رواية حطمت قلبي الجزء الثاني الفصل الثالث والثلاثون 33 بقلم لولا
رواية حطمت قلبي الجزء الثاني الجزء الثالث والثلاثون
رواية حطمت قلبي الجزء الثاني البارت الثالث والثلاثون
رواية حطمت قلبي الجزء الثاني الحلقة الثالثة والثلاثون
شروق بتمثيل التفاجئ ايه ده ادم ايه الصدفه القمر دي وحضنته
ادم باحراج من الموقف بعد عنها بسرعه واكمل احمم ازيك يا شروق عامله ايه
دنا وقفت واكملت بحده مين الهانم منتا معارفك كتروا
ادم بحده اقعدي ووطي صوتك دي البنت اللي انا انقذتها لما ايدي اتفتحت مفيش اي حاجه مالك
شروق صحيح يا ادم ايدك ايه اخبارها
ادم بابتسامه نشكر ربنا كويس
دنا برفعه حاجب لا والله لو سمحت اتنين لمون للبيه والهانم وقامت وقفت واكملت عن اذنك
ادم مسكها واكمل بحده اترزعي ومتخترعيش اسباب تزعلك وخلاص
شروق هي القمر دي خطيبتك
ادم اه يا شروق دنا خطيبتي
شروق حضنتها واكملت والله زي القمر وقعدت معاهم واكملت حبيبتي مفيش داعي للغيره دي والله مفيش حاجه بيني وبين خطيبك هو انقذني وانا مدينه ليه بكده وبلصدفه شوفتكم فجيت اتعرف عليكي مش قصدي حاجه انا يتيمه ومليش حد فعلشان كده حبيت اعرفكم بس
دنا بابتسامه خلاص مفيش مشاكل ممكن نتعرف واكملت بضحك بس بعيدا عن ادم احنا نبقي صحاب
شروق مدت ايديها واكملت بخبث موافقه جداا
———————————–
في اوضه زين
مريم زين بقولك انهي احسن دي ولا دي
زين بتعب هي ايه يا حبيبتي معلش مش واخد بالي
مريم اهو في الفون الجزمه ولا الكوتش
زين اللي يعجبك هاتيه
مريم يارخم باخد رايك ماتقول
زين بتفكير اممم الكوتش اشيك
مريم اه منا اختارت ده بردو
زين بضحك ولما اختارتيه بتساليني ليه
مريم بضحك الله مش اشوف راي جوزي قره عيني واكملت بتوتر هو ممكن اطلب طلب
زين اتعدل وبصلها واكمل من غير ماتطلبي مجاب هو انا عندي كام مريم
مريم بضحك منتا لسه معرفتوش فممكن ترفض
زين ايه هيخليني ارفض هو طلب يخص ايه
مريم بتوتر الفرح
زين طيب هرفض ليه ده ليله العمر اللي تتمنيه انتي بس يحصل
مريم بتوتر احم حبيبي والله بص هو طلب صغير خالص اديك قولت دي ليله العمر وكده ومش هتتعاد بقي للاسف فانا كنت عايزه
زين عايزه ايه يا حبيبي
مريم بتوتر عايزه اقلع الحجاب اليوم ده بس بس والله
زين بحده ايه ياروح امك مسمعتش عيدي تاني معلش
مريم بتوتر لا وعلي ايه خلاص كاني مقولتش حاجه ياروحي
زين بحده ايوه يكون احسنلك فعلا بلا حرقه دم
مريم طب ممكن تاخد الدوا علشان معاده جيه
زين هاخده لما ادخل اخد شاور واطلع روحي انتي شوفي وراكي ايه
مريم باست خده ورايحه تمشي زين شدها وقعت في حضنه
مريم بخجل اوعي واتلم لو حد جيه شكلنا هيبقي وحش
زين بهيام فيها اكمل يعني انتي عايزه تبوسيني وتجري يابنت عمي
مريم بضحك اومال اقعد معاك اعملك ايه
زين بضحك انتي عارفه جوزك بقي صاحب واجب ولازم ارد الجميل
مريم بضحك وخجل زين احترم نفسك وسبني امشي
زين بحب وربنا مايحصل قبل ما اردلك الجميل
مريم بضحك وهي بتحاول تفلت اوعي اوعي هنادي علي عمو ادهم
زين بضحك كان زمان الكلام ده هتقوليله ايه عمك ادهم دلوقتي جوزي عايز يبوسني
مريم. بضحك اه يا قليل الادب انت اوعي
زين وهو بيقرب منها اكمل حلفت يرضيكي حلفاني ينزل الارض
مريم بضحك لالا اوعي
زين قرب منها اكتر وباسها بحب في نفس وقت دخول اسر الاوضه
مريم بخضه زقت زين بس مفلتتش بردو
اسر بضحك يااانهااااركم ازرق بتهبب اييييه مع اختي يا حيووووان
زين والله انت ماشوفت تربيه مش في باب تخبط عليه
مريم قامت واكلمت باحراج اسر اسر والله هو اللي رخم عليا
زين برفعه حاجب لا والنبي ليه محسساني اني شقطك يابنت الهبله انا جوزك انتي هتبرري لاخوكي علشان شافك مع جوزك ??
اسر مسك ايد مريم وشدها جمبه واكمل بضحك هو عموما انا مصدق اختي وواثق فيها اكيد انت فعلا اللي متربتش
زين ياباشا حصل ودي مراتي اعمل اللي عندك
اسر بضحك مراتك اه بس معملناش فرح فتحترم نفسسسك كده يا باشا وغمزله وبص لمريم واكمل عارفه لو شوفتك في المنظر ده تاني هعمل فيكي ايه
مريم بخوف والله مش قصدي يا اسر
اسربضحك خلاص سماح المره دي
زين برفعه حاجب لا والله طب روحي مع اخوكي بقي ومتكلمنيش تاني
مريم راحت قعدت جمبه واكملت لالا متزعلش مني وهمست في ودنه انا اتحرجت من اسر بس عديها قدامه واسكت بجد الموقف وحش اوي
زين لا بوسيني في خدي قدامه وانا اسامحك
مريم بخجل زييين علشان خاطري
زين خاطرك غالي يا قلب زين بس بردو لا
مريم بصت لاسر باحراج وبعدين باست زين في خده وطلعت بسرعه من الاوضه
زين بضحك اخرج منها بقي يا حماتي
اسر بضحك حماتك يا جزمه ماشي. فينك يا عشق تعالي اسمعي
زين بضحك لا انت بتقوم بدور الحموات انما مرات عمي دي عسل مفيش منها كده كده
اسر انا هربيك علي اللي كنت بتعملوا مع اختي ده يا مهزق
زين حط ايده ورا دماغه واكمل بثقه وريني اخرك
اسر بضحك هعديهالك المره دي المهم بدلتك جهزت وانا خارج مع اسيل فهروح اجبهالك وانا راجع ولا انت هتجيبها
زين لالا مش قادر هاتها انت يا اسر
اسر ماشي خلاص هجبهالك شد حيلك بقي يا عريسنا كل حاجه مش قادر واكمل بضحك شكلك هتكسفنا والله
زين بحزن هو كده فعلا
اسر برفعه حاجب هو ايه اللي كده انت عبيط
زين يعني انا مش هلمس مريم غير لو خفيت يا اسر
اسر بحده ومال ده بتعبك انت اتجننت يا زين هتحس هي بايه لما تبعد عنها يوم فرحها
زين بتنهيده وانت فكرك هكون مبسوط بس مينفعش انا لو حصلي حاجه مريم مش هتعرف تكمل حياتها وهي مدام وارمله ولو حصل حمل كمان فا لا تفضل زي ماهي لحد ماشوف ربنا رايد ايه
اسر لا اتكل علي الله وعيش حياتك واللي ربنا عايزه هيكون بعد الشر عليك
زين بتنهيده هشوف
اسر وهو قايم اكمل بضحك طب ابقي قابلني لو عديت اسبوع ياباشا هنحور انت ماهتصدق
زين بضحك طب اطلع برا يا جزمه عايز اريح شويه
اسر باس راسه واكمل باذن الله هتخف يا حبيب قلبي وهتبقي زي الفل
زين ياااارب
———————————
في اوضه اسر
اسر ها القمر خلص ولا لسه
اسيل بتعب خلصت بس حاسه نفسي تعبانه اوي
اسر بقلق مالك يا اسيل
اسيل حاسه بقرف وعايزه ارجع
اسر طيب ايه ننزل ولا بلاش اجيب مكه تشوفك
اسيل لالا همص لمون زي مابيقولوا وهبقي كويسه انت عايزني افرط في الخروجه انت متضمنش تفضي تاني فا لا يلا ياروحي
اسر بضحك يلا
وفعلا نزلوا
في المطعم
اسر ها هتاكلي ايه
اسيل اي حاجه اطلبلي زيك
اسر عادي اختاري
اسيل بتعب لالا اقولك بلاش اكل هاتلي عصير
اسر يعني يا اسيل انت جيبانا مطعم علشان عصير
اسيل خلص يا ااسر بطني تعباني اوي مش عايزه اكل
اسر من ايه بطنك واجعاكي حاجه معينه
اسيل لالا مش هي بطني تعباني كده عادي
اسر طب يلا نروح لدكتوره
اسيل ياحبيبي لا انا مبحبش شغل الدكاتره ده انا كويسه مش من اي تعب اروح انت عارف مدي كرهي ليهم وللحقن والادويه قد ايه
اسر بضحك احمم
اسيل بضحك بغض النظر عن خالي مراد وعمتي عشق وعمي هشام ومكه ومريم ولولي وادم ودنا وسليم ومرات خالي ندي وخالي ادهم
اسر بضحك بسسس هو كله العيله كلها انتي كرهتيها وانتي قاعده
اسيل بضحك طب والله مش قصدي بس فعلاا بكره حوار الكشف والعلاج والعمليات والحقن رعب بجد
اسر افتكر زين فاكمل بحزن ساعات بنتضطر ناخد علاجات ونروح ونيجي وعمليات ربنا يشفي كل مريض
اسيل امين يارب بس مالك يا حبيبي
اسر بابتسامه مزيفه ولا حاجه جيه في بالي بس الناس المريضه بكانسر او غيره وصعوبه الادويه عليهم مشاهد صعبه اوي
اسيل بحزن اللهم يبعدنا عنه المرض ده ويشفي كل مريض يارب ومايوجع قلب اهله ابدا
اسر بدموع امين يارب
اسيل بحزن اسررر مالك بجد
اسر مسح دموعه وباس ايديها واكمل كويس ياروحي يلا انتي بس كلي واوديكي تاكلي ايس كريم علي البحر زي ماكنتي عايزه
اسيل بفرح تمام اوويي
———————————-
في المطعم عند ادم ودنا
دنا بضحك لا حقيقي انتي سكر اوي ياشروق
شروق وهي بتقوم اكملت بضحك حبيبتي والله ده انا اللي مبسوطه اني قابلتك وعرفتك ياروحي يلا معايا رقمك نبقي نتشات
دنا بحب ماشي ياروحي خلي بالك من نفسك
شروق ماشي يا قلبي ومشيت تتبتسم بخبث
ادم بضحك واضح انك نسيتي انك جايه معايا
دنا بحب اخص عليك ده انت الكل في الكل بس كنت بتاكد هي عاوزاك انت ولا نيتها خير طلع نيتها خير
ادم ومن اول قاعده عرفتي كده
دنا اممم طبعا
ادم بضحك لا انا لسه مش بطمن لحد بسهوله بصراحه
دنا سيبك يعني هي هتعمل ايه المهم تعاالي نتمشي علي البحر زهقت من هنا اوي
ادم قام مسك ايدها واكمل يلا ياروحي
———————————
عند عمرو وليان
ليان ها ده حلو
عمرو لالا غيره
ليان بنفاذ صبر عمرو ده خاامس فستان اغيييره
عمرو اعملك ايه طيب مش شايف فستان يليق بجمال حبيبت قلبي
ليان بغيظ لا والله طيب اخر كلام الفستان الجاي
عمرو ولو معجبنيش ?
ليان وهي داخله اووف بقي
وبعد شويه طلعت بفستان اقل مايقال رائع
عمرو باعجاب قام وقف واكمل بس هو ده تحفه اوي
ليان. بفرح بجد ?
عمرو اه بجد روعه هو ده خلاص
ليان بفرح عاجبني انا كمااان اوي بجد
عمرو للبنت خلاص هناخد ده
البنت تمام يا فندم
——————————–
عند مكه وسليم
مكه من جوه البروفه انسي يا باشا اني اطلع اوريك حااجه تبقي بتحلم
سليم بحده اومال جيباااني معااكي ليه
مكه علشان تدفع هجيبك ليه يعني عاشقه جمالك واكملت بضحك بعيدا عن اني فعلا عاشقه جمالك بس مش هوريك بردو
سليم قسما بالله يا مكه احلف ماتلبسيه خالص غير ما اشوفه
مكه بتمثيل حزن اخص عليك يا سولي تحلف علي كوكي حبيبتك طب ده انا بقول نفسي افاجئك اخص اخص
سليم يابنتي ما ليان وعمرو بيختاروا سوا ليه انا تعملي فيا المرار ده
مكه انا ومريم اتفقنا علي كده وعلي حاجه تانيه كمان بس مش هعرفهالك
سليم قسما بالله هتزعلي لو حاجه تعصبني انتي وشوقك بقي
مكه بتوتر متبقاش اوفر وخلعت الفستان وحطته في الشمعه بتاعته وقفلت عليه وطلعت واكملت للبنت هاخد ده
سليم الفستان هعديها ايه الحاجه التانيه بقي
مكه وهي بتمشي بعد ماحسبوا اكملت يلا يلا بس سيبك من الكلام ده يوميها اعرف
سليم خدي بالك انا حلفت لو حاجه هتعصبني هنكد عليكي فعلا بكيفك بقي وركب العربيه ومكه ركبت جمبه
مكه بتوتر بص هو يعني ده يوم في العمر فكنت هسيب شعري فيه بس
سليم وقف العربيه فجاه واكمل بحده نعممم شعرك ايه اللي تسيبيه
مكه ايه ايه بتعلي صوتك ليه حد قالك مش بسمع
سليم بعصبيه يارب ارحمني وقويني علي ما ابتلتني يعني امي تلبس الحجاب وتتغير عمتي تفاجئ ابوكي يوم قرايه فتحتها واسراء عمتك وندي مرات عمك وياسمين مرات خالك يقرارو ان يوم الفرح يلبسوا الحجاب ويبدائو حياه جديده انتي عايزه تخلعيه يابنتي هتشلييييني ياااارب ارحمني انهي ذمب بتخلصه فيااا منها ياااارب
مكه خلاص خلاص مش عايزه حاجه نكدت عليا يا ابن هشام الهي يتنكد عليك
سليم بعصبيه ماهو انتي خلاص مش خلاص ميخصنيش كده كده مكنش هيتخلع الحجاب
مكه اشمعنا مريم يعني
سليم بعصبيه اولا مليش دعوه بحد انتي مراااتي وانا مش هحكم علي مراتي وغيرها ثانيا قابليني لو زين وافق بلمسخره دي
مكه بضيق امشي يا سليم خلينا نروح علشان اتخمد
سليم بضحك اتخمدي عادي والله لو قولتيلي هتنامي وهتنام عليكي حيطه مش هوافق بردو الامر مفيهوش نقاش ده انا اديته اكتر من حقه في الكلام
————————————
بعد ما اجلو الفرح كتير بسبب التجهيزات اخيرا جيه يوم الفرح في الفندق
عند البنات
مريم ها اسيل بت كده حلو
اسيل بتعب اه ياروحي قمر
مكه وهي بتعمل ميكاب اكملت مالك يا سيلا
اسيل بتعب مش عارفه بقالي فتره كده
ليان بفرح انا خلللصت ايه رايكم
اسيل باعجاب الله واكبر ملكه جمال
ايلين زي القمر بجد صحيح يا مريم مش زين عرفك المره اللي فاتت لما لبستي زي مكه
مريم بفخر اه طبعا يابنتي
ايلين خلاص انتوا اصلا نفس الفساتين والميكاب اعملوا نفس لفه الحجاب ونوقفكم سوا ونشوف هيعرفوا ولالا
مكه بضحك موافقه ولو معرفش ياانهااار نكد هربيه
مريم بثقه هيعرفني يا روحي
اسيل اما انا بعرفكم من طريقه الكلام علشان واحده طقه منها وعايزه تنكد علي ابن عمي الحيوانه يوم فرحه والتانيه رقيقه هما يعرفوا ازاي كتر خيرهم
ايلين بضحك الحب يا اختي كل واحد فيهم بيميز حبيبته عن غيرها بس هيبان بقي انهارده
عشق بضحك دخلت واكملت والله ينفع كده المعازيم تتلغبط طب لو حصل بدل في الفرح وزين روح بمكه وسليم روح بمريم هينفع الكلام ده
قعدوا يضحكوا علي كلام عشق بشده فاكملت اسيل بضحك اسكتي يا ماما هيخلوهم يخشوا يختاروا ولو عرفوا غلط هينكدوا عليهم
عشق بضحك هي الستات كده هرمونات النكد بتجري في دمها
ايلين بضحك الا انتي تعرفي تميزيهم يا مامي
عشق بحب اكملت دول بناتي يا ايلين لو 100 واحده شبه بعض هميزهم انا تعبت فيهم وربيتهم وكبرتهم فا اه اعرفهم اللي علي اليمين مريم والشمال مكه
مريم بحب وربي بعشقك
مكه بحب حبيبتي يا ماااامي يا قمرايه انتي
ايلين بحب طبعا مش بناتها بس ايه يا عشق القمر ده بتهتمي بنفسك علشان مراد ميتجوزش عليكي وكده
عشق بضحك يلا يا حيوانه هو كده كده ميقدرش يعملها
ليان بضحك عمتي المسيطره
عشق بضحك مش كده والله هو اصلا مفيش واحد من عيلتنا مسيطره خالص بس هي ثقه في حبه ليا واني ماليه عينه
اسيل بضحك اشهدلك ميقدرش عليهم غير ربنا
عشق بس الرجاله بتروح بكلمه وتيجي بكلمه فانتي لو هاودتيه هتعرفي تعملي اللي انتي عايزاه انما لو صممتي انسي محدش هيمشي عليهم
اسيل اه والله عندك حق ممكن بكلمه يقولي ماشي وبكلمه لا يعني لا
ايلين بضحك حفظتوا بقي
اسيل وحياتك مش كده بس كل الحوار ان فعلا كلهم كده فاتعلمي بسرعه احسن
مريم مش في كله انا ااتحايلت علي زين اخلع الحجاب انهارده مرديش وكنت بتكلم بهدوء
مكه متفكرنيش بجد سليم سمعني مرشح تقوليش راديو واتفتح
عشق بعصبيه وانتوا تقلعوا الحجاب ليه صحيح متربتوش وقال بهدوء قال لا زعقي يا بنت مراد قوليله هقلعه يعني هقلعه يارب يارب احتسبلي كل اللي انا عايشه فيه ومستحملاه ده ثواب
اسيل بضحك بقي يا مقصوفه الرقبه منك ليها عايزين تقولوهم تقلعوا الحجاب ويرضوا
عشق بس يا اسيل يابنتي انتي ربنا هاديكي ملكيش دعوه بيهم دول هيطلقوا بعد شهر
مريم زين ميقدرش يسغني عني ابدا
مكه بثقه ولا انا كمان
ايلين بضحك هتشل بقولك ايه يا ماما انا خلصت فستاني وجهزت هنزل القاعه انا مصطفي تحت هعد معاه لحد مايجي زين وسليم ياخدوهم
عشق روحي يابنتي روحي
ندي وعزه وياسمين دخلوا
ندي باعجاب ايه ده مرات ابني قمر ياناس بس انهي واحده
عزه بضحك مش هتفرق الاتنين واحد انتوا خدوا واحده واحنا واحده
اسيل بضحك نهااار ازرق كتر خير زين وسليم
مريم اخص عليكي يا حماتي
ندي بضحك ايوه يبقي دي مريم هي اللي بتقولي كده وراحت حضنتها واكملت زي القمر ناقص الحجاب بس وتخلصي ?
مريم اه الحمدلله
مكه متكلمنيش تاني يا زوزا
عزه بضحك حقك عليا يا كوكي بس زي بعض اوي
مكه اعملي حسابك ابنك لو معرفنيش هيجي ينام جمبك
عزه بضحك اخص بزمتك يهون عليكي
مكه اه لو معرفنيش اه
ندي بضحك ربنا يستر
ياسمين بدموع ايه القمر ده
ليان حضنتها واكملت يا حبيبت قلبي دي عنيكي يا ست ااكل
ياسمين بفرح متخيلتش الوقت يجري كده واشوفك عروسه زي القمر يا ليان
ليان بحب يا نورعيني ربنا يخليكي ليا
بعد شويه جهزوا البنات وايلين طلعتلهم
عشق بدموع حضنتهم واكملت حبايب قلبي والله قمرات يعني تتجوزوا ورا بعض كده كمان انتي هتسافري 3 شهور والله هتواحشيني اتعودت علي وجودكم
مكه بضحك مابلاش دراما يا حجه كلنا مرزوعين معاكي فرق الاوض هي بس مريم هتسافر
عشق مسحت دموعها واكملت مش هتبطلي لماضه ابداا وبصت لمريم واكملت خلي بالك من نفسك وكلميني كتير وانتوا الاتنين الكلام ليكم جوازتكم في عنيكم بلاش عناد وبلاش علو صوت طلما بيتكلموا في الصح قولوا حاضر هدوا سركم ومش من اقل مشاكل تكبروها متكسروش كلمتهم ولا تعملوا اي حاجه من وراهم كرامتهم من كرامتكم كل مايبقي ليه شأن قدام الناس كأن انتوا بلظبط انتوا الاتنين من انهارده واحد وزين وسليم بيحبوكم هيتقوا ربنا فيكم متزعلوهمش دول ولادي بردو اللي هيشتكي منكم انا هيبقي ليا كلام تاني معاكم وبردو لو هما زعلوكم قولولي تمام
مكه ومريم حضنوها واكملوا حاضر يا ماما
عشق بدموع فرح باستهم واكملت حبايب ماما اللي كبروا وفرحوني بيهم ربنا ميحرمنيش منكم يا نن عيون ماما اانتوا الاتنين
اسيل بتعب داخت فمسكت في عشق
عشق بخوف مالك يا اسيل فيكي ايه
اسيل بقرف عايزه ارجع
عشق بخوف تعالي تعالي ودخلت معاها الحمام واكملت يلا رجعي هترتاحي
اسيل بدموع معدتي بتتقطع يا ماما
عشق بخوف طبطبت عليها واكملت اهدي اهدي حاسه بايه
اسيل فضلت ترجع بتعب وعشق بطبطب علي ضهرها ورن اسر فردت عشق
اسر ايه يا حبيبتي خلصتوا
عشق بقلق دي انا يا اسر ماما
اسر فين اسيل يا ماما
عشق بترجع معدتها واجعها تعبانه اوي يا نورعيني
اسر بخوف تعبانه ليه مالها ثواني جايلها
عشق اسيل
اسيل بتعب ايه يا ماما
عشق انا عايزاكي بعد الفرح
اسيل هزت راسها ب اه
والباب خبط فتحتله عشق
اسر بخوف مالك يا حبيبتي فيكي ايه
اسيل بتعب رجعت تاني واكملت ااه معدتي متفضلش فيها حاجه بجد
عشق طبطبت عليها واكملت معلش يا نورعيني معلش هجبلك دوا خدي منه ثواني هتصل بخالك يجيبوا من الصيدليه حالا
اسر لالا اوديها للدكتور
عشق مش هتلحق يا حبيبي الفرح هيبدا خلاص
اسر طب كده يا امي مش هطمن عليها
عشق ابتسمت واكلمت متقلقش هي كويسه ياعمري
وطلعت
اسر حضنها وطبطب عليها واكمل ارتاحتي لما رجعتي طيب ولا ايه
اسيل بتعب امم احسن متشلش هم يا حبيبي انا كويسه هو برد في المعده ولا حاجه وماما هتجيب الدوا وهبقي تمام
اسر بتنهيده مش عجباني بقالك فتره يا اسيل ودماغك ناشفه
بعد شويه عشق خبطت وادته الدوا واداه لاسيل
اسر ها احسن
اسيل بضحك هو انا لحقت يا حبيبي
اسر باس جبينها واكمل طب ارجوكي لو حسيتي بتعب عرفيني
اسيل بحب متقلقش والله هتحسن
اسر طيب يلا هروح انا لزين وسليم وعمرو اعرفهم ان البنات جهزوا
اسيل ماشي ياروحي
———————————–
في اوضه الرجاله
اسر يلا ياا كلب منك ليه البنات خلصوا
سليم بضحك هو انت بحكم اكبر واحد هتعيش الدور
زين بضحك احترم نفسك ياباشا فرق بينا شهور بس
عمرو بضحك طب هما يسمعوا الشتيمه ويسكتوا اكراما لان البنات اخواتك فانت ابو نسب بقي وكده ومينفعش يزعلوك مؤقتا انا بقي بتهزقني ليه
اسر بضحك بنت خالي بردو يعني اختي التلاته اخواتي واسمع بس ان كلب فيكم زعل واحده
سليم بضحك هتعمل ايه يعني
زين سيبك منه ده كلام بس
اسر تمام تمام اللي بيقول مش بيعمل فانا هسكت واسيبكم تتفاجئو
عمرو ياباشا انا عن نفسي مش هزعلها ده وصل بيها الامر مره هددتني بيك
اسر بضحك مابقولك اخوواتي وبعيدا عن الهزار عارف انكم اكتر ناس أمنها علي اخواتي وانا مستريح
سليم بضحك ده الواحد مبسوط انه خلص منك اكتر من انه هيتجوز بالله
زين بضحك حصل من وهو وصغير قارفنا ويقولهم انا هشوف مين يستاهل اخواتي حتي لو مش زين وسليم
اسر بضحك قلبك اسود لسه فاكر
عمرو بضحك وريتهم الويل انت يا اسر حقهم
زين بضحك مابقوله حماتي مش مصدق
عمرو بضحك طب والله طنط عشق غلبانه مش بتعمل فيها حماه اصلا
زين بضحك حصللل فاسر بيعوض
اسر بضحك طب بلاش انت لحسن ارن عليك انهارده بليل واحكيلك مشاكلي من يوم ماتولدت ونرغي للصبح
زين بضحك ياباشا رن واانا هرد وارغي معاك للصبح عادي
اسر بصله واكمل بتنهيده بردو يا زين
زين بصله هز راسه ب اه
اسر بتنهيده طيب يلا البنات مستيناكم
———————————-
في القاعه
دنا هما هينزلوا امتي
ادم مش عارف اتاخرو بس ايه القمر ده
دنا بحب بجد حلوه ??
ادم بهمس والله لولا ابوكي قاعد كنت عاكستك براحتي بس الراجل يقول عليا ايه قاعد قدامي بس كلمه قمررر قليله اصلا
دنا بحب حياااتي اصلاا
ادم احلي حاجه انك محرقتيش دمي وسمعتي الكلام ولبستي االفستان اللي انا اختارته شايفه طالعه ملاك ازاي
دنا بغيظ اه انتي هتقولي ملاك فعلا
ادم بضحك طب والله جميله جدااا احسن من القرف اللي اختارتيه وضيق ايه هو ده
دنا المهم انو طلع حلو عليا فعلا لا ليك نظره يا دومي وفونها رن
دنا بحب ايه ياشروق عامله ايه يا روحي
– اه انا الحمدلله
– صدقيني الفتره دي مشغوله جدا افضي وعنيا ليكي
– ماشي ياروحي باي
ادم اتصاحبتي عليها يعني اهو
دنا طلما انت ملكش دخل مفيش مشاكل ودنيا دي لو جات الفرح احترم نفسك
ادم ليه محسساني انها حبيبتي القديمه يابنتي والله ماعرفها زيي زيك
دنا عموما انا عرفتك
ادم بضحك تمام ياروحي
———————————-
في اوضه البنات
ايلين ادخل انت الاول يا عمرو انما زين وسليم يستنوا
زين ده ليه
ايلين بضحك اصل عندكم اختبار صعب
سليم ازاي يعني
ايلين بضحك اصل مكه ومريم لبسوا نفس الفستان والميكاب والاكسواريس وكله وانتوا لو معرفتوش فين مراتكم في نكد
زين بضحك ااه قولتيلي
سليم بضحك يابنت اللذينه علشان كده صممت مشوفش فستانها
ايلين بضحك كده كده هو هو الفستان ربنا معاكم يا حبايبي
في الاوضه عمرو حاضن ليان وفرحانين جداااا
عمرو بحب الله واكبر عليكي يا نورعيني ايه الجمال ده
ليان بحب بجد حلوه
عمرو بحب حلوه اوي اوي كمان اخيرا جيه اليوم ده انا مبسوط جداااا بجد
ليان حضنته ولف بيها بفرح بعدين مسكوا ايد بعض واتجهوا للنزول
سليم وزين دخلوا
اسيل بضحك قلبي معاكم
ايلين بضحك الشروط ان عروسه اهي علي اليمين والتانيه علي الشمال ومفيش واحده مديه ريأكشن وش يوجهكم كل واحد يختار ناحيه ويحضن اللي هيروحلها
اسيل بضحك واه واه وافرض طلعت مش مراته
عشق بضحك يبقي هيبقي طلاق مش فرح
ايلين بضحك دي شروط العرايس مش انا
عشق بضحك طب يلا اختاروا
زين غمز لسليم وسليم فهم وضحك من غير ماحد ياخد باله وسليم راح اليمين ناحيه مريم وزين راح الشمال ناحيه مكه
والبنات اتوتروا واضايقوا منهم بس مبينوش اي رده فعل وفي اخر خطوه قبل مابيحضنوهم بدلو بسرعه وكل واحد راح لمراته وحضنها بضحك وفرح رهيب
اسيل بضحك انا قلبي وقف
ايلين بضحك سواس والله
مريم بدموع والله كنت هنكد عليك
زين بضحك باس راسها واكمل وفكرك اني مش هعرفك يا هبله انا خوفتك بس
مريم بفرح ودموع اخيرا يا زين اخيرا مريم بقيت ملك لزين وطول العمر
زين طول العمر متاكده
مريم زين بطل رخامه ومتجبش سيره الكلام ده وحضنته جامد واكملت بدعيلك وهدعيلك كل يوم ومن انهارده بلذات حياتي الجديده هتبدا من انهارده اتودلت من جديد علشان هكون معاك
زين بدموع انا بحبك اوي يا مريم بحبك اكتر من اي حاجه وفرحتي بيكي مش قادر اوصفها استنيت انهارده اكتر من اي حاجه واخيرا جيه ربنا يديني العمر وانا اسعدك وافرحك بس يا مريم
مريم وهي في حضنه اكملت حققت حلمي بوجودك جمبي يازين وانك بقيت جوزي و مش عايزه حاجه تاني غير اني اشيل جوايا حته منك ومش هعوز حاجه تاني من الدنيااا دي اكتر حاجه اتمنيها وعايزاها بعد مابقيت معايا
زين بوجع ودموع اكمل باذن الله ربنا يقدرني واحققلك كل احلامك يا ست البنات
مكه عارف لو كنت معرفتنيش كنت هنيمك جمب عزه وقولتلها
سليم بضحك اخص اهون عليكي وبعدين انا مش هعرفك ده انتي هبله
مكه بضحك عزه قالتلي كده بس اه تهون لو معرفتنيش
سليم والله انا اللي جبته لنفسي مجنونه انا متجوز مجنونه بس وربي بحبها وبموت فيها
مكه حضنته واكلمت والمجنونه بتعشقك
سليم بضحك تعبتي اهلي يا مكه منا ماوصلت للحضن ده واني اشوفك لبسالي الفستان الابيض
مكه بدموع فرح المهم النهايه اني معاك يا نورعيني
سليم بحب باس جبينها واكمل ده حقيقي انتي مسك الختام
مكه بضحك علي راي اصاله بس بقي مسك الختام انك معااايا
سليم بضحك فصليه بس بحبك
مكه بمرح وانا بموت فيك انت وعيونك الرمادي دي بس طبعا لاتش مش علشان انت جامد
سليم بضحك انتي يابت اللي چيناتك ذاتيه من نفسك
مكه بضحك لا لبابي بردو اكدب
سليم بضحك طب يلا يااخره صبري يلا
————————————
في القاعه ال 3 ازواج دخلوا علي اغنيه ادخلي لعمري بخطواتك اليمين
وكانت القاعه عباره عن تسقيف وبهجه وفرح فكل مكان
ووقفوا يرقصوا سلوا سوا والناس بتسقفلهم
اسيل بتعب مش قادره انا هعد
اسراء مالك يااسيل
اسيل مفيش يا ماما بطني واجعاني شويه
حسام بضحك بتعيطي ليه يا ياسمين ايه النكد ده
ياسمين بدموع بنتي الوحيده وهبتعد عني انت مش حاسس خالص
حسام يا حبيبتي ده هو شارع خطوتين الفرق بطلي اوفر شويه وافرحي لبنتك بلاش تنكدي عليها
سلمي بضحك والله هحطها في عيني متقلقيش واي وقت تيجي تشوفيها طبعا ده بيتك
ياسمين بدموع عارفه يا حبيبتي طبعا ربنا يخليكي احنا عارفين انتوا ايه كويس يا ام عمرو بس علشان بنتي الوحيده
مراد ربنا يفرحك بيها اكتر يا ام ليان وتشوفي عيالها
ياسمين تسلم يا ابو اسر يارب وتشوف عياله عن قريب
عشق بابتسامه باذن الله قريب
اسيل بضحك همست لاسر عمتي واثقه اويي كده منين وهي بتقول قريب
اسر بضحك همس مش عارف بس يسمع منها ربنا
اسيل بحب يارب يارروحي
مصطفي اعدي يا ايلين واتلمي
ايلين هسلم علي صحابي وجااايه والله
مصطفي لا الواد ده ايه جابه انا مش بحبه
ايلين بضحك ماهو بيحب نهله فاجيه معاها
مصطفي ده بيحب بنات الجامعه كلها مش نهله بس اترزعي واسكتي
ايلين بضيق اترزعنا
هايدي بحب ايه اخبارك يا اادم طمني ياروحي عليك
ادم باس ايديها واكمل بخير يا ماما الحمدلله
هايدي بدموع فرح فكرت مش هسمع منك ماما تاني يا ادم
ادم بحب ياست الكل بعيدا عن اي حاجه انتي ربتيني احسن تربيه وحاولتي كتير تغيريني فانتي ماما طبعا
هايدي حضنته بدموع واكملت ياقلب ماما ربنا يخليك ليا يانورعيني وافرح بيك انت ومصطفي يارب
ادم بحب يارب يا حبيبتي
هايدي بحب عروستك قمر زين ماختارت بنت شيرين وفهد انتي يا سكره ?
دنا بحب اه يا طنط
هايدي بحب ربنا يحميكي يا قمرايه ويخليكم لبعض يا حبيبي
ادم يارب يا حبيبتي. وبص لدنا واكمل هتقومي نرقص معاهم زي ماقولتيلي ولالا
دنا شويه شويه
ادم تمام
دنا لمحت دنيا داخله فاكملت بغيره يلا دلوقتي
ادم بضحك الله حصل ايه مش كان شويه
دنا دلوووقتي يا ادم
ادم. لمح دنيا فاكمل بضحك وهو بيقوم اه قولتيلي طيب يا دنا
وقاموا يرقصوا سلو دنا حطت ايدها علي رقبته وابتدت ترقص معاه بحب واضح المره دي
ادم بضحك هعمل نفسي مخدتش بالي ان علشان دنيا جات
دنا بتمثيل دنيا مين دنيا دي انا جالي مزاج دلوقتي بس
ادم بضحك صادقه يا حبيبي صادقه
زين بضحك لادم الفيديو المره دي مفيهوش فضايح
سليم بضحك اه كده شكلك كريزما اكتر
ادم بضحك اتريقوا اتريقوا. وبص لدنا واكمل بسببك علي فكره
دنا بضحك كنت تستاهل بتعاكس البنت ليه
ادم بحب انا كنت بغيزك انما مفيش بنت غيرك تملي عيني يا دنيتي
دنا بحب طب ليه الكلام الحلو ده وسط ناس هدوخ منك كده
ادم بضحك لا والنبي علي اساس اول مره اقولك كلام حلو
دنا بحب مش اول مره بس كل مره بتخليني اقع في حبك من جديد يا ادم
دنيا لايلين ايه ده دي خطيبته بجد بقي
ايلين اومال بهزار بصي طلعي اخويا من دماغك وسيبيه يعيش حياته الواد شاف مرار بما فيه الكفايه
دنيا بضيق خلاص يا ايلين اديني سكت
بعد شويه من الجو المفرح والرقص كل عريس مسك ايد عروسته علشان يروحوا وركبت مكه ومعاها سليم وليان ومعاها عمرو
عشق حاضنه مريم وبتعيط واكملت هتواحشيني يا نورعيني متتاخروش اكتر من 3 شهور هجيلك اجيبكم انا
مريم بدموع حاضر والله يا حبيبتي
مراد خلاص يا عشق متنكديش عليها بقي
عشق بدموع متعودتش تغيب عني يا مراد حقي مش بنتي
مراد يا حبيبتي هتخليها تتنكد يوم فرحها طب ده ينفع
عشق مسحت دموعها واكملت خلي بالك من نفسك
مريم هزت راسها ب اه وحضنتها وبعدين راحت لمراد حضنته واكملت هتواحشني يا بابا اووي
مراد والله سبحان ما ماسك دموعي مش بحب لحظات الوداع دي بس هيجروا باذن الله وهترجعيلي يا نورعيني وباس جبينها واكمل مبروك يا حبيبت بابا
مريم بدموع الله يبارك فيك يا حبيبي
وحضنت هشام واكمل هو بدموع مش عايز ابقي درامي بس فعلا هتواحشينا انتي وزين اوي يا حبيبت اتش متطولوش
مريم بدموع حبيبي يا اتش اكيد مش هنطول عليكم
اسر حضنها واكمل بهمس.مبروك يا قلب اخوكي وزين في عنيكي يا مريم خلي بالك منه
مريم بصتله بمعني انت عرفت
اسر بهمس اه متبصيش كده عرفت ده اخويا مش هيعرف يخبي غليا وطمنيني علي حالته علطول ومتزعليش لو لقيتي طريقته رخمه معاكي شويه هو غصب عنه مضغوط
مريم متغير ازاي يعني ماهو كويس اهو
اسر بتنهيده بتكلم عموما لو حستيه متغير مشي امورك لحد مايعمل العمليه ويرجع بالف خير باذن الله واي حاجه تعوزيها قوليلي
مريم حاضر يا حبيبي
ندي حضنت زين بدموع واكملت مريم في عنيك مش هوصيك عليها
زين في قلبي متقلقيش يا ست الكل
ندي بدموع متطولش هتواحشني يا نن عيني مليش غيرك ومش عارفه هعد من غيرك ازاي كل ده
زين باس ايديها واكمل حاضر يا حبيبت قلبي متقلقيش
وسلم علي ادهم وعليهم كلهم ومشيوا بلعربيه فاتجهم للمطار
في العربيه
زين لو عايزه تستنيني وتروحي معاهم او ناجل السفر كام يوم معنديش مانع
مريم لا طبعا يا زين ضيعنا وقت كتير خصوصا تحضيرات اافرح خدت وقت اكبر من اسبوعين كفايه اوووي كده
زين يا حبيبتي علشان اول مره تبعدي عن اهلك والمده كبيره
مريم بحب لو هما اهلي فانت بقيت جوزي ونصي التاني انت انا يا زين وصحتك عندي اهم من اني افضل وسط اهلي لا اتغرب وتبقي كويس دي اهم حاجه ومش هحس بلغربه كمان لان فكرتي عن الدنيا هي انت ومن غيرك حتي لو الف واحد موجود بحس اني وحيده وانت معايا خلاص
زين باس ايديها واكمل ربنا مايحرمني منك يا نن عيني ويديمك نعمه في حياتي يا ست البنات
———————————–
في فيلا السيوفي في الصالون
اسر قاعد وواخد اسيل في حضنه وبيتفرجوا علي الفون
عشق اسيل تعاالي عايزاكي
اسر يعني بلزمه تقوميها من حضني كده علشان عايزاها هو انتي حماتي انا ولا ايه
اسيل بضحك احترم نفسك ابوك قاعد
مراد بضحك يعني هو عامل احترام لابوه ماواخدك في حضنه وفاتح الفون بتتفرجوا وعادي ولا اكنه في اوضته
اسر بضحك يا جماعه مراااتي الله فكرني ياض ياادم اجيب نسخه من القسيمه ابروزها في الصاله
ادم بضحك حاضر هفكرك
مراد بضحك يا ابو لسان طويل مقولناش حاجه مراتك بس انت مفيش كسوف اصلا
اسر بضحك يا دكتور كلهم طلعوا انت وادم مننا وعلينا عادي
عشق بضحك مش هاكلها عايزه اقولها حاجه وخدها ياخويا
اسر حاجه ايه محدش يقول لمراتي حاجات انا معرفهاش
اسيل بضحك بس يا اسر بطل قله ادب انت مالك انت افرض حاجات ستات
اسر بضحك اعرفها معلش هو مش انتي مراتي يبقي اعرفها
عشق بضحك يلا يا اسيل علشان جوزك هيخليني اطق
اسيل بضحك يلا
ادم بضحك انت شارب ايه يا اسر انهارده
اسر بضحك غمزله واكمل خمره
مراد كان ماسك الفون سابه وبصله واكمل انت بتتكلم بجد ???
اسر بضحك اه فيها ايه
مراد بحده وعهد الله ماهيفرق معايا انك كبير ومتجوز وهقتلك لو حقيقي
ادم بضحك اهدي اهدي بس يا دكتور هو بيهزر
اسر بضحك بس بس بهزر والله من امتي يعني بنشرب الكلام ده يعني
مراد بحده رجع بص للفون واكمل منا بقول بردو بجد كنت هقلب عليك
في اوضه عشق
اسيل لا يا ماما مش معقوله
عشق بضحك هو ايه اللي مش معقول خشي بس جربي يابت واسمعي الكلام
اسيل تفتكري ??
عشق بفرح اه يلا
وفعلا اسيل دخلت الحمام وبعد ربع ساعه طلعت
عشق بفرح ها فرحي قلبي
اسيل بدموع فرح اكملت ااااه فعلا يا ماماااا انا حااامل
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حطمت قلبي الجزء الثاني)
للعودة لقراءة الجزء الأول من الرواية اضغط على : (رواية حطمت قلبي)
