رواية حب قيد المراجعه الفصل الرابع 4 بقلم دودو محمد
رواية حب قيد المراجعه الجزء الرابع
رواية حب قيد المراجعه البارت الرابع
رواية حب قيد المراجعه الحلقة الرابعة
نظر لها بصدمه ثم اقترب منها وقال بغضب
-انتى تانى !؟ كده كتير عليا والله وكمان بتغلطى فيا،يا بنتى انتى حد مسلطك عليا ولا ايه
نظروا لهم بأستغراب وقالت
حنان :-انتوا لسه زى ما انتوا عاملين زى القط والفار كده
نظرت لها بضيق وقالت
هند :-ما هو اللى غلطان يا طنط مش بيعرف يسوق وجايبها فيا
حرك رأسه بغضب وقال
اكرم :-اه فعلا أنا اللى مش بعرف اسوق غبى معلش، بنى ادمه مستفزه
نظرت له بضيق وقالت
هند :-للمره المليون اقولك متغلطش
نظرت لهم بنفاذ صبر وقالت
فريده :-ممكن بقى كفايه شغل العيال ده ونركز فى شغلنا
رد عليهم سريعا وقال
حاتم :-لا مافيش كلام فى الشغل دلوقتى بعد الاكل اعملوا اللى انتوا عايزينه يلا بينا زمان الاكل برد
اومأت رأسها بتفهم وقالت
فريده :-ماشى، اتفضلوا يلا
وتحركوا جميعا إلى طاولة الطعام والتفوا حولها وبدأوا يتناولوا طعامهم.
…………………………………………………………….
باليوم التالى
استيقظ فريد من نومه على صوت رنين الهاتف الخاص به اعتدل سريعا واجاب عليه بغضب قائلا
-انت يا ابنى مش بترد عليا من امبارح ليه !؟ بابا عامل ايه دلوقتى
تكلم بصوت مختنق وقال
اكرم :-مكدبش عليك ابوك حالته حرجه جدا والدكاتره مانعوا نزوله الشركه لان عضلة القلب ضعفة جدا واى ضغط عليه ولا عصبيه زياده ممكن تنهى حياته
تكلم سريعا وقال بقلق
فريد :-ومتصلتش بيا ليه من امبارح وقولتلى الكلام ده، أنا هروح احجز ليه عند اكبر دكتور هنا وان شاءالله هيبقى كويس
رد عليه بتوضيح وقال
اكرم :-ياريت كان ينفع للاسف ابوك مش هيستحمل السفر لانه مجهود عليه
تكلم بغضب وقال
فريد :-يعنى ايه هنوقف نتفرج عليه وهو بيروح مننا كده لازم يبقى فيه حل
تنهد بحزن وقال بصوت مختنق
اكرم :-حالة عمى حرجه جدا والدكتور بيقول أن اى انفعال ممكن يروح مننا فيها وهو طالب يشوفك يا فريد خايف يحصله حاجه قبل ما يشوفك.
تكلم بنبره مختنقه وقال
فريد :-هحاول انزل مصر يومين اطمن عليه وارجع تانى لما صحته تتحسن
رد عليه سريعا وقال
اكرم :-مضيعش وقت احجز طيرتك من دلوقتى يا فريد علشان تكون جنبه فى اصعب وقت فى حياته
نظر بالساعه وقال بضيق
فريد :-ماشى اقفل دلوقتى علشان اتصل احجز على اول طياره راجعه مصر
تكلم بسعاده وقال
اكرم :-ماشى تيجى بالسلامه
اغلق الخط مع اكرم سريعا ونظر إلى الفتاة النائمه بجواره ثم نهض من على السرير وتحرك إلى الخارج اغلق الباب خلفه وبدأ يتكلم مع إحدى شركات الطيران وتم حجز التذكره فى مساء اليوم اغلق الخط ووضع الهاتف على الطاوله وفى ذلك الوقت خرجت هذه الفتاة من الغرفه قبلت فريد بأبتسامه وقالت بتساؤل
-صباح الخير فريد انت صاحى بدرى ليه
ابتسم لها بتوتر وقال
فريد :-كنت بكلم اهلى فى مصر بابا تعبان جدا وحالته صعبه وعايز يشوفنى
نظرت له بحزن وقالت
-انت عايز تقول إنك هترجع مصر وتسيبنى
اقترب منها سريعا وأحاط خصرها بذراعيه وقال
فريد :-لا طبعا مين قالك أن هسيبك أنا هروح يومين بس اطمن على بابا وهرجعلك تانى على طول انتى عارفه أنا مقدرش استغنى عنك يا جوليا
حركت رأسها بضيق وقالت
جوليا :-انت تقولى كده علشان أنا مزعلش بس انت ناوى ترجع مصر على طول
ابتسم لها بحب وقال
فريد :-وحياتك عندى مش بكذب عليكى بابا فعلا مريض وعايز يشوفنى، وبالمره هقولهم عليكى وهعرفهم أن انا هتجوزك
ابتسمت بسعاده وقالت
جوليا :-بجد يا فريد
أحتضنها بحب وقال
فريد :-بجد يا روح فريد، يلا بقى خلينى ادخل اخد شاور بسرعه علشان اجهز شنطتى السفر هيكون بليل أن شاءالله
ابتعدت عنه ونظرت له بحب وقالت
جوليا :-انا هحضر الفطار على ما انت تخلص
وتركته واتجهت إلى المطبخ
زفر بضيق وقال بصوت هامس
فريد :-ده أنا ما هصدق ابعد عنك وارتاح منك شويه
وذهب إلى المرحاض .
…………………………………………………………….
بمصر
نظر إلى عمه بأنتصار وقال بسعاده
اكرم :-ايه رأيك فيا عرفت اقنعه وصدق و رجعتوا مصر بأقل مجهود
ابتسم بسعاده وقال
جلال :-والله برافوا عليك يا اكرم ده أنا صدقتك وانت بتتكلم يا ولا
تكلم بثقه وقال
اكرم :- ده اقل حاجه عندى يا عمى يجى بس وانا هخليه يموت فى تراب مصر وميقدرش يبعد عنها ثانيه
رد عليه بأبتسامه وقال
جلال :-مصر وبنات مصر انت فاهمنى طبعا
اومأ رأسه بتفهم وقال
اكرم :-فهمك طبعا يا عمى بس مش شايف أن فريد مش هينفع مع فريده الاتنين مختلفين تماما عن بعض ومافيش اى وجه مقارنه ما بينهم ازاى هنقدر نوفقهم مع بعض
اجابه بنبره هادئه وقال
جلال :-انا فاهم قصدك بس كده احسن فريد ابنى عايز بنت تكون صعبه زى فريده دى تقدر تمشيه على العجين ميلغبطهوش ويعتمد عليها فى المستقبل لو لاقدر الله حصل حاجه هتكون هى حصنه وجيشه
اومأ رأسه بتفهم وقال
اكرم :-طيب ناوى على ايه فى موضوع العرض بتاعهم ده!؟
ابتسم له وقال بسعاده
جلال :-هوافق طبعا ده اللى هيخلى الاتنين يقربوا من بعض اكتر لأن تعامل الاتنين مع بعض هيكون مباشر وكمان شركة حاتم طول عمرها منافسه ليا بس فى نفس الوقت هى كانت السبب الأساسى فى نجاح الشركه وانتشارها فى اسرع وقت وكمان فريده أنا واثق منها أنها هتقدر تنقل الشركتين لحته تانيه خالص بلغهم أننا موافقين وحدد ميعاد النهارده علشان نمضى العقود قبل رجوع فريد
اومأ رأسه بالطاعه وقال
اكرم :-حاضر يا عمى عن اذنك
خرج من غرفة المكتب الخاصه بجلال واتجه إلى غرفة مكتبه هو.
………………………………………………………………
جلست فريده على مقعدها بغضب شديد وتكلمت بصوت مرتفع قائله
-ازاى هرب وانتوا عيونكم كانت فين أنا مش قولتلكم تراقبو كويس وإياكم يفلت منكم لحد ما يروح يسلم نفسه
ابتلع ريقه بصعوبه وقالت بتلعثم
-ا ا احنا كنا وراه خطوه بخطوه وطلع شقه وكنا وراه ومعرفش بعد كده اختفى ازاى دخلنا الشقه لما اتأخر جوه واتفاجئنا أن الشقه فاضيه ومفيهاش حد وهو فص ملح وداب
طرقت على سطح المكتب بيدها بغضب وقالت
فريده :-علشان مشغله معايا شوية اغبيه اتفضلوا غورو من وشى
خرجوا جميعا من عندها وهى جلست بغضب شديد تفكر بماذا تفعل فى هذه الورطه وفى ذلك الوقت دلفت هند سريعا وقالت بتساؤل
-فيه ايه يا فريده صوتك جايب اخر الشركه
نظرت لها بضيق وقالت بصوت مختنق
فريده :-البيه اللى كان السبب فى خسارة الشركه الشحنه اللى فاتت هرب من الرجاله اللى كانت بتراقبه اغبيه لازم أوصله فى اسرع وقت علشان يسلم نفسه لشرطه ويعترف أن البضاعه دى بتاعته هو وحطها فى الشحنه علشان يهربها تحت مسمى الشركه ده الحل الوحيد اللى هينقذ اسمنا فى السوق
تكلمت بضيق وقالت
هند :-بس حرام ده شاب صغير وكده مستقبله هيروح ممكن تشوفى اى حل تانى غير أنه يعمل كده فكرى مره واحده بقلبك وحسي شويه بيهم
هدرت بها بغضب وقالت
فريده :-حرام !! ولما هو اتصرف من دماغه وخسرنا ملايين مكانش حرام لازم يتعاقب ويكون عبره لغيره علشان محدش بعد كده يتصرف من دماغه
تكلمت بصوت مختنق وقالت
هند :-انا مش موافقه على اللى انتى عايزه تعمليه ده والنهايه مش هتكون فى صالحك يا فريده انتى حره بقى، انا همشى عايزه حاجه منى
نظرت بساعة يدها وقالت بأستغراب
فريده :-هتمشى دلوقتى !؟ لسه بدرى
اومأت رأسها بالتأكيد وقالت
هند:-عارفه، انكل حاتم هو اللى اتصل بيا وطلب منى اروحله
ردت عليها بأستغراب وقالت
فريده :-بابا !! وعايزك ليه
حركت رأسها بعدم معرفه وقالت
هند :-مش عارفه ، سلام بقى علشان متأخرش عليه
وخرجت مسرعه من أمامها
نظرت إلى أثرها بعدم فهم وقالت
فريده:-بابا عايز هند ليه !؟ غريبه !!
وبدأت تتابع العمل الخاص بها
……………………………………………………………….
حل المساء واجتمعت العائله حول طاولة الطعام نظرت لهم بسعاده وقالت
حنان :-والله العظيم منورينا بس كنت قولت لفريده جات تتعشا معانا
رد عليها بسعاده وقال بنبره هادئه
حاتم :-فريده بنتى مش بتتعشى اصلا ولو كنت قولتلها مكانتش هترضى تيجى هى بتحب تروح من الشركه تطلع اوضتها تقعد فيها شويه وبعد كده تنام ملهاش اختلاط بحد
اومأت رأسها بالتأكيد وقالت
هند :-عندك حق يا انكل ده حتى أنا بنت خالتها ملهاش كلام معايا اوى كل كلامنا على الشغل وبس حاولة كتير افتح معاها مواضيع بس دايما كانت تقفل معايا فى الكلام بحجة أنها عايزه تنام أو وراها شغل
تكلمت بحزن وقالت
حنان :-يا حبيبتى يا بنتى موت امها وهى صغيره خلاها تقفل على نفسها ومتقربش من حد نهائى هى اتعودت تكون وحيده وعلشان كده مش بتدى فرصه لحد يقرب منها
تكلم سريعا وقال بسعاده
جلال:-خلاص جاى اللى هيشغل وقتها ويخطف قلبها منها
نظروا له بعدم فهم
تكلم اكرم سريعا وقال بقلق
-استنى بس يا عمى لما نتأكد أن كل اللى هنا امين ومش هياخد الكلام وينقله لحد
ونظر إلى هند بضيق
تكلمت بغضب وقالت
هند :-انا فاهمه انت تقصد مين انا امينه على فكره وعمرى ما اخد الكلام من حته وانقله فى حته تانيه
رد عليها بتهكم وقال
اكرم :-اطمنت أنا كده يا امينه
نظرت لهم بضيق وقالت
حنان :-ممكن تصبروا شويه علشان نفهم ايه الموضوع
تكلم بتوضيح وقال بسعاده
جلال :-فريد ابنى فى الطياره دلوقتى راجع مصر
نظرت له بصدمه وقالت بعدم تصديق
حنان :-لا انت بتضحك علينا صح احلف يا جلال أن فريد جاى
رد عليها بسعاده وقال بتأكيد
جلال:-والله العظيم جاى كلها كام ساعه ويبقى فى حضنك
انهمرت دموعها بسعاده وقالت
حنان :-الحمدلله يارب أن رجعتلى ابنى بالسلامه اخيرا هشوفه بعد كام سنه أنا حاسه ان قلبى هيوقف عليا من الفرحه
تكلم سريعا وقال بتوضيح
جلال :-بس خدوا بالكم هو نازل على أساس أن انا مريض والدكاتره قايله أن حالتى خطر اوعى حد فيكم يغلط ويقول حاجه غير كده
نظرت له بحزن وقالت
حنان :-يعنى هو نازل يطمن عليك وهيرجع يسافر تانى
اجابها بتوضيح قائلا
اكرم :-هو نازل على أساس كده يا مرات عمى بس احنا مش هنسمح ليه يسافر تانى انا وعمى عاملين خطه هتخليه يبقى جنبك على طول متقلقيش
حرك رأسه بعدم ارتياح وقال
حاتم :-بس خد بالك يا جلال علشان لو ابنك عرف حاجه هتخسره العمر كله الشباب طايشه ومندفعه وممكن يخسروا اى حاجه فى سبيل كرامتهم
تكلم بنبره هادئه وقال
جلال :-لا أنا واثق أنه هيشكرنى بعد كده
نظر له بعدم اقتناع وقال
حاتم :-انت ادرى بأبنك وربنا يهديه ليكم ويفضل فى حضنكم
ابتسم له بسعاده وقال
جلال :-يارب يا حاتم ويحقق اللى نفسي فيه يارب ونبقى نسايب
ابتسم على كلماته وقال
حاتم :-انت بتحلم ده ابنك عايز معجزه علشان فريده توافق
تعالت ضحكاتهم بسعاده وأكمل طعامهم وهم يخططون بما سوف يفعلوه بالايام القادمه.
…………………………………………………………..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب قيد المراجعه)
