رواية حب قيد المراجعه الفصل الخامس عشر 15 بقلم دودو محمد
رواية حب قيد المراجعه الجزء الخامس عشر
رواية حب قيد المراجعه البارت الخامس عشر
رواية حب قيد المراجعه الحلقة الخامسة عشر
هبط فريد إلى الأسفل ونظر إلى والده ووالدته بتوتر ثم نظر إلى اكرم وجده يجلس بوجه عابس
تكلم جلال وقال بضيق
-انت ازاى تمشى امبارح من المستشفى وتسيب خطيبتك مرميه كده احرجتنى قصاد الناس
زفر بضيق وقال بصوت مختنق
فريد. :-يعنى اعملها ايه مش فاهم واحده أيديها ورجليها فى الجبس انا وجودى ايه لزمته
صر على أسنانه بغضب وقال
جلال :-وجودك جنبها فى وقت زى ده، لوحده كفايه
ابتسم له بضيق وقال
فريد :-حاضر يا بابا هروح ليها دلوقتى المستشفى
حرك رأسه بالنفى وقال
جلال:-فريده روحت الفيلا روح ليها هناك
اومأ رأسه بضيق وقال
فريد :-حاضر أنا رايح اهو
خرج من البيت بغضب شديد صعد سيارته وتحرك بها سريعا .
………………………………………………………………
تسطحت فريده على السرير بألم شديد ونظرت إلى هند وقالت بصوت مختنق
-هند خدى بالك من الشركه اليومين دول لحد بس ما اقدر اتحرك وارجع تانى والملفات هاتيها هنا كل يوم امضيها وخلى عيونك مفتحه كويس انت شايفه اهو فى عدو خفى والله اعلم ممكن يعمل ايه تانى
اومأت رأسها بتفهم وقالت
هند :-حاضر متقلقيش والله مش اول مره تسيبى الشركه ليا انتى كتير كنتى بتسافرى وانا باخد بالى منها اهتمى انتى بس بصحتك وارجعى لينا بسرعه
تألمت بشده من الالم وقالت
فريده :-لو فيه حاجه واقفه معاكى فى الشركه كلمى اكرم هو فاهم اكتر منك وهيعرف يتصرف، اه وحاجه كمان لو كريم حاول يدخل مكتبى ولا راح الشركه بلغينى على طول فاهمه
تكلمت بتفهم وقالت
هند :-فاهمه، ارتاحى انتى شويه بقى وانا هروح الشركه
وتحركت بأتجاه الباب ثم استدارت لها بأستغراب وقالت بتساؤل
-هو فريد متصلش بيكى النهارده ولا ايه!؟
تنهدت بضيق وقالت بصوت مختنق
فريده :-لا، مش عايزه اشوف وشه ولا اسمع صوته
نظرت لها بابتسامه وقالت
هند :-هيجى متقلقيش فريد بيحبك، انتى مشوفتيش يوم ما اتصلتى بيا وعرف انك فى النادى صمم ان يجى معايا ويشوفك
ابتسمت لها بتهكم وقالت
فريده :-والله يا بنت خالتى انتى عبيطه اوى وعلى نياتك ، ده كان جاى بس علشان فاضى وعايز يستفزنى شويه ويتسلى
حركت رأسها بعدم فهم وقالت
هند :-جايز ، أنا ماشيه باى
وخرجت من الغرفه وتركتها
نظرت حولها بالغرفه وزفرت بضيق وقالت
فريده :-ايه الزهق ده بقى هستحمل ازاى القاعده فى الاوضه الفتره دى كلها
وحاولة النهوض من على فراشها لكنها لم تستطيع تمسكت جيدا و حاولة مره اخرى وكادت أن تسقط امسكها سريعا وقال بتهكم
فريد :-اسم الله عليكى
نظرت له بضيق وقالت
فريده :-انت !! بتعمل ايه فى أوضى !؟
اسندها جيدا وقال
فريد :-خطيبتى وجاى اسأل عليكى
ردت عليه بضيق وقالت
فريده :-لا كتر خيرك الصراحه ومتشكرين على كرم اخلاقك، اتفضل بقى اطلع بره اوضى ميصحش كده
اجلسها على السرير وقال بعدم اهتمام
فريد :-مليش دعوه هما اللى قالوا ليا اطلعلك أنا لو عليا مش عايز اشوف وشك من اساسه
أغلقت عينيها بضيق وقالت بنفاذ صبر
فريده :-اطلع بره يا فريد ومتدخلش اوضى تانى، كل ما بشوفك بتعصب يا اخى
جلس بجوارها على السرير وحرك يده على يدها وقال
فريد :-من قلبك الكلام ده!؟ اصل بشوف عكس ده فى عيونك
ابعدت يده بضيق وقالت
فريده :-قوم من جنبى واطلع من اوضى، اطلع بره بقولك
تعالت ضحكاته ونهض سريعا وظل يدندن وهو يتجه إلى الباب
فريد:-اجمل ما فى الحفله مين دبدوبه التخينه
ثم نظر لها مره اخرى وأرسل لها قبله بالهواء وخرج من الغرفه واغلق الباب خلفه
نظرت إلى أثره بضيق وقالت بغضب
فريده :-بنى ادم مستفز وتافه
ثم نظرت إلى يدها بأبتسامه وضعتها بقرب أنفها استنشقت رائحة عطر فريد الثابته عليها تنهدت بوجع وحاولة النهوض تحركت بألم شديد واتجهت إلى المرحاض.
…………………………………………………………….
بعد مرور فترة من الزمن
تحركت فريده بغضب اتجاه المكتب الخاص بفريد فتحت الباب ودلفت إلى الداخل وجدت جوليا جالسه على قدم فريد ويقبلها نظرت الاتجاه الآخر وقالت بنفاذ صبر
-الشغل القذر ده تعمله بره بعيد عن الشركه فاهم
ابعد جوليا عنه ونهض من على مقعده وقال بعدم اهتمام
فريد:-وانتى مالك شركتى واعمل فيها اللى انا عايزه
اقتربت منه وقالت بغضب
فريده :-تقصد شركتنا متنساش أن انا شريكه فيها بالنص ، اتفضل بقى خد الهانم دى من هنا وامشى
اقترب اكثر منها ونظر بعينيها وقال بتحدى
فريد:-مش ماشى من هنا واعمل اللى انا عايزه واللى عندك اعمليه
تكلمت بغضب وقالت بتحذير
فريده :-لو مأخدش اللى معاك دى ومشيت من هنا حالا هتصل بأنكل جلال وهقوله على كل حاجه وانت حر بقى
نظرت له بغضب وخرجت وتركته
تحركت بأتجاه المكتب الخاص بها لكنها رأت جلال وهو يخرج من المصعد الكهربائى حملقت عينيها بصدمه وعادت سريعا إلى مكتب فريد وقالت بتوتر
-انكل جلال هنا اتصرف فى المصيبه اللى معاك دى
نظر لها بصدمه وقال بعدم تصديق
فريد :-كدابه انتى بتقولى كده علشان تخوفينى، صح !؟
حركت رأسها سريعا وقالت بغضب
فريده :-انت لسه هتنصدم اخلص ابوك جاى على هنا
نظر إلى جوليا بتوتر وقال
فريد :-اعمل فيكى ايه دلوقتى لو بابا شافك هنا مش هيحصل خير
أمسكت يد جوليا بغضب وقالت بنفاذ صبر
فريده :-ادى اللى بخده من قذارتك و قرفك
وتحركت سريعا من الباب الخلفي اخرجتها منه وعادت مره اخرى إلى فريد
وفى ذلك الوقت دلف جلال إلى المكتب ونظر لهم بأبتسامه وقال
-صباح الخير يا ولاد
أجابوا عليه بتوتر وقالوا
-ص ص صباح النور
نظر له بأستغراب وقال بتساؤل
فريد :-انت ايه اللى جابك مش ممنوع عنك تنزل الشغل علشان المجهود
اومأ رأسه بالتأكيد وقال بتوضيح
جلال :-زهقت يا ابنى من قعدة البيت قولت اجى اطمن على الشركه واقعد شويه
ابتعد فريد عن مقعده وقال بتوتر
-اتفضل يا بابا اقعد
جلس على مقعده ونظر لهم وقال بتساؤل
جلال :-عاملين ايه مع بعض يا ولاد شايف انكم ماشاءالله اللهم مبارك لايقين على بعض ومكملين بعض
ابتسمت بتهكم وقالت
فريده :-اه طبعا اومال أنا وهو فوله واتقسمت نصين
ابتسم لها بأستفزاز وقال بتهكم
فريد :-طبعا يا روحى ده انتى اجمل هديه
تعالت ضحكاته وقال بمرح
جلال :-لا بقولكم ايه انا مليش فى جو السهوكه ده خد خطيبتك وروحوا حبوا بعض بعيد عنى
امسك يدها وقال بأبتسامه
فريد :-تعالى يا حبيبتى نروح مكتبك
نظرت له بغضب وخرجوا من مكتب جلال
دفعت يده بغضب بعيد عنها وقالت
فريده :-ابعد ايدك القذره دى عنى انا مش جوليا يا فريد روح كمل القرف اللى كنت بتعمله بس بعيد عن الشركه
تحركت إلى الأمام وتركته
ركض خلفها وأمسك ذراعها أوقفها ونظر لها بتوتر وقال
فريد :-شكرا انك ساعدينى وخرجتى جوليا قبل ما بابا يشوفها هو فكر أنها سافرت تانى ولو كان شافها كانت هتحصل مشكله كبيره
تنهدت بضيق وقالت بصوت مختنق
فريده :-انا معملتش كده علشانك أنا علشان خاطر انكل جلال اللى لو شاف حاجه زى كده ممكن يروح فيها
وابعدت ذراعها عن يده وتحركت اتجاه غرفة مكتبها
نظر إلى أثرها وتنهد بضيق واتجه إلى غرفة مكتب اكرم .
……………………………………………………………..
جلست فريده على مقعدها بغضب وظلت تنظر أمامها بحزن شديد اخذت نفس عميق حتى تهدأ قليلا وفى ذلك الوقت أعلن الهاتف الخاص بها عن وجود اتصال نظرت به وجدته رقم مجهول إجابة عليه قائله
-ايوه مين معايا
أتاها صوت رجولى فظ يقول لها
-شايف انك لسه فيكى الروح اهو بس متقلقيش هفضل وراكى لحد ما اطلع روحك
تكلمت بغضب وقالت
فريده :-انت مين وعايز منى ايه
اجاب عليها بضحكه شرانيه وقال
-ما قولتلك أنا جحيمك المنتظر
نظرت به بغضب وقالت بعدم اهتمام
فريده :-انت فاكر أن انا كده هخاف منك انت لو راجل بجد تيجى تواجهنى وجه لوجه مش تستخبى وراه تليفونك وتهدد فيا وتبعت شوية البهايم بتوعك ينفذه وفى الاخر زى ما انت شايف اهو برجع اقوى من الاول سيبك من جو الافلام الهابط ده و شوف حابب نتقابل امته وفين وانا هجيلك ونشوف مين هيخاف من التانى
تعالت ضحكاته وقال بصوت غليظ
-لا الصراحه عجبتينى وعجبنى شجاعتك بس نصيحه منى متدخليش بقلب جامد كده علشان انتى متعرفيش خصمك ده حجمه ايه انا ممكن بأشاره واحده من صباعى اطيرك
تعالت ضحكاتها بعدم اهتمام وقالت
فريده :-ونفس النصيحه دى بقدمها ليك علشان انت متعرفش مين فريده حاتم ولا تعرف هى ممكن تعمل فيك ايه فكر فى الكلام اللى قولته ليك وابقى رد براحتك
أغلقت الخط سريعا ونظرت أمامها بقلق وقالت بتساؤل
-يا ترى انت مين وعايز منى ايه وليه بتعمل معايا كده
ثم نظرت بساعة يدها وقالت بصدمه
-اتأخرت على الاجتماع
ونهضت سريعا خرجت من الغرفه واتجهت إلى صالة الاجتماعات.
……………………………………………………………..
ترأس جلال الاجتماع وجلست فريده فى المقعد المقابل لفريد وجلست هند بجوارها وجلس اكرم بجوار فريد
تكلم جلال بصوت هادئ وقال بترحاب
-واحشتونى اوى يا ولاد وواحشنى الاجتماعات والشغل بس برضه أنا واثق أن الشركه هتبقى فى مكانه اعلى واحسن على ايديكم انا بقالى فتره كبيره اوى بعيد عن الشركه بس اكرم كان بيوصلى الاخبار اول بأول والحمدلله اسهم الشركه رجعت ترتفع تانى بعد ما كانت شبه منعدمه والفضل يرجع ليكم يا شباب أنا بس قبل ما نبدأ كنت حابب اشكركم على مجهودكم الرائع ده واتمنى انكم تستمروا على كده نبدأ بقى الاجتماع بسم الله
بدأت فريده تتكلم أثناء الاجتماع وتشرح لجلال خطة العمل المشتركه ما بين الشركتين لتوسيع نطاق أوسع فى الانتشار وعن تغير لوجو العمل الخاص بأسم الشركتين ولاضافة تعديلات بأسم الشركه الحاليه وإضافة ما يرمز إلى شركتها
ظل فريد يتابع فريده بأعجاب شديد وهى تتكلم وشعر بشئ غريب يتغلغل داخله اتجاهها
اقترب منه وقال بصوت هامس
اكرم :-لدرجاتى عجبتك
انتبه لحاله ونظر له بتوتر وقال
فريد :-ق ق قصدك ايه
ابتسم له وقال بنبره هادئه
اكرم :-نظراتك لفريده طول الاجتماع اللى منزلتش ثانيه واحده عنها بتأكد انها عجبتك وبتفكر فيها
حرك رأسه بضيق وقال بتوتر
فريد :-ل ل لا طبعا مافيش حاجه من دى خالص أنا كنت بتابع كلامها بس زيكم
اومأ رأسه بتهكم وقال
اكرم :-امممم مافيش حاجه، لا واضح يا ابن عمى وقعت ولا حد سمى عليك
هدر بهم بغضب وقال
جلال :-اكرم فريد الصوت شويه وركزوا فى الاجتماع
اومأ رأسهم بالطاعه وتابعوا باقى الاجتماع.
……………………………………………………………..
خرجوا جميعا من الاجتماع وتحركت فريده بأتجاه مكتبها لكن أوقفها صوت فريد وهو يهتف عليها استدارت سريعا له وقالت بتساؤل
فريده :-نعم فيه حاجه
نظر لها بتوتر وقال
فريد:-انا جعان
ابتسمت بعدم فهم وقالت
فريده :-ايوه يعنى اعملك ايه مش فاهمه
رد عليها بزعل طفولى وقال بتوضيح
فريد :-يعنى عايز اكل تعالى معايا ناكل فى اى مطعم قريب من هنا
نظرت له بعدم تصديق وقالت
فريده :-لا بجد شبه الاطفال اوى هو أنا امك ما تروح لوحدك، اوعى كده
امسك يدها بترجى وقال
فريد :-علشان خاطرى حرام عليكى هموت من الجوع يلا بقى بليز
تكلمت بعدم اهتمام وقالت
فريده :-ما تموت وانا مالى خلى الست جوليا تأكلك
وتركته واتجهت إلى المكتب الخاص بها
نظر لها بضيق وتحرك بأتجاه مكتب اكرم.
………………………………………………………………
خرجت هند من باب الشركه بعد انتهاء وقت العمل اتجهت إلى السياره الخاصه بها وقبل أن تصعد بها سمعت صوت اكرم وهو يهتف عليها استدارت له ونظرت له بابتسامه وقالت
-خير يا اكرم فيه حاجه
اقترب منها وقال بتساؤل
اكرم:-رايحه فين كده
إجابته بأستغراب وقالت
هند :-مروحه البيت ، فيه حاجه !؟
امسك يدها وقال بحب
اكرم:-ما تيجى نتغدا مع بعض النهارده
نظرت بساعة يدها وقالت
هند :-بس النهارده الوقت اتأخر وانا تعبانه اوى وعايزه اروح انام
نظر لها بترجى وقال
اكرم:-علشان خاطرى واحشتينى اوى ومبقتش عارف اتكلم معاكى خالص بسبب ضغط الشغل
نظرت له بخجل واومأت رأسها بالموافقه وقالت
هند:-ماشى بس مش هتأخر لأن والله ما قادره خالص
ابتسم لها بسعاده وقال
اكرم :-ماشى يلا تعالى معايا فى عربيتى
اغلقت باب السياره وتحركت إلى سيارة اكرم وصعدت بها
صعد اكرم السياره وابتسم لها بحب وتحرك بها واتجه إلى إحدى المطاعم .
………………………………………………………
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب قيد المراجعه)
