رواية حب محظور الفصل السابع عشر 17 بقلم رانيا
رواية حب محظور الجزء السابع عشر
رواية حب محظور البارت السابع عشر
رواية حب محظور الحلقة السابعة عشر
شادي بحزن:انتي ازاي مش بنت ؟؟؟ قوليلي مين الك’لب اللي فكر يلمسك وانا مش هخلي لأسمه وجود ؟؟؟ كمل بفرحه وترجي:ولا كل ده كدب قولي يا اسيل ان كل ده كدب وكنتي بتهزري معايا.
اسيل بدموع: ممكن تهدي دلوقتي وبعدين هفهمك كل حاجه
شادي بيهز راسه بلا:عايز افهم كل حاجه دلوقتي يا اسيل
اسيل بتبصله بترجي:هفهمك بعدين يا شادي….بتقوم بسرعه وتمسح دموعها :انا هنادي الدكتور واجي
اسيل وهي خارجه بتشد شيري من ايدها وراها
شيري بعصبيه:ايه ده انتي مسكاني كده ليه
بيكونو خرجوا برا اوضه شادي وهنا بتتكلم اسيل وهي بتحاول تقاوم كل دمعه ممكن تنزل من عينها:فهميني انتي كنتي عند شادي في الأوضه بتعملي ايه
شيري بتهرب:الله مش قولتلك اني عرفت انه تعبان وجيت ازوره
اسيل بتديق عينها وتبص لشيري:وانتي تعرفيه منين اصلا
شيري معملتش حساب السؤال ده:اا..انتي فاكره اني مكنتش اعرف انتي فين وعند مين
اسيل ضحكت بوجع:كنتي بتراقبيني؟؟؟ طاب ياتري كنتي مبسوطه وانتي شيفاني في بيت مش بيتي بس للأسف انا حسيت بالحنان والدفئ عندهم مش عندك حتي لو مش امي كان علي الاقل هتعملي حساب عشره كل دي سنين
شيري بسرعه:لا لا مكنتش براقبك
اسيل بتريقه:اومال كنتي بتعملي ايه وعرفتي ازاي
شيري بهروب:يوووووه بقي مش هنخلص بقولك ايه انا اصلا مش فضيالك…بتسيبها وتمشي
اسيل بتمسح دموعها اللي بتنزل غصب عنها وتروح وبتروح ناحيه مكتب الدكتور وهناك كان اهل شادي موجودين
هند بخضه:مالك يا اسيل انتي بتعيطي
عزمي بلهفه:انتي كويسه يابنتي
اسيل بإبتسامه بسيطه:كويسه …الدكتور فين اصل شادي فاق
عزمي بينط من مكانه بفرحه و لهفه:بجد فاق
الكل بيفرح ومش بيصدق انه فاق ..هند:انا رايحه اشوفه ….سلمي بتشاور لهند:استنيني جايه معاكي
عزمي بيدخل مع اسيل ويعرفوا الدكتور ان شادي فاق
عزمي اخد باله ان الدكتور بيكلم اسيل وواضح في عينه اعجاب
نوره:ماما
سميره:ايه
نوره:هو بابا سافر ليه
سميره بحب:عشان يشوف اختك
نوره بإستغراب:ريم؟؟؟؟ ريم في الدرس هو هيسافرلها ليه؟؟
سميره بتتنهد تنهيده طويله وتبص لبنتها وتطبط علي كتفها: روحي ياحبيبتي ذاكري دلوقتي ولما بابا يجي نبقي نتكلم
بتقوم نوره عشان تذاكر وسميره بتقعد مكانها قلبها هيطلع من مكانه وحاسه بالخوف علي عبده :ربنا ييسرلك امورك يا عبده ويردك ليا بالسلامه
هاله:ايه رأيك يا استاذ اسر في الشغل اللي طلبته مني
اسر بإندهاش:خلصتيه بجد؟؟
هاله بضحكه خفيفه:اه والله خلصته ايه الغريب
اسر:ماشاء الله بس مفيش حد بيخلص شغل زيك بالسرعه دي
هاله بضحك:هههه اهم حاجه تعمل الشغل بحب لو معملتوش بحب مش هيطلع احسن حاجه ومش هتخلصه بدرى
اسر:فعلا عندك حق
زينه بتجرب ترن علي اسيل وهي عارفه انها مش هترد بس بترن يمكن تريح نفسها او ضميرها … بتبص للموبايل مش بتصدق ان اسيل ردت عليها بترفع الفون علي ودنها وتتكلم بشوق ولهفه:اسيل وحشتيني
اسيل:….
زينه:اسيل مش بتردي ليه
اسيل بتعيط وبس
زينه بتسمع صوت عياطها بتحاول تلطف الجو :انتي بتعيطي ليه دلوقتي؟؟انتي تعرفي اني من فتره شوفت الواد اللي عاكسناه في الفرح
اسيل بتضحك غصب عنها:وحصل ايه
زينه:منا مكنتش اعرف هو فعلا ولا لا وكنت عايزه اروح اسأله هو اللي عاكسناه ولا لا
اسيل بتضحك: اسمه شادي وهو دلوقتي في المستشفي
زينه بإستغراب:وانتي عرفتي كل ده منين
اسيل :لااا ده موضوع كبير نبقي نتكلم فيه بعدين… المهم دلوقتي الواد اسور عامل ايه واحشني اوي والله
زينه بضحك:ملهي ياختي في شغله بس شكله شايفله مزه في الشغل
اسيل بفرحه:ياشيخه يارب يشوف واحده تعجبه ونفرح بيه
زينه :امين يا رب
بيسود ما بينهم الصمت لفتره طويله وبتقطعه زينه:انا اسفه يا اسيل علي اللي حصل من ايمن
اسيل بتضحك :بتتأسفي على ايه يا عبيطه مفيش بينا الاعتذارات والهبل ده وبعدين انا مزعلتش عادي يعني
ساره بتمسك ريم من دراعها:استني يا ريم بقولك
ريم بتلف لساره وهي بتعيط:نعم يا ساره
ساره بصدمه:انتي بتعيطي …ريم انتي بتهزري من امتي واحنا بنعيط علي حاجه ضاعت مننا او حتي احنا سبناها بمزاجنا وبعدين يا ريم مفيش حاجه بتضيع مننا طلاما في حاجه اسمها عوض ربنا ….احنا لسه في سن صغير اوي يا ريم علي الكلام ده والحب… كل ده حب مراهقه؟
ريم بعياط:بس انا حبيته غصب عني لو كان في نسيان كنت نسيته من بدرى
ساره بتحضنها:وانا واثقه انك بطله وهتنسيه مع الوقت بس انتي متفكريش فيه
ريم بتحدي:هنساه بس الفتره الجايه مش عايزه خروجات بعد الدروس تاني
ساره:براحتك في دي
الدكتور بيدخل لشادي الاوضه بيلاقي تجمع كبير:ايه ياجماعه كل ده تجمع احنا مش رايحين حفله ده مريض وغلط كده
شادي :لا لا انا مرتاح كده
الدكتور بيبدأ يفحص شادي وبعد ما بيخلص بيبصلهم بإبتسامه :الاستاذ شادي كويس اوي وحالته الصحيه كويسه برضه…بيبص لشادي:حمدلله علي سلامتك يا استاذ شادي
شادي:الله يسلمك
الدكتور بيبص لعبده بإحراج : عمي هو انا كنت بطلب من حضرتك طلب
عبده بيبصله بتركيز:اتفضل يابني طبعا انا رقبتي سداده
الدكتور: تسلم يا عمي….كنت طالب ايد الانسه…كان بيتكلم وهو بيشاور علي اسيل
شادي بيتعصب وعروقه بتبرز:……
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب محظور)
