رواية حب مرفوض الفصل الثاني 2 بقلم هالة
رواية حب مرفوض الجزء الثاني
رواية حب مرفوض البارت الثاني
رواية حب مرفوض الحلقة الثانية
لانه بخوف : اا ا انا ا ن ا
مراد : مكسوفه تقوللهم لي هقولهم انا .نظر لهم وهو يستعد ليخبرهم بالحقيقه ولاكن نظره الترجي في عينيها جعلتو يعيد حساباتو من جديد
مراد بتنهيده : لانه كانت زميلتي في الجامعه وكنا على تواصل مع صحابنا بس بعد م سافرت والأخبار انقطعت عنها وعن صحابنا ف كنت مستغرب لما شوفتها هنا
لانه تنفست الصعداء وحمدت الله في داخلها
في نفس اللحظه اشتغلت موسيقى رائعه للرقص
عثمان مسك ايد لانه : يلا نرقص
لانه جاءت لترفض ولاكن نظره عينه كفيله بجعلها تخضع ل اوامره
عثمان ل حسين: عجزت ولا اي
حسين بضحك: سبنالك الشباب ي عم عثمان
عثمان ضحك وهو يأخذها لساحه الرقص ويحتضن خصرها وهم يتمايلون على الموسيقى وكان مراد ينظر ل لانه بحرقه ف كيف يأخذها غيره كان يتابع حركات عثمان بغل ف هو شعر انه يقترب من لانه ليحرق قلبه .لم يستطع الوقوف هكذا يجب التحدث معها ف ذهب لرجل الموسيقى وهمس له ببعض الكلمات وبعد دقائق كانت موسيقى اخرى تصدع في المكان و مراد يأخذ احد الفتيات ويرقص بجانبهم دقائق و الكل يبدل شريكه مراد اغمض عينه بغيظ عندما سبقه احد ل لانه وهو امسك فتاه اخرى و هو يرقص معها ويحاول الاقتراب من لانه ليستعد بالذهاب لها وعينه متعلقه عليها وهي تنظر له من فتره إلى اخرى و مره اخرى يبدلون شريكه ولاكن لم يستطع الوصول لها ضغط على يد الفتاه التي معه بغضب فتألمت
: اااه ايدي براحه
مراد بحرج: اسف مختش بالي .واخذ يدها وظل يرقص معها بجانب لانه وعندما جاء وقت التبديل مره اخرى جرى باتجاه لانه وامسكها بسرعه وهو ينظر للرجل بنظره انتصار ويبتسم بسعاده لانتصاره . نظرت له لانه بحزن وبدأ الرقص مره اخرى
مراد همس بجانب اذنها وهو يحتضن خصرها بقوه : عملتي فيا كده لي
لانه ببرود: انت اللي عملت ي مراد
مراد لف لانه ومال بها قليلا: قولتلك استنيني
لانه وهي تجز على اسنانها : ٥ سنين كانو كفايه يثبتولي انك اتخليت عني
مراد بعصبيه: متخلتش عنك انا حتى مكنتش فاكرك
لانه بعدم فهم : نعم انت بتهزر
مراد : وحياتك عندي ي لانه متخلتش عنك واللي حصل كان غصب عني . نظر ل عثمان بكره : ازاي تبدليني بيه ي لانه ازاي جالك قلب تبقي معاه ازاي
لانه وقفت رقص بدموع : انت اللي اخترت تسافر و تسبني وادي النتيجه ي مراد واقف قدام مدام لانه الدرملي مرات عثمان الدرملي
مراد هز راسو: لانه انا
لانه مسبتلوش فرصه يتكلم وجريت على الحمام وانا بحاول اسيطر على دموعو وبمجرد م دخلت بدأت اعيط بكل حرقه بكل ذره وجع جوايا لي رجع تاني لي في الوقت ده حرام عليك ي مراد كسرتني و ضيعت حبنا منك لله منك لله …..
عثمان باستغراب : هي لانه مالها كانت بتجري لي
مراد: داخت وكانت عايزه تستف*رغ فجريت
عثمان قلق وراح ل لانه وكان وراه حسين و مراد اللي كان بيبصلو بغل وحقد
عثمان وهو بيخبط على الباب: لانه انتي كويسه… افتحي ي لانه افتحي بدل م اكسر الباب
مراد قلق وبعد عثمان وخبط الباب بكتفو واحده ورا التانيه والباب اتفتح دخلو ولقو لانه واقعه على الارض و وشها شاحب
عثمان بصراخ: لااااانه
مراد وقف متسمر مكانو وسند على الباب فقدميه لا تقوى على حمله …..
عثمان : طمنا ي دكتور
: تعبت اثر ضغط نفسي شديد غير انها ضعيفه جدا لازم تهتمو باكلها والدوا ده يتاخد بانتظام
عثمان اخد منو الروشته وهو بيهز راسو : اتفضل معايا ي دكتور .وخرج مع الدكتور
حسين: يلا ي مراد
مراد بتوتر: اسبقني انت ي بابا عشان بدور على تلفوني مش لاقيه
حسين: ماشي متتأخرش .خرج ومتبقاش غير لانه و مراد
مراد اقترب من لانه ببطئ شديد وجلس بجانبها ومسح على شعرها وهو يتأملها: وحشتيني اوي ي لانه اسف اني بعدت عنك كل ده بس ولله ي لانه غصب عني مكنش بأيدي ياريتني سمعت كلامك ومسافرتش مكناش وصلنا لهنا .تنهد بتعب وهو يضغط على يدها : مكنتيش هتبقي ملك حد تاني مش قادر اتقبل ده مش قادر اشوفك معاه انتي من حقي انا .. انا اللي حبيتك الأول انا اللي عشت معاكي سنين مليانه حب مش هو انا بحبك اوي ولله العظيم م هسيبك ليه ومش هيهدالي بال غير لما تكوني معايا وبين ايدي ي لانه .اقترب منها وقبل شفتيها قبله سطحيه : استنيني ي لانه هتبقي ملكي قريب… قريب اوي
بعد شويه
لانه فتحت عينها بتعب وهي تنظر حولها حاولت النهوض ولاكنها شعرت بدوار : اااه هو اي اللي حصل
عثمان: اغمى عليكي وانتي في الحمام .جلس بجانبها : لما انتي تعبانه مقولتيش لي
لانه نظرت له بسخريه : كان هيفرق معاك اوي
عثمان : كان هيفرق معايا لان بسببك الليله ضاعت مني وللاسف مش هعرف اقربلك بسبب غبائك وعندك
لانه : حتى تعبي بتلومني عليه انا عايزه افهم احنا هنفضل كده لحد امتى ي اخي ابعد عني طلقني وارحمني بقى انا تعبت
عثمان مسكها من شعرها: عالله صوتك يعلى مره تانيه انتي فاهمه .زقها بقوه : انتي هتفضلي كده طول عمرك عبده تقول حاضر و بس انتي فاهمه
لانه بعياط: انا ندمت اني عرفتك بلعن اللحظه اللي قابلتك فيها وكانت السبب في حوجتي ليك
عثمان وهو ينظر لها بجراءه : اما انا بشكر الحظ انو وقعك تحت ايدي مكنش ينفع واحده زيك تبقى ملك حد تاني .اخذ الجاكت: هروح تقضي ليله مع اي واحده بدل اللي ضاعت بسببك جاتك القرف . وخرج ولانه بتعيط بحرقه
لانه بصراخ: بكرهك ي عثمان بكرهك .و اخذت تبكي بقوه حتى تعبت و لم يقوى صوتها على الخروج ودموعها تتسابق على خدها . سكتت بخوف عندها سمعت صوت يأتي من الشرفه ف اقتربت منها بحذر وفتحتها وسرعان م فتحت عينيها بصدمه
لانه بصدمه: م مراد ا انت بتعمل اي هنا
مراد دخل بسرعه وقفل الشرفه: لقيت عثمان خرج ف عرفت حاجه لازم تعرفيها
لانه ببعض الخوف : اي
مراد مسك يدها بحنان: امسكي نفسك وحاولي تتقبلي الموضوع
لانه: في اي ي مراد متقلقنيش
مراد : ل لانه ع عثمان بيخونك
لانه : هو ده الحاجه المهمه اللي جاي عشانها
مراد باستغراب: نعم!! انتي عادي بنسبالك
لانه بسخريه: هو انت فاكر ان عثمان عندو دم انو يخبي حاجه زي دي هه ده انت غلبان ي مراد . نظرت له بشرود : متقلقش انا مبزعلش لما بيعمل كده بالعكس ده بنسبالي نجده احسن م ابقى انا مكانها
مراد : انا مش فاهم حاجه .. هو انتي كارهه قربو منك
لانه : ومين اللي تتمنى تكون مكاني ي مراد مين تتمنى يكون جوزها واحد قد ابوها وبيعاملها على انها ا. اغمضت عينيها بقوه
مراد بحزن : و لي وافقتي تتجوزيه
لانه بدموع: اتجبرت ي مراد كان لازم أوافق عشان الحق امي من الموت . وحكتلو كل اللي حصلها .كملت بشهقات : وخسرت كل حاجه خسرت امي و خسرت نفسي .شاورت على قلبها : وخسرت الشخص اللي قلبي حابو بكل صدق .. بس تعرف رغم كل اللي خسرته بس بحمد ربنا انو ورالي حققتك وانت بتتخلى عني
مراد بدموع: انا متخلتش عنك ي لانه ولله العظيم م كان ب ايدي
لانه : انت مش صغير ي مراد عشان تتجبر على حاجه . ادتو ضهرها وهي بتقول بحرقه: اطلع برا لو سمحت وانسى كل اللي بنا زمان انساه زي م انا نسيتو
مراد لفلها ومسك دراعها: حاولت مقدرتش مش قادر انسى انك حقي واتاخدتي غصب انا اسف اني مكنتش جنبك بس ولله العظيم ي لانه وحياه حبك وحياتك انتي م كان ب ايدي . كمل بتنهيده: انا عملت حادثه ي لانه وفقدت الذاكره قعدت ٤ سنين مش فاكر اي حاجه مهما اتعرضت على دكاتره كانت جملتهم واحده هو هيفتكر لوحده لغايه في يوم احتجت حاجات مهمه من التلفون القديم اللي كان معايا وقت الحادثه ف روحت و صلحتو لقيت اول م فتحتو كانت صورتك فيه وشوفت كميه المكالمات اللي حاولتي توصليلي بيها على مدار ٥ سنين و اول م افتكرت كل حاجه نزلت مصر على طول عشان ادور عليكي ونتجوز بس كأن الارض اتشقت و بلعتك دورت عليكي كتير كتير اوي ي لانه بس معرفتش اوصلك واضريت اسافر تاني وسبت مجموعه حراس تدور عليكي هناك عشان القدر يخليني اجي اشوفك هنا و مع مين ي لانه مع عثمان
لانه بدموع: ياريتك سمعت كلامي و مسافرتش مكناش وصلنا لهنا شوفت حصل اي ي مراد احنا خلاص متبقاش في فرصه نبقى سوا
مراد حضنها ودموعو بتتسابق على خدو: مش هقدر اسيبك ليه مش هقدر انا بحبك اوي وبدمن وجودك ازاي عيزاني انسى اللي بنا ازاي
لانه بدموع: عشان ده الواقع ي مراد خلاص لازم تتقبل اني مش هبقى ليك انت تستحق واحده احسن مني و
قاطعها مراد وهو بيهز راسو: مش عايز احسن منك عايزك انتي عايز حبيبتي
لانه عيطت بحرقه وهي ماسكه فيه : انا عيزاك انت عايزه ابقى معاك نفسي اخلص من جحيمي معاه ساعدني ي مراد ارجوك ساعدني
مراد بعد عنها بلهفه : اطلقي منو ي لانه
لانه : بس هو ا . سكتت لما سمعت صوت خبط على الباب فنظرت لمراد بفزع وجسمها بيترعش هل سيكشف امرهم ؟!
يتبع…
لقراءة الفصل التالي : اضغط هنا
الرواية كاملة اضغط على : (رواية حب مرفوض)
