رواية حب كبير الفصل الثالث 3 بقلم رنا سليمان
رواية حب كبير الجزء الثالث
رواية حب كبير البارت الثالث
رواية حب كبير الحلقة الثالثة
_انا لازم اروح دلوقتي المستشفى……..بابا تعبان ولازم اروح ازوره
_تروحي فين الساعة دلوقتي ٣ الفجر ………اكيد مش هتروحي لوحدك في وقت زي دا
_يونس انا بقولك بابا تعبان ولازم اروح اشوفه دلوقتي………انا مش هستني لحد الصبح علشان اروح اطمن عليه
_انا قولت الوقت متأخر ومش هينفع تروحي لوحدك………انا هطلع البس وهاجي اوصلك استني هنا انا مش هتاخر
_بسرعة يا يونس بالله عليك……..انا قلقانة اوي عليه
_متقلقيش ان شاء الله خير ………هيكون كويس صدقيني
_يا رب يا يونس……..انا مش هقدر استحمل لو حصله حاجة……..انا ممكن اروح فيها
_لا يا رنا……..عمو هيكون كويس وبخير……..بلاش تفكري في اي حاجة دلوقتي……..اقعدي وانا هطلع اغير بسرعة وهنروح نشوفه
طلع علشان يغير هدومه……..كُنت قاعدة في مكاني بعيط وخايفة علي بابا ان يحصله حاجة………مش هقدر استحمل فراقه ليا هو بالذات……..بابا دا اكتر واحد انا متعلقة بيه وبحبه اكتر من اي حد ………هو اكتر واحد حنين عليا وبيحبني بجد وجوده جمبي اكتر حاجة بتطمني مش متخيله لو حصله حاجة انا ممكن يحصلي ايه……..فضلت قاعدة مكاني ادعي واعيط لحد ما نزل من فوق وهو بيجري……..اخذني وطلعنا ركبنا العربية وروحنا علي المستشفى……..اول ما وصلنا لقيت اية وفاطمة اخواتي قدام اوضته بيعيطوا …….بدات امشي بخطوات بطيئة ناحيتهم وانا خايفه يكون اللي بفكر فيه صح……..اول ما شافوني جروا عليا وحضنوني …….رفعت ايدي علشان احضنهم وانا ساكتة ومش قادرة اتكلم حتي……..بعدوا عني وبدات تتكلم من وسط عياطها
_مقدروش ينقذوه يا رنا………بابا خلاص راح………مشي وسابنا لوحدنا………انا مش قادرة اصدق انه راح واني مش هشوفه تاني خلاص
هزيت راسي ب لا وبعدت عنهم………جريت علي الاوضة بتاعته وفتحت الباب بسرعة…….كان واقف وبيحط الملاية علي وشه…….قربت منه بعصبية وبدات اتكلم بصوت عالي
_انت بتعمل اية……..شيل البتاع دي عنه………هو كويس علي فكرة…….هو بس بيحب يهزر معايا كدة
قرب مني وحاول يهديني ويخرجني من الاوضة……..بعدت عنه
_لا يا يونس……..انا مش هخرج من هنا……..بابا تعبان وانا لازم اقعد معاه……….قوله هو يخرج من هنا………بابا والله مفيهوش حاجة هو بس تعبان شوية
_رنا……..علشان خاطري بلاش تعملي كدة في نفسك ………عمو كدة ارتاح من التعب اللي كان فيه لازم تكوني اقوي من كدة علشان اخواتك كمان
_مش عايزة اصدق انه راح يا يونس……..دا انا مليش غيره انا واخواتي……..ازاي يمشي ويسيبنا كدة
_هو في مكان احسن دلوقتي وبعدين انا جمبكم ومش هسيبكم ابدا صدقيني
_طيب اشوفه لاخر مرة طيب يا يونس………سيبني اشبع منه شوية
سكت شوية وبص للممرض اللي كان واقف وانا كمان بصتله لقيته بيهز راسه ب ماشي…….خرج من الاوضة وقفل الباب وراه……….مسك في ايدي وخلاني اقرب من السرير………شال الملاية من علي وشه اول ما شوفت وشه بدات اعيط……..اخدني في حضنه وحاول يهديني
_رنا لو مش هتقدري انك تقفي هنا يبقي نخرج
_لا يا يونس…….انا هقعد معاه شوية
مسحت دموعي ومسكت في ايده وبدات اتكلم
_كدة يا بابا………هونت عليك انا واخواتي انك تسيبنا وتمشي …….احنا ملناش غيرك يا حبيبي……..ازاي تسيبنا وتمشي كدة……..انت مش وعدتنا انك هتفضل جمبنا ومش هتسيبنا مهما حصل……..ازاي قدرت تخلف وعدك في اكتر وقت انا كُنت محتاجاك فيه………كُنت محتاجة اني اتكلم معاك واحكيلك اللي مدايقني……..سابتنا لمين ومشيت يا حبيبي
رفعت ايده لفوق وبوستها وانا بعيط……..حضني ب ايد والايد التانية مسك ايدي وخرجني برا الاوضة……..اول ما خرجت وشوفتهم قربت منهم واخذتهم في حضني وانا بحاول اتماسك قدامهم……..اخدني وقعدني علي الكرسي وهو قعد جمبي وفضل ماسك في ايدي
فوقت من سرحاني علي صوتها وهي بتتكلم
_مدام رنا……..محمد بيه في انتظار حضرتك
_تمام شكرا
مسحت دموعي وقومت من مكاني قربت من باب مكتبه……..خبطت الباب واول ما قالي ادخل فتحت الباب ودخلت
_اهلا يا رنا اتفضلي
_خير يا محمد في اية………اول ما قولتلي ان في مشكلة جيت علطول……..مشكلة اية دي
حط قدامي ورق وهو ساكت تحاليل غمضت عيني وانا بفتكر التحاليل اللي عملتها من اسبوع………ابتسمت وبدات اتكلم
_نسيت خالص حوار التحاليل دا…….بس بردو فين المشكلة اللي قولت عليها ……..هي التحاليل فيها حاجة
_بصي عليها الاول يا رنا
بدات اقلق…….فتحت التحاليل وبدات ابص فيها وانا مش فاهمة حاجة لحد ما عيني جات علي نتيجة تحليل
_اية دا
_التعب اللي كُنتي فيه بقالك مُدة دا كان سببه انك حامل يا رنا
_حامل……..في الوقت اللي بحاول اخلص فيه من يونس واعيش حياتي بعيد عنه اطلع حامل بطفل يربطني بيه باقي حياتي
_بس انتي مش مُجبرة تكملي معاه بعد ما عرفتي انك حامل يا رنا
_اومال عايزني اطلق واحرم ابني من ابوه يا محمد
_وهو هيعرف منين يا رنا
_يعني اية يا محمد هيعرف منين
_انا اقصد اني ممكن اسافرك برا مصر بعد ما يطلقك وبعد ما تولدي انا هتجوزك وهربي ابنك كأنه ابني بالظبط يا رنا……..انا اهم حاجة عندي اني اكون معاكي……..رنا انا بحبك وحابب اني اكمل معاكي حياتي
_محمد انا واعي ل اللي انت بتقوله دا
_ايوة يا رنا……..انا واعي لكل حرف انا بقوله………انا بحبك يا رنا وعايز اكون معاكي ايا كان الظروف اللي هنكون فيها وايا كان المشاكل اللي هنقابلها طول ما انتي معايا انا مش هخاف من حاجة
_لا يا محمد انت اكيد اتجننت……..انا همشي
اخدت شنطتي وقربت من الباب بس هو قرب مني ومسك ايدي ……..اتنهدت بعصبية و بصتله
_المجنون الحقيقي هو جوزك اللي طول الوقت بيقلل منك قدام الناس كلها ومش عارف قيمتك انا الوحيد اللي حبيتك بجد ومستعد اعمل اي حاجة علشانك……..انا عندي استعداد ادخل في حرب مع يونس علشان اخدك منه
_لا كدة كتير اوي يا محمد……….طيب بص يا محمد علشان نقفل الموضوع دا نهائي……….انا بحب يونس رغم انه مش بيحبني وعندي استعداد اعمل اي حاجة علشانه و لو كُنت عايزة اطلق منه ف دا علشان بحبه وشايفه ان طلاقي منه هيكون في مصلحته هو علشان كدة طلبت منه الطلاق وطول ما انا عايشة يا محمد انا عُمري ما حبيت ولا هحب غيره في حياتي ودلوقتي انا حامل في ابنه يا محمد ومحدش غيره هيربي ابنه……..ف لو سمحت يا محمد يا ريت تنسي الكلام اللي قولته دا وانا اوعدك اني هنساه لاني مش عايزة اخسرك لانك اكتر من آخ بالنسبالي……..عن اذنك
خرجت من عنده ……..حاولت انسي الكلام اللي قاله وافرح بحاملي دا…….طلعت التلفون ومسكته………كُنت مترددة اني اكلمه ولا لا ………فضلت ماسكة التلفون وجايبة رقمه وباصه عليه……..اتبعتلي رسايل من رقم غريب فتحت الرسايل وبصيت فيها………فرحتي اتحولت لصدمة وحزن في ثانيه بعد ما شوفت الصور اللي اتعبتت………كانت صور ليه وهو بيضحك وماسك ايديها وصور تانيه وهو حاضنها وبيضحك……..فضلت باصة علي الصور بصدمة ودموعي بدات تنزل مكنتش عارفة اتصرف ازاي ولا اعمل اي
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حب كبير)
