رواية حب مشبوه الفصل الثاني والثلاثون 32 بقلم دودو محمد
رواية حب مشبوه الجزء الثاني والثلاثون
رواية حب مشبوه البارت الثاني والثلاثون
رواية حب مشبوه الحلقة الثانية والثلاثون
بعد مرور ثلاثة شهور
استيقظت بشري على الم شديد ببطنها وظهرها جلست على السرير ونظرت إلى معتز وجدته نائم تحركت ببطئ ونهضت من على السرير وخرجت من الغرفه ووضعت يد على بطنها ويد على ظهرها وظلت تتألم بدموع نزلت إلى الأسفل وظلت تتحرك ذهابا وإيابا حتى شعرت بشئ لزج ما بين قدميها نظرت بصدمه وصرخت بصوت عالى قائله
بشري :- ااااه الحقنى يا معتز بولد معتز قوم بسرعه الله يخليك
سمع صوت صراخ بشري نهض سريعا وهرول إلى الأسفل وقال بقلق
معتز :- مالك يا حبيبتى
أمسكت يده بدموع وقالت بترجي
بشري :- الحقنى يا معتز بولد ودينى المستشفى بسرعه الميه نزلت خلاص
نظر حوله بأرتباك وقال
معتز :- ف ف فين مفاتيح العربيه استنى هطلع اشوفها فوق بسرعه
ردت عليه بألم وقالت بصراخ
بشري :- المفاتيح موجوده عندك على التربيزه بسرعه يا معتز خلاص هولد
ركض بأتجاه الطاوله وأخذ من عليها المفاتيح سريعا وامسك يدها ساعدها على الخروج وصعدت السياره ثم تذكر أنهم بملابس البيت نظر إلى بشرى بصدمه وقال
معتز :- احنا هنروح كده
هدرت به بغضب وقالت
بشري :- مش وقتك يا معتز اخلص حرام عليك ااااه
ركض سريعا الاتجاه الآخر وصعد السياره وتحرك بسرعه جنونيه وبعد عدة دقائق وصل أمام المشفى ونزل من السياره واتجه إلى الباب وفتح لها وساعدها على النزول وفى ذلك الوقت جاء الممرضين واخذوها إلى الداخل ولحقهم معتز وبعد عدة ثواني جاء الطبيب وبدأ يفحصها وامر الجميع بتحضير غرفة العمليات نظرت له بقلق وقالت
بشري :- عمليات ليه يا دكتور
أجابها بنبره هادئه وقال
-للاسف الميه اللى حاولين الجنين نزلت كلها وهو مش واخد وضع الولاده الطبيعى ولازم تولدي حالا قيصري بس متقلقيش دى دلوقتى اسهل منها مافيش
جحظت عيناها بصدمه وقالت
بشري :- ق ق قيصري !!
أومأ رأسه بالتأكيد وقال
-ايوه قيصري
حركت رأسها بتوتر وقالت بألم
بشري :- م م ماشي بس بسرعه الله يخليك يا دكتور أنا تعبانه اوى
أبتسم لها وقال بنبرة هادئه
-ثواني و تكوني فى اوضة العمليات عن اذنك وخرج وتركها تتألم ودلف معتز بقلق وأمسك يدها وربت عليها بحنو وقال
معتز :- متقلقيش يا حبيبتى الدكتور بلغنى انك هتولدي قيصري علشان الميه اللى نزلت من حوالين الجنين وان شاءالله تقومي بالسلامه وابننا ينور الدنيا
ابتسمت له بتوتر وقالت بألم
بشري :- أن شاءالله يا حبيبى ونظرت له بعينه وقالت بحب
-معتز انا بحبك اوى انت اجمل حاجه حصلت ليا فى الدنيا دي
قبل جبينها بحب وقال بأبتسامه
معتز :- وانا بعشقك يا بشري انتى المعني الحقيقى للحياه والدنيا بقى ليها طعم تاني من يوم ما عرفتك وفى ذلك الوقت جاءت الممرضه حتى تجهز بشري لغرفة العمليات نظرت إلى معتز بقلق وقالت بدموع
بشري :- انا خايفه اوي يا معتز
ربت على يدها بحب وقال
معتز :- متخافيش يا قلبى انا جنبك
نظرت له بترجي وقالت
بشري :- اتصل بماما واختى وبلغهم يا معتز
حرك رأسه بالتأكيد وقال
معتز :- متقلقيش انا فعلا اتصلت بيهم وجاين فى السكه
نظرت له الممرضه وقالت
-لو سمحت اطلع بره علشان اجهزها
أومأ رأسه بالموافقه وابتسم لبشري وخرج من الغرفه وبعد عدة ثواني خرجت بشري مع الممرضه واتجهت إلى غرفة العمليات وهى تتألم وتتبعهم معتز إلى هناك وظل واقف أمام الغرفه بقلق شديد وفى ذلك الوقت جاءت ليلى ومعها ريم وركضوا بأتجاه معتز وجاء خلفهم اسامه وسيف
نظرت له بدموع وقالت
ليلى :- بنتى فين يا معتز
نظر إلى باب الغرفه وقال
معتز :- بشري دخلت العمليات علشان هتولد قيصري
جحظت عيناها بصدمه وقالت
ريم :- قيصري !! طيب ليه حرام عليهم يعملوا فيها كده
رد عليها بتوضيح وقال
معتز :- بشري كانت لازم تولد دلوقتي حالا لأن الميه نزلت والجنين مش واخد وضع الولاده الطبيعى
جلست على المقعد بدموع وقالت
ليلى :- ربنا يقومك بالسلامه يا بنتى ويجعلها ساعه سهله من عنده
جلست بجوارها ريم وظلت تبكي قائله
ريم :- انا خايفه عليها اوي يا ماما
ربت على ظهرها بحنو وقال
سيف :- اهدي يا حبيبتى الزعل والتوتر مش كويس عليكى علشان اللى فى بطنك
وضعت رأسها على بطنه وقالت بدموع
ريم :- غصب عنى يا سيف خايفه اوى على اختي يارب قومها بالسلامه يارب
احتضنها بحنان وقال
سيف :- أن شاءالله هتقوم بالسلامه وهيكرمهم بطفل معافى وصالح أن شاءالله
ردت عليه بتمني وقالت
ريم :- يارب يا سيف يارب
نظر إلى معتز وقال بنبرة مطمئنه
سيف :- اهدي يا معتز أن شاءالله هتقوم بالسلامه
اجابه بقلق وقال
معتز:- يارب يا سيف ربنا يطمن قلوبنا عليها
وخلال دقائق خرجت الممرضه من الغرفه ومعها الطفل وقالت بأبتسامه سعيده
-ماشاءالله عريس زى القمر
اخذه منها معتز بسعاده ونظر له بحب وتجمعت الدموع بعينه وقبل رأسه وقال بتساؤل
معتز :- مامته عامله ايه دلوقتى
ردت عليه بنبره مطمئنه وقالت
-متقلقش المدام كويسه والدكتور بيقفل الغرز وشويه وهننقلها اوضتها
الجميع حمد ربنا على سلامة بشري اقتربت ريم من الطفل وقبلة رأسه بحب ونظرة إلى سيف وقالت
ريم :- بص يا سيف جميل ازاى بس صغنن اوى
أبتسم لها بحب وقال
سيف :- عقبال ما ربنا يقومك بالسلامه يا قلبى ونظر إلى معتز وقال يتربي فى عزك يا صاحبي
أبتسم له بحب وقال
معتز :- تسلم يا سيف عقبال ما نفرح بعوضك أن شاءالله ويقوملك مراتك بالسلامه
ثم نظر إلى ليلى واسامه وجدهم يبكون اقترب منهما وأعطاهم الطفل وقال بسعاده
-حفيدكم اهو
حمله اسامه بحب وقبل رأسه بحنان واقترب من اذنه وبدء يأذن بهم
نظر له بأستغراب وقال
معتز :- انت بتعمل ايه يا عم أسامه
إجابته بحب وسعاده وقالت
ليلي :- متقلقش يا ابنى ده بيأذن فى ودنه ثم أخذته من اسامه ونظرت له بسعاده وقبلته بحنو وقالت
-بسم الله ماشاءالله ربنا يبارك ليكم فيه يارب ويجعله صالح بار بيكم أن شاءالله
أبتسم لهم بسعاده وقال
ومعتز :- ربنا يخليكم لينا يارب
نظرت لهم الممرضه وقالت
-ممكن البيبى علشان نجهزه لوالدته
اخذه من ليلي وأعطاه لها وظلوا ينتظروا خروج بشري
مر عدة دقائق وانتقلت بشري إلى غرفتها ونظرت لهم بتعب شديد وقالت
-ابنى فين عايزه اشوفه
جلس بجوارها على السرير وقال
معتز :- زمانهم حضروا وهيجبوه حمدالله على السلامه يا قلبى
ابتسمت له بوهن وقالت
بشري :- الله يسلمك يا حبيبى
نظرت لها ريم وقالت بمرح
-انتم السابقون ونحن اللاحقون بس لسه بدري اوى على ما اكون مكانك
ابتسمت لها وقالت بألم
بشري :- متقلقيش شهور هتجري بسرعه وهتلاقي نفسك مكاني ربنا يقومك بالسلامه يارب
تكلمت بسعاده وقالت
ريم :- حمدالله على سلامتك يا بوشا اخيرا بقيتى مامي وانا بقيت خالتو يااااه مش مصدقه نفسي والله
ردت عليها بوهن وقالت
بشري :- وانا برضه كلها كام شهر واكون خالتو أن شاءالله
ردت عليهم بسعاده وقالت
ليلى :- ربنا يحميكم ويحرسكم من شر العين يارب ويكمل نفاسك على خير يا بشري يا بنتى وتفرحي بأبنك وتشوفيه احلى واجمل عريس يارب
ويقومك بالسلامه ويرزقك بطفل سليم معافى يا ريم يا بنتى قادر يا كريم
ابتسموا لها بحب وقالوا بصوت واحد
ريم وبشري :- ويخليكى لينا يا احن واجمل ام فى الدنيا ويطول فى عمركم انتى وبابا يارب
نظر لهم بسعاده وقال بدموع
اسامه :- انا الفرحه مش سيعاني النهارده اخيرا بقيت جد مش عايز حاجه من الدنيا تانى والله الف حمد والف شكر ليك يارب
نظر له بحب وقال بنبرة حنونه
سيف :- ربنا يبارك فى عمرك ويديك الصحه انت وطنط يارب
نظرت حولها بالمكان وقالت بتساؤل
بشري :- اومال فين ايتن محدش بلغها ولا ايه
نظر لها بصدمه وقال
معتز :- نسيت اقولها
ردت عليه بضيق وقالت
بشري :- طيب قولها علشان متزعلش
نظرت بالساعه وقالت
ريم :- بس الوقت متأخر ازاى هتيجى لوحدها فى وقت زى ده
نظر بالساعه وقال
سيف :- صح الوقت متأخر اوى انا هخلي رسلان يروح يجيبها هنا أحسن ما تيجي لوحدها
نظرت له وقالت سريعا
ريم :- صح كده احسن حاجه أن رسلان يجيبها بالعربيه
ردت عليهم قائله
بشري :- ماشي اتصلوا على رسلان وبلغوه ومعتز يتصل بأيتن يبلغها أن ولد وإن رسلان هيعدي عليها يخدها
وبدأ سيف ومعتز ينفذوا ما قالوا عليه وفى ذلك الوقت جاءت الممرضه ومعها الطفل وأعطته لوالدته حملته بشري بسعاده ونظرت إلى يده الصغيرتين ثم نظرت إلى معتز وقالت
بشري :- صغنن اوى يا معتز بس بشرته ناعمه وجميله اوي واحتضنته بسعاده وقالت
-الله حضنه حلو اوى
رد عليها بتذمر وقال
معتز :- يا سلام يا اختى بقى هو اللى لسه مكملش ساعه فى الدنيا حضنه حلو وانا لا
تعالت ضحكات الجميع ونظرت له بشري بحب وقالت
-لا طبعا يا قلبى حضنك انت حاجه وحضنه هو حاجه تانيه خالص والاتنين حلوين اوى
وظلوا يتكلمون بسعاده وضحكاتهم تملئ جدران الغرفه
………………………………………………………
عند ايتن
وصل رسلان إلى بيت ايتن حتى يأخذها وضغط على زر الجرس وانتظر ايتن تفتح له وبعد عدة ثواني فتحت له وهى بالكاد تستطيع الوقوف على قدميها نظر لها بقلق وقال
رسلان :- ايتن مالك انتى تعبانه ولا ايه
اومأت رأسها له وقالت
ايتن :- شويه يلا بينا
اقترب منها وجس على جبينها ونظر لها بصدمه وقال
رسلان :- انتى حرارتك مرتفعه جدا انتى ازاى ساكته على نفسك كده
ردت عليه بعدم اهتمام وقالت
ايتن :- متقلقش دول شوية برد واخد علاج ليه يلا بينا نروح عند البوص وبشري
حرك رأسه بالرفض ودلف إلى الداخل واغلق الباب خلفه وقال
رسلان :- مش هتروحي فى حته يا ايتن انتى تعبانه جدا ومش قادره توقفى على رجلك
أجابته بتعب شديد وقالت
ايتن :- انا كويسه يا رسلان انا لازم اكون جنب البوص وبشري فى وقت زى ده لو سمحت افتح الباب وخلينا نمشي
اقترب منها أكثر وحملها بين ذراعيه واتجه إلى غرفتها
حاولة تبعده عنها لكنها لم تستطيع قالت بغضب
ايتن :- نزلنى يا رسلان متستعبطش بقولك نزلنى
لم يجيب عليها ونظر بالغرفه وقال
رسلان :- هى دى اوضك صح انا قولت كده برضه عرفت لأنها هى الوحيده اللى مفتوحه فى المكان كله ووضعها على السرير ووضع عليها الغطاء
حاولة تنهض اعادها مره اخري وقال بتحذير
-لو فكرتى تتحركى تانى يا ايتن هكتفك فاهمه وأمسك هاتفه واتصل بسيف وبلغه بمرض ايتن وأنها لن تستطيع أن تأتي واغلق الهاتف ووضعه بجوار ايتن ونظر لها وقال
-متتحركيش من مكانك فاهمه هروح اعملك حاجه دافئه تشربيها وتركها وخرج من الغرفه
زفرت بضيق ونظرت بأتجاه الباب بغضب وقالت
ايتن :- انا مش عارفه ايه البرود اللى فيه ده مش عايزه انا اهتمام منه هو بالعافيه
وبعد عدة ثوانى جاء رسلان وهو يحمل بيده المشروب ووضعه بجوارها ووضع يده على رأسها مره اخري وجد مازالت الحراره مرتفعه نظر لها وقال بتساؤل
رسلان :- فين الترمومتر
نظرت بجوارها وقالت
ايتن :- هنا فى الدرج
اخذه من مكانه ووضعه بفم ايتن وانتظر عدة ثواني ثم أخذه من فمها وجد الحراره مرتفعه جدا نظر لها بضيق وقال
رسلان :- انتى ازاى ساكته على نفسك كده اشربي ده على ما اروح اشتري علاج ليكى بسرعه وتركها وخرج من الغرفه
نظرت بأتجاه الباب بسعاده وتنهدت بحب وأخذت المشروب وبدأت ترتشف منه وهو دافئ حتى تستفيد منه وبعد عدة دقائق عاد رسلان معه بعض الادويه الخاصه بحالتها واحضر معه الماء وجلس بجوارها وبدأ يعطيها حباية من كل نوع تأخذه ايتن برشفه من الماء ثم اخرج حقنه خافض للحراره وقال
رسلان :- يلا علشان اديكي الحقنه
جحظت عيناها بصدمه وقالت بتوتر
ايتن :- ايه حقنه !! م م مستحيل ده يحصل ا ا انا خلاص بقيت كويسه وهنام ت ت تقدر تتفضل تمشي
لم يستجيب لرغبتها وحضر الحقنه ووضع بها الدواء ونظر لها وقال
رسلان :- اسمعي الكلام زى الشاطره بدل ما اديها ليكي بالعافيه
ابتلعت ريقها بتوتر ونظرت له بترجي وقالت
ايتن :- ا ا ارجوك بلاش يا رسلان انا الحمدالله والله مش محتاجه حقنه لو لازم يعنى هروح أخدها فى الصيدليه
تعالت ضحكاته وقال
رسلان :- انتى مش عايزه تخديها علشان مكسوفه منى قومى يا بنتى وبلاش هبل احنا فى ايه ولا فى ايه
نظرت له بخجل وبدات تنهض من على السرير بتوتر والتفت له وأعطته ظهرها وهى تتمني أن تنشق الأرض وتبتلعها من شدة الكسوف
أبتسم على حركاتها الطفوليه وبدأ يعطيها الحقنه وبعد عدة ثواني انتهى وانتظر أنها تتحرك ظلت واقفه امامه
تعالت ضحكاته وقال
رسلان :- على فكره انا خلصت من بدرى
اعتدلت سريعا بوجه متورد من شدة الخجل ونظرت إلى الأرض وقالت
ايتن :- ش ش شكرا
أبتسم لها بحب وقال
رسلان :- العفو يلا بقى نامي شويه العلاج ده أن شاءالله هيعمل معاكي مفعول سريع
اومأت رأسها بالموافقه وقالت
ايتن :- م م ماشي وانت امشي بقي الوقت متأخر جدا والصبح عندك شغل
رد عليها بأبتسامه وقال
رسلان :- حاضر همشي من هنا اول ما تنامي وجلس على المقعد المجاور للسرير وقال
-يلا نامي
نظرت له بحب وابتسمت له بسعاده وقالت
ايتن :- م م ماشي وتمدت على السرير ووضعت الغطاء عليها وظلت تنظر له حتى ذهبت فى سبات عميق
امسك يدها بحب وقبلها ونهض من على المقعد بهدوء وخرج من الغرفه واغلق الباب حتى لا يزعجها وهى نائمه
………………………………………………………
اشرقت شمس صباح يوم جديد بنورها الساطع فى سماء القاهره استيقظت بشري من نومها على صوت بكاء طفلها حاولة تعتدل على فراشها لكنها تألمت سمعت صوتها ريم نهضت سريعا من على الأريكة واقتربت منها وساعدتها على الجلوس واعطتها طفلها وابتسمت لها وقالت
ريم :- عامله ايه النهارده يا حبيبتى
ردت عليها بألم وقالت
بشري :- تعبانه اوى يا ريم الجرح بيشد عليا جدا
ربت على ظهرها وقالت
ريم :- معلش يا حبيبتى هى دى ضريبة الامومه
نظرت حولها بالمكان وقالت بتساؤل
بشري :- اومال فين بابا ومعتز وسيف
اجابتها بحب وقالت
ريم :- متقلقيش يا حبيبتى راحوا يشربوا قهوه علشان محدش فيهم نام من امبارح ونظرت إلى الأريكة وقالت
-وماما لسه نايمه ملهاش نص ساعه
نظرت لها بضيق وقالت
بشري :- معلش يا حبيبتى تعبتكم معايا
ردت عليها سريعا وقالت
ريم :- بس يا عبيطه بلاش هبل احنا ملناش غير بعض تعب ايه ده اللى بتقولى عليه لو مكناش احنا نتعب لبعض مين هيتعب لينا يعني ونظرت إلي الطفل وقالت
-ابنك جعان رضعيه
نظرت له بحب وقالت بسعاده
بشري :- شايفه يا ريم جميل ازاى كل حاجه فيه صغننه وبدأت ترضعه
ابتسمت لها بحب وقالت بنبره حنونه
ريم :- ماشاء الله ربنا يخليه ليكم يارب صحيح هتسموه ايه
ردت عليها بتوضيح وقالت بسعاده
بشري :- زين
ردت عليها بأعجاب وقالت
ريم :- الله اسمه جميل اوى يتربي فى عزكم يارب
ابتسمت لها وقالت
بشري :- ويقومك بالسلامه يارب يا حبيبتى اقعدي واقفه ليه
جلست بجوارها على المقعد وظلوا يتحدثون مع بعض
………………………………………………………
عند ايتن
استيقظت ايتن من نومها وشعرت بشئ على رأسها حركت يدها ببطئ واخذتها وجدتها قطعة قماش قطنيه مبلله نظرت بجوارها وجدت رسلان نائم وهو يجلس على المقعد جحظت عيناها بصدمه وقالت بعدم تصديق
ايتن :- رسلان!! هو لسه هنا ؟
شعر بحركتها فتح عينه سريعا وقال بقلق
رسلان :- ايتن انتى تعبانه ولا حاجه
حركت رأسها بالنفي وقالت
ايتن :- ل ل لا انا الحمدالله كويسه انت ليه مروحتش
تنهد بأرتياح وجس على جبينها وتأكد أن الحراره انخفضت وقال بحب
رسلان :- مقدرتش امشى وانتى تعبانه كده قعد اعمل ليكى كمادات تساعد العلاج علشان الحراره تنزل بسرعه والحمد الله بقت دلوقتى كويسه
نظرت له بحب وقالت بنبره هادئه
ايتن :- شكرا يا رسلان تعبتك معايا
امسك يدها بحب ونظر بعينيها وقال
رسلان :- متقوليش كده يا ايتن انا مستعد اعمل اى حاجه بس تبقى كويسه واشوف ضحكتك منوره وشك
ابعدت يدها سريعا وقالت بتوتر
ايتن :- ش ش شكرا
أبتسم لها ونهض من على المقعد وقال
رسلان :- يلا قومى خدي شاور سريع كده على ما اسخن الاكل علشان تاكلى وتخدي علاجك
نظرت له بأستغراب وقالت
ايتن :- تسخن الاكل !! اكل ايه ده !؟
أجابها بابتسامه وقال
رسلان :- اكل انا عملته ليكي علشان يساعدك تبقى كويسه ويقوي مناعتك شويه
ردت عليه بتوتر وقالت
ايتن :- م م مكانش ليه لزوم تتعب نفسك
تكلم بضيق وقال
رسلان :- تاني يا ايتن بلاش الكلام العبيط ده قومي يلا
حاولة تنهض من على السرير ولكنها شعرت بدوار أمسكت رأسها وكادت أن تقع بالأرض لكن التقطها رسلان بين أحضانه نظر بعينيها بحب واقترب منها أكثر
نظرت له بتوتر وابتعدت عنه سريعا وقالت
ايتن :- ش ش شكرا ش ش شكل العلاج عمل ليا مضاعفات
رد عليها بحب وقال
رسلان :- اكيد طبعا تحبى اساعدك ادخلك الحمام
جحظت عيناها بصدمه وقالت بتلعثم
ايتن :- ل ل لا ش ش شكرا ا ا انا بقيت كويسه الحمدالله وتحركت ببطئ شديد من شدة الدوار ودلفت المرحاض
أبتسم على خجلها وحرك رأسه يمينا ويسارا وخرج من الغرفه وبدأ يحضر لها الطعام وبعد عدة دقائق خرجت أيتن من غرفتها وجدت رسلان يضع لها الطعام على الطاوله ثم نظر لها بحب وقال
رسلان :- يلا تعالي دوقي اكلي وقولى رأيك
اقتربت من الطاوله وجلست على المقعد وابتسمت له وبدأت تتذوق الطعام وظل يراقبها بتوتر حتى نظرت له بضيق وقالت
ايتن :- ايه اللى انت عامله ده !؟
نظر لها بتوتر وقال بتساؤل
رسلان :- ايه مش عجبك انا اسف والله قولت اعمل حاجه اسعدك بيها
تعالت ضحكاتها وقالت
ايتن :- بالعكس ده طعمه تحفه تسلم ايدك والله جميل جدا
نظر لها بضيق وقال
رسلان :- تصدقى انك غلسه انا صدقت والله إنه مش عجبك بجد
بدأت تتناول الطعام وقالت بسعاده
ايتن :- شكرا يا رسلان تعبتك معايا
جلس بجوارها على المقعد وحرك مقعد ايتن وقربه له ونظر بعينيها وقال
رسلان :- قولتلك مليون مره انا معملتش حاجه علشان تشكريني عليها ده واجبي اتجاهك اهم حاجه اشوف ضحكتك دى على طول
ابتلعت ريقها بتوتر وحاولة تبتعد بمقعدها مره اخري
امسك يدها حتى يمنعها واقترب من شفتيها وقبلهما بشغف ثم أبتعد عنها ونظر لها بحب وقال
رسلان :- تتجوزيني
ابتلعت ريقها بتوتر واحمرت وجينتها من شدة الخجل وقالت بتلعثم
ايتن :- ا ا ايه اللى انت عملته ده ا ا انت اتجننت
رد عليها بحب وقال
رسلان :- انا معملتش حاجه غلط انا بحبك وبعبر عن حبى ليكى بطريقتى وبلاش تهربي من السؤال تتجوزينى يا ايتن
نظرت الاتجاه الآخر وقالت
ايتن :- ا ا انا قولتلك مليون مره م م مش موافقه يا رسلان انت مبتزهقش
حرك رأسه بالنفى وقال
رسلان :- لا مش بزهق انا بحبك يا ايتن و مبقتش قادر أستحمل بعدك اكتر من كده انسي اللى فات علشان خاطرى يا ايتن انا اسف بجد على كل كلمه جرحتك بيها زمان اسف على كسرت قلبك وقتها صدقينى كنت غبى وحمار علشان وقتها مقدرتش حبك ليا ده
تساقطت الدموع من عينيها وقالت
ايتن :- انا لحد دلوقتى جرحك مفتوح فى قلبى ومقفلش يا رسلان كسرتى قصادك وانت بترفض حبي ليك مش قادره انساها انا بعانى بسببك لحد دلوقتى قلبى واجعنى اوى
احتضنها بأسف وقال
رسلان :- انا اسف يا ايتن اسف انا واحد حيوان واستاهل الموت
لكمته بقوه وقالت من بين شهقاتها
ايتن :- متقولش على نفسك كده علشان هزعل منك بجد
تعالت ضحكاته وقال بحب
رسلان :- مجنونه ، زعلانه عليا حتى بعد اللى انا عملته فيكى ده انا واحد ميستهلش العطف ولا الشفقه منك يا ايتن
نظرت له بعينه وقالت
ايتن :- اه بزعل عليك ومش بحب حد يغلط فيك حتى لو انت غلط فى نفسك علشان بحبك يا رسلان
نظر لها بعدم تصديق وقال
رسلان :- انتى قولتى ايه يا ايتن
نظرت له بخجل وقالت
ايتن :- ب ب بحبك يا رسلان
احتضنها بسعاده وقال بحب
رسلان :- وانا بعشقك يا ايتن واوعدك هعوضك عن كل لحظه وجعتك وجرحتك فيها
تمسكت به أكثر وقالت بسعاده
ايتن :- انا موافقه اننا نتجوز يا رسلان موافقه
ضمها أكثر داخل أحضانه وقال بسعاده
رسلان :-بحبك بحبك بحبببببك.
………………………………………………………
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حب مشبوه)
