رواية حريم القصر الفصل الأول 1 بقلم حنين الماضي
رواية حريم القصر الجزء الأول
رواية حريم القصر البارت الأول
رواية حريم القصر الحلقة الأولى
وراء كل باب غرفة قصة وحكاية واسرار ومشاعر وقلوب سعيدة وحزينة وقلوب بتعافر عشان توصل ،، قصتنا فيها كل المشاعر والمواقف اللى ممكن تقابلنا فالحياة 👌👌فى قصر الحريم ياترى سبب مشاكل الحياة النساء ولا الرجال ومين ظالم ومين مظلوم ؟؟
أسرة مكونة من اب وام وولدين فارس مهندس ديكور عندة ٢٨ سنة و فؤاد محاسب فى بنك خاص عندة ٢٥ سنة …
ليلى : انت فين يا فارس
فارس : لسة نايم 🥱 الساعة كام
ليلى : الساعة داخلة على ٩ وكل شوية اقول هتيجى وفالاخر قولت اتصل اشوفك فين ؟
فارس : معلش يا حبيبى رجعت متأخر بالليل ونمت مقدرتش اقوم
ليلى : كنت ابعت رسالة عرفنى يا فارس
فارس : معلش متزعليش وبلاش خناق
ليلى : مش هتخانق يا فارس لكن أنا هروح اشوف المشوار اللى قولتلك علية لوحدى
فارس : بس احنا اتكلمنا فالموضوع دة وقولتلك مينفعش
ليلى : أنا لو استنيتك كل مرة يبقى عمرى ما هعمل حاجة وانت ولا فى دماغك حاجة
فارس : قولتلك متروحيش ولو رحتى اتحملى اللى يحصل لوحدك
ليلى : كمل نوم يا فارس مع السلامة
فارس : سلام
🧐🧐🧐🧐🧐🧐🧐🧐
ليلى : الو استاذ ماهر أنا جاية
لحضرتك الساعة ٥ وهتفق مع حضرتك على كل حاجة
ماهر : فى انتظارك تمام
_______________
ليلى : الو
مى : عاملة اية عالصبح ؟
ليلى : مخنوقة يا مى من فارس وخلاص لازم اخد قرار مش هينفع افضل مستسلمة لية كدة
مى : تانى فارس ! عمل اية ؟
ليلى : محدد معايا ميعاد من امبارح ووعدنى هيجى معايا ،عشان البية عندة شك أن العميل مش محترم
مى : مش محترم لية ! هو عمل حاجة ؟
ليلى : ولا اى حاجة هو الراجل چنتل وواخد الدنيا بهداوة وبيحب الحياة وعاوز يعيش فى جو من خيالة ومعاة فلوس ،يبقى لية ميتمتعش بيها ؟!
مى : يا بختة هههههه
ليلى : أنا بقولك ايه وانتى بتهزرى وانا هطق منة
مى : طيب أهدى لان هو هيقنعك زى كل مرة وانتى هترجعى تقولى أنا كنت ظالماة هههه ومع كلمة حلوة منة كل اللى انتى فية دة هيرووووح هههههه
ليلى : أنا كرهت ضعفى قدامة وهو واثق من كدة عشان كدة لازم اخد قرار واحطة قدام الأمر الواقع وهو بقى يتحمل مرة نتيجة خطأة
____________
فؤاد : نازل ولا هتكمل نوم
فارس : مش عارف
فؤاد : لغز دة ؟
فارس : كنت المفروض انزل ونمت
فؤاد : شغل ولا ميعاد يا دنجوان هههه
فارس : الاتنين
فؤاد : اوووباااا حد ينام ويسيب حاجة زى كدة
فارس : رجعت تعبان بالليل نمت محستش بنفسى
فؤاد : كدة القطة هتهرب منك لان البنات بيحبوا الاهتمام وتكون موجود فالميعاد قبلهم بساعة واول لما تشوفها تقولها الوقت عدا عليا بصعوبة هههههه
فارس : شكلك رايق وجاى تفوق عليا
فؤاد : أنا عن نفسى رايق هههه عشان عندى ميعاد وبسمع الكلام وهروح قبلها بساعة عشان أنا ملتزم ههههه
فارس : هههههه دة انت واقع بقى واحنا مش واخدين بالنا
فؤاد : أنا واقع وعلى الآخر
فارس : الموضوع قلب جد ولا اية بعد ما كان هزار
فؤاد : بنت اللاعيبة لعبت معايا وهى اللى كسبت هههههه
فارس : كدة هتعرف تجيبك فى اى حاجة خد بالك
فؤاد : اخرها اية يعنى دبلتين ومحبس وخاتم وشيكولاتة هههه
فارس : دة انت عامل حسابك بقى
فؤاد : أنا فتحت ابوك وامك امبارح خلاص وهشوفها النهاردة اقولها على اللى جوايا كلة
فارس : هو انت كنت لسة معرفتهاش ؟!
فؤاد : لا بنتقابل عادى بس مقولتش حاجة
فارس : اية بقى اللى وقعك كدة
فؤاد : شخصيتها
فارس : مالها يعنى شخصيتها
فؤاد : هى زميلتى فالبنك ، تشوفها وهى بتتعامل مع العملاء تلاقيها واثقة من نفسها جدا ورقيقة فى نفس الوقت وابتسامتها على طول موجودة لكن ذكية جدا ،بتفهم العميل من نظرة وعندها رد جاهز على اى سؤال مهما كان
فارس : عجبك اية بقى ثقتها ولا أسلوبها ؟
فؤاد : كلها على بعضها تحس فيها جاذبية غريبة
فارس : وبتتقابلوا برة الشغل ؟
فؤاد : مش المقابلات اللى فى بالك ،مقابلات نروح ناكل حاجة سريعا كدة ونرجع
فارس : افرض فى حد فى حياتها هتعمل ايه
فؤاد : معتقدش لان نظراتى ليها غلبتنى وهى حست بكدة وكانت بتبتسم كسوف لما ببصلها
فارس : يا جامد انت يا مظبط ههههه
فؤاد : عقبالك
فارس : أنا كل ما اتعلق بحد معرفش هو العيب فى مين ؟ فيا ولا فيهم ؟ ازهق من النكد والخناق وابعد وبعدها اقول هى عندها حق تزعل بس على ما افكر ارجع تكون يا اتخطبت يا اتجوزت هههه يعنى أنا بمهد الطريق وبركة ليهم ههههه
فؤاد : انت لو فعلا حبيت استحالة تروح عليك نومة وتفضل نايم كدة
فارس بتنهيدة : تفتكر
فؤاد : انت لازم تتأكد من مشاعرك عشان البنات غيرنا ولما بيتعلقوا بواحد بيكون صعب ينسوا عادى وممكن توصل للانتقام
فارس : انتقام اية يا عم مش للدرجادى
فؤاد : لا لو واحدة بتحبك بجد وانت سيبتها هتنتقم منك وانا شوفت قصص كتير كدة
فارس : أنا فاكر عادل صاحبى فاكرة ؟
فؤاد : اة طبعا
فارس : فضل مرتبط ٣ سنين والبنت كان واقعة فى غرامة وبعدها انفصلوا وجة يتجوز بنت عمتة ،راحت البنت اللى كانت معاة قبل الجواز بعتت صور ومكالمات بصوتة لخطيبتة ههههه
طبعا عمتة قعدت تتخانق وقالوا أنة كداب وبيلعب ببنات الناس وهما مش ضامنين أنة يحافظ على بنتهم والفرح كان قرب ، طبعا اتكسف قدام العيلة كلها واضطر يقولهم شوفوا الضمان اللى عاوزينة قالولة تكتب فى القايمة الدهب كمان هههه ووافق
واهو اتجوز وبقى عندة بنتين وكل ما يشوفنى يقولى أنا مكمل عشان القايمة هههههه
فؤاد : هههههه يستاهل هو لو كان ناصح كان خلاها كرهتة الاول وهى اللى كانت تبعد عنة وبعدها يتجوز وهو فى امان
فارس : استنى اشوف مين بيتصل ..الو
ماهر : الو يا بشمهندس صباح الخير
فارس : صباح النور
ماهر : المفروض تشكر المهندسة ليلى على انضباطها ومتابعتها للعملاء ولو الواحد عندة حد يهتم وراة بشغلة كدة ،يبقى امة دعيالة هههه
فارس : ممم فعلا هى شاطرة وبتحب شغلها جدا المهم أن العملاء بتوعنا يكونوا مبسوطين
ماهر : هى كلمتنى حددت الميعاد بس عرفت انك مش جاى معاها
فارس : أنا بلغتها تظبط المواعيد لانى مشغول فى ميعاد تانى لعميل مهم
ماهر : مهم !! عالعموم مش حابب اعطلك والمهندسة ليلى أنا واثق فى كفائتها اكيد
فارس : أنا كمان واثق فى كفائتها وان شاءالله الشغل يعجبك
ماهر : ان شاء الله مع السلامة
فارس : سلام
🤨🤨🤨🤨🤨🤨🤨🤨
فؤاد : مين اللى كان بيكلمك ووسط قلب كدة لية ؟
فارس : هى كدة حطت نهايتها
فؤاد : مين دى ؟
فارس بسخرية : اللى كنت فاكرها محترمة ،طلعت عاوزة حد يعاكس وفلوس ومنظرة
فؤاد : طب اهدا وكلمها بهدوء وافهم منها الاول
فارس : هى عاندت خليها بقى ورا دماغها
فؤاد: متعملش دماغك بدماغ بنت لان قولتلك تفكيرهم مختلف ،انت متخيل أنهم ممكن يكلموا واحد قدامك عشان تغيير عليها وتزعقلها ،تخيل فرحتهم وانت بتزعقلهم كمان ههههه
فارس : والبية بيكلمنى عشان يقولى ولا ليك لازمة
فؤاد : هو عينة منها ولا أية
فارس : يشبع بيها مبقتش تلزمنى خلاص وإذا كان على الشغل الف واحدة من بكرة اجيبها، لكن ليها عندى رسالة تستحقها .
______________
لايك وكومنت لمتابعة رواية حريم القصر وياترى مين قابلت شخصية زى فارس فى حياتها ،شخصية تحب السيطرة وتبيع بسهولة وياترى موقف ليلى اللى عملتة صح ولا غلط ؟؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حريم القصر)
