رواية حطمت قلبي الجزء الثاني الفصل الثامن 8 بقلم لولا
رواية حطمت قلبي الجزء الثاني الجزء الثامن
رواية حطمت قلبي الجزء الثاني البارت الثامن
رواية حطمت قلبي الجزء الثاني الحلقة الثامنة
ادهم بعياط لسه عايزاني اقولك يا ماما ولا يا مرات ابويا اوضح ?
ايمان اتصدمت وخافت وكذلك الجميع وشهقت عشق واكملت اييه
مراد. بصدمه ماما الكلام ده صح ?? اللي سمعناه انك تقصدي سر عن ابنك انتي تقصدي ادهم ??
ايمان بتعيط وساكته
ادهم بدموع ماتردي ردي يا مرات ابويا واكمل بابتسامه وجع ابويا اللي عشت معاه طول السنين دي وانا مش عارف اقوله يابابا وكنت حاسس انه مشفق عليا اني قاعد في بيته ومديني من ورثه بس طلع الموضوع غيير كده خالص طب هو وقدر يخبي ويعيشني في الوجع ده ان ابويا وامي ماتوا واني قاعد عند صاحب ابويا انتييي بقي انتي واكمل بسخريه يا ماما قدرتي تعملي كده ازاي ده انا كنت بعتبرك اكتر من امي اللي انا اصلا معرفهاش عيشتيني مع اخويا في بيت واحد بس هو قدام العالم كله صاحبي ليييه تعملوا فيا كده مفكرتيششش انا لو عرفت ان ليا اب واخ ممكن حياتي تتحسن ازاي مصعبتش عليكي وانا بعيط يوم وفاه احمد واصلا ابويا الحقيقي كان عايش وقدامي خلتوني اتيتم مرتين ووجعتوني اكتر لاني عرفت متاخر اوي ومعرفتش اقوله يابابا
ايمان بدموع وعصبيه علشان خفت عليك من الحقيقه وانا اصلا عرفت متاخر اوي يا ادهم
مراد بدموع حقيقه اي يا ماما انا مصدوم فيكي اصلا ازاي تعملي فينا كده
ايمان بدموع انا عرفت متاخر و انت مش عرفت انك ابن علي ايوه انت ابنه بس مش هقول حاجه تاني يا ادهم
ادهم بعصبيه مختلطه بدموع لا مش بمزاجك هتعرفيني كل حاجه ابنه ازاي وحصل اي
ايمان بدموع حطت وشه بين ايديها واكلمت انت ابني انا يا ادهم انا بحبك يا نورعيني ومش ابنها هي لا
ادهم بوجع هي مين امي??
ايمان بعصبيه انا امك متقولش عليها امك انت فاهم وانا خوفت علي مشاعرك فخبيت انا ساعه لما عرفت انت كنت طالب في السنه الاخيره في كليه طب وواعي وليك معارف عايزني اقولك ازاي
ندي بدموع ماما ممكن نفهمينا
ادهم بدموع وعصبيه ايوه انا عايز افهم كفياكم كدب بقي
ايمان بدموع حاضر يا ادهم
فلااااااااش بااااااااك
ايمان كنت يومها متخانقه ان وعلي خناقه كبيره اوي وساعتها سابلي البيت وراح بار ورجع سكران ومش واعي خالص وهدومه متبهدله
ايمان بعصبيه كنت فين بلمنظر ده يا علي انت من امتي بتروح الاماكن دي
علي بلا وعي اوعي يا ايمان ملكيش دعوه بيا وروحي نامي علشان معادك بكره للدكتوره
ايمان اي ده هو انت مش هتيجي معايا
علي مش فاضي ورايا شغل
ايمان ااه يعني تبقي غلطان وتزعل
علي بعصبيه انا مغلطش واتفضلي روحي اوضتك مش عايز وش
ايمان كنت فين
علي بعصبيه وانتي مالك هتحكمي عليا ولا ايه انتي شكلك اتجننتي
ايمان بدموع انا طالعه انام
وبعدين سمعته بعدها بكام يوم لما اتصالحنا بيتكلم في التليفون
علي بعصبيه ازاي يا احمد الكلام ده اكيد كدابه انا مش فاكر اي حاجه
علي بعصبيه طب طب يا احمد هبقي اشوف الموضوع ده
ايمان بقلق في اي يا حبيبي
علي بتوتر مفيش يا حبيبتي نامي انتي وارتاحي وكلي كويس علشان اللي في بطنك وانا رايح مشوار مهم وجاي بسرعه
ايمان حاجه مهمه اي دلوقتي بس الوقت اتاخر
علي بتوتر معلش حقك عليا شغل لازم انا امضي عليه نامي نامي يلا
ومشي
مسبش حتي مجال للحديث
وبعد 6 سنين احمد الرفاعي صاحب علي توفي في حادثه
علي وهو حاضن ايمان بدموع هيواحشني اووي يا ايمان مش هقدر اعيش من غيره
ايمان بدموع اهدي يا حبيبي اهدي واستغفر ربك هو عند اللي اغلي مننا كلنا وابنه هنخليه معانا طبعا هو ومراد اصلا متعلقين ببعض اوي
علي بدموع وتوتر اه ادهم مبطلش عياط ارجوكي يا ايمان خلي بالك منه واعتبريه زيه زي مراد واسراء
ايمان بحب واكتر يا علي متقلقش يا حبيبي
وبصت علي ادهم اللي مبطلش عياط علي ابوه وجمبه مراد حضنه وراحت خدته في حضنها وابتدت تطبطب عليه وتنيمه
وعلي بص عليهم بحزن ورضا من اللي بتعمله ايمان مع ادهم
بعد مرور سنين اخري كان ادهم ومراد في السنه الاخيره من كليه الطب وكانوا كعادتهم وسييمين ملفتين الانظار لكن مراد كان يرفض رفضا تاما مبدا الحب والجواز عكس ادهم فانه يبحث عن فتاه ولكن بمواصفات معينه ولا يعطي اهتمام لاي بنت من الجامعه
في الفيلا
مراد وادهم روحوا
مراد ماما الاكل بقي الله يخليكي
ادهم اه ياريت بجد يا ماما واقعين
ايمان بحب حاضر يا حبايب ماما من جوه
علي الا صحيح يا مراد اي رايك في غاده بنت عمو حامد صاحبي
مراد افندم??
علي اي بقولك اي رايك فيها تتجوزها يعني هيكون اي
مراد بحده بابا لو سمحت انا مش عايز اتجوز ولا اتنيل انا هعيش لشغلي وبس معتقدش ممكن في يوم احب اصلا
ادهم بضحك متتعبش نفسك معاه يا عمو ده فعلا مش هيتجوز خالص
علي بوجع وحزن ظهر علي وشه اكمل هتتجوز يا مراد غصب عنك وقام دخل اوضته
ايمان بعتاب ليه كده يا مراد تزعل ابوك
مراد بعصبيه هو انا بنت هيغصبني علي الجواز ويختارلي انا حتي لو هتجوز مش هتجوز غير اللي انا هحبها
ادهم اممم يبقي مش هتتجوز
ايمان بضحك والله عندك حق يا ادهم يلا هدخل انا اشوفه
في اوضه علي
ايمان انت اي اللي زعلك متقوليش مراد لانه من يوم ماوعي وهو رافض مبدا الجواز بس بصراحه انا لاحظت ان انت مش بتحب كلمه عمو من ادهم
علي بحزن تعالي يا ايمان
ايمان بتوتر في اي يا حبيبي قلقتني
علي بحزن انا خبيت عليكي لسنين وفضلت كل يوم بتعذب لوحدي ومش عارف اقولك ومش عارف اتخطي بردو
ايمان بخوف في اي يا علي
علي بدموع ادهم ابني يا ايمان عرفتي ليه بزعل لما بسمع منه عمو نفسي اخده في حضني واقوله انا ابوك يا حبيبي وانت مش يتيم بس مش عارف
ايمان بصدمه وبدموع ابنك ازااااي يا علي ومن مين انت متجوز عليا
علي بدموع ياريت كنت متجوز وجبته بس ادهم جيه من غلطه وتهور مني
ايمان بصدمه انت بتقول اي انا مش فاهمه حاجه
علي بدموع فاكره اليوم اللي رجعت فيه متبهدل وسكران لما اتخانقنا
ايمان بدموع اه فاكره
علي بدموع ساعتها كنت في بار وكان في بنت اسمها مديحه مش كويسه خالص المهم فضلت تيجي قدامي وتتدلع وطريقتها كانت مغريه اوي وانا مكنتش فا واعي فغلطت معاها
ايمان بصدمه ودموع اييييه غلطت غلطت اي يعني ادهم ابني ادهم ابن رقاااصه انت اتجنتت واكملت بعياط حتي لو صح انت كنت تخليها تسقط يا علي ادهم لو عرف هيدمررر
علي بخوف ومين قالك هنعرفه انتي امه ليوم مانموت وانا اكمل بكسره عمه صاحب ابوه احمد الرفاعي
ايمان بعياط مين غيري يعرف واحمد خده لييه
علي بدموع لما عرفت انها حامل ساعه لما جاتلي المكالمه من احمد اللي قولتلك بتاعه شغل روحت وبهدلتها وقولتلها اضمن منين انه ابني انا واحده زيك كل يوم مع واحد شكل قالتلي لما يجي تعمله تحليل وتعرف بنفسك ومصدقتهاش بس بعد 9 شهور انا ولدتها وهي ماتت اثناء الولاده ولما جبت ادهم كان بعد مانتي ولدتي مراد بايام فضلت اعيط لاني حتي من قبل ما عمل تحليل حسيته ابني ودفنتها وقولت اقطع الشك بليقين وعملت التحليل وطلع ابني فعلا ساعتها كان معايا حسن اخويا واحمد ومجدي المحامي لانه صاحبي وحسن كان خاطب فاحمد قال انا مراتي متوفيه هاته عنك وانا هقول اني اتبنيته واربيه فانا قولتله لا طبعا هقول لايمان فاحمد قالي ايمان لو عرفت هتموت فيها ودي لسه والده هات الولد عنك هتسميه ايه يا علي
علي بوجع ودموع اكمل ادهم وباسه وادهوله
واحمد راح سجله ادهم احمد الرفاعي وبقي هو ده اسمه المعروف
ايمان بعصبيه ده ابني انا وغصب عنك وعن اي حد والكلام ده هيموت معانا يا علي انت فاااهم
علي بدموع انتي بتحبيه بعد كل ده ???
ايمان بدموع اه بحبه انا اللي ربيته وكبرته وبقي دكتور زيه زي مراد وسهرت عليه في تعبه وغلطتك انا يمكن مش هسامحك فيها بس ابني ملوش زمب
علي مش عارف اشكرك ازاي علي حبك ليه يا ايمان واحده غيرك تكرهو
ايمان بدموع اكرهو?? ده انا كنت بنيمه في حضني هو ومراد واسراء سوا والبسهم للمدرسه اول يوم وشوفته فكل مراحل حياته لحد مابقي راجل يعتمد عليه وفي كليه الطب مش غلطتك انت يا علي هتكرهني فابني
علي بحزن ادهم مينفعش يعرف
ايمان بدموع اكيد مش هقوله حياته تتدمر ومش هسمحلك
علي سامحيني يا ايمان ارجوكي
ايمان خلاص يا علي خلاص ارجوك
بعد كده مجدي جيه يكتب وصيته
مجدي طب انت عايزني اكتب لمراد زي ادهم دي انا عارف ليه بس ليه عايز مراد مايخدش حقه غير لو يتجوز ويخلف
علي لاني عارف ابني مش هيشوف جواز لو مضغطش عليه
مجدي مراد مش كده يا علي ويخوفي يخسر ورثه ويعاند وبردو ميتجوزش
علي عارف انه عنيد بس ادهم وايمان هيجبروا يلا اكتب
مجدي تمام
باااااااااااك
ايمان بدموع كنت عايزني اقولك اي بقي اقولك كل ده واكسرك يا ادهم
ادهم بدموع ووجع يعني انا في الاخر طلعت ابن غير شرعي والانقح ابن رقااصه كمان
ايمان بعصبيه ودموع قطع لسانك انت ابني انا ابني يا ادهم
مراد بدموع عمري ماتخيلت يجي يوم ونعرف حاجه زي كده ولا كانت هتيجي في بالي بس سيبك من كل ده انت اخويا يا ادهم ودي اهم حاجه بنسبالي
ادهم بدموع انت عارف اني بعتبرك اخويا من قبل اي حاجه بس انا دلوقتي عرفت انك اخويا بجد بس صعبه اوي يا مراد اوي
مراد حضنه وفضل يعيط واكمل ياااه يا ادهم يعني بعد كل السنين دي تطلع اخويا بجددد انا مش قادر اصدق نفسي
ادهم بدموع وابن حرام ورقاصه يا مراد
مراد بعصبيه اخرص انت اتجننت كل ده انت ملكش دعوه بيه ولا اختارته اهم حاجه انك اخويا بسسس
ايمان بعصبيه انت ابني غصب عنك وعن اي حد يا ادهم ولو سمعت منك الكلام ده انا هيكون ليا تصرف تاني معاك
ندي بدموع حضنته واكملت اهدي يا حبيبي اهدي علشان خاطري
ادهم باس راسها واكمل ندي انا رايح شويه وجاي ومشي
ندي بدموع استني يا ادهم ادهم
مراد راح عندها واكمل بدموع اخويا وعارف هيروح فين بس سيبيه شويه دلوقتي
ندي بعياط انا خايفه عليه
مراد بدموع متقلقيش يا ام زين مش هيحصل حاجه
ولف واكمل انما انت بقي يا عمي فاطلع برا من غير مطرود انت كنت عايز تدمر حياه اخويا بس اوعدك مش هيحصل وادهم السيوفي هيفضل رافع راسه طول العمر وكفايه اوي اني سكت علي كل اللي فات
حسن بصدمه انت بتطردني من بيت اخويا ا مراد
مراد بعصبيه اخوك اللي انت بتكرهو صح عموما هو الله يرحمه ده مش بيت اخوك ده بيتي انا واهلي وادهم السيووفي اللي انت كنت عايز تكسره بس معاش ولا كان اللي يكسره انا اللي يفكر بس يا عمي يجي جمب حد يخصني بيشوف وش تاني علطول وش متمناش اوريه لحد
حسن بعصبيه اي رايك في الكلام ده يا طارق
طارق بحده ده بيته وهو حر وانت ادخلت في اللي ملكش فيه فتستاهل عن اذنكم طالع اوضتي
حسن كده يا طارق ماشي يا ابني
وفعلا لم هدومه ومشي
———————————–
عند شيرين تليفونها رن
شيرين بابتسامه الو
فهد بحب ازيك عامله اي
شيرين كويسه وانت
فهد كويس ها جهزتي
شيرين لسه مش فاضل ساعتين ومش انت لسه في القسم اصلا
فهد بحب اه لسه في القسم بس قولت اطمن عليكي وهخلص بسرعه و لو حضرتك تسمحي يعني اخدك نتعشا برا وبعدين نروح المستشفي ياريت مترفضيش
شيرين بحب عادي يا سياده الرائد انا موافقه
فهد بفرح تمام اوي قبليني بقي في ******
شيرين تمام هقوم البس وهكون هناك في المعاد
فهد تمام ماشي
بعد شويه فهد قاعد وشيرين دخلت بجمالها الرائع وعيونها العسلي وشعرها الطويل بابتسامه رائعه
فهد بحب اتفضلي
شيرين قعدت واكملت امممم هتعزمني علي اي بقي
فهد اللي انتي عايزاه
شيرين لا اختار انت عادي
فهد بخبث خلاص هختار سمك اي رايك
شيرين بتوتر تمام ماشي
فهد بضحك مالك خوفتي ليه كده عارف انك مش بتحبي السمك يا شيرين
شيرين بستغراب عرفت منين
فهد بضحك لا عيب لما تسالي رائد في المخابرات السؤال ده
شيرين بضحك حقيقي انت عرفت ازاي
فهد سيبك من عرفت منين انا هطلب فرايتشكن وغمز علشان بتحبيه
شيرين باحراج اه ده فعلا
وفعلا اكلوا في جو من المرح وخارجين تليفونها رن
شيرين اي يا حبيبي
طارق انتي فين يا قلبي في صوت وش
شيرين اه منا نزلت مع صاحبتي
طارق. بحده وانتي قولتي لمين يعني انك نازله معلش
شرين خلاص يا طارق حقك عليا نسيت خالص اكلمك
طارق طب سلام يا شيرين
شيرين حقك عليا بقي بطل رخامه
طارق بحب خلاص بجد مش زعلان كنت هتكلم معاكي بس انتي في الشارع لما تروحي قوليلي يلا باي
شيرين باي
فهد بوجع عرف يداريه اكمل كان عاوز اي خطيبك
شيرين كان هيرغي عادي بس عرف اني برا قفل
فهد بوجع اممم ربنا يخليكم لبعض
شيرين بصتله وسكتت واكملت في سرها اي الهبل ده ليه زعلت لما قالي ربنا يخليكم لبعض
——————————-
علي البحر قاعد ادهم ودموعه علي خده لقي حد حط ايده علي كتفه
ادهم بدموع كنت عارف انك هتيجي
مراد وقف قدامه واكمل لاني حافظك يا اخويا
ادهم سمع الكلمه دي حضنه بانهيار واكمل انا تعبان اوي يا مراد اووي بجد
مراد بحب مسح دموعه واكمل ادهم السيوفي مبيعيطش انت اخويا ياض ودي ااحقيقه اللي احنا عرفناها بس
ادهم بوجع بس متاكد انها هي دي و بس
مراد بحب انا مش شايف غير كده يا صاحبي وحبيبي واخويا وتؤامي من واحنا عيال صغيره
ادهم بوجع مش عايز من اسم السيوفي حاجه غيرك يا مراد اللي كان فاضلي منه راح من غير ماخده في حضني واقوله يابابا
مراد بدموع سامحه يا ادهم علشان يرتاح عاش حياته كلها خايف من انه يوجعك بسبب طيشه
ادهم بدموع مسماحه بس كان نفسي اقوله بابا يا مراد كان نفسي
مراد حضنه بدموع واكمل انت قوي يا ادهم مش متعود اشوفك كده يا قلب اخوك انا وعدت انك مش هتتكسر ابدا يرضيك اطلع كداب
ادهم بحب لا ميرضنيش يا غالي
مراد بحب اخوك بقي يالا الله
ادهم بحب مسح دموعه واكمل اخويا كنت وهتفضل اخويا وسندي وضهري يا مراد
مراد حضنه واكمل ده انت اللي سندي يا ادهم انا مقدرش اشوف حياتي من غيرك اصلا احلي حاجه حصلتلي انك بقيت اخويا بجد مش مجرد كلام
ادهم بحب ده انا حظي حلو ان مراد السيوفي اخويا
مراد وانت مش اي حد يا غالي انت ادهم السيوفي بردو ويلا بقي علشان ندي لو عرفت اني كل شويه احضنك هتغير وعماله تعيط عليك حرام
ادهم بضحك ابقي مصدوم وتايه وعرفت حاجه صعبه عليا وهي عماله اهدي يا ادهم اهدي اهدي ايي بس
مراد بضحك البت خايفه عليك ومصدومه بردو مغلطتش يلا زمانها قالبه البيت جنازه
في الفيلا مجرد ما دخلوا جريت ندي علي ادهم حضنته واكملت بدموع ادهم حبيبي انت كويس كويس صح
ادهم بحب باس راسها ومسح دموعها واكمل انا زي اافل متقلقيش عليا يا نورعيني
ندي بحب باست خده واكملت قلقت عليك اوي يا ادهم
مراد بضحك الله الله قدامنا لالالا ميصحش الكلام ده ما ليكم اوضه في الصاله يا ادهم في الصاله
ادهم بضحك بتردها يعني ماشي ماشي
ندي بيردها علي ايه
عشق باحراج احم احم اتلموا
جات اسراء وهي عنيها فيها دموع واكملت انا طول عمري بحبك وبحضنك علي انك اخويا بس لما عرفت انك اخويا بجد انا فرحتي مقدرتش اسيطر عليها احنا معاك. ياحبيبي وهتعدي اي صعب في حياتك المهم انك اخونا يا ادهم
ادهم فتح ايده واكمل تعالي
اسراء جريت عليه وهي بتعيط واكملت اه يا ادهم اه فرحتي مش عارفه اوديها لحد انا بحبك اوي اوي بجد
ادهم بحب باس ايديها وانا بحبك اكتر يا ام سيلا ربنا يخليكي لينا يا نورعيني وانا من زمان شايفك بنتي الصغيره اللي بحبها وبحافظ عليها مش اختي بس
اسراء بحب ويخليك لينا يارب يا ابو زين
ايمان بدموع ادهم انا
ادهم بمقاطعه انتي ست عظيمه ربيتي ابن جوزك طول السنين دي وهو المرفوض صح زي ماحسن قال رمز للخيانه والوجع وابن غير شرعي وشلتيني كل السنين دي حتي لما عرفتي حبك ليا مختلفش وفضلتي معتبراني زيهم
ايمان بدموع حضنته انت ابني انا يا نورعيني ابني انا ولو اطول اعمل اكتر هعمل متقولش كده تاني يا ادهم
ادهم بحب باس راسها واكمل حاضر يا ست الكل
———————————–
عند فهد وشيرين
فهد بحب امسكي
شيرين لالا بقي عرفت منين اني بحب الورد
فهد قولتلك عيب تسالي السؤال ده
شيرين بحب شكرا يا فهد بس بمناسبه اي
فهد بحب مش عارف المناسبه الصراحه بس لا ولا شكر ولا حاجه ويلا شيليه في العربيه علشان نازلين
وفعلا شيرين شمت الورد بحب وعملت كده ونزلوا
شيرين حاليا مفيش حد جوه غير الطوارئ ودول عارفين يلا ندخل ونخلص
فهد بحماس يلا
وفعلا دخلوا وفهد جاب سلم وطلع يركب اول كاميرا بس شيرين مش ماسكه السلم حلو
فهد لا انا كده هقع يا شيرين
شيرين طب بقولك اي تعالي انت امسكه حلو وانا هطلع اركب
فهد طب يلا ونزل هو وطلعت هي
فهد خلي بالك وانتي نازله
شيرين ايوه اتركبت بس كده ورايحه تنزل رجلها اتزحلقت بس فهد مسكها بين ايديه
فهد بحب بص في عنيها واكمل مش قولت خلي بالك
شيرين فضلت بصاله هي كمان وهي ساكته خالص بعدين اكملت باحراج اه طب طب نزلني خلاص
فهد نزلها بهدوء وفعلا فضلوا يركبوا في الكاميرات
شيرين تعبت يخربيت كده
فهد علشان دول مش باينين فبنتعب لحد مانثبهم صح المهم انا جبت سماعه نحطها في مكتب يحيي علشان نسمع اي حاجه هيقولها
شيرين بضحك عليا الطلاق من الواد خطيبي انت جامد
فهد بحزن امم يلا
وفعلا دخلوا وركبوا السماعه بس سمع صوت رجلين جايه
شيرين بس كده يلا بينا بقي علشان
قاطعها فهد وهو بيحط ايده علي بوقها واكمل بهمس هششش شكله حد جاي
شيرين بصدمه حد حد مين وفاجاه الباب اتفتح بس كان قبلها بثواني فهد شدها واستخبوا في فتحه في الاوضه تسيعهم هما الاتنين بلعافيه شيرين اتوترت من قربه اوي واكملت بهمس ممكن تبعد شويه
فهد بهمس هو ده وقته اهدي الله يخليكي هنتمسك
يحيي كان بيتكلم في التليفون واكمل ايوه يا زعيم هنعمل كل ده حاضر
ايوه ايوه كانت هتجبلنا حوالي 3 مليون جنيه الاعضاء اللي جايه بس الست رفضت اخر الوقت وقالت مش هتبيع الكليه
طب انا اعمل اي يا زعيم هي موافقتش انا عارف والله لو مبعتناش المطلوب في الوقت المناسب هتبقي مصيبه بس مش بايدي هدور علي غيرها في اسرع وقت
اه طبعا حاضر حاضر واول حاجه هعملها مع اي مريض هفتح بطنه بي المشرط علشان اضمن انه مات بعدين هبدا اخرج الاعضاء
هنا شهقت شرين وفهد حط ايده علي بوقها بسرعه
يحيي تمام حاضر حاضر هبلغك بأي جديد وقفل
يحيي هو في حاجه هنا حاسس اني سمعت صوت وفضل يدور وهما قلبهم هيتخلع من الخوف وبعد دقايق
يحيي لالا مفيش اي الهبل ده مين هيكون هنا يعني وخد شويه اوراق وطلع ومشي
فهد وشيرين خرجوا
فهد بحده ينفع اللي هببته كنتي هتفضحينا
شيرين بخوف هما ازاي كده
فهد طبيعي يعني دول قتالين قتله امال هياخدوا اعضائهم ازاي لازم يموتوهم
شيرين بتوتر فهد انت انت هتعمل اي حرام يموت حد تاني ده بيدور
فهد هفكر وهقول لمراد بكره فكرت في اي دلوقتي يلا اروحك
شيرين لا عادي هاخد تاكسي روح انت
فهد بطلي عبط مستحيل اسيبك لوحدك في الوقت ده
———————————–
تاني يوم في المستشفي
مراد بعصبيه قولت لا يعني لا
شيرين بس انا موافقه
مراد بعصبيه انتي اتجننتي صح انتي هتبقي مرات اخويا وانا مش هسمحلك تعرضي نفسك للخطر
فهد ولا انا هسمحلها واوعدك اني هحميها حتي لو كان التمن حياتي بس يا مراد مفيش حل غير كده
مراد مش عارف انا خايف اوي يا فهد
فهد ثق فيا شيرين هتبقي كويسه
شيرين وافق بقي
مراد بتنهيده طيب امري لله بس لو حصلها حاجه يا فهد انا
فهد بمقاطعه متكملش هحميها بروحي
مراد تمام
فهد بفرح يلا بينا نبدا
شيرين يلا
وطلعوا وقبلت طارق
طارق بحب راح عندها وباس راسها واكمل واحشتيني مش عارف اتلم عليكي خالص من الشغل
شيرين اه لما نخلص باذن الله الضغط ده نبقي نشوف ونتجمع
طارق اكيد بس مين ده
شيرين بتوتر ده ده مريض عايز يعمل تحليل دم فهنزل معاه المعمل
طارق اه خلي بالك من نفسك
فهد بحده انسه شيرين انا مشغول ممكن امشي واجي لحضرتك وقت تاني
شيرين لالا انا هنزل معاك دلوقتي
طارق في اي حضرتك مش الخمس دقايق هيطيروا اليوم يعني خطيبتي وبقالي كتير مش بعرف اكلمها فواحشاني
فهد بغضب بيحاول يكتمه امم طبعا طبعا حقك بس انا مش فاضي
شيرين خلاص يا طارق انا هخلص وابقي اكلمك
طارق ماشي بس صح عايز اقولك علي حاجه
شيرين قول
طارق واحد صاحبي عازمنا بكره علي البحر علي عزومه سمك وهو جاي ومعاه خطيبته فهنروح اانا وانتي
شيرين اتصدمت ان فهد عرف انها مش بتحب السمك مع انها متعرفوش غير اسابيع بس طارق مخدش باله اصلا بس اكملت تمام يا حبيبي يلا سلام دلوقتي
فهد بحده يلا
ومشيوا
شيرين اي ماتهدي علي نفسك يا فهد متعصب ليه
فهد سيبك من اني متعصب ركزي انتي زعلتي ليه
شيرين بحزن يعني اي
فهد مفيش حاجه يا شيرين يلا بينا
شيرين بتبقي وحش وانت مكشر
فهد ابتسم غصب عنه واكمل طب ياستي مش هكشر
شيرين ايوه كده قمر
وراحوا محل ودخلت شيرين لبست جلبيه سودا وحطت بروكه بيضا وسودت وشها وحطت ايشارب اسود وطلعت
فهد بضحك يانهار ازرق اي ده شكلك يموت من الضحك بجد
شيرين بغيظ كده طب هغير ومش هعمل حاجه
فهد بضحك لا خلاص خلاص بس تصدقي انك حتي وانتي عجوزه قمر
شيرين عجوزه قمر ده انا شكلي مقرف
فهد بحب لا زي القمر هي هي روح شيرين وقلب شيرين ودي اهم حاجه
شرين بخجل ابتسمت وسكتت
وراحوا المستشفي
فهد يلا نفذي وتعاليلي بسرعه واوعي السماعه تقع وامسكي ده كمان
شيرين اي ده ده خاتم
فهد اه علشان فيهGPS تحسبا لاي غدر
شيرين بحب شكرا اوي با فهد شكله قمرر
فهد من غير شكر يلا بقي روحي
وفعلا نزلت شيرين وراحت قدام مكتب يحيي ومسكت فونها كانها بتتكلم وغيرت صوتها
شيرين ايوه يابتي هجيب منين انا كل الفلوس دي 60 الف كيف بس
ايوه عارفه انه لازم يعمل العمليه دلوجت بس منين انا لو اطول ابيع كليتي هبيعها ده ولدي بس منين وازاي
يحيي ابتسم بخبث وطلع واكمل ممكن حضرتك ثواني تيجي في مكتبي
شيرين سلام دلوجتي يا بتي ودخلت واكملت ايوه يا داكتور جول
يحيي انا ممكن اخد كليتك بس وب 60 الف زي مانتي عايزه اسف اني اسمتعمت لكلامك بس انتي شكلك محتاجه الفلوس اوي
شيرين بتمثيل فرح موافجه طبعا عادي يا ولدي انت سمعت وفرحت جلبي ولدي الكبير عايز عمليه غاليه جوي وانا محتاجه فلوس فاهعلمها
يحيي اه وطبعا مفيش ضرر عليكي لان الكليه التانيه بتكبر وتعوض مكان اللي خدناها
شيرين ماشي يا ولدي اجيلك ميتا
يحيي بخبث انهارده 3 الفجر
شيرين ماشي يلا سلام
يحيي بس محدش يعرف من اهلك لازم السريه ااتامه
شيرين ماشي يا ولدي
وطلعت لاول شاع المستشفي وركبت ااعربيه مع فهد ومشي بيها
فهد بفرح فخور بيكي جدا جدا
شيرين اه الحمدلله عقبال اللي جاي
فهد بحب حط ايده علي ايديها واكمل متقلقيش انا معاكي وربنا معاكي ومش هنسيبك
شيرين بستغراب انت عرفت منين اني قلقانه مع اني كنت متحمسه
فهد وهو ماشي بلعربيه اكمل بعرف عنيكي من غير مااتتكلمي يا شيرين وعارف حاجات تانيه كتير كل حاجه بتفكري فيها بعرفها من نظره عنيكي بس كله في وقته
شيرين بضحك مخابرات مخابرات بقي
فهد بضحك شوفتي بقي المهم مش عايزك تخافي انا معاكي ها مش هسمحله يأذيكي بوعدك
بعد شويه بليل كان موجود ورا المستشفي مراد وفهد وشيرين والعساكر والكاميرات شغاله قدامهم صوت وصوره وشايفين يحيي وهو بيحضر اوضه االعمليات
فهد مراد انا هقدم مع شيرين شويه اوصلها وجاي
مراد تمام بس خلي بالك
فهد ماشي ومشي شويه بيها وكان شايفهم مراد
فهد بحب مسك ايديها واكمل بتثقي فيا
شيرين طبعاا
فهد خلاص وعد مني مش هيحصلك حاجه
شيرين حضنته واكملت انا مش هخاف وواثقه في ربنا ومن بعده انت
فهد بحب بادلها الحضن وبعدين خرجت من حضنه ومشيت بسرعه وهي مستغربه ليه حضنته اصلا اول مره تحضن حد غريب بس كبرت دماغها ومشيت
مراد بتنهيده مش ناوي تتلم
فهد مراد انا بحبها وانت عارف مش قادر امنع نفسي من اني اخاف عليها او احضنها مش قادر
مراد بحده بس دي خطيبه ابن عمي مينفعشش يا فهد
فهد عارف ومش كل شويه تفكرني وانا مش عايزها تحبني او تسيبه بس هفضل احبها بيني وبين نفسي
عند شيرين دخلت عند يحيي
يحيي بخبث اتفضلي يا حجه نامي علي السرير
شيرين نامت وهي خايفه اوي بس كانت بطمن نفسها
يحيي ادالها منوم
شيرين بدوخه ده ايه ده
يحيي بخبث. ده نهايتك يا
حجه
شيرين بخوف ودموع همست فهد
ورفع المشرط علشان يحطه في بطنها
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حطمت قلبي الجزء الثاني)
للعودة لقراءة الجزء الأول من الرواية اضغط على : (رواية حطمت قلبي)
