رواية حب محظور الفصل الحادي عشر 11 بقلم رانيا
رواية حب محظور الجزء الحادي عشر
رواية حب محظور البارت الحادي عشر
رواية حب محظور الحلقة الحادية عشر
محسن لسه بيفكر بمكر :اللي طلبته منك ياحبيبتي لسه موجود عند اسيل في الاوضه؟؟؟
شيري بإستغراب: اه بس بتسأل ليه
محسن: عشان لو رجعت متشفهوش وتعرف اللي عملناه
شيري بفضول:الا صحيح انت عملت ايه لما دخلت بجردل الد’م اللي طلبته مني
محسن :بعد ما اخدته منك وهي فاقت وحاولت تقاومني فا اضطريت اني اضر’بها و ضر’بتها بالحزام وكمان لما تقوم تحس بالالم في جس’مها وحطيت الجردل علي السرير لما اغمي عليها تاني
شيري بإستمتاع:دماغك دي جوهره بس انت عملت كده ليه او بمعني تاني للسؤال ليه ملمستهاش
محسن بحزن وارتباك: عشان اهددها وملمستهاش لأنها ملهاش حد يدافع عنها وانا كده بدمر مستقبلها هو انتي مش بتحبيها ليه يا شيري
شيري ببساطه وهي بتنفخ دخان السيجاره : مش بنتي
محسن بصدمه:بجد ولا هزار المره دي
شيري وهي بتتعدل في القعده :بجد يا محسن وخف اسئله
محسن :طيب ممكن اعرف هي ازاي فاهمه انها بنتك
شيري بنفاذ صبر:امها ما’تت لما كانت بتولدها ووقتها ابوها اتجوزني عشان اخلي بالي عليها وحصلت مشاكل بيني وبين ابوها وسبنا بعض وهي لحد دلوقتي متعرفش ان مامتها ما’تت ومتعرفش حاجه عن ابوها
محسن بصدمه:وسابلك بنته؟؟؟؟؟
شيري بضيق: بقيت رغاي يا محسن اقفل
اسيل في اوضتها بتفكر هتعمل ايه وازاي تتأقلم علي الحياه دي بتحس انها بقت تقيله عليهم رغم ان محدش قالها حاجه لكن ده احساسها بيقاطع تفكيرها الخبط علي الباب
اسيل:مين
شادي:انا شادي
بتقوم تفتح:في حاجه يا شادي
شادي:كنت جاي اقعد معاكي شويه
اسيل :تعالي اقعد
شادي:النهارده عندي حفله لو حابه تحضريها
اسيل بإستغراب:حفله ايه
شادي ببساطه:حفله بغني فيها كمل بضحك وهو بيمد ايده :بالمناسبه انا مغني وبغني في حفلات وكده
اسيل:اهااا …انا حاليا مش قادره بس ان شاء الله تتعوض واحضر في مره تانيه
هز كتافه بقله حيله:براحتك…كمل كلام وهو قايم:يلا انا يدوب الحق
علاء اتكلم بحزن:برضه مش هتروحي كليتك يا زينه
زينه وهي حاطه وشها بين رجليها:لا
علاء:طيب ليه
زينه: مليش نفس اروح الكليه واسيل مش موجوده فيها
علاء:ما تكلميها طيب
زينه:بحاول اتواصل معاها مش عارفه واسر برضه من اخر مره شافها فيها وهو ميعرفش عنها حاجه وبيدور في كل حته
دب الخوف في قلب علاء هو بيعتبر اسيل زي بنته:طيب انا هحاول اعرف مكانها
بيعدي شهر والتاني والتالت واسر يدور علي اسيل وملهاش اثر وعلاء يدور عليها وبرضه ميلاقيهاش وزينه هتتجنن عليها ….شادي بيقرب من اسيل وهي بتحاول تبعده بس مستمتعه بإهتمامه
شادي وهو بيقعد قدام اسيل وبيبصلها بحب :عامله ايه ….كمل بضحك:اخبار اللاب اللي جبتهولك ايه الدنيا
اسيل بإبتسامه:متشكره اوي يا شادي عارفه لو شكرتك من هنا للسنه الجايه مش هكفي انت والبيت كله كان شايلني فوق راسه
سلمي من بين سنانها:ياريت تخلي عندك د’م وتحسي
هند بحب:كلنا بنمو’ت فيكي يا سولي
اسيل بدموع : وانا بحبكم اوى والله
هند بتشدها من ايدها:تعالي بقي عيزاكي
اسيل ماشيه وراها تضحك:حاضر جايه بس براحه
في اوضه هند
هند بتقعد اسيل علي السرير:هوريكي البوم الصور بتاعنا
بتقعد اسيل علي السرير وهي بتضحك علي اسلوب هند التلقائي
هند بتدور في الدرج بتاعها كتير:اهووو لقيته تعالي بقي ياستي افرجك
هند:دي انا لما كنت عندي 15 سنه وده خالو محمد اللي شايلني …..كملت بضحك: واللي واقف هناك ده شادي من يومه قمر بس انا اقمر طبعا
اسيل بضحك:طبعا طبعا
هند بتكمل توريها في الالبوم صورهم وبتوقف اسيل عند صورة لشادي مع واحده وبتتكلم بضيق:مين دي يا هند
هند بغمزه: دي بنت خالته خلي بالك عينها منه بس هو كارفلها
اسيل بإحراج:بسأل عادي يا هند
هند بضحك:عارفه عارفه…..تعرفي يا اسيل انتي الوحيده اللي شوفتها واتمنيتها فعلا لأخويا عروسه مفيش واحده شوفتها دخلت دماغي انها تكون مرات اخويا غيرك انتي ممكن تكوني فاكره اهتمام شادي بيكي ده حاجه عاديه بس شادي اصلا مش بيهام لحد غير لو الحد ده مهم عنده ودي اول مره يعملها مع بنت من الاخر اخويا شكله وجع وعلي جذوره كمان
اسيل بتتكسف اكتر ويترتبك: انا مش بفكر في الارتباط حاليا
هند: شادي مستعد يستناكي العمر كله بصي هو اخويا مجاش وقلك تلقائي بس انا عرفاه
عبده:قومي يا بنت انتي وهي بلاش كسل
ريم: مش رايحه المدرسه النهارده
نوره:ولا انا
عبده بصرامه: انا قولت قوموا يعني تقوموا
ريم:يابا في ايه ماقولتلك مش غايره خلي البت نوره تنكشح علي مدرستها وانا هقعد مع ابويا حبيبي
عبده بحسره وهو بيمصمص بوقه: يابا انا يتقلي يابا ….انا ماشي هروح اناديلكم امكم
بتيجي سميره وفي ايدها الشبشب بتاعها بترمي فرده علي ريم وفرده علي نوره الاتنين بيقوموا بخضه:في ايه
سميره بضحك:قوموا يا جز’م تاعبيني انا وابوكم
ريم بضيق :ياماا وربنا ما غايره المدرسه اصلا محدش بيروح
سميره بغيظ:يابت اتلمي وقومي ده انتي ثانوى
ريم:بلا ثانوى بلا بتنجان انا دخلتو اصلا تخليص حق
سميره وهي بتمسك الشبشب:ده انا اللي هخلص روحك دلوقتي قومي يا بت انتي وهي بتقوم نوره وتلبس هدومها والام بتجهز فطار للأتنين وتدخل الاوضه عندهم بتلاقي نوره لبست وقعدت علي السرير وبتنام علي نفسها وريم متغطيه ونايمه
سميره وهي بتخبط كف في كف وتبص لنوره: خدي الاكل برا يا نوره وامشي يا حبيبتي ربنا معاكي
هند:هو انتي بتحضري محضراتك كلها اونلاين
اسيل بتهز راسها :ايوه
هند:طيب ليه ما تروحيش الكليه
اسيل: لا لا انا مرتاحه كده
بتقعد هند تحكي لأسيل عن شادي ولما بيخصلوا كلام بتسيبها اسيل وتروح اوضتها بتمسك اللاب وتدور فيه: خلااص هانت يا عبدالرحمن علي بيه هوصلك قريب
اسر بيدخل في حاله اكتئاب وبيحبس نفسه في اوضته ومش بيخرج منها وزينه دايما حزينه وقاعده ساكته
اميره :لحد امتي ياعلاء الولاد هيفضلو علي الحال ده
علاء بحيره:والله ما انا عارف
اميره:لازم تتصرف يا علاء ونشوفلهم حل مش هينفع كده الولاد حالهم بيتدهور
علاء بقله حيله:والله بحاول معاهم يا اميره وهحاول تاني …كمل بحزن: بس انا برضه خايف علي اسيل يكون جرالها حاجه
اميره:دورتو في المستشفي ؟؟؟؟
علاء بحزن:مسبتش حته يا اميره
ساره بتخبط الباب بتفتحلها سميره وتبصلها بحنان: ادخلي يا حبيبتي
ساره بتدخل :هي البت ريم فين
سميره بتفتكرها وتتكلم بغيظ:مرزوعه في المطبخ ادخوليلها
بتدخل ساره لريم المطبخ بتشوف ريم واقفه علي الحوض بتغسل المواعين وبترقص
ساره:انتي يا بت معانا درس
ريم:…..
ساره: خلصي المواعين وروحي البسي
ريم وهي بترقص:مهما حبيبك تمادى لا يمكن يخون
مكانك في السوادة في نني العيون
لا العشرة لحظة هانت ولا انت تهون
تعالى أظبطك قولي مين ملخبطك
ساره بتبص في موبايلها وبتتكلم بشهقه:الخاين ابن الكلاب بيخوني اه يا واطي
ريم بتاخد بالها من ساره بتشيل السماعه من ودنها:طلاما انتي قاعده هنا يا حلوفه تعالي اغسلي بترمي الطبق من ايدها يلا يا بت اغسلي
ساره:استني انا اتخانت يا ريم
ريم بضحك وهي بترقص وتهز كتفها: مهما حبيبك تمادي لا يمكن يخون
ساره:يلا كل’ب وغار لحاله …..بتمشر بلوزتها:يلا يا بت ابعدي كده عشان اوريكي الغسيل علي حق
ريم: وريني ياختي
ساره:روحي شوفيلنا حاجه ناكلها علي ما اخلص
محسن التفكير كان هيخلي دماغه تنفجر بيرن علي شيري لما بيجيب اخره: شيري هي اسيل راحت فين كل ده مختفيه
شيري بإستغراب:هو انا ليه حساك مهتم لأمرها
محسن بخنقه:مش مهتم ولا حاجه بعمل اللي انتي كان المفروض تعمليه انا رغم اني ملمستهاش الا اني ندمان علي اللي عملناه
شيري بصدمه:ندمان؟؟؟؟؟ دي حتت بت متسواش
محسن بعصبيه: اه يا شيرهان ندمان ولو رجع بيا الزمن مكنتش هعمل كده واشككها في نفسها
شادي بيخبط علي اسيل وبتفتحله
اسيل بإستغراب: في حاجه يا شادي
شادي :لا ابدا بس كنت جاي اقولك ان الحفله بتاعت النهارده انتي هتحضريها
اسيل بتبتسم :حاضر
شادي بفرحه:طيب يلا اجهزي
بتقوم اسيل وبتلبس وبيوصلوا الحفله وشادى بيطلع علي المسرح عشان يغني بيحس انه اول مره يغني عشان اسيل موجوده وهتسمعه بيكون قلقان بياخد نفس عميق ويخرجه ببطئ ويبدأ يغني بإحساس وهو بيبص علي اسيل وكل كلمه بيغنيها يقصدها بيها:
وتعبيرآ عن الحاله اللي جوايا
هقول كل الكلام دلوقتي لعنيكي
وجودك جنبي بالنسبالي ده كفايه
موافق اعمل اي حاجه ترضيكي
وحان الان
حبك ف قلبي ياخدله مكان
ده مالي قلبي ولسه كمان
عاوز سنين عشان اوصف فيه
و ننسى زمان
حياتنا الجايه بالألوان
معاكي انتي بجد عشان
لقيت فيكي اللي بحلم بي…..بيكمل لحد الاخر والحفله بتكون مليانه بالتشجيع والكل بيصقفله لما بيخلص
اسيل عرفت ان الكلام ليها وهو طول الاغنيه بيبصلها والناس لاحظت وكانوا بيبصولها
شادي بيبص لأسيل بحب وبيمد ليها ايده عشان تطلع علي المسرح وهي بتطلع بإحراج تحت نظرات الجمهور ليها وهو بيقعد علي ركبته وبيتكلم بحب: تتجوزيني يا اسيل؟؟؟؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب محظور)
