رواية حب قيد المراجعه الفصل الخامس 5 بقلم دودو محمد
رواية حب قيد المراجعه الجزء الخامس
رواية حب قيد المراجعه البارت الخامس
رواية حب قيد المراجعه الحلقة الخامسة
اشرقت شمس صباح يوم جديد بسماء القاهره وقفت حنان على الباب بلهفه واشتياق تنتظر وصول فريد بالسياره عندما رأت السياره تقترب منها تهللت اساريرها وانفرجت ملامح وجهها بسعاده وركضت سريعا إليه هبط من السياره مسرعا و ارتم داخل أحضانها بأشتياق وظل يتمسك بها مثل الطفل الصغير
قبلت جميع اجزاء وجه بدموع الاشتياق وقالت من بين شهقاتها
-واحشتنى يا حبيبى كنت خايفه اموت قبل ما اخدك فى حضنى كده يا فريد اهون عليك كل السنين دى اااااه يا قلب امك واحشنى كل حته فيك ريحتك ولمستك وكل حاجه فيك
قبل يدها بحب ثم أزال عبراتها من على وجهها بضيق وقال بترجى
فريد :-علشان خاطرى متعيطيش أنا جنبك اهو وبين ايديكى
ثم قبل رأسها بحب وقال
-يااااااه يا امى واحشتنى ريحتك اوى وحضنك الدافى
حركت يدها على وجهه وقالت بنبره حنونه
حنان :-لو تعرف قلبى كان حزين وبيتقطع فى بعدك ازاى مش هتبعد عنى تانى ابدا يا فريد
ابتسم لها بتوتر وقال
فريد :-ا ا اه أن شاءالله، فين بابا
ابتلعت ريقها بتوتر وقالت بتلعثم
حنان :-ها ا ا ابوك فى الاوضه الدكاتره منعته من الخروج نهائى ادخل هو منتظرك جوه
اومأ رأسه بالموافقه وتحرك إلى الداخل نظر حوله بأشتياق وابتسم بسعاده وقال
فريد :-ياااااه يا امى البيت واحشنى اوى كل حاجه فيه زى ما هى مافيش حاجه اتغيرت
ربت على ظهره بحنو وقالت
حنان :-كل حاجه زى ما هى بس من غير روح انت واخواتك كنتوا الروح الحلوه اللى كانت ماليه البيت ضحك ولعب وفرح من يوم ما كل واحد فيكم راح فى مكان وهو البيت بقى عباره عن شوية ذكريات وبس ادخل يا حبيبى لابوك هيتجنن عليك جوه
ابتسم لها وتحرك باتجاه غرفة والده وطرق على الباب ثم فتحه عندما رأى والده ركض إليه و ارتمى داخل أحضانه وقال بأشتياق
فريد :-واحشتنى اوى يا بابا عامل ايه دلوقتى يا حبيبى
تكلم بصوت منخفض قائلا بأعياء مزيف
جلال :-شوفت اللى حصل لابوك يا فريد الخساره كسرت ضهرى وملقتش حد يسندنى الدكاتره قالوا إن حالتى صعبه لان عضلة القلب ضعيفه أنا كنت خايف يحصلى حاجه قبل ما اشوفك يا حبيبى
قبل يده بحزن وقال بصوت مختنق
فريد :-بعد الشر عنك يا بابا متقولش كده صدقنى هتخف وهتبقى زى الفل وهترجع تانى توقف الشركه على رجليها احسن من الاول أنا جنبك اهو وفى ضهرك
نظر له بسعاده وقال
جلال :-يعنى ناوى تكمل فى مصر ومتسافرش تانى
ابتسم له بتوتر وقال
فريد:-ها ل ل لا طبعا هسافر تانى اكيد بس أقصد يعنى هبقى متابع معاك خطوه بخطوه من هناك ولو لزم الأمر هنزل مصر اساعدك وارجع تانى المهم متشغلش بالك انت بس بحاجه واهتم بصحتك دلوقتى
اومأ رأسه بضيق وقال
جلال :-ماشى يا ابنى روح يلا اوضك خد حمام دافى وارتاح من السفر ونبقى نتكلم بعدين
قبل يده بحب وقال
فريد :-ماشى يا حبيبى هنام بس ساعتين كده ارتاح فيهم وبعد كده هنقعد مع بعض كتير نتكلم فى كل حاجه
وخرج من الغرفه اغلق الباب خلفه وجد والدته تجلس على الأريكة اقترب منها قبل رأسها بحب وجلس بجوارها وقال بتساؤل
-القمر بتاعى قاعد لوحده بيعمل ايه
نظرت له بأبتسامه حنونه وقالت
حنان :-مستنياك تخرج من عند ابوك يا حبيبى قولى نفسك فى ايه اعمله ليك على الغدا النهارده
وضع رأسه على قدميها وقال بتفكير
فريد :-لا ده أنا نفسي فى حاجات كتير اوى اكلها من ايدك بس اقولك على حاجه مأكلتهاش من يوم ما سافرت
حركت يدها على رأسه وقالت بنبره حنونه
حنان :-قول يا حبيبى وانا اعملها ليك على طول
امسك يدها وقبلها وقال بحب
فريد :-كفتة رز نفسي فيها اوى
ابتسمت له عندما تذكرت ماذا كان يحدث عندما تجهزها و قالت
حنان :-يااااه يا فريد فاكر لما كنت اعملها ليك وتفضل تتخانق انت وفريده عليها وتشدوا الطبق من بعض لحد ما يوقع ويتكسر مية حته والكفته فى الاخر تترمى
اعتدل سريعا وقال بتساؤل
فريد :-الا صحيح البت الرخمه دى راحت فين اكيد اتجوزت دلوقتى وكل همها الاكل طول عمرها كانت طفسه
حركت رأسها بالرفض وقالت
حنان :-فريده!! انت لو شوفتها دلوقتى مش هتعرفها خالص، دى بقت حاجه تانيه
تعالت ضحكاته وقال
فريد :-مين فريده التخينه دى كان شكلها مسخره وتلاقيها مازالت كده يلا يا بخته الاسود اللى بقت من حظه
ونهض من على الأريكة وقال
فريد :-هطلع اريح شويه فى أوضى متنسيش كفتة الرز
وأرسل لها قبله بالهواء وصعد إلى الأعلى
نظرت إلى أثره وقالت
حنان :-يا صدمتك لما تشوف فريده دلوقتى
ونهضت سريعا واتجهت إلى المطبخ حتى تحضر له ما يريد.
………………………………………………………………
استيقظت فريده من نومها على صوت المنبه اغلقته بأعين مغلقه ثم نهضت من على فراشها اتجهت إلى المرحاض وبعد عدة دقائق خرجت منه ارتدت ملابسها ومشطت شعرها وهبطت إلى الأسفل وجدت والدها يقرأ بالجريده اقتربت منه قبلت رأسه وقالت
-صباح الورد والياسمين
ابتسم لها ابتسامه حنونه وقال
حاتم :-صباح النور يا عمرى اقعدى افطرى
حركت رأسها بالرفض وقالت
فريده :-لا مليش نفس ، صح انت امبارح بعت لهند ليه أنا قعد مستنياك لوقت متأخر لحد ما غلبنى النوم ونمت محستش
نظر لها بتوتر وقال
حاتم :-ها م م مافيش يا بنتى عمك جلال اتصل بيا عزمنى على العشا وقالى اجيبك معايا بس انا مرضتش اقولك علشان متأكد انك مش هتوافقى تيجى معايا اتصلت بهند علشان تيجى معايا وتساعدنى هناك
نظرت له بأستغراب وقالت
فريده :-انكل جلال !! طيب ما انا كنت معاه امبارح بنمضى العقود مقالش ليا ليه
ابتسم لها ابتسامه حنونه وقال
حاتم :-ما أنا يا بنتى اللى قولتله ميقولش ليكى علشان متحرجهوش
اومأت رأسها بتفهم وقالت
فريده :-اوك بس بعد كده ابقى بلغنى علشان مقلقش عليك
ثم قبلت رأسه بحب وقالت
-هروح أنا بقى علشان متأخرش على الشغل باى
وخرجت سريعا صعدت السياره وإدارتها وتحركت بها إلى الشركه.
……………………………………………………………….
دلف اكرم غرفة فريد ونظر حوله بصدمه وجد ملابس فريد بالأرض وحال الغرفه تغير تماما عن سابقا حرك رأسه بعدم رضا وقال بأبتسامه
-لسه زى ما انت متغيرتش ابدا يا فريد
اقترب منه وقال بصوت هادئ
-فريد يا فريد انت يا ابنى اصحى يلا
دفعه بعيد عنه ووضع الوساده فوق رأسه وقال بضيق
فريد :-ششش مش عايز صوت أنا عايز انام
صر على أسنانه بغضب واقترب منه مره آخره واخذ منه الوساده وقال بصوت مرتفع
اكرم :-فريد اصحى يلا بدل ما اصحيك زى زمان
نظر بأستغراب واعتدل سريعا وقال بسعاده
فريد :-اكرم ابو المكارم واحشتنى اوى
ونهض سريعا وارتم داخل أحضانه وقال
-بس ايه التغير ده عضلات وحاجات جامده عن لما سبتك كنت مسلوع وشكلك يقرف
تعالت ضحكاته وربت على ظهره بأشتياق وقال
اكرم :-لسه دمك تقيل فى الهزار يالا يخربيت استظرافك بس واحشنى غلاستك والله
ابتعد عنه وجلس على حافة السرير يرتدى سرواله وقال بأبتسامه
فريد :-عامل ايه مع المزز لسه زى ما انت فاشل
نظر له بضيق وقال بصوت جاد
اكرم :-أنا واحد مليش فى السكك الشمال زى ناس أنا عندى الشغل اهم شئ فى حياتى على الأقل بيكون ليك قيمه والناس كلها بتحترمك مش هلس وكل الناس تقل منك، المهم دلوقتى فوق كده وانزل يلا علشان ناكل وبعد كده فيه كلام كتير عايز أقوله ليك
حرك رأسه بالرفض وقال
فريد :-لاااا مافيش كلام، بعد الاكل نخلع على اى مكان نسهر فيه
حرك رأسه بنفاذ صبر وقال
اكرم :-عمرك ما هتتغير أنا هستناك تحت
وخرج من الغرفه وهبط إلى الأسفل
تحرك بأتجاه المرحاض لكنه رأى شئ يظهر من خزانة الملابس اتجه إليها وأخذها نظر بها وتعالت ضحكاته وقال بعدم تصديق
فريد :-ياااااه هى الصورة دى لسه موجوده هنا!؟ دى هند كانت مستخبيه ورايا خايفه من اكرم ودى فريده وماسكه فى اكرم علشان يلعب معاها، أنا كان شكلى هنا مسخره اه ياربى مش قادر كويس ان أنا كبرت وشكلى اتغير وبقيت اجمل بكتير
ثم ألقى الصوره على الأريكة واتجه إلى المرحاض.
………………………………………………………………
دخلت تركض سريعا إلى مكتب فريده وقالت بأنفاس لاهثه
هند :-هو اللى انا سمعته ده صح !؟
نظرت لها بأستغراب وقالت بتساؤل
فريده :-سمعتى ايه بالظبط
اجابتها بتوضيح وقالت
هند :-ان الشاب اللى انتى رفديه من الشركه بسبب اللى حصل فى الشحنه راح سلم نفسه لشرطه
ابتسمت لها بأنتصار وقالت بثقه
فريده :-انتى متعرفيش بنت خالتك ولا ايه مش انا اللى عيل زى ده يهرب منها عرفت مكانه فين وجبته بطريقتى وراح سلم نفسه
نظرت لها بأستغراب وقالت بتساؤل
هند :-جبتى بطريقتك اللى هى ازاى يعنى ؟؟
اجابتها بعدم اهتمام وقالت
فريد :-متشغليش بالك انتى المهم اننا خلصنا من الموضوع ده
نظرت بساعة يدها وقالت
هند :-طيب أنا هروح عايزه منى حاجه
نهضت سريعا وقالت بصوت جاد
فريده :-مافيش مرواح انتى هتيجى معايا
نظرت لها بأستغراب وقالت بعدم فهم
هند :-اجى فين مش فاهمه
أمسكت يدها وقالت بتوضيح
فريده :-عندنا عشاء عمل
حملقت عينيها بصدمه وقالت
هند :-عندنا !! تقصدى عندك انتى أنا مالى انا بالكلام ده أنا يدوبك اروح اكل وانااااام
حركت رأسها بالرفض وقالت بنبره جاده
فريده :-لا هتيجى معايا وانا هتحايل عليكى ولا ايه ده شغلك اتفضلى يلا امشى
نظرت لها بضيق وقالت بنفاذ صبر
هند :-ربنا يوعدك بعريس يكون حمش ويحكم عليكى تقعدى فى البيت ويريحنا منك يارب
حاولة كبت ضحكاتها وقالت بأمر
فريده :-انتى لسه هتتكلمى امشى يلا
خرجت أمامها وهى هتهمهم بكلام غير مفهوم
ابتسمت على تذمرها وتحركت خلفها اتجهت إلى المصعد الكهربائى وصعدوا به ثم هبط بهم إلى الأسفل صعدوا السياره واتجهت بهم إلى إحدى المطاعم الفخمه.
………………………………………………………………
انتهى فريد من تناول الطعام ونظر إلى اكرم وقال بصوت هامس
-ما كفايه اكل اخلص يلا عايز الحق اليوم بدرى
نظر له بضيق وهو يمضغ الطعام وقال
اكرم :-ما تصبر شويه هى الدنيا هتطير باكل لسه
صر على أسنانه بنفاذ صبر وقال
فريد :-كفايه وانا هعزمك على العشا بره بس اخلص
زفر بضيق وابتعد عن الطعام وقال
اكرم :-الحمدلله
نظرت له بأستغراب وقالت
حنان :-ما تكمل اكلك يا اكرم
ثم نظرت إلى فريد وقالت
-وانت يا ابنى مأكلتش ليه الاكل مش عجبك ولا ايه انا عماله بأيديا والله
نهض سريعا وقبل يدها بحب وقال
فريد :-لا طبعا الاكل حلو اوى تسلم ايدك يا حنون أنا اصلا اول مره اكل كتير كده
تكلمت بنبره حنونه وقالت
حنان:-والله وعملت حس من تانى للبيت يا فريد كان واحشنا وجودك وسطنا يا حبيبى ياريت متبعدش عننا تانى
ابتسم لها بتوتر وقال
فريد :-ا ا اه أن شاءالله هدخل اطمن على بابا وهنخرج شويه
ونظر إلى اكرم حتى ينهض ويأتى معه
زفر بضيق ونهض من على مقعده وتحرك معه إلى غرفة جلال
فتح الباب ونظر إلى والده وقال بتساؤل
-عامل ايه دلوقتى يا بابا
تكلم بصوت هادئ وقال
جلال :-الحمدلله يا ابنى
اقترب منه وجلس بجواره وقال بتساؤل
فريد :-مش محتاج اى حاجه منى
حرك رأسه بالرفض وقال
جلال :-عايز سلامتك يا حبيبى انت خارج ولا ايه
اومأ رأسه بالتأكيد وقال
فريد :-ايوه يا بابا هنخرج أنا واكرم شويه
ابتسم لهم وقال بنبره حنونه
جلال :-روحوا يا ولاد قضوا وقت سعيد
نهض ونظر إلى اكرم وقال
فريد :-معلش بقى هخده منك النهارده انا عارف ان بقى دراعك اليمين فى كل حاجه ومتقدرش تستغنى عنه
تكلم سريعا وقال بضيق
اكرم :-ما لو حضرتك كنت موجود كنت بقيت بدالى وشيلت عنى شويه
تحرك سريعا إليه وابتسم لوالده بتوتر وقال
فريد :-هنمشى احنا بقى
وأمسك اكرم من ذراعه ارغمه على التحرك معه وخرجوا سويا إلى السياره
زفر بضيق وقال
اكرم :-ما تهدا يا ابنى بقى هى السهره هطير
اومأ رأسه سريعا وقال
فريد :-اه هطير واركب بقى اخلص
صعدوا السياره وادارها فريد وتحرك بسرعه جنونيه مما أدى صرير شديد بالأرض
حملق عينه بصدمه وقال
اكرم :-يخربيت جنانك ايه اللى انت عملته ده العربيه كانت هتتقلب بينا
نظر له بثق وقال بابتسامه
فريد :-عيب عليك تخاف وانا جنبك شد الحزام كويس بس
ثم ضغط أكثر بنزين وازدادت السرعه بشكل جنوني
امسك بالمقعد بخوف شديد وظل يقول
اكرم :-اهدا يا مجنون هتموتنا
تعالت ضحكاته وظل يصرخ بسعاده .
………………………………………………………………
جلست فريده حاول طاولة الطعام وبجوارها هند ثم تكلمت بصوت جاد قائله
-انت جايبنى هنا على أساس أننا هنمضى العقد إنما فاجئتنى بتغير كلامك دلوقتى لما انت مش ناوى تتعاقد معانا يبقى وجودنا هنا ايه لزمته
حرك يده على ظهرها وقال
-ايه المانع أن ميبقاش فيه بينا شغل بس يبقى فيه ما بينا حاجات تانيه
وغمز لها بأبتسامه
نظرت إلى يده بغضب وابتسمت له وقالت
فريده :-اااااه هو الموضوع كده طيب كنت قول من الاول علشان اعمل حسابي وافهم الكلام على ايه
ثم نظرت إلى هند حتى تنهض وعندما تأكدت من استعداد هند أمسكت يده بغضب وقامت بلويها وراء ظهره ووضعت سكين الطاعم امام عنقه وقالت بصوت هامس بجوار أذنيه
-شكلك متعرفش مين فريده حاتم، غبى كنت سألت كويس قبل ما تاخد الخطوه المتهوره دى قول لرجالتك ترجع وراه وتسيبنا نمشى
أشار إلى رجاله الموجهه اسلحتهم الناريه لهم حتى يبتعدوا وينزلوا أيديهم إلى الأسفل
اشارت برأسها إلى هند حتى تتحرك إلى الخارج
ركضت هند سريعا إلى الخارج ودفعت فريده الرجل بعيد عنها وتحركت سريعا إلى الخارج وفى ذلك الوقت صدمت إحدى الشباب وخرجت سريعا دون أن تتفوه بكلمه واحده
نظر لها بأستغراب وقال بعدم فهم
فريد :-دى مالها دى ماشيه بتجرى زى القطر
نظر له بعدم فهم وقال
اكرم :-مش عارف
ثم نظر الاتجاه الآخر وقال بصوت هامس
-دول مالهم دول بيجروا كده ليه !؟
ونظر مره اخرى عليهم بالخارج واطمئن أنهم صعدوا السياره وغادروا المكان
نظر له بأستغراب وقال بتساؤل
فريد :-فيه ايه يا ابنى انت تعرفهم ولا ايه
نظر له وقال سريعا
أكرم :-ها امشى امشى مافيش حاجه يلا بينا
ودلفوا إلى الداخل وعلموا ما حدث منذ قليل ابتسم بسعاده وقال بصوت هامس
-كان عندك حق يا عمى دى اللى هتعرف تمشى فريد على العجين ميلغبطهوش.
……………………………………………………
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب قيد المراجعه)
