رواية حطمت قواعده الفصل الرابع 4 بقلم سارة محسن
رواية حطمت قواعده الجزء الرابع
رواية حطمت قواعده البارت الرابع
رواية حطمت قواعده الحلقة الرابعة
اشرقت الشمس معلنه عن يوم جديد لأبطالنا
✨في قصر فتحي الزناتي ✨
فتحي بصوتٍ عالٍ/اخلصوا بقي عشان الراجل اللي اشتري القصر هيوصل بعد ساعتين
لؤي /انا مجهز حاجتي هطلع اجيبهم
فتحي /وفين نيره مجهزتش حاجتها ليه
احلام /صحيت مالقتهاش يا بابا
فتحي /رني عليها شوفيها راحت فين علي الصبح كيدا
احلام /موبايلها مقفول
فتحي /طيب يلا انتي اطلعي جهزي حاجتك
ذهبت احلام لتجهيز اغراضها وفتحي فعل المثل
✨في جناح لؤي ✨
كان ينظر الي جناحه بتمنع فهو قضي به طفولته المليئه بالمرح مع ابنة عمه دلف الي غرفةالرياضه الخاصه بهِ وقف ينظر لها بدموع تترقق في عيانه وشريط زكرياته يمر امام عيناه تذكر عندما كان يتدرب هو وديانا
فلاش باك
لؤي بضحك /بس بس هتقطمي وسطك مش هتعرفي تشيلي
ديانا بغرور مصتنع /عيب عليك دي انا ديانا الزناتي برضوا
لؤي وهو يحاول كتم ضحكاته /طيب وريني هتشلي ازاي بقي
ديانا ببعض الخوف /ها
لؤي برفعة حاجب /بقولك شيلي
ديانا بتمثيل/اه يا رجلي اه يا ضهري اه يا دراعي
ادهم بزهول /اي مالك في ايه
ديانا بخبث /شيل انت لأن انا خلاص حطيت الأوزان وتعبت شويه
لؤي وقد فهم مخطط ابنة عمه /٥٠كيلو في حد عاقل يحطهم
ديانا بزعر/قصدك اي
لؤي بتراجع /انا اللي مجنون يا سيتي هشيل اهو
جلست ديانا علي احدي المقاعد ثم اكملت بخبث/يلا يا لولي
لؤي بصبر /يارب انت عالم انا ازاي بعاني مع العيله بنت المجنونه دي فيارب متاخدنيش ديلوقتي عشان انا لو مت العيله دي هتلوص من غيري
انفجرت ديانا ضاحكه علي ابن عمها المجنون
ثم اكملت بحزم مصتنع /اخلص
لؤي /ربنا معايا بقي وإلي مكتوبله حاجه هيشوفها
رفع لؤي الأثقال ولكن وقع بها بعد عدة ثواني
باك
ابتسم لؤي عندما تذكر الموقف ثم اتجه لغرفة نومه ليحزم اغراضه لكنه تذكر موقف اخر عند دلوفه للغرفه
فلاش باك
لؤي بوجع /اههههههه براحه ايدك تقيله
ديانا وهي تمضض له جرح علي جبينه/اما انت مش قد الخناق بتتخانق ليه
لؤي بوجع /يعني اسيب شويه عيال صيع يضايقوا بنت ماشيه في حالها
ديانا /اديك انضربت يا فالح
لؤي /مش مهم المهم ان البنت محصلهاش حاجه
ديانا /انا خلصت
لؤي /متشكرين يا ختي
ديانا /بس تعرف انا اول مره اعرف انك شهم قوي كيدا
لؤي /شهم اي كاتك نيله البت عجبتني بس اوباعدين خدت رقمها انا
رمقتة ديانا نظرة توعد ثم هجمت عليه بالوسائد
باك
ضحك لؤي عند تذكر الموقف فكم اشتاق لديانا المرحه بالضحكه المرسومه علي شفتيها بإستمرار رغم معانتها مع مرضها ومعانتها مع البشر لكناها كانت تكابر الا ان اختفت تلك الضحكه علي يد تلك الجاسر
اخذ لؤي شنطه ثم هبط إلي اسفل
✨عند نيره في فيلا والدها ✨
كانت تجلس في الصالون بإنتظار والدها وبعد مرور اكثر من ساعه دلف والدها ومعه زوجته (ساميه )
نيره بدموع تمثليه /بابا حبيبي وحشتيني
كادت ان تحضتنه الا ان اوقفها قائلاً /ابعدي يا نيره
نيره بإستغراب /ابعد بقي بقالك ٤سنين مشوفتنيش وتقولي ابعد هو انا موحشتكش ولا اي
محمود (والدها )/انا موحشتكيش يا نيره وانتي مش جايه هنا عشاني
مسحت نيره دموعها التمثليه ثم اكملت /بقي كيدا يا بابا امال هاجي عشان مين يعني لو مجتش عشانك
محمود /انتي جايه عشان خايفه تبقي فقيره بعد ما جدك فلس
نيره بخيبه امل /انت عرفت
ساميه بحنان /هو في حاجه بتستخبي يا بنتي
نيره بوقاحه /انتي تخرسي خالص انا بكلم بابا مبكلمكيش انتي
محمود بحزم وصوتٍ عالٍ/اتكلمي مع مراتي كويس انتي فاهمه
نيره /انت بتزعقلي عشان دي يا بابا
محمود بعصبيه/دي اللي وقفت جنبي اما انتي وامك بعدتوا عني اما فلست دي اللي فضلت معايا لحد ما وقفت علي رجلي من تاني اعتزريلها فوراً
نيره بوقاحه /مش هعتزر لحد
محمود /يبقي تاخدي حاجتك وعلي بري ومشفش وشك هنا تاني فاهمه
اخذت نيره اغراضها وتركت الڤيلا علي الفور
ساميه /ماكنش ليه لزوم تقسي عليها قوي كيدا يا محمود
محمود /لا خليها البت دي لازم تتعلم الأدب
ساميه /ربنا يعلم انا بحباها قد اي كان نفسي تعتبرني امها كان نفسي تعوضني عن عجزي عن الخلفه
محمود بحنان /ولا عجز ولا حاجه يا ساميه انتي عندي احسن من ١٠٠عيل
ساميه بإبتسامه من وسط دموعها /ربنا يخليك ليا يا محمود
محمود/ويخليكي ليا يا حبيبتي
✨في قصر ادهم ✨
كان يتدرب في غرفة الرياضه الخاصه بيهِ و كان يرتدي سروال رياضي بالون الرمادي وتيشرت كات بالون الأبيض يحدد عضلات صدره العريض
بينما كانت ديانا تجلس في غرفتها بتعب شديد فهي لم تتناول علاجها ولا طعامها منذُ امس فكيف لها ان تكون طبعيه
انهي من تمريناته ثم اتجه الي المرحاض ليأخذ شاور منعش بعد مده من الوقت كان جاهزاً للذهاب الي شركته اجل فهو لديه شركات بجانب عمله في تجاره السلاح كغسيل للآموال
فرن هاتفه معلناً عن وصول رساله من الرجل الذي كلفه بأمر ديانا
ادهم /امم عملت اي
الراجل /كله تمام الدكتور في المخزن
ادهم /وعريسها
الراجل /لسا مالقتوش
ادهم بتوعد وثباته المعتاد/اوكي الراجل دي لو مكانش موجود قدامي خلال ٢٤ساعه اعتبر نفسك مدفون
ابتلع الراجل لعابه ثم اكمل / حاضر يا بيه هحاول اوصله
اغلق ادهم الهاتف دون ان يعطيه جواب ثم اتجه الي جناح ديانا
اخذ يطرق الباب الباب مراراً وتكرارًا ولكن دون فائده
دلف الي الجناح وجدها نائمه بثبات
نظر اليها بتنهيده وعصبيه
ادهم بصوت كزائير الأسد /انتي قومي يلا
ديانا بنوم /بطل كأبه يلا وخذ الباب في ايدك
ادهم وهو يحاول كبت غضبه/قومي بقولك
ديانا /بس يا حمار انت بدل ما اقول لجدو
وهنا قد وصل حفيد ابليس الي اعلي درجات الغضب ،
نزع ادهم من عليها الغطاء بعصبيه ثم اكمل قائلاً /قومي يا بنت الزناتي بقي بتشتميني انا
ادركت ديانا انه ليس لؤي فإنتفضت ونظرت اليه بخوف وهي تبكي قائله /والله بحسبك لؤي
ثم تابعت من وسط بكائها المبالغ فيه /انا اسفه جدا
ادهم وقد شعر ان قلبه رق لتلك الياقوت التي يتساقط من عيناها معلناً له مدي خوفها وانكسارها /انا هعديهالك النهارده لأني هعتبر انك ماكونتيش في وعيك لكن لو اتكرر تاني الموضوع دي هتشوفي غضب حفيد ابليس شكله عامل ازاي
ديانا بدموع /اوكي
ادهم وهو يتجه الي خارج الجناح /انا مش هاجي الا باليل رجلك متخطيش بره باب الجناح بتاعك
ما ان انهي جملتة حتي اغلق عليها باب الجناح
ديانا بخنقه /يوه هو هناك وهنا حبسه يارب انا وحشني بابي ومامي وديني عندهم وريحني من البشر والعيشه معاهم
ثم اكملت من بين دموعها /ويارب حد يجي ينقظني من الحيوان دي في اقرب وقت
اخذت تبكي وتنوح حظها الي ان ذهبت في عالم اخر عالم ليس به سواها هي فقط (عالم الأحلام )
✨في قصر فتحي الزناتي ✨
فتحي بإستعجال /يلا بسرعه خلصوا
مرزوقه وهي تجهز اغراضها /حاضر يا فندم قربنا نخلص اهو وهنمشي
فتحي /لأ باقي الخدم هما اللي هيمشوا انتي هتنقلي معانا
مرزوقه بسعاده عارمه /انا تحت امرك يا بيه
خرج فتحي من غرف الخدم ثم اتجه إلي الصالون بإنتظار المالك الجديد للقصر
بعد بضعه من الوقت دلفت نيره وهي تكاد تنفجر من الغيظ
فتحي بثبات /كنتي فين كل دي
نيره بإرتباك /كنت بتمشي
فتحي بشك أخفاه/اطلعي بسرعه نزلي شنطك عشان الراجل اللي اشتري القصر زمانه جاي
نيره بضيق /حاضر يا جدو
هرولت نيره لتنزيل اغراضها بينما كانت احلام وعبد العزيز ولؤي وفتحي بإنتظار ذلك المالك المجهول
✨عند ادهم ✨
خرج من القصر ودلف الي احدي سياراته الموجوده في الچراج الخاص بِه ثم اتجه الي قصر فتحي الزناتي و بعد مده وصل الي القصر ونزل بغرور وكبريائه المعتاد ثم دلف الي القصر
ما ان رأه فتحي حتي توضح له كل شئ وادرك ان حفيد ابليس هو من فعل كل ذلك ليلقنه درساً
دلف ادهم بكبرياءه الي المكان الذي يقف بيه العائله ثم تحدث بعد ان خلع نظارته الشمسيه /متتصدمش اتوقع كل حاجه في الزمن دي
لؤي بإندفاع/هو مين حضرتك وبتكلم عن اي بالظبط ،لم يجيبه ادهم قط واكتفي بإبتسامه صفراء بينما لؤي نظر له بغل
تحدث فتحي بخوف /اطلعوا فوق يلا
احلام /في اي يا بابا ونطلع ليه
فتحي بحزم /قولت اطلعوا يعني تطلعوا
هرول كلاً من احلام ولؤي مسرعين إلي اعلي
عبد العزيز /متقلقش يا ادهم نهايتك علي ايدي قريب قوي ولو علينا قريب قوي هنقف علي رجلينا
ابتسم ادهم بسمه ثقه ونصر اعتادا عليها ثم اكمل قائلاً/لو بتكلم علي صفقه السلاح اللي كانت جيالكم من اوربا فهي دلوقتي بقت ملك حفيد ابليس
كان كل من عبد العزيز وفتحي في حاله لا يحسدوا عليها فلم يتخيلوا ابداً ان عداوة حفيد ابليس بكل بتلك الصعوبه ابداً
ارتدي ادهم نظاراته الشمسيه وكاد ان يدلف خارج القصر حتي تذكر شئ فإلتفت لهم
ادهم /اه نسيت البت بنت ابنك دي مش شباهكم خالص انا كنت بحسبها شبهك عشان كيدا مخلله جنبك بس الحق يتقال البت فرصه وانا مقدرش اوعدك اني اقدر احوش نفسي عنها كتير
فتحي بعصبيه وتوعد /مالكش دعوه بديانا انا قولتلك اهو
ادهم بخبث/هتعملي اي يعني اوباعدين اي الإسم المايع دي
فتحي /انا قولت اهو مالكش دعوه بيها
خرج ادهم من القصر دون ان يعطيه ادني اهتمام
عبد العزيز بعصبيه /يلا خلينا نغور
بعد مده كانت عائله فتحي الزناتي في الطريق الي شقة المعادي
✨في شقه مهاب ✨
كان يستلقي علي سريره يفكر في تلك الحوريه الذي قابلها بالأمس فهو كان يعتقد ان جميع الفتيات غير محتشمات ولا يملكون ذره من الأخلاق مثلما كان يراهم في النوادي اليليه لكنه تذكرها بفستانها المحتشم وحجابها الذي يجعلها تمتلك براءه لا تمتلكها اي فتاه اخري
بينما كان يفكر في تلك الجميله اسماً وفعلاً اعلن هاتفه عن وصول اتصال من حفيد ابليس
مهاب وهو يفرك عيونه /الو
ادهم وهو يقود سياراته /اي انت لسا نايم ولا اي
مهاب /لا صاحي بقالي ٣ساعات
ادهم بعقدة حواجب /غريبه
مهاب /ولا غريبه ولا حاجه
ادهم بشك /ماشي تعلالي حالاً علي الشركه عاوزك
مهاب /خير
اغلق ادهم دون ان يعطي جواب لمهاب
مهاب بزعر /مش هتبطل العاده دي ابدا ً اوف
✨عند جميله ✨
كانت تجهز للذهاب للعمل فهي مسؤله من نفسها بعد خروجها من الملجأ بعد اتمامها ال١٨عام فكم عانت حتي تمكنت من ان تجد شقه بالإيجار و وظيفه فهي تعمل كبائعه في احدي المولات
✨عند امل ✨
كانت تنام بفوضويه كبيره فسمعت بأصوات مزعجه تأتي من الشقه المقابله لها حاولت تجنب الأصوات ولكنها لا تستطيع فهرولت مسرعه للصراع مع جيرانها الجدد
امل بصوتٍ عالِ/اييييييييي انتوا فاكرين نفسكم في الشارع ولا اي
كان لؤي يقف مع النجار وهو يبدل الكالون ما ان سمع صوتها حتي التفت لها و قال /اي يا بت انتي ما تحترمي نفسك في اي
امل /انا محترمه غصب عن عينك
لؤي وهو يحاول كبح غضبه /طيب يلا يا شاطره بقي روحي من ناقصه لعب عيال علي ام الصبح
امل بزهول /شاطره في عينك يا اخينا انت
لؤي بعصبيه /بت غوري من وشي ديلوقتي احسن عفاريت الدنيا كلاها بتتنطط في وشي
امل بعد ان وضعت يداها علي خصراها/وهتعمل اي يعني لو ممشتش
لؤي برفعة /بقي كيدا
امل بتحدي /ايوا كيدا
كانت امل ترتدي سلوبيت اطفالي فكان كل من يراها يظن انها طفله لا تتعدي ال١٥عام
لؤي/يا عم عبده تعالي بقي شوفلي اهل البت دي عشان اروح ارد عليهم
امل /بت اما تبتك يا حيوان انت
كاد ان يجيبها لكنه توقف عند مجئ عبده مسرعاً
عبده /في اي يا ست امل انتي والأستاذ لؤي
امل /الحيوان دي شتمني وقل ادبه عليا
لؤي بعصبيه /اي البت القليله الأدب دي مش عيله ابداً دي مره واتسخطت
عبده وهو يحاول كبح ضحكته/ماهي فعلاً مش عيله دي الأستاذه امل في كليه سياحه وفنادق وعنداها٢٠سنه بس هي اللي قصيره حبتين
امل بعصبيه/ ما اجبلك كويبايتين شاي انت وهو وتقعد تحكيله قصه حياتي بالمره
لؤي /يا بنتي انا اصلاً مستصغرك فغوري من وشي
امل /انا همشي عشان اتأخرت علي الكليه بس اما ارجع ليا كلام تاني
لؤي/امشي يلا يا شاطره
ذهبت امل الي شقتها وبدأت ان تجهز للكليه وهي تفكر في تلك الشاب الذي اثار غضبه بشكل كبير
✨عند ادهم ✨
كان يجلس علي مكتبه في الشركه يتفحص بعض الأوراق فدلف اليه مهاب
مهاب /صباح الخير
ادهم وهو ينظر له /صباح النور
جلس مهاب علي المقعد المقابل لأدهم
فتحدث ادهم قائلا /عاوزك تروح تجبلي شويه طلبات
مهاب بتسرع /نعم
رمقه ادهم بنظره جعلته يصمت
ادهم /عندك مانع
مهاب /لأ طبعاً قولي عاوز اي يا برنس
ادهم /عاوزك تروح تحيب شويه لبس لديانا
مهاب بشك /اوكي حاجه تاني
اعلن هاتف ادهم عن وصول مكالمه فأجاب
ادهم /الو جبتوا
الراجل /ايوا في المخزن زي ما حضرتك طلبت
ادهم /شويه وهكون عندكم اوعي حد فيكم يقرب منه
الراجل /حاضر يابيه
اغلق ادهم الهاتف
ادهم /انت تحضر الميتينج بتاع الوفد الأسباني بعد ساعه وبعد كيدا تروح تجيب اللبس وتودي عندي في القصر وتمشي بسرعه فاهم
مهاب /فاهم بس انت رايح فين ومين اللي جابوا دي انا مش فاهم حاجه
ادهم وهو يأخد اغراضه /باعدين هفهمك كل حاجه
خرج ادهم من الشركه متجهاً الي المخزن الموجود بيهِ الطبيب
مهاب بحيره /الله يساعدها اللي هتكون من نصيبها
✨عند ديانا ✨
ديانا بملل /اي الملل دي منك لله يا زفت يا لي جبتني هنا انا جعانه قوي انا اول مره اشوف حد يخطف حد وميوكلوش
ثم اكملت بحزن /انا ديلوقتي محتاجه العلاج بتاعي انا حاسه ان دماغي وجعلني قوي ومش قادره يا رب استرها معايا ومدخلش في النوبه تاني والا الحيوان ده هيستغل الفرصه ومش عارفه ممكن يعمل اي ساعتها
✨عند ادهم ✨
دلف ادهم الي المخزن الموجود بيهِ الطبيب
ادهم بأمر لرجاله /اخرجوا انتوا بره
خرجوا رجالة ادهم ولم يتبقي سوي ادهم والطبيب فقط،كان الطبيب مقيد هلي كرسي فعندما دلف ادهم قال بعصبيه مكتومه /انت عاوز مني اي وليه جايبني هنا
ادهم وهو يجلس هلي الكرسي المقابل أمامه /كنت عاوزك اسألك شويه اسأله كيدا وترد عليا بكل وضوح ومن غير لف ودوران
الدكتور بعصبيه/اي هي الأسئله اللي تخليك تخطفني كيدا
ادهم بلامبلاه /تعرف مريضه عندك اسمها ديانا الزناتي
الدكتور بتفكير بعد ان استطاع ان يتصنع الهدوء /اه مالها
ادهم /هي كانت بتتعالج عندك من اي
الدكتور بإعتراض /بعد اذنك دي اسرار مرضي ومش هينفع اخرجها بره
ادهم بثباته المعتاد /لا هتخرجها ما انت اكيد عندك عيله وخايف عليها برضوا من البهدله
نظر الدكتور الي ادهم وجد ملامحه تدل علي الجديه فتحدث بحزن /الهستريا
ادهم بإستغراب /اي دي
الدكتور /دي مرض نفسي
وضع ادهم قدماً فوق الأخري ثم اهرج سيجاره قائلاً /اشرحهولي بالتفصيل الممل
يتبع ….
بقلم:ساره محسن
*حطمت قواعده*
ياتري ادهم هيتعامل مع ديانا ازاي بعد ما يعرف حقيقة مرضها؟!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حطمت قواعده)
