقالت………….
هنا بهمس:/اله هيا يارا حاضنه مين وازاي مراد ساكت.
غيث بنفس الهمس:/ياختي أنتِ مش شفتي اللي حصل ده مراد فرمه ضرب.
هنا بصت اللي كان واقف بس وشه مش باين فقالت………..
هنا:/هيا العيله دي بتخلف مزز بس ده ما شاء لله.
هنا بصت لمراد اللي كان مصلت عينه علي يارا وكان واقف والغيره ملياه فقررت هنا تستغل الفرصه وياريتها استخارت الأول………
هنا:/تؤ يا حرام معلش معلش بس برده الاخ معزته اعلي.
مراد بصلها بشر وبعدين قال……….
مراد:/تحبي أقول لعمر علي نورة.
هنا بتوتر:/نورة..! نورة مين دي معرفش حد بالاسم ده.
مراد:/إستني ارن علي عمر ونسأله مين هيا.
هنا :/عمر أكيد مشغول ومش هيرد.
مراد طلع تليفونه وهو بيقول……..
مراد:/تعالي نشوف.
هنا:/أنت عرفت موضوع نورة منين.
مراد:/أنتِ مفكره علشان عمر مسافر وانا مش بروح الشركة يبقي مش عارف حاجه لا ده انا مراد الالفي.
هنا بغيظ في نفسها:/أما وريتك ماشي لو خليتك ترجع لي يارا ماشي.
مراد سمعاها وقال بشر………
مراد:/بتقولي ايه سمعيني كده.
هنا:/مش بقول وبعدين حتي لو بقول أنت مالك واحده و بتكلم نفسها.
مراد:/امم شكلي هرن علي عمر.
هنا:/ياخي إلهي تولع نورة علشان ترتاح.
مراد:/ههههه حرام عليكي البت اتفرمت.
هنا:/تستاهل عامله زي عروسه المولد كده.
مراد:/بقي المزه الامريكي عروسه المولد.
هنا:/شكلي أنا اللي هقول لي يارا.
كان مراد هيرد بس سمع يارا وهي بتقول……..
يارا:/تعالي يلا هنروح…. امشي براحه.
يوسف:/منه لله اللي كان السبب.
يارا:/ههههه معلش 😂.
مراد مسك يارا وقال بصرامه………….
مراد:/يلا علشان هتروحي معايا.
يارا نتشت إيدها وقالت بجمود عكس الخوف اللي جواها……..
يارا:/أنا مش هرجع واظن إني قولتلك هتطلقني.
مراد:/امم طب مش تختبري صبري أكتر من كده ومش عايز أسمع سيرة الطلاق علشان مش هطلق.
يارا وهيا ماشيه………
يارا:/أنا قولت اللي عندي وأنا هسافر بكره علشان شغلي ولما أرجع هنتطلق.
مراد:/أنتِ بتتحديني بقي.
يارا:/افهمها زي ما أنت عايز.
يارا بصت لي عمها ونجلاء وقالت……..
يارا:/بعد اذنك يا عمي أنا هروح علشان سفري بكره وكمان هاخد يوسف معايا.
خالد:/اللي يريحك يا بنتي.
بصتلها نجلاء وقالت………..
نجلاء:/ماشي ياقلبي بس خلي بالك من أكلك كويس وانا هرن كل يوم أتأكد وغيث هيقولي.
غيث:/ماهو انا مش هروح.
يارا بصتله وكلهم بصوا فقال…………
غيث:/اقصد يعني بما إن يوسف هيروح معاها خلاص مش لازم اروح وبعدين ماهو الداده سناء.
نجلاء بغيظ:/اعقل يا غيث أنت عارف أنت رايح ليه.
مها بغيظ برده من غباء أبنها……….
مها:/ركز مش وقته غباء خالص.
هنا بهمـس:/ههههه ركز علشان هما شكلهم استحلفولك.
غيث:/طب ساعديني بدل ما ياكلوني.
هنا بهمـس:/بجد أنت غبي… يابني هيا حامل.
غيث:/اه صحيح.
وبعدين قال بصوت عالي وبغيظ أنه مش عرف يفلت……
غيث:/ماشي… ربنا علي الظالم والمفتري.
كانت لسه يارا هتطلع هيا ويوسف بس فجأة ايجت مها وهيا بتحضن يوسف بتقول…………
مها:/أنت عارف أبوك وأمك دلوقتي روحهم أرتاح….. اه نسيت اقولك أنا مها خالتك وأمك التانيه وده غيث وفهد اخواتك.
يوسف كان فرحان جدا أنه حس بأجواء العيله اللي فضل طول السنين اللي فاتت محروم منها أما يارا ف انهارده بس حست انها مش وحيده برغم من وقوف كل العيله جنبها بس لما ظهر يوسف ف خلاص الموضوع اتغير تمام فاقت يارا علي صوت هنا وهي بتزعق وبتقول……….
هنا:/لحظه بس انا واقفه عماله اشبه عليك بس خلاص انا افتكرتك ومش هتفلت من هنا.
يوسف نزل راسه وبصل لي يارا وهو بيقول…..
يوسف:/ممكن تسامحيني يا يارا والله لما عملت كل حاجه أنا مش كنت اعرف انك اختي والله.
يارا:/اهدي أنا مش فاهمه حاجه في ايه يا هنا.
هنا:/اللي بيقول أنه اخوكي ده بعد دخولك الغيبوبه بحوالي ست شهور أنا عرفت انك كنتِي متفقه مع واحده علشان تنتقمي من ريماس فأنا جبتها وجبته لانهم كانوا متحالفين سوا.
وهنا قال مراد بصوت جهوري…………
مراد:/أنا كمان افتكرت الشخص اللي كان عايز يقتل يارا وهيا في الغيبوبه كان هو.. واللي اتحالف مع ريماس ونهي في قتل ابني كمان.
يوسف بزعيق:/لا والله العظيم انا سبتهم أنا فعلاً ماليش ذنب في موت أبنك.
مراد بسخرية:/طب والباقي ايه مالكش ذنب كمان.
يوسف:/والله العظيم غصب عني واحد كان عايش مع سفاح ايوه متتصدموش سفاح لانه كان بيتاجر في أي حاجة ممنوعه وده غير الناس اللي بيقتلهم.
مراد بزعيق وقرب منه علشان يضربه بس مسكه فهد في اخر لحظه……..
مراد:/ده مش مبرر.
يوسف:/عارف والله عارف بس هو قالي أنكم انتم اللي قتلتوا أهلي وأنا كأي شخص هيصدق لانه ده الشخص اللي رباني من صغري بس ماكنتش اعرف أنه السبب من الاول والله العظيم أنا اتغير أنا جيت انهارده علشان اديكم أوراق شركات بابا اللي منصور سرقهم انما شركات منصور بعتها كله واتبرعت بكل فلوسه في سبيل الله.
كلهم اتعاطفوا معاه لان فعلاً كلامه صح حتي هنا اتعاطفت معاه……….
كلهم قالوا:/خلاص يابني المسامح كريم وأنت ابننا ولازم نسامحك صحيح أنت غلط بس ربنا بيسامح مين أحنا علشان مش نسامح.
يوسف بص لي يارا اللي كانت بصاله وعينيها دموع كان لسه هيتأسف منها بس صدمته لما حضنته جامد وهيا بتقول……..
يارا:/مسامحاك طبعا مش هنفضل نزعل من بعض طول العمر كفايه السنين اللي ضاعت واحنا بعاد عن بعض.
يوسف بضحك:/تصدقي بإيه.
يارا:/بالله.
يوسف:/لو مش كنتي أختي كنت اتجوزتك.
يارا:/ههههه عيب عليك أختك مش أي حد بردو.
يوسف:/ههههه ياسيدي علي الثقه.
يارا:/طب يلا بقي علشان الحق اشبع منك قبل اما سافر.
بصلها الكل بإستغراب فقالت بجديه……….
يارا:/خلاص أنت هتقعد هنا علشان تفتح شركات بابا وتوقفها علي رجليها من تاني.
يوسف:/إن شاء لله ماتخافيش.
يارا:/طب يلا.
هنا:/استنوا لحظه.
يارا:/كده مش هنخلص انهارده.
هنا:/معلش ياختي.
هنا قربت وقالت لي يوسف…………
هنا:/ممكن مش تزعل مني أنا بس بخاف علي يارا جدا أنت مش عارف هيا بالنسبالي ايه.
يوسف بإبتسامه:/ولا يهمك أنا اللي آسف بس إن شاء لله الايام هتثبتلكم إني اتغيرت.
هنا حضنت يوسف اللي اتصدم من عملتها خرجت هنا وهيا بتضحك وبتقول……….
هنا:/ماتخافش أنا مش كنت هحضنك لو ماكنتش من محارمي.
يوسف بعدم فهم:/ازاي بقي.
هنا:/أنا أختك في الرضاعه واخت فهد وغيث في الرضاعه كمان.
يوسف:/لا لحظه بس علشان فيه حاجه غلط لما دول اخواتي أمي كانت فين وامه لا اله الا الله بترضعنا كده.
كلهم ضحكوا فقالت نجلاء……..
نجلاء:/ده موضوع طويل هبقي اقولهولك بعدين.
يوسف:/طب قبل ما أمشي هو انا ليا أخوات تاني ولا كده خلاص.
مها بضحك:/لا كده خلاص أنت عايز اكتر من كده ايه 😂.
يوسف:/اصل عايز الصدمه كلها في يوم واحد.
الكلام ده كله تحت نظرات مراد الناريه لي يارا اللي خدت بالها بس عملت نفسها مش شيفاه….
خرجت يارا وهي بتنده علي غيث وبتقول……..
يارا:/يلا علشان توصلني وبعدين ترجع تجيب الداده علشان مش نتأخر بكره.
غيث:/أنتِ حد مصلطك عليا أنا متأكد.
مها:/عارف لو زعلتها او حصلها حاجه بسببك.
غيث:/عارف عارف وبعدين هيا بنتك ولا أنا اللي ابنك.
مها:/ههههه انتو الاتنين عيالي.
غيث:/يادي النيله…… نسيت بقولك ايه أنا لازم افهم موضوع الرضاعه ده.
مها:/امشي دلوقتي علشان مش تيجي تطلع هرموناتها عليك.
غيث:/يارب انا عارف أنك بتختبرني علشان انا مؤمن والحمدلله.
مها:/مؤمن اه امشي يا غيث.
مشي غيث وطلع لي يارا اللي اول ما شافته قالت……..
يارا:/ايه الاستاذ اتأخر ليه.
غيث بغيظ ونظرات تخوف:/بصي بقي.
يارا:/استهدي بالله.
غيث:/شغل الهرمونات ده مش معايا انا استكفيت منك.
يارا بدأت تعيط فقال يوسف……….
يوسف:/تصدق بالله انك رخم.
غيث:/هو انا قولت ايه علشان تعيط.
يارا بشهقات:/عايزه أكل شورما.
يوسف انفجر في الضحك اما غيث ف كان عايز يشد في شعره بس قال بهدوء………..
غيث:/يعني عايزه تاكلي شاورما.
يارا:/انت شايف ايه.
غيث:/تمام يعني كان لازم تعيطي.
يارا:/أنت مالك اعمل اللي انا عايزاه.
غيث:/أنا مش عارف لحد دلوقتي ايه الذنب اللي عملته علشان اتعاقب بالشكل ده والله.
يوسف:/هههههه استهدي بالله بس اللي اعرفه انها مش كده يعني مش مزاجيه.
غيث:/فعلاً هيا مش كده بس ده بسبب الحمل.
يوسف بصدمه:/حمل….!