رواية حدوتة فجر ويونس الفصل الأول 1 بقلم دعاء زينة
رواية حدوتة فجر ويونس الجزء الأول
رواية حدوتة فجر ويونس البارت الأول
رواية حدوتة فجر ويونس الحلقة الأولى
_هتتجوزي أمتي
/بصتله باستغراب، أنت بجد عاوزني أتجوز
_طبعًا
/اممم طيب قريب اووي هتفرح بيا إن شاء الله
سكوت كررت هي قطعه
/أنت عمرك ما حبتني معقول
_لا طبعًا أكيد حبيتك و
/كداب
_بصلها باستغراب ممزوج بتعجب من ردها الجاهز والقاطع لأي نقاش
/متستغربش اووي كدا، مفيش راجل يحب ست ويهون عليه زعلها، مفيش راجل أتمني يكمل حياته مع ست ويقدر يتخلي عنها بسهولة زي ما أنت عملت
الراجل اللي حب بجد يقتله مجرد التفكير إن الست اللي معاه ممكن تنتمي لحد غيره، وأنت ماشاء الله عليك ي بن عمي هتسلمني بإيديك لعريسي، بذمتك اللي زيك كدا عمره حب، اللي شبهك ده عمر قلب دق زينا كدا عاادي، بس عارف ورحمة أبويا اللي سابني أنا وأمي أمانة في رقبتك لو هتكون أخر راجل في الدنيا مش هرمي طرف عيني عليك حتي، وخليك فاكر أني كنت ماسكة في حبالك الدايبة للأخر
بقلم #دعاء_زينة
★*****★
فاااق من ذكرياته علي دموع هربانة كما اللي اتحكم عليه بإطلاق سراحه في الحال، وهي بيخط أخر حروف كلماته في دفتر ذكرياته اللعينة
“”غبي من يظن أن المرأة تُعاقب، غبي من يعتقد أنه ضمن امرأة، بل أكثر غباءًا حين يظن أنه امتلكها وأنها أصبحت أحد ودائعه ذات الأصل الثابت الغير قابل للخسارة…)””
عدل هيئته ورفع عيونه للسماء بإرهارق سنين مرت على قلبه تعبته وعجزت ثناياه
(لم أريدُ يومًا بعدها ولكني من أخترت وهااا أنا الآن أُعاقب…)””
=ايه ي حبيبي هتفضل عندك كتير يلا عشان تفطر
_حاضر ي مرات عمي أنا جاي
★********★
قاعدة متوترة، بتفرك شمال ويمين، وبتبرد ضوافرها، وفجأة صرخت صرخة فزعت اللي لسه خارج من الحمام مالحقش ينشف شعره
=في ايه
بقلم
#دعاء_زينة
/بتعيط، جرحت صوباعي بالمبرد
=شال إيديها ونفخ في صوابعها بهدوء، ماهو بردو محدش يبرد ضوافره بالعصبية بتاعتك دي
/معلش متوترة شوية
=حط صوباعه علي بقها، هشش، ومسك المبرد من إيديها بدأ يبرد ليها ضوافرها بهدوء، طب أهدي وأنا هتولي المهمة البسيطة اللي موتراكي دي ي ست
وبدأ فعلًا يبرد ضوافرها بحنية وينفخ مكان المبرد كل شوية، ومين حين لأخر يرمي نظرة لعيونها لعله يروي بيها قلبه المشتاق لقربها الدايم، وبعض شوية وقت رفع وشه
=خلاص ي ست البنات خلصنا
/دمعت وقربت منه شدت الفوطة تنشف ليه شعره، أنت إزاي حنين كدا
=يااااه عشان بردت ضوافرك، طب خدي بالك دي أقل حاجه عندي بس أنتي اللي مش واخدة بالك وختم كلامه بغمزة من عيونه السود اللي أسرت قلبها رغمًا عنها
/ده أنت مغرور غرور
=أنت معدوم الشعور، أنت زي الزينة ديكور واللي عاشرك معذور أنت مغرووررررررررر
بقلم #دعاء_زينة
/ضحكت جامد علي حركاته العفوية اللي بتخطفها غصب عنها من قلبها وتوديها لعنده، عشان يقرب منها يطبع بوسة خفيفة علي مقدمة رأسها
=أنا عارف أنتي متوترة ليه، بس لو حابة تلغي الزيارة أنا ممكن أعمل كدا حالًا وأعتذر لمامتك أننا مش هنقدر نروح
/واثق فيا ولا لا
=أنا عارف أنك مش بتفكري في الموضوع وأنك عشان بقالك كتير متقبلوتوش ووو
/سؤالي واضح واثق فيا ولا لا
=واثق وكمل بتردد بسس بس خايف
/بس اللي بيثق عمره ما يخاف
_لا بيخاف بيخاف لا اللي جابه من قلبه وربطه جمبه بعد ماكان زي طير الله في سماه وجبره غصب عنه يبنيله بيت علي الأرض ويستقر فيه رغم أنفه، يطلع البيت في الأخر عش علي غصن شجرة مايل متقدرش تواجه شوية هواء
/ومين ده اللي جابك من قلبك إن شاء الله
=محدش غيرك و
بقلم #دعاء_زينة
/حطت إيديها علي خده اليمين، هشش ووحياة اللى جمع بيني وبيك وأنت طاير في سابع سما رحال، وأنا حيلة بقول ي هادي في جرح القلوب، إن قلبي اتدواي بقربك وعنده استعداد يبيع الدنيا ويشتري خاطرك، بس توتري ده عشان بقالي كتير مواجهتش أنا مش خايفة من المواجهة أد ما خايفة إنك تزعل او يحصل اي حاجه سخيفة من اي نوع تضايقك وعشان كدا كنت عاوزة أقولك أنه مش ضروري
=هو اللي مش ضروري أنا حماتي وحشتني بصراحة فين فوق الخمس سنين مقضينها فيديو كول محتاج أكل طاجن ورق العنب أنا
/ضحكت وحركة شعره بعشوائية، طب قوم البس ي باشا قبل ما يبرد
=ضحك بتردد وقام هو كمان عشان يلبس
★**********★
رن الجرس
+فجر
/ماما وحشتيني خاااالص والله
+ي نور عيني ماما أنتي أخبارك ايه وخسانة كدا ليه هااا الولا ده مش بيأكلك ولا ايه
=ي نبع الحنان الولا ده هي واكلة أكله أساسًا
+كلمت كلامها وهي بتضمها، أكل ايه بس دي بقت عاملة زي العصفورة
=طب بالنسبة للعصفور ده مفيش اي اشتياق او سلامات ليه حتي
+أنت حبيبي ي ولا، وفتحت حضنها ليه ضمته بحنية أم، عامل ايه ي يونس طمني عاملين ايه في الغربة
=والله احنا لو ندخل ونشوف بس طاجن ورق العنب اللي هيبرد ده ونتكلم هكون شاكر جدًا
/ي دي ام ورق العنب ي بني أرحم بقي
بقلم #دعاء_زينة
=مالكيش دعوة أنتي، ي عدوة اللذة ي اللي من أنصار الفتة
/فتة أنا من أنصار الفتة، بذمتك ي ماما أنا عمري كلت فتة أصلًا هاااا👀
كانت بتتكلم وهي بتلف وراه حوالين مامتها، ومامتها عاملة تتضحك علي طفولتهم اللي لسه غالبة علي طبعهم رغم قساوة الغربة، خد هنا ي بتاع الفتة أنت
خرج يونس من حيز حماته وكمل جري وهي بتجري وراه وفجأة رجليها اتولت
/اهااااااا
ظهر كريم من العدم بخضة عليها ومد إيديه ليها عشان تقوم، وكان يونس بعيد سيكا عنها أول ما سمعها جري عليها فورًا ونزل لمستواها
=أنتي كويسة
/رجلي اتلوت، وكملت وهي بتبكي مش قادرة أقف عليها
=طب هشش أهدي ممكن، وبدأ يدلكها ليها بهدوء
+الأم بخضة ادي آخرة لعب العيال الصغيرة
/أنا كويسة ي ماما
*كويسة إزاي وأنتي بتبكي بالشكل ده هااا
/يونس طلعني اوضتي ممكن محتاجة أرتاح
=عيوني وشالها وبص ل كريم وهو بيعلن ملكيته الكاملة والابدية ليها بقلم #دعاء_زينة
دخلها اوضتها، ومامتها جابت ليهم الأكل أكلها وادها مسكن، وفضل يحكي ليها حواديت من تأليفه هو وبس، حس بنفسها أنتظم وبص ليها
=عملتي فيا ايه ي بنت عم صلاح مكنتش كدا أنا، خليتي افشل إنسان ممكن يتكلم حاكي حواديت هتعملي فيا ايه تاني
طبع بوسة بخفة علي خدها اليمين وغطاها كويس وخرج، قعد مع حماته اطمن عليها واتكلم معاها شوية وبعدين نعست واستاذنت تتدخل تنام لأن كدا كدا البيت بيته، خرج الڤراندا ولع سيجارة العادة اللعينة اللي عنده ومش عارف يبطلها وخصوصًا لما يكون زعلان
=لقي نفسه بيردد زعلااان، ولا خايف
خد نفس من سيجارته وخرجه بقوة ونفاذ صبر بيبث فيه مشاعره اللي قلقها، وخوفه اللي محاوطه، وحاجات كتير مش قادر يطلعها
*محبتكش مش كدا
=هااا معلش تقصد ايه
*قصدي أنت فاهمه
=مش بفهم تلاقيح النسوان دي عندك حاجه قولها دوغري غير كدا هتشوف حاجات تزعلك، عن إذنك
وجه يسيبه ويطلع
*فجر عمرها ما حبتك لسه أنا باجي في بالها مش كدا، لسه تتمني ترتمي في حضني صح
=الد”م غلي في عروقه ومحسش بنفسه غير وهو بيكور إيديه ونزل بيها علي وشه، ولكمة في التانية وقعه عالأرض ومن سرعة يونس ملحقش كريم أنه يرد ليه اي ضربه، ونزل فوقه
=اسمع ي روح أمك مراتي إسمها ميجيش علي لسانك سامع، ويوم ما تفكر تنادي ليها عشان صلة القرابة اللي بينكم يبقي مدام فجر سااامع، اما بقي كون مراتي تحبني تكرهني دي حاجه متخصكش ي روح أمك، أما بقي حوار أنها فاكراك والهبل ده، فالست مبتفكرش غير الرجالة مش اللي نقصلهم طرحة ويقعدوا جمب الست الوالدة
وضربة لكمة أخيرة وبص عليه باستحقار وطلع ل فجر اوضتها متعصب، لا شايف ولا سامع غير جملة “”محبتكش مش كدا، لسه بتفكر فيا، ولسه عاوزاني””
بقلم
#دعاء_زينة
وصل لباب الاوضة، فتحه ولسه هيزعق عينيه وقعت عليها وهي متكومة علي نفسها زي الأطفال قرب منها وبعد شعرها عن عينيها وبهدوء ينافي الحالة اللي هو فيها
=فجر
/اممم
=يلا هنمشي
/هااا فين والساعة كام
=الساعة لسه ١١ قومي هنرجع الاوتيل تاني
/فركت عينيها بتحاول تستوعب الكلام اللي بيتقال، ليه
=مش مرتاح ي فجر أنا مش مرتاح، وصوته غلب عليه بحة العياط
/طب خلاص يلا بينا ولا تزعل، بس حصل ايه
=محصلش غير أنك محبتنيش ي فجر محبتنيش ودي حاجه مش بإيديك تعمليها، ولا بإيدي أجبرك عليها
/يونس حبييي فيا ممكن تهدي أنا مش فاهمة حاجه
=أنتي طالق ي فجر
★************★
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حدوتة فجر ويونس)
