رواية حب قيد المراجعه الفصل السادس 6 بقلم دودو محمد
رواية حب قيد المراجعه الجزء السادس
رواية حب قيد المراجعه البارت السادس
رواية حب قيد المراجعه الحلقة السادسة
باليوم التالى
استيقظ فريد من نومه على صوت والدته الحنون فتح عينه بأبتسامه هادئه ثم أمسك يدها بحب وقبلها و اعتدل على فراشه وقال
-يا صباح الورد والياسمين على عيونك
ربت على يده بحنو وقالت
حنان :-صباح النور يا حبيبى رجعت امته امبارح
ابتسم لها وقال بنبره مرحه
فريد :-وحياتك عندى ما اعرف يا حنون أنا السهره اخدتنى ومحستش بأى حاجه بعد كده
نظرة له بضيق وقالت
حنان :-السهره اللى اخدتك برضه ولا اللى كانوا فى السهره مش هتتعدل بقى وتبطل اللى انت بتعمله ده يا فريد انت هنا فى مصر مش فى بلاد بره
نهض من على فراشه وقال بعدم اهتمام
فريد:-اهو علشان كده انا متمسك بالعيشه بره مصر هناك حريه ودنيا تانيه ممتعه مش زى هنا كل حاجه عيب وحرام العمر هنعيشه مره واحده يا حنون
واتجه إلى المرحاض
نظرت إلى أثره بعدم رضا وقالت
حنان :-ربنا يهديك يا ابنى ويصلح حالك
ثم نهضت وخرجت من الغرفه وهبطت إلى الأسفل جلست حاول طاولة الطعام ونظرت إلى اكرم وقالت بضيق
-كده برضه يا اكرم بدل ما تعقل ابن عمك على اللى بيعمله ده رايح تساعده
نظر لها بأسف وقال
اكرم :-انا اسف يا مرات عمى حاولة امنعه كتير والله بس هو اندمج اوى فى الأجواء ومقدرتش اسيطر عليه ولما لاقيته مش قادر يوقف على رجله وصلته لحد اوضه فوق
ردت عليه بصوت حنون وقالت
حنان :-يا حبيبى أنا نفسي اشوف ابنى زيك كده راجل ويعتمد عليه ويبعد عن السهر والحياة القذره دى حاول معاه لما يطلب منك تسهروا خدوا اماكن هاديه مفيهاش شرب ولا بنات وشويه شويه هيتعود على الأماكن دى
اومأ رأسه بالموافقه وقال
اكرم :-حاضر يا مرات عمى
وفى ذلك الوقت هبط فريد من الاعلى وقال وبمرح
-يا ضنايا يا ابنى تلاقى ماما نازله سلخ فيك على امبارح
نظر له بضيق وقال
اكرم :-اعمل ايه ما يعملوها الصغار ويوقع فيها الكبار هديد حيلى بليل وكمان اتسلخت بالنهار على الله تكون الخدمه عجبه سيادتك يا فندم
نظر له بعدم اعجاب وقال
فريد :-اممم مش بطاله
ألقى عليه المعلقه وقال بضيق
اكرم :-والله !! طيب ابقى شوف مين هيشيلك تانى بليل
تعالت ضحكاته وقال بسعاده
فريد:-والله العظيم هيوحشنى هزارك لما اسافر
نظرت له بضيق وقالت بصوت مختنق
حنان :-برضه ناوى تسافر تانى يا ابنى ؟
ابتسم لها وقال بتأكيد
فريد :-ما انتى عارفه يا ماما أن انا لا أصلح فى العيشه بمصر انا بعشق الحرررريه
تكلم سريعا وقال بنبره جاده
اكرم :-خلى الكلام ده فى وقته كل يلا علشان ابوك عايزك فى كلمتين مهمين
بدأ يتناول الطعام وقال بأستغراب
فريد :-كلمتين مهمين !! خير يا ترى ايه هما الكلمتين دول
حرك رأسه بعدم معرفه وقال
اكرم :-معرفش كمل اكلك وبعد كده ندخله الاوضه ونعرف عايزك ليه
اومأ رأسه بالموافقه وبدأوا يتناولوا الطعام فى صمت تام .
……………………………………………………………..
استيقظت فريده من نومها على صوت رنين الهاتف الخاص بها نظرت به وجدتها هند اعتدلت على فراشها وإجابة عليها قائله
-اممم عايزه ايه على الصبح
ردت عليها سريعا وقالت
هند :-انتى لسه نايمه قومى بسرعه تابعى الاخبار الدنيا مقلوبه كلها فيديوهات اللى حصل امبارح فى المطعم
تكلمت سريعا وقالت
فريده :-طيب اقفلى بسرعه
أغلقت الخط معها وتابعت الصحف الالكترونيه بغضب شديد وقالت
-يا ابن ال يعنى انت اللى قاصد تعمل الشو ده أنا هعرفك مين فريده حاتم وازاى تفكر تلعب معاها
ثم نهضت من على فراشها اتجهت إلى المرحاض وبعد وقت خرجت ارتدت ملابسها وهبطت إلى الأسفل وجدت والدها يجلس أمام الطاوله اقتربت منه بأبتسامه وقبلت رأسه بحب وقالت
-صباح الخير يا حبيبى
نظر لها بضيق وقال
حاتم :-صباح النور يا بنتى
نظرت له بأستغراب وقالت بتساؤل
فريده :-مالك يا بابا
تكلم بضيق وقال بصوت مختنق
حاتم :-ايه اللى حصل امبارح ده الدنيا مقلوبه علينا ومكتوب عليكى كلام مش كويس والناس ما هتصدق
ابتسمت له ابتسامه هادئه وقالت
فريده :-انت عرفت!؟ يا بابا دى حاجه مش جديده عليا انا متعوده على الاشكال دى مفكرين علشان أنا واحده هكون فريسه سهله ليهم بس انت عارف بنتك بمليون راجل واديك اهو شوفت بعينك وبالنسبه لكلام الناس ده اخر همى كده كده الناس بتتكلم المهم انت واثق فيا مش مهم اى حاجه تانى
ربت على يدها وقال بنبره حنونه
حاتم :-يا بنتى أنا واثق فيكى طبعا وأقطع لسان اى حد يجيب سيرتك بكلمه مش كويسه بس انا اب وخايف عليكى مهما كانت قوتك مش هتكون زى الحيتان اللى حواليكى لو كان معاكى راجل كان زمانه دلوقتى فى ضهرك وسندك مكانش حد يقدر يقرب منك ولا يتكلم عليكى الست مهما بلغت قوتها ضعيفه قصاد قوة الراجل
اومأت رأسها بتفهم وقالت بأبتسامه
فريده :-متخافش عليا والله انا قدها ولو يوم حسيت بضعف هاجى أرمى نفسى فى حضنك وهستمد قوتى منك انت أمانى وقوتى وسندى مش عايزاك تشغل بالك بيا وتخاف عليا انا فريده بنت احسن راجل فى الكون ده كله
ثم نظرت بساعة يده وقالت بصدمه
-يا نهارى شوفت أنا بنسي نفسي ازاى وانا معاك اتأخرت على الاجتماع بسببك
ونهضت سريعا قبلت رأسه وقالت
-خلى بالك على نفسك واوعى تنسى علاجك علشان خاطرى
وركضت سريعا إلى الخارج صعدت السياره الخاصه بها واتجهت بها إلى الشركه
نظر إلى أثرها بقلق وقال
حاتم :-ربنا يحميكى يا بنتى ويبعد عنك ولاد الحرام .
…………………………………………………………….
دلف فريد الغرفه عند والده وجلس بجواره على السرير قبل يده بحب وقال بتساؤل
-عامل ايه دلوقتى يا حبيبى
اومأ رأسه له وقال بصوت منخفض
جلال :-بحاول اكون كويس يا ابنى
تكلم بمرح وقال
فريده :-يا راجل ده انت صحتك اجمد منى قوم بس وبلاش دلع الحمدلله مر الوقت الخطر وبقت كل حاجه تمام
تكلم سريعا وقال بتوضيح
اكرم :-مش معنى ان مر الوقت يبقى الخطر كده راح لا هيفضل برضه تحت الملاحظه وممنوع ينزل الشركه نهائى
تكلم بصوت حزين وقال
جلال :-شركه !! هى فين الشركه دى انت مقولتش ليه حاجه ولا ايه يا اكرم
تنهد بضيق مزيف وقال
اكرم :-مرضتش اعكنن عليه فى أول يوم ينزل فيه مصر يا عمى
نظر لهم بعدم فهم وقال بتساؤل
فريد :-هو فيه ايه ما حد يفهمني ايه اللى حصل
تنحنح بتوتر وقال بتوضيح
اكرم :-ابوك دخل شريك فى الشركه
حملق عينه بصدمه وقال بعدم تصديق
فريد :-ايه !!! انتوا بتهزروا صح !؟
حرك رأسه بالرفض وقال
اكرم :-لا والله مش بنهزر الشركه فعلا بقى لينا فيها شريك لأن الفتره اللى فاتت الديون زادت جدا عليها ومافيش موارد نكمل بيها الطلبات علشان كده دخلنا فيها شريك يساعدنا نخرج من الازمه دى
هدر بهم بغضب وقال
فريد :-لا انتوا اتجننتوا من امته وشركة الجلال بتستعين بشريك علشان تخرجها من أزماتها أنا مصدوم فيكم ومش عارف اقولكم ايه بجد
تكلم بصوت مختنق وقال بلوم
جلال :-انا كتير اوى اترجيتك علشان ترجع مصر وتوقف جنبى فى الازمه دى انت اللى رفض وسيبتنى راجل كبير مريض لوحدى ابن عمك ربنا يخليه واقف معايا وفى ضهرى وشال معايا كتير اوى بس برضه الحمل كان كبير عليه لوحده متلومش علينا وانت كنت أول من أن اتخلى عن الشركه وهرب
حرك يده على رأسه وقال بتساؤل
فريد:-ومين الشريك ده أن شاءالله
رد عليه سريعا وقال
اكرم :-تقصد مين دى
هدر به بصدمه وقال بغضب
فريد :-نعم !! الشريك كمان طلعت واحده ست لااااا انتوا اتجننتوا رسمى
تكلم بغضب وقال بتحذير
جلال :-ولد احترم نفسك وانت بتتكلم معايا ، وبعدين اهى عندك فى الشركه ابقى روح قابلها واتكلم معاها واوصلوا لحل سريع يخرج الشركه من الحفره اللى وقعت فيها دى
حرك رأسه بالرفض وقال
فريد :-انا لا رايح ولا جاى موضوع الشركه انتهى بالنسبالى ومن الصبح هركب اول طياره وهسافر
هدر به بغضب وقال
جلال :-هو ده اللى انت بتعمله كل مره تهرب من اى مسؤوليه وتسيبنى لوحدى فى الطريق امشى يا فريد ومتجيش هنا تانى انسي أن ليك اب وام واخوات أنسى أن دى بلدك وناسها اهلك وانا بالنسبالى هعتبر أن كان عندى ولد ومات
ثم وضع يده على قلبه وحاول يأخذ نفسه بصعوبه
ركضوا إليه وامسك يده بقلق وقال بدموع
فريد :-بابا رد عليا خد نفسك ارجوك بابا أنا آسف متزعلش منى وحياة اغلى حاجه عندك خد نفسك
ثم نظر إلى اكرم وقال بصوت مرتفع
-فين الحبايه اللى بيخدها بسرعه هاتها بسرعه يا اكرم
وظل يربت على يده بدموع
أحضر اكرم الحبوب وأعطاه منها بفمه وأعطاه رشفه من الماء وظل يتابعه بقلق شديد
حرك يده على قلب والده وقال بدموع
فريد :-بابا عامل ايه دلوقتى ارجوك رد عليا
اومأ رأسه بوهن وقال بصوت مختنق
جلال :-الحمدلله اطلعوا من الاوضه وسبونى لوحدى
قبل يده بأسف وقال
فريد :-انا اسف يا بابا ارجوك متزعلش منى واللى انت عايزه أنا هعمله
نظر الاتجاه الآخر وقال بغضب
جلال :-لا شكرا مش عايز منك حاجه اتفضل سافر وعيش حياتك زى ما انت عايز
قبل رأسه بأسف وقال
فريد :-علشان خاطرى اهدا أنا اسف متزعلش منى ارجوك
تكلم بصوت غاضب وقال
جلال :-اكرم خده واطلعوا بره الاوضه مش عايز اتكلم مع حد
اومأ رأسه بالموافقه واقترب من فريد وأمسك ذراعه وقال بنبره هادئه
اكرم :- تعالى معايا يا فريد
نظر إلى والده بدموع وقبل أن يتكلم
تكلم بترجى وقال
-علشان خاطرى امشى معايا يا فريد سيبه يهدا شويه وبعد كده ابقى اتكلم معاه تانى
تحرك فريد مع اكرم بأتجاه الباب
نظر إلى جلال بأبتسامه مكبوته وغمز له وخرج مع فريد من الغرفه واغلق الباب خلفهم وقال
اكرم :-اهدا بس ومتقلقش وان شاءالله هيكون كويس، مع أن الدكاتره نبهت علينا ممنوع عليه الانفعال لأن كده احنا بنعرض حياته للخطر
ركل الحائط بقدمه وقال بغضب
فريد:-انا حمار وغبى لو حصل ليه حاجه بسببى مش هسامح نفسي ابدا
ربت على ظهره بحنو وقال بنبره هادئه
اكرم :-الحاجه الوحيده اللى هتسعد ابوك وتريح أعصابه شويه انك تنزل الشركه تقابل الشريكه الجديده وتحاولوا توقفوا الشركه من جديد على رجليها وبعد كده لو حابب تسافر تانى براحتك محدش هيمنعك بس تكون عملت اللى عليك ده أنت معاك دكتوراه فى إدارة الأعمال يعنى تقدر تخرج الشركه من الازمه دى بأشارة صوباع منك .
نظر له نظره مطوله ثم زفر بضيق وقال
فريد :-يعنى لو عملت كده والشركه رجعت زى الاول هتسيبونى اسافر ومحدش هيتكلم فى موضوع الرجوع ده تانى
اومأ رأسه بالتأكيد وقال
اكرم :-طبعا انت وشاطرتك رجع الشركه لوضعها بسرعه وبعد كده سافر براحتك
صر على أسنانه بغضب وقال
فريد :-ماشى شوف هنبدأ من امته وياريت يكون من النهارده علشان ننجز فى الوقت
ابتسم له بأنتصار وقال
اكرم :-وانا بقول كده برضه خير البر عاجله
تكلم بغضب وقال بنفاذ صبر
فريد :-وانا بقولك هروح اتجوز
ابتسم له وقال بصوت هامس
اكرم :-يمكن، مين عارف الخير فين، امشى يلا معايا على الشركه
وخرجوا الاثنين سويا صعدوا السياره واتجهوا إلى الشركه.
………………………………………………………………..
وصلت فريده إلى الشركه الخاصه بها وبدأ الاجتماع التف الجميع حاول طاولة الاجتماع وتكلم أحد الموجودين وقال بتساؤل
-يعنى حضرتك احنا دلوقتى هنضم خطوط الإنتاج بتاع الشركتين على بعض
اومأت رأسها بالتأكيد وقالت
فريده :-ايوه بحيث نوسع دايرة الانتشار لمنتجاتنا أكثر حول العالم لأن كده الإنتاج هيكون الضعف وهنقدر نخلص الطلبيات فى اقل وقت ممكن وكمان شركة الجلال نوع معداتها احدث حاجه موجوده فى السوق ده يدينا جوده اكتر وانضف فى التغليف
نظر لها إحدى الموجودين وقال بتساؤل
-طيب ده بالنسبه لمنتجاتنا بالنسبه لمنتجات الشركه التانيه هيكون ايه وضعها معانا
إجابته بتوضيح وقالت
فريده :-حاليا هنستخدم الخطوط بتاعتنا وبتاعتهم فى تخليص الطلبيات المتأخره عليهم وبعد كده هتكون نسبة الإنتاج الاكبر فى الخطين لصالح شركتنا يعنى هما هيتستخدموا التلت فى خطهم واحنا هنستخدم التلتين عندهم مع استخدام كامل لخطوط شركتنا لصالح منتجاتنا
ثم نظرت إلى الجميع وقالت بتساؤل
-حد حابب يسأل على حاجه او محتاج توضيح ، تمام كل حاجه كده مفهومه الاجتماع انتهى
خرج الجميع من غرفة الاجتماع وتراجعت فريده إلى الخلف واسندت ظهرها على المقعد بأرهاق ثم نظرت إلى هند وقالت بأمر
-لو فيه اى اجتماع تانى النهارده ألغى مش قادره خلاص انا رايحه مكتبى
تكلمت سريعا وقالت
هند :-هو احنا مش المفروض هنروح شركة انكل جلال النهارده علشان نطمن أن الشغل بتاع الطلبيات شغال تمام فى الخطوط وكمان فيه ملفات هناك محتاجه امضتك
حركت رأسها بالرفض وقالت
فريده :-لا مش قادره خليهم يبعتوا الملفات على مكتبى هنا
ردت سريعا وقالت بتوتر
هند :-لا انتى لازم تروحى النهارده بالذات بقى
نظرت لها بأستغراب وقالت بعدم فهم
فريده :-اشمعنا يعنى
ابتلعت ريقها بتوتر وقامت بتعديل النظاره الطبيه على عينيها وقالت بتلعثم
هند :-ها ع ع علشان اااا علشان اه علشان الملفات مهمه ومينفعش حد يشوفها غيرك مش انتى اللى قولتى ليا كده
نظرت لها بعدم ارتياح وقالت بتساؤل
فريده :-انتى فيه ايه مالك مش على بعضك ليه
ابتلعت ريقها بصعوبه وقالت
هند :-ف ف فيا ايه ما انا عادى اهو قومى يلا بسرعه مافيش وقت
نهضت واقتربت منها ونظرت لها بعينيها وقالت بعدم فهم
فريده :-مافيش وقت على ايه بقى اتكلمى يا هند احسنلك
نظرت لها بخوف وابتلعت ريقها بصعوبه وقالت بتوتر
هند :-ا ا الصراحه بقى فريد ابن إنكل جلال رجع مصر وجاى النهارده يمسك الشركه بدل ابوه علشان مريض الفتره دى وزمانه رايح على الشركه دلوقتى علشان يقابلك
زفرت بضيق وقالت
فريده :-حبكت يعنى ابوه يمرض بعد ما بقيت شريكه في الشركه هتعامل مع البنى ادم ده ازاى وانا مش بطيقه اصلا
تكلمت سريعا وقالت بأبتسامه حنونه
هند :-ليه بس ده حتى كان دمه خفيف اوى وكنت احب العب معاه انا مش عارفه ايه سبب كرهك ليه ده
أغلقت عينيها بضيق وقالت
فريده :-نفس سبب كرهك لاكرم يا هند وقفلى على الموضوع ده بقى اتفضلى امشى يلا
اومأت رأسها بالموافقه وتحركت معها إلى خارج الغرفه وأغلقت الباب خلفها.
………………………..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب قيد المراجعه)
