رواية حب نادر الفصل الأول 1 بقلم مها أسامه
رواية حب نادر الجزء الأول
رواية حب نادر البارت الأول
رواية حب نادر الحلقة الأولى
يسير فى الشارع سريعا كى يلحقها قبل ان تنام
رن على هاتفها
نادر : الو …متقوليش انك نمتى…معلش اصحى اقفى فى البالكونه ونزلى السابت
اسماء : ليه يانادر ..عايز ايه ؟…حرام عليك انا مصدقت انام عشان اصحى بدرى بكره للكليه…
نادر : معلش انا واقف تحت البيت مستنيكى اطلعى بقى
طلعت اسماء البلكونه وهى قافله عنيها من النعس وهو مازال على التلفون
اسماء : اهو طلعت عايز ايه ؟
نادر : نزلى السابت
نزلت السابت حط فيه كيس طلعته وقالتله : ايه ده ؟!
رد: ادخلى شوفيه ..هروح انا بقى الشغل
دخلت اوضتها فتحت الكيس اندهشت وفرخت مما وجدته بداخله اتصلت به سريعا
اسماء: الو نادر بجد مش عارفه اشكرك ازاى
نادر : تشكرينى على ايه بس انا ميرضنيش تروحى اول يوم الكليه بلبس قديم وكمان كان نفسك فى اللبس ده صح؟
اسماء : صح…بس عرفت ازاى
نادر : انتى نسيتى ان اختى كانت معاكى وهى اللى قالتلى ..وانا مقدرش اتاخر ابدا
اسماء : شكرا يانادر
نادر : برضو هتقولى شكرا
اسماء بضحكه : انا فرحانه اوووى
نادر : يارب دايما اشوفك فرحانه ..اسيبك بقى تكملى نوم عشان هصحيكى بدرى …تصبحى على خير
اسماء : وانت من اهله
**********
اسماء ١٨ سنه اول سنه لها فى الجامعه ..ونادر ٢١ سنه لم يلتحق بالثانويه بسبب ظروف وفاة ابيه وهو صغير ففضل ترك التعليم ليصرف على امه واخته يارا وهى فى سنه تانيه جامعه وهما جيران من زمان
الساعه السابعه صباحا
نادر يكلم نفسه : ردى بقى كل ده نوم
دخلت يارا : انت بتكلم نفسك
نادر : برن على اسماء عشان اصحيها مش بترد ممكن تعدى عليها
يارا : طيب البس وارحلها
نادر : بسرررعه
بعد خمس دقائق
نادر خبط على باب غرفته اخته : ها خلصتى ولا لسه
يارا : ادخل انا خلصت
نادر : انتى كده خلصتى !
يارا : اه هلبس الطرحه بسرعه والكوتش بسرعه واجهز الشنطه بسرعه وبس كده
نادر : يالهوى عليكى ..اسماء كده هتتاخر
يارا : رن عليها
نادر : يااااا من غيرك كنت عملت ايه …مانا برن عليها مش بترد
يارا : انا خلصت اهو
نادر : يلا قدامى
يارا: انت نازل معايا ولا ايه!
نادر : اه هوصلكو
يارا بغمزه : من امتى ده ! مانا بروح لوحدى ولا عشان اسماء ؟!
نادر : لا انتو الاتنين يلا قدامى
يارا : استنى خليك هنا لحد مانا اروح اصحيها ولما تجهز هرن عليك
نادر : ماشى خلاص … انا مستنيكى
يارا تدق باب جيرانها لحد مفتحولها الباب
يارا : ايه يابنتى كل ده نوم الساعه ٧:٣٠
اسماء يالهوى انا نسيت خالص
يارا : طيب ممكن تروحى تلبسى بسرعه عشان انا كمان متاخرش
اسماء : انتى جايه معايا ؟
يارا: اه نادر هيوصلنا
اسماء: نادر ؟! . ازاى مش هو بيرجع من الشغل الصبح بينام عشان الشغل بليل
يارا : معرفش بقى هو قالى صحى اسماء عشان اوصلكو ممكن بقى تلبسى بسرعه
اسماء : ماشى هلبس بسرعه اهو
خرجت من اوضتها : انا خلصت اهو
اتصلت يارا على نادر ونزلو هما التلاته
نادر جمب اسماء وجمبهم يارا
نادر بصوت واطى : اللبس عليكى حلو اووى
اسماء : بجد ..شكرا
نادر : قولت متقوليش شكرا دى تانى
اسماء: امال اقول ايه !
نادر : متقوليش ..
اسماء : ماشى
نادر : اسماء عايز اقولك حاجه قولتها ليارا اول يوم جامعه ليها خدى بالك من نفسك متصحبيش اى حد فى بنات وحشه ويخلوكى زيهم …وكمان فى شباب وحشه بيحبو يضحكو على البنات بكلمتين حلوين والبنات بتصدق مش عايزك تبقى زى البنات دى انا عايزك تركزى فى مزكرتك وبس ولو عايزه اى حاجه تقوليلى على طول متتكسفيش
توعدينى ؟؟
سماء : وده ليه ؟!
نادر: عشان خايف عليكى
اسماء : وتخاف عليا ليه هو انا صغيره؟
نادر: لا بس عشان بحبك وبخاف عليكى
اسماء: بتحبنى ؟!!
نادر : اه استغربتى ليه كده كأنك مش عارفه
اسماء: واحنا اتكلمنا فى الموضوع ده كزا مره
نادر: يااسماء بس..
قاطعته وقالت : احنا وصلنا خلاص سلام
نادر: ماشى خدو بالكو من نفسكو …يلا ادخلو وانا مستنيكو
وانتظرهم حتى دخلو وذهب هو لمنزله ينام كى يذهب لشغله فايق
عدت ساعات وجاءت اسماء ويارا مع بعض من الكليه واستيقظ نادر من نومه ياكل ويذهب الى شغله
نادر اخد دش وخرج وجد اخته تحضر الاكل على التربيزه
نادر : يارا انتى رجعتى امتى !؟
يارا : من خمس دقايق كده ..يلا عشان تاكل قبل متنزل
نادر : ماشى هروح البس عشان اكل وانزل على طول وصحى ماما
يارا : لا انا وماما مش هناكل دلوقت انا محضرهولك انت عشان شغلك
نادر : طيب هلبس وجاى بسرعه
ارتدى ملابسه وجلس على التربيزه
نادر : اممممم طعمه جميل يسلم ايدك تعالى كلى معايا
يارا : مليش نفس
نادر : ليه مالك حصل حاجه ..عملتى ايه صح ف الجامعه النهارده
يارا : عادى كلت سندوتشات من الجامعه فشبعانا …معملتش حاجه خدت المحاضرات ورجعت
نادر : رجعتى لوحدك وسبتى اسماء ؟
يارا : لا يا عم متخفش جبتها معايا محسسنى انها طفله خايف عليها
نادر : مش طفله بس اول يوم بقى وكده وبعدين بخاف عليكو انتو الاتنين
يارا : طيب كل وبطل لعب ف الموبيل عشان الشغل
نادر : بتصل باسماء مش بترد
يارا بتنهبده : انا زهقت منك انت وهى
نادر : ملكيش دعوه وادخلى زاكرى
يارا : هتشتغلى بقى من اول يوم زاكرى زاكرى
نادر : اه هتشتغلك يلا ادخلى
يارا : مش داخله
نادر : يابت اسمعى الكلام
وفى هذه اللحظه ردت اسماء : الو
نادر خرج وترك الاكل وذهب لشغله
نادر : الو ايه يابنتى مش بتردى ليه
اسماء: عايز حاجه يانادر
نادر : كنت بطمن عليكى بس مالك فيكى حاجه ؟!
اسماء: لا مفيش
نادر: صوتك بيقول فى حاجه
اسماء : وانا بقولك مفيش
نادر : طيب انا تحت البيت ممكن تنزلى ثانيه
اسماء : ليه
نادر : معلش ثانيه ..يلا مستنيكى
اسماء نزلت لنادر تحت عند السلم
نادر: اسماء مالك
اسماء: قولتلك مفيش يانادر
نادر: وانا بقولك فيه ..حد زعلك فى الجامعه!؟
اسماء: لا
نادر : امال مالك؟
اسماء: بصراحه يا نادر انا كنت بعتبرك صديق مش اكتر بس من ساعه مقولتلى انك بتحبنى وانا مش عارفه اتعامل معاك تانى
نادر : ليه عملت حاجه ضيقتك ؟!
اسماء: لا معملتش بس حبك واهتمامك ده بيضايقنى
نادر : ليه؟
اسماء: عشان انا مبحبكش يانادر…
وقع عليه كلام اسماء كالرصاصه فى قلبه لم يستطيع النطق بعد كلامها فهى جرحته
التزم الصمت قليلا لم يعرف ماذا يقول حتى نطق وقال : انا اسف يااسماء مش هضايقك تانى ….بس برضو موعدكيش انى هبعد هفضل موجود لو احتاجتى اى حاجه اعتبرينى اخوكى ..سلام عشان متاخرش
وذهب نادر وحاول كتم دموعه فهو يحبها كثيرا وهى لم تشعر بحبه لها بل دائما تجرحه بكلامها
ذهب لشغله ودخلت اسماء وكأن لم يحدث شئ
يتبع…
لقراءة الفصل التالي : اضغط هنا
الرواية كاملة اضغط على : (رواية حب نادر)
