رواية حطمت قلبي الفصل الرابع والعشرون 24 بقلم لولا
رواية حطمت قلبي البارت الرابع والعشرون
رواية حطمت قلبي الجزء الرابع والعشرون
رواية حطمت قلبي الحلقة الرابعة والعشرون
عشق مسكت الورق وقرائته بصدمه ودموعها نزلت
عشق بدموع يعني انت كنت بتمثل عليا انك بتحبني علشان اسمحلك تقرب مني علشان الفلوس يا مراد. انا مش قادره اصدق ومصدومه فيك
مراد بعصبيه واجعتك اوي دي وانا ايه احساسي لما شوفتك مع عدوي في بيته وكنتي متجوزاه كمان وسمحتيله يذلني ويكسرني لا وكنت ناوي انسي واسامحك يقوم ربك بقي يظهر الحق ويجيلي الرساله دي وسمعهالها
عشق بدموع انا قولت كده فعلا بس مش زي منتا فهمت
مراد بعصبيه هششش مش عايز اسمع منك اي كلمه كل مره بتوريني قد ايه انا مغفل وانا مش محتاج يا مدام امثل عليكي علشان اقربلك انتي كلك علي بعضك ملكي
عشق بقوه عكس اللي جواها ودموعها علي خدها اكملت لا مثلت لانك كنت عارف اني ممكن امنعك تقربلي زي ماعملت مع هشام قبل كده
مراد بضحك وهو بيقرب منها لحد ماخبطت في الحيط وحاوطها بين ايده اكمل تصدقي ضحكتيني بس انا مش هشام يا عشق
علشان تعملي كده انا مراد السيوفي هشام خدك كلك مني بس معرفش يطولك لانك بتكرهيه ومحبتيش غيري يعني وانتي مع هشام ده كان معايا انا وحط ايده ناحيه قلبها واكمل سواء اعترفتي او لا فهيفضل مش بينبض غير باسمي انا وبس
عشق زقته بعصبيه ودموع واكملت. اياااك تفكر تلمسني تاني وعلي فكره انا بعرف ادوس علي قلبي كويس اوي يا مراد لان كرامتي عندي اغلي من اي حاجه
مراد بعصبيه اكبر انتي لو صوتك عليي تاني همد ايدي عليكي انا بحذرك اهو ودخل خد دش وغير هدومه وادالها ضهره وماشي بس قبل مايشي
عشق بدموع من وراه انا اللي بقولك دلوقتي مش مسمحاك يا مراد ولا هسامحك انت حطمت قلبي وكسرتني وكسرت ثقتي فيك وخلتني احس اني حبي ليك مذله ومهانه رديت عليا رد قاسي اوي علي حبي ليك يا مراد واحييك فعلا انتقمت مني ومهما تدور وتتعب مش هتعرف تكسبني تاني يا مراد انا عديت كتير واستحملت بسببك وعلشانك فوق طاقتي وجيت علي نفسي كتير وكنت هخسر شرفي مع واحد زباله زي هشام بردو بسببك بس خلاص بجد انا معتش قادره اتحمل اكتر وفعلا انت اللي خسرتني
مراد سمع كلامها ومشي مضايق جدا وراح مكتبه
وعشق فضلت تعيط في اوضتها كتير اووي
ادهم وندي وايمان طلعوا علي صوت عياطها
ادهم بس بس اهدي يا عشق اهدي مالك
عشق بانهيااار وجعني يا ادهم وجعني. اوووي ومش هسامحه. طلقني منه يا ادهم علشان خاطري
ايمان مالك يا عشق في ايه يابنتي يخليكي تقولي كده
عشق. بعياط مفيش انا مبقتش عايزاه ينعل ابو قلبي اللي حبه وفضلت تضرب علي قلبها بوجع
ادهم بحزن بس بس اهدي اهدي يا عشق مالك يا حبيبتي عملك ايه وانا هربيهولك
عشق بعياط لو بتحبني يا ادهم ومعتبرني اختك سبني امشي وطلقني منه
ندي بحزن استهدي بالله يا عشق في ايه يا حبيبتي منتوا كنتوا كويسين امبارح
عشق جاله رساله صوتي وانا بكلم هشام وبقوله معرفتش اسيبه بس والله كنت بقول كده علشان اطول المده اكتر سمعها اتعصب عليا وواجعني
ندي بدموع قالك ايه يا حبيبتي
عشق بدموع مقالش انا مش عايزاه وبس
ادهم لا ما اكيد قالك حاج ولم يكمل حتي صدم من الورق اللي علي السرير مسك الورق وبعدين طبقه بغضب ورماه واكمل بعصبيه هو قالك كده
عشق بدموع اه يا ادهم كسر نفسي وذلني واهاني وانا مش هستحمل فوق طاقتي تاني انا تعبت تعبت اوويي خلاص
ادهم بحده انا هربيه ندي خلي بالك منها وادهم خرج من الفيلا بعصبيه
ندي اهدي يا حبيبتي اهدي
عشق بتعب انا تعبانه يا ندي الله يخليكي ساعديني الم حاجتي في الشنطه
ايمان هتروحي فين بس يابنتي اهدي
عشق ورحمه عمو علي يا ماما لتسبيني انا تعبانه هروح بيتنا القديم ارتاح شويه
ايمان بحزن و بقله حيله طيب يابنتي مش هقدر اقولك حاجه ابني غلطان وناقص ربايه
وفعلا ندي ابتدت تساعد عشق في ترتيب هدومها في الشنطه
عشق بتعب ندي معلش يا حبيبتي عايزه ميا اشرب
ندي حاضر يا حبيبتب ونزلت
مسكت عشق ورقه ليها طبقه صامغيه بتتلزق وكتبت عليها مشيت وريحتك مني خالص يا مراد هتواحشني شوف التسجيل ده لانه اخر حاجه هتبقالك مني وبعده هتدور عليا كتير اوي ومش هتلاقيني ولزقتها علي المرايه وجابت كاميرا وسجلت حاجه لمراد. وحطتها علي التسريحه وخدت شنطتها وطلعت وقفلت باب الاوضه ونزلت
ايمان بدموع مش قادره اصدق انتي هتمشي حتي لو كام يوم يابنتي مقدرش اعيش من غيرك
عشق بوجع ودموع صدقيني انا استحملت كتير بس خلاص جبت اخري يا ماما اديكي شوفتي بعينك
ايمان بدموع حقك يابنتي حقك ابني عايز يتربي من جديد
ندي ادتها المياا شربت وبعدين حضنتها بدموع واكملت مطوليش يا صاحبه عمري هتواحشيني
عشق بحب ودموع وانتي كمان
طلعت عشق وهي قلبها موجوع ومكسوره وحاسه اني ملهاش حد في الدنيا خالص ووحيده واتكسرت من اقرب الناس ليها ولقلبها وهي كانت بتضحي من اجل الاكل بس مخدتش اي حاجه
عشق ركبت العربيه
سواق التاكس علي فين يابنتي
عشق بدموع وهي بتبص علي الفيلا اكملت اسكندريه ياسطا
وانطلق السواق بعشق
في الشركه وتحديدا مكتب مراد
ادهم بعصبيه. مسك مراد من قميصه واكمل ايه الجنان ده اللي انت هببته ده ازاي تقولها كده ازاي توجعها هاانت عليك يا شيخ حرام عليك دي استحملت حاجات محدش يستحملها وصبرت وقالت مش مشكله معلش بس انت ذودتها اوووي يا مراد اوووي ولسه صدقني هتندم اشد ندم
مراد بعصبيه هي لحقت اشتكيتلك طب لما اروحلها علشان كل كلمتين ترغي فيهم كده
ادهم بعصبيه مفتحتش بوقها بس صوت وجعها ووجع قلبها وعياطها كلنا سمعناه انا شوفت الورق علي السرير وحقيقي انت متستاهلش عشق ولا تستاهل حبها ليك وتضحيتها علشانك
مراد بعصبيه ادهم انت متعرفش حاجه فاسكت احسن
ادهم بعصبيه انت اللي متعرفش اي حاجه و شكلك نسيت اني عاارف كل حاجه ودماغك وعنادك هما الي وصلوك لكده خليك لسه هتخسر اكتر وعلي فكره بعد ماشوفت عشق بلحاله دي وبتضرب قلبها وبتلعنه انه حبك انسي انها تسامحك عايزه معجزه بقي يا صاحبي وافتكر انك انت اللي وصلت نفسك لكده ومشي
مراد قعد تايهه اوي وحزين وقعد يبكي بحرقه ووجع وخبط ايده جامد في المكتب وكسر كل حاجه من االغضب واكمل بوجع ودموع انا مبقتش عارف مين صح ومين غلط وكله من الاول بسبب اني مسمعتش اي حاجه تعبت تعبت يارب انت عالم بحبها قد ايه بس مش قادر استحمل اللي بسمعه ده يااارب مش قادر
——————————-
في بيت الشريف
هشام خطوه حلوه انك تلبسي الحجاب وتغيري من نفسك معرفتكيش يا زوزا
عزه بحده شكرا بس ده المفروض يحصل كلنا لازم نتغير
هشام تعرفي انا عملت ايه
عزه خير
هشام بعت صوت عشق لمراد وهي بتقول مش عارفه تسيبه ازاي الصوت ده هيخليه يتجنن ويفكر ان هي كانت معايا
عزه بعصبيه انت ايه ياخي يا شيخ حرام عليك ارحمهم وسبهم في حالهم بقي افرض ضربها ولا مد ايده عليها مش كفايه اللي البت شافته هنا منك لله يا هشام يتصرف فيك ربنا
هشام بعصبيه هتعمليلي فيها شيخه بقي وانا اللي وحش منتي كنتي معايا وبعدين انا عايز اكسره هو وابعدها عنه مش اضرها هي لا انا عايز عشق بخير حقيقي هي طيبه اوي
عزه. ده انا كرهت نفسي اني كنت كده وبعدين دي جزاتها الطيبه تخرب بيتها وتخلي جوزها يشك فيها يابني حرام عليك انا هعرف مراد علشان الساكت عن الحق شريك في الظلم وانا مش هسكت
هشام بعصبيه طب وريني هتتكلمي ازاي وقاطعه اتصال من المستشفي
هشام الو
الدكتور حضرتك هشام الشريف
هشام ايوه انا
الدكتور بحزن طب والدتك فاقت من الغيبوبه وعايزه تشوفك بس بسرعه لانه
هشام بخوف لانه ايه
الدكتور لان هي بتلفظ اخر انفاسها
هشام قام وقف واكمل بعصبيه انت بتقول ايه يا جدع انت
الدكتور بقول الواقع يلا تعالي بسرعه
عزه بخوف في ايه
هشام بدموع امي يا عزه فاقت
عزه بفرح طب الحمدلله اشكرك يارب
هشام بدموع بس الدكتور قالي بتلفظ اخر انفسها
عزه بصدمه يالهوي واكملت بخوف يلا نروحلها بسرعه يلااا
في المستشفي دخل هشام لامه ومعاه عزه
هشام بعياط ماما ماما واحشتيني يا حبيبتي حمدلله علي سلامتك
انتصار مامته بتعب هشام سبني يابني اقول الكلمتين اللي عندي قبل ما اقاابل وجه كريم علشان مشلش زمبك يا حبيبي
هشام بدموع بعد الشر عليكي متقوليش كده انتي هتبقي كويسه انا محتجلك اوي يا امي وصدقت انك فوقتي
انتصار بتعب متوجعش قلبي عليك يابني خليني اموت وانا مطمنه
عزه بعياط بعد الشر عليكي يا خالتي
انتصار بدموع دي الحقيقه يابنتي انا عارفه بس سبني اتكلم يا هشام واقولك السر االي خبيته عنك كل السنين دي
هشام بدموع سامعك اتكلمي
انتصار بتعب من سنين كتير اتجوزت واحد غير كمال الشريف اللي رباك
هشام بستغراب كمال الشريف اللي رباني ايه يا ماما ده ابويا
انتصار بتعب سبني اكمل لما اتجوزت الواحد ده حملت ومكنتش اعرف وحصل مشاكل بيني وبينه وطلقني ساعتها انا كنت صغيره اوي وقابلت كمال الشريف حبني وحبيته ووافق يتجوزني ولما عرفت اني حمل قولتله بس بردو صمم يتجوزني وقالي انه مش بيخلف وكان شايل هم يقولي فا كده هيعتبر ان ابني هو ابنه وهيربيه رباك كل السنين دي وعلمك وكبرك واداك اسمه وبقيت هشام كمال الشريف
هشام بوجع ودموع مصدوم انتي بتقولي ايه يعني طول السنين دي بقول بابا لواحد غريب
عزه بعياط اهدي يا هشام اهدي كملي يا خالتي
انتصار بدموع الاب اللي ربي يابني وهو حطك جوا عنيه ومحرمكش من اي حاجه لما انت بقيت 7 سنين اانا قابلت ابوك الحقيقي بس كان متجوز واحده تانيه ومخلف منها بنت سنتين وعيل صغير حديث ولاده ويوميها قولتله ان ليه ابن وطلب يشوفك وشافك بس انت متفتكرش طبعا بسبب سنك وكمان قولت قدامك انه صاحب باباك وبعديها بيوم مات حزنت عليه وفضلت انا وكمال مخبين السر ده طول العمر بس خلاص يا هشام انا هقابل وجه كريم ولازم اروحله مخلصه يابني. قولتلك علشان انت ليك اخوات عايشين في الدنيا انت كبيرهم ومش وحيد يا حبيبي زي ماكنت بتقول دور عليهم وعوضهم لان سمعت ان مامتهم ماتت بس انا فعلا معرفش اسمائهم
هشام بصدمه وعياط انا مش قادر اصدق مش قادر.موجوع منكم ومن كدبكم عليا عشت طول عمري لوحدي وانا ليا اخوات وبقول لواحد تاني بابا
انتصار بدموع سامحني يابني سامحني يا حبيبي
هشام حس انه داخ وتعب فمسك كوبايه المايا يشرب واكمل بعياط وباس ايديها مسامحك ياحبيبتي مسامحك طب قوليلي يا امي اسم ابويا ايه وانا هقلب الدنيا علي اخواتي
انتصار بدموع وتعب اسمه احمد الكيلاااني
عزه بشقهه يانهااااارد اسود
هشام بصدمه الكوبايه وقعت اتكسرت منه وعيونه دمعت واكمل بصوت موجوع بوجع ملوش اخر قولتي مييين! !!!!!!!!!!!!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حطمت قلبي)
