رواية حب ميت الفصل الأول 1 بقلم صغيرة الكتاب
رواية حب ميت الجزء الأول
رواية حب ميت البارت الأول
رواية حب ميت الحلقة الأولى
_ : انت ليه بتشفق عليا بمشاعرك ؟!
= : بشفق عليكي ؟! انتي جيبتي الكلام ده منين يا رُفيده ؟! ، رُفيدة شالت جهاز التنفس و بصت ناحيته و قالت
رُفيدة : معاذ .. أنا مش عيلة صغيرة ، أنا فاهمه كل حاجه ، وقفتك جنبي و مساعدتي في أصعب فترة في حياتى اللي هي إحتمال تكون أخر أيامي أصلا ههه ، كل ده شفقة منك
معاذ بحزن : ممكن طيب تهدي عشان خاطري ، ما تتكلميش وحطي جهاز التنفس عشان تقدري تتنفسي بشكل طبيعي ، رُفيدة حطت جهاز التنفس تاني على وشها و بقت تسحب نفس جامد و بعدين شالته و دموعها بقت تنزل من عينيها و هي بتقول
رُفيدة : مكنتش عايزه حاجه من الدنيا غير إنك تكون جنبي ، بس مش بالطريقه دي أبدا ، معاذ غمض عينيه بحزن ومد إيده ومسد على شعرها بحنان وقال
معاذ : متفكريش في أي حاجه دلوقتي ، ارتاحي خالص ، ولما تقومي بالسلامه ان شاء الله هنتكلم وهنحكي وهنعمل كل اللي انتي عايزاه ، رُفيدة ضحكت بحسرة و قالت
رُفيدة : أنا خلاص يا معاذ أيامي بقت محدودة جدا ، اتنهدت شوية وكملت وقالت
رُفيدة : روح على بيتك يا معاذ ، بلاش تحصل مشاكل بينك وبين مراتك بسببي ، ههه وعلى رأي المثل .. الحي أبقى من الميت ، هنا دموع معاذ نزلت منه و خرجت منه شهقة حاول على قد ما يقدر إنه يكتمها بس للأسف ما قدرش ، رُفيدة مدت إيدها ولمست خده ومسحتله دموعه قام قالها
معاذ : أنا آسف ، أرجوكي سامحيني ، ابتسمت رُفيدة بكسرة نفس و قالتله
رُفيدة : اللي حصل كان قضاء وقدر .. الحمدلله على كل حال
معاذ : أنا السبب ، مكانش ينفع أفكر بالطريقة دي
رُفيدة : ربنا كان عايز كده ، ده قدرنا المكتوب وما نقدرش نغيره
معاذ : رُفيدة أنا….. ، رُفيدة بصت الناحية التانية وقالتله والدموع عماله تنزل من عينيها
رُفيدة : روح بيتك يا معاذ ، مراتك وأبنك زمانهم مستنيينك
معاذ : أرجوكي إسمعيني ، قامت قالتله بصوت مبحوح
رُفيدة : امشي يا معاذ
ـــــــــــــــــــــــــــــــــــــــــــــــــــــــــــــــ
معاذ رجع بيته وهي مخنوق جدا وحاسس انه فيه جبل على قلبه و فتح الباب بالمفتاح ، و أول ما دخل وهو بيقفل الباب النور اتنور مره واحده بيبص وراه لقاها مراته ، كانت واقفة رافعه حاجبها اليمين و مربعه إيديها وبتهز رجلها و كان باين على ملامحها الغل
_ : كنت عندها مش كده؟!! ، معاذ قال بصدمة
معاذ : ياسمين !!!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب ميت)
