رواية حب مشبوه الفصل الحادي والثلاثون 31 بقلم دودو محمد
رواية حب مشبوه الجزء الحادي والثلاثون
رواية حب مشبوه البارت الحادي والثلاثون
رواية حب مشبوه الحلقة الحادي والثلاثون
اشرقت شمس صباح يوم جديد بنورها الساطع في سماء القاهره بدأت بشري تستيقظ من نومها ونظرت حولها بالمكان بأستغراب ثم تذكرت ليلة أمس وضعت يدها على وجهها بخجل وابتسمت بسعاده ثم نظرت بجوارها سريعا لكنها لم تجد معتز بجوارها وسمعت صوت المياه تأتى من المرحاض علمت أنه بالداخل نهضت من على السرير ورتبته جيدا وفى ذلك الوقت خرج معتز من المرحاض ويضع المنشفه حول خصره وصدره عاري نظرت له بخجل اقترب منها واحتضنها بحب وقال
معتز :- صباحيه مباركه يا عروسه
إجابة عليه بتوتر وقالت
بشري :- ا ا الله يبارك فيك ا ا انت صاحي من بدري
أبتعد عنها ونظر بعينيها وقال
معتز :- اممم صحيت من بدرى وفضلت ابص ليكى وانتى نايمه مش مصدق نفسي انك بقيتى مراتى
ابتسمت بسعاده وقالت
بشري :- و و ولا أنا كمان مصدقه نفسي حاسه أن كل ده حلم جميل وخايفه اصحى منه
احتضنها بحب وقال
معتز :- تحبى اثبتلك أن ده حقيقه مش حلم
نظرت له بعدم فهم وقالت بتساؤل
بشري :- ازاى
نظر إلى جسدها بشهوه وقال بلؤم
معتز :- نكرر نفس اللى حصل امبارح
ابتعدت عنه سريعا وقالت بخجل
بشري :- والله العظيم انت غلس
تعالت ضحكاته واقترب منها واحتضنها بحب وقبل وجينتها وقال
معتز :- بعشقك والله العظيم
أحاطت ظهره بذراعيها وضمته أكثر وقالت
بشري :- وانا بحبك اوى يا معتز
وابتعدت عنه وقالت بأبتسامه
-هروح اخد شاور بسرعه وبعد كده نفطر ماشي
أومأ رأسه بالموافقه وقال
معتز :- ماشي على ما اتصل ب بابا اطمن عليه
قبلت وجينته بخجل وركضت على المرحاض بسعاده
نظر لها بأبتسامة حب وأمسك هاتفه وجلس على الأريكة واجري اتصالا بوالده وانتظر الرد .
………………………………………………………
عند سيف وريم
تململت ريم على فراشها بأرهاق وفتحت عينيها بصعوبه ونظرت حولها بالمكان ولم تجد سيف بجوارها استغربت من عدم وجوده نهضت من على فراشها وارتدت الروب الخاص بالقميص واتجهت إلى المرحاض وطرقت عليه وقالت بتساؤل
ريم :- سيف يا سيف انت جوه وفتحت الباب ونظرت بالداخل لكنها لم تجده أغلقت الباب مره آخره وقالت بأستغراب
-ده راح فين ده تحركت اتجاه باب الغرفه وخرجت منه وهبطت إلى الأسفل وهتفت بصوت مرتفع وقالت
-سيف انت فين
أتاها صوته من داخل المطبخ قائلا
سيف :- انا هنا يا حبيبتى ثواني وجاي اقعدى على السفره استنينى
نظرت اتجاه المطبخ وقالت بعدم فهم
ريم :- ده بيعمل ايه جوه ده وجلست على المقعد امام طاولة الطعام وانتظرت سيف وبعد عدة دقائق جاء سيف وهو يحمل الطعام بيده ووضعه على الطاوله وقبل ريم بحب وقال بسعاده
سيف :-احلي واجمل صباح النهارده علشان شوفت اجمل بنت فى الدنيا دى بحالها
ابتسمت له بخجل وقالت بتوتر
ريم :- صباح النور يا حبيبى
نظر لها بسعاده وقال بعدم تصديق
سيف :- الله انتى قولتى ايه قوليها مره تانى كده
نظرت له بتوتر وقالت
ريم :- ص ص صباح النور يا حبيبى
تنهد بسعاده وقال بحب
سيف :- كلمة حبيبى طالعه من بين شفايفك سيمفونيه قوليها مره تانى علشان خاطرى
ابتسمت بحب وقالت مره اخري
ريم :- حبيبي
تنهد تنهيده حاره وقال بحب
سيف :- حاسس ان كتير عليا والله
نظرت له بحب وقالت بنبره حنونه
ريم :- مافيش حاجه كتيره عليك انت بجد تستاهل اكتر من كده انت راجل بمعنى الكلمه قلبك ابيض وحنين على كل اللى حواليك وأولهم انا ربنا يخليك ليا وميحرمنيش منك يارب
امسك يدها بحب وقبلها وقال
سيف :- ولا منك يا عمري وجلس على المقعد المجاور لها وقال
-مدي ايدك وقولى رأيك فى اكلي
نظرت إلى الطعام بسعاده وقالت
ريم :- انت اللى عامل الاكل ده كله
أومأ رأسه بالتأكيد وقال بحب
سيف :- ايوه من الصبح وانا واقف فى المطبخ علشان اخلص قبل ما انتى تصحي يلا كلى
حركت يدها بأتجاه الطعام وتذوقت منه ونظرت بأعجاب لسيف وقالت
ريم :- تحفه بجد تسلم ايدك متوقعتش انك بتعرف تعمل أكل
أبتسم بسعاده وقال
سيف :- انا فرحان أوى أنه عجبك عايزك بقى تاكلى كل الاكل اللى على السفره ده فاهمه
جحظت عيناها بصدمه وقالت
ريم :- ليه هو انت شيفنى قصادك ايه مقدرش طبعا اكل كل ده بس انت هتساعدنى فيه ماشي
أومأ رأسه بالموافقه وقال بسعاده
سيف :- ماشي يلا يا حبيبتى كلى
وبدأ الاثنان يتناولان الطعام بسعاده.
………………………………………………………..
عند ايتن
استيقظت ايتن على صوت رنين الهاتف الخاص به امسكته وهى مغلقة العينين وإجابة عليه قائله
ايتن :- اممم مين على الصبح كده
أتاها صوت رجولى وهو يبتسم قائلا
رسلان :- كل ده لسه نايمه يا كسوليه انتى ناسيه أن الشركه مفيهاش حد غيري انا وانتى النهارده علشان العرسان مش فاضين
جحظت عيناها بصدمه واعتدلت سريعا على فراشها وقالت بتوتر
ايتن :- ر ر رسلان !! ه ه هي الساعه كام بالظبط
أجابها بأبتسامه ساخره وقال
رسلان :- انتي معندكيش ساعه فى بيتك ولا ايه
نظرت بالساعه المتواجدة بالهاتف وجحظت عيناها بصدمه وقالت
ايتن :- نهار مش فايت ده الضهر قرب يأذن انا مش عارفه نمت ده كله ازاى نص ساعه بالكتير واكون عندك
رد عليها سريعا وقال
رسلان :- استنى يا ايتن لو تعبانه خليكى النهارده ومتشغليش بالك بالشغل انا اخد بالى منه
تكلمت بحب وقالت
ايتن :- شكرا يا رسلان بس مش هينفع تاخد بالك من شغلنا احنا التلاته لوحدك لازم ابقى موجوده علشان اساعدك
رد عليها بثقه وقال
رسلان :- انتي مش واثقه فيا ولا ايه يا بنتي انا ادير عشر شركات فى وقت واحد
تنهدت بحب وقالت بنبره حنونه
ايتن :- بالعكس انا واثقه فيك فوق ما تتصور بس مش عايزه اتعبك
تكلم بعدم تصديق وقال بسعاده
رسلان :- بجد يا ايتن واثقه فيا
ردت عليه سريعا وقالت بتلعثم
ايتن :- ا ا انا اقصد واثقه فيك فى الشغل مش فى اى حاجه تانيه
تنهد بضيق وقال
رسلان :- ايتن هو موضوع جيسي السبب فى رفضك ليا
ردت عليه بنبره مختنقه وقالت
ايتن :- لا عادي دى كانت علاقه قديمه وخلصت خلاص
تكلم بنبره مختنقه وقال بتساؤل
رسلان :- اومال ايه سبب رفضك ليا دلوقتى
زفرت بضيق وقالت
ايتن :- عادي يا رسلان بس انا مش مستعده ادخل فى اى علاقه دلوقتى
أبتسم بضيق وقال
رسلان :- الجمله دى انا قولتها ليكى زمان وانتى دلوقتى بترديها ليا صح
ردت عليه سريعا وقالت
ايتن :- سوري مقصدش اقولها ليك بنفس طريقتك زمان بس فعلا انا مش مستعده لاى علاقه دلوقتى ومش بقولها ليك وانا فيه فى حياتى حد زيك زمان انا فعلا مافيش حد فى حياتى
تكلم بنبره مختنقه وقال
رسلان :- عموما انا مش هييأس وهفضل مستني اليوم اللى تنسي فيه اللى حصل منى زمان وتعترفي بحبك ليا ، بلاش تتعبى نفسك وتيجي مافيش شغل مهم النهارده سلام واغلق الخط
نظرت إلى الهاتف بدموع وقالت
ايتن :- جاي ليا بعد السنين دى كلها بعد ما كسرت قلبى بكلامك وعايزني انسي صعب يا رسلان انا عيشت عمرى كله وانا خايفه احب اى حد تانى ويجرح مشاعري زى ما انت جرحتها انا اه لسه بحبك بس كرامتى فوق كل شئ ونهضت من على السرير وذهبت إلى المرحاض.
……………………………………………………..
بعد مرور عدة أشهر
بالشركه الخاصه بمعتز
دلفت بشرى إلى مكتب معتز وأغلقت الباب خلفها نظر لها معتز بأستغراب وقال بتساؤل
معتز :- بشري !! خير جايه هنا ليه
جلست على المقعد بضيق ونظرت له بغضب وقالت
بشري :- جيت اشوف جوزي فيها حاجه دى
نظر لها بأستغراب وقال بعدم فهم
معتز :- فيه ايه مالك
ردت عليه بغضب وقالت
بشري :- فيه أن مبقتش بشوفك خالص يا اما انا فى المستشفى وانت فى الشركه يا اما انت نايم وانا منتظره حضرتك تصحى علشان نقعد ما بعض شويه انا خلاص مبقتش قادره أستحمل الوضع ده انا زهقت
زفر بضيق وقال بصوت خافض
معتز :- امم هرمونات الحمل هتشتغل تاني ونظر لها بابتسامه مزيفه وقال بتساؤل
-طيب شوفي عايزه ايه وانا اعمله ليكى يا حبيبتى
تكلمت بصوت مرتفع وقالت
بشري :- انت مالك بتتكلم معايا كأنى واحده مجنونه وبتخدها على قد عقلها
تكلم بنفاذ صبر وقال
معتز :- شوفى محتاجه ايه فى يومك ده يا بشري أنا ماسك اعصابى بالعافيه
نهضت بغضب وقالت
بشري :- قصدك ايه خلاص مبقتش طايق تشوفنى ولا تسمع صوتى وعايزنى امشى من قصادك بأى طريقه ماشي يا معتز انا هريحك منى خالص طلقنى
وضع يده على وجهه وقال بغضب
معتز :- يارررربى على المرار اللى انا شايفه منك انا بجد تعبت وزهقت من ام هرمونات الحمل اللى عندك دى طول النهار عصبيه وخناق وكل شويه طلقنى طلقنى انا هخدك عند ابوكى يشوف حل معاكى دى بقت حاجه تقرف وهاب واقفا وخرج من غرفة المكتب وتركها وخرج
نظرت إلى الباب بصدمه وظلت تبكى وفى ذلك الوقت دخلت ايتن واقتربت منها وربتت على ظهرها وقالت بنبره حنونه
ايتن :- فيه ايه بس يا بشري انتوا على طول كده متخانقين فين بشري ومعتز بتوع اول الجواز اللى كانت الضحكه مش بتفارق وشهم هو طالع من هنا متعصب وانتى عماله تعيطي انا مش عارفه ايه حصل ليكم بس
ردت عليها من بين شهقاتها وقالت
بشري :- معتز مبقاش يحبنى زى الاول يا ايتن من ساعة ما حملت وجسمي تخن وهو شيفنى وحشه وبيعاملنى بعصبيه زى ما انتى شايفه كده
تعالت ضحكاتها وقالت بعدم تصديق
ايتن :- والله العظيم انتى مجنونه بقى البوص بيكرهك !! ده بيموت فيكى وعايز يجبلك حته من السما انتى مش بتشوفى نظرة عينه ليكى اللى كلها حب لما يجى يبصلك انتى بس الحمل تعبك وهرموناته مأثره عليكى على الاخر
ردت عليها بحب وقالت
بشري :- وانا والله العظيم بحبه بس معرفش ايه اللى بيحصل كل شويه يخلينى احس انه ممكن يكرهنى بسبب شكلى اللى بقي عامل شبه كورة القدم ده
ردت عليها من بين ضحكاتها وقالت
ايتن :- طيب والله العظيم شكلك قمر فى الحمل وكلها أقل من تلت شهور وحبيب عمتو يجى ينور الدنيا واخده انا وانتوا بقى عيشوا حياتكم براحتكم
ابتسمت لها بحب وقالت
بشري :- طيب مش ناويه تحنى على رسلان شويه الراجل هيموت عليكى
عقدت ذراعيها على صدرها وقالت بعدم اهتمام
ايتن :- محدش قاله يموت عليا انا رفضه كذا مره وهو مصمم عليا يستنى بقى براحته
حركت رأسها يمينا ويسارا وقالت
بشري :- والله العظيم مفتريه وبكره تندمى على اللى انتى بتعمليه فيه ده
ردت عليها بتهكم وقالت
ايتن :- يا اختى اتنيلي وقولى الكلام ده لنفسك واهدي شويه على جوزك اللى بيحبك
وفى ذلك الوقت دلف معتز مره اخري إلى مكتبه نهضت من على مقعدها سريعا واقتربت منه وأحاطت ظهره بذراعيها ووضعت رأسه على صدره وقالت بأسف
بشري :- انا اسفه يا معتز متزعلش منى انا مقدرش على زعلك والله
زفر بضيق ونظر إلى ايتن
ابتسمت له ونظرت له بعينيها حتى يسامح بشري وتركتهم وخرجت وأغلقت الباب خلفها
تكلمت بحزن وقالت
بشري :- خلاص بقى يا معتز انا اسفه
تنهد بضيق وقال بنبرة مختنقه
معتز :- انا فعلا تعبت يا بشري مبقتش عارف ارضيكى ازاى طول النهار خناق وزعيق وكل شويه طلقنى طلقنى بجد الوضع بقي فوق احتمالى وبحاول اتحكم فى اعصابى واصبر نفسي واقول معلش دى هرمونات الحمل معلش التعب بيضيق خلقها بس خلاص مبقتش قادر أستحمل والله
نظرت له بدموع وقالت
بشري :- انا بحبك والله ومش قصدي انكد عليك ولا ازهقك بس معرفش ايه بيحصلي بيخلينى كده وحتة جسمى وشكلى اللى اتغيروا خالص مضايقنى وخايفه انك تسيبنى بسبب شكلى ده وحبك يقل عن الاول ليا
احتضنها بحب وقال
معتز :- انتى مجنونه !! انا عمرى ما حبى ليكى يقل وانتى فى عيونى ملكة جمال العالم والله ويكفى انك شايله جوه منك حته منى شيلى التفكير الاهبل ده من دماغك انا عمرى ما اقدر اعيش من غيرك ابدآ
رفعت رأسها إلى الأعلى وقالت بحب
بشري :- بجد يا معتز !!
أومأ رأسه بالتأكيد وابتسم لها بحب وقال
معتز :- بجد يا قلب معتز واقترب من شفتيها وقبلهم بشغف كبير وابتعد عنها وقال
-ايه رأيك نتغدا سوا مع بعض النهارده
حركت رأسها بسعاده وقالت
بشري :- موافقه طبعا يلا بينا احسن ابنك جعان وعمال يضربنى برجله وعايزنى اكله
وضع يده على بطنها وقال بسعاده
معتز :- عيون بابا ليك ولمامتك يلا يا حبيبتى وخرجوا من المكتب ونزلوا إلى الأسفل وصعدوا السياره وذهبوا إلى المطعم.
……………………………………………………..
بمكتب سيف
دلفت ريم إلى مكتب سيف وجدت السكرتيره قريبه من سيف وتتابع معه العمل نظرت لهم بغضب وابتسمت بضيق وقالت
ريم :- مشغول يا حبيبى اجيلك وقت تاني
نظر لها بحب وقال
سيف :- تعالى يا قلبى حتى لو مشغول افضالك ونظر إلى السكرتيره وقال
-نكمل بعدين
اومأت رأسها بالطاعه وخرجت وأغلقت الباب خلفها
تنهدت بضيق وقالت
ريم :- شكله كان شغل مهم وانا عطلتك عنه
حرك رأسه بالنفي وقال
سيف :- لا خالص يا قلبى تعالى قربى
اقتربت منه بضيق وقالت
ريم :- نعم
امسك يدها قربها لها واجلسها على ساقه ونظر بعينيها نظره مطوله وقال بأستغراب
سيف :- انتى مضايقه من حاجه يا ريم
حركت رأسها بالنفى وقالت بتوتر
ريم :- ل ل لا خالص
رد عليها بحب وقال
سيف :- بس عيونك بتقول غير كده ايه مضايقك يا قلبى قوليلى
نظرت الاتجاه الآخر وقالت
ريم :- قولتلك مافيش يا سيف وخلينى اروح اشوف شغلي وحاولة أن تنهض
اجلسها على قدمه مره اخري وأمسك وجهها بين كفوف يده وحركهم بحنيه وقال بنبرة هادئه
سيف :- مالك يا حبيبتى قوليلى ايه مضايقك لو حاجه منى قوليلى وانا مش هعملها تانى لو من حد تانى قوليلى هو مين وانا اروح اكسر دماغه
تنهدت بضيق وقالت
ريم :- اضايقت لما شوفتك انت والسكرتيره قريبين من بعض انا واثقه فيك بس لما شوفت المنظر نار قادت جوايا غصب عنى
تعالت ضحكاته بسعاده وقال بحب
سيف :- بفرح اوى لما بشوف غيرتك عليا عموما يا ستى اوعدك ان هحافظ على المسافات ما بينا بعد كده وهاخد بالى اكتر من كده كله الا زعل القمر بتاعي
نظرت له بتوتر وقالت
ريم :- ه ه هو مينفعش تجيب سكرتير راجل بدل السكرتيره
أبتسم لها بحب وقال
سيف :- حاضر يا ستى من بكره هشوف سكرتير، مبسوطه كده
اومأت رأسها بسعاده وقالت
ريم :- اممم مبسوطه اوي ربنا يخليك ليا
احتضنها بسعاده وقال بحب
سيف :- انا اهم حاجه عندى اشوف ضحكتك دى مرسومه على وشك مستعد اعمل اى حاجه علشانها
اقتربت منه أكثر ودخلت داخل أحضانه بحب وقالت بهمس
ريم :- انا حامل
أبعدها عن حضنه ونظر لها بعدم تصديق وقال بتساؤل
سيف :- انتى قولتى ايه !؟
اجابته بأبتسامة حب وحركة كف يدها الصغير على وجه وقالت بسعاده
ريم :- لسه عامله اختبار الحمل وطلعت النتيجه ان انا حامل
احتضنها بسعاده وقال بحب
سيف :- انا مش مصدق نفسي مبروك يا عمرى اخيرا هيبقى ليا طفل منك انا حاسس ان الدنيا مش سيعانى من كتر الفرحه اللى جوايا
نظرت له بعينه وقالت بنبره حنونه
ريم :- انا فرحت اول ما طلعت النتيجه وفرحت اكتر لما شوفت الفرحه فى عيونك بالخبر ده
ضمها بشده داخل أحضانه وقال
سيف :- ياااااه يا ريم ياااااه انا كل يوم حبى ليكى بيزيد ربنا يديم وجودك فى حياتى يارب
قبلت عنقه بحب وقالت
ريم :- انا متأكدة انك هتبقى احن واجمل بابي فى الدنيا واحتضنته أكثر وأغلقت عينيها بسعاده.
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حب مشبوه)
