رواية حب فاق توقعاتي الفصل الرابع 4 بقلم زهرة الربيع
رواية حب فاق توقعاتي الجزء الرابع
رواية حب فاق توقعاتي البارت الرابع
رواية حب فاق توقعاتي الحلقة الرابعة
هو عايز يقول ايه من كل ده معقوله يكون رايح يقابل واحده…بس قالت بضيق وافرض وانا مالي ما يولع
بعد شويه خرج من الحمام وابتدى يلبس بدلته وقال…فيه عريس يروح شغله يوم صباحيته الله يسامحك مش لو كنتي وافقتي عليا من الاول كان زماني واخد اجازه دلوقتي
نبيله قالت بغيظ… حد قالك تعمل الي عملتو وتتجوزني امبارح بوظت عليا فرحي
معتز ابتسم وبصلها وقال فرحك معايا مفيش احلى من اللي هتحسيه معايا
ظهرت ابتسامه على شفايفها
ومعتز قال بسعاده..ايوه كده خلي الشمس تنور على قلبي
نبيله ضحكت بخفه وقالت …انت مجنون اوي وانا غلطاني اني بكلمك يلا امشي هتتأخر
ولسه هتبعد قربها عليه اكتر وقال ..همشي بس نفسي في حاجه
نبيله قالت…حاجه ايه
قرب اكتر وقال… حاجه يا بولبوله حاجه حسي بقى يلا هتتاخر
نبيله بصتلو بغيظ لما فهمت قصدو لسه هتبعد قربها ليه وبص لعيونها من جوه وقال ….فاكرهاما بوستك اول مره
نبيله قالت بارتباك ..لا..لا مش فاكره
معتز ابتسم وقال.. لما كنا في فرح جيرانا من خمس سنين وفيه ولد عا،،كسك وابتسمتيلو فاكره
نبيله قالت بارتبك شديد ..كنت صغيره انت سافل عشان سمحت لنفسك تقرب لي انا ما كنتش فاهمه
معتز ابتسم وقال…بس دلوقتي فاهمه صح ….وقبل ما تنطق قرب منها
حاولت تبعدوا بس ما قدرتش
قالت بسرعه…والله يا معتز لو ما بعدت والله لاجيب لك البيت كله هنا سبني احسنلك
معتز اببتسم وقال..محدش له دعوه بينا دلوقتي زمان كنت كل ما اقربلك كده كنتي تقولي راح انادي لماما هانادي لابويا ..بس دلوقتي انتي مراتي وده حقي
نبيله بصتلو بغضب شديد وقالت يادي مراتي وحقي طب انا مش عايزه اديلك الحق ده
معتز وقف بسرعه وقال براحتك مدام مش عايزه ..انا مقربش لواحده مش عيزاني…انا عندي الي عايزيني كتير ..واخد البدله بتاعته ولسه هيطلع
قالت بغضب…يا سلام يعني اللي كنت بتقوله من شويه ده كان تلميح انك رايح عند حد ثاني فعلا
معتز ضحك جامد وقال ..ثانيه معلش ده يضايقك في ايه انتي مش قولتي ان ده مش جواز ومش حقيقي
نبيله قالت بعصبيه شديده …طبعا مش حقيقي…بس مينفعش اني افضل مرهونه هنا لسيادتك على اساس انك متجوزني وانت تروح تصيع براحتك بره
معتز قرب منها وقال..ما انا بقول لك خلينا نصيع جوه اللي انتي اولى من الي بره مش راضيه تسمعي الكلام
نبيله قالت بغضب …مش عايزه قلت لك..ولو عايز تروح تخوني تطلقني الاول
معتز ضحك على عصبيتها وقال..لا مش هينفع اطلقك واديني بقولهالك صريحه اهو…لو ملقتش منك ريق حلو هنا هدور عليه بره وانتي حره خليكي
ضربت رجلها على الارض بغيظ زي الاطفال وقالت انا مش موافقه على اللي بتقوله ده انا مش علبه جبنه اشتريتها وخليتها في الثلاجه وتروح تاكل بره براحتك
فضل يبصلها بزهول شديد وصدمه وعنيه مركزه على رجليها استغربت جدا قالت .. مالك في ايه وبتبص اتفاجئت ان البنطلون بتاعه علشان واسع وقع منها شهقت بزهول وسحبته لفوق ومسكتو بايدها وعيونها مفتوحين على الاخر
معتز نقدرش يمسك نفسه من الضحك على منظرها وقرب منها وقال دول رجلين ولا رصاصتين
كانت هتبكي من كتر الكسوف وقالت والنبي يا معتز لو بتحبني بجد كأنك ما شفتش حاجه
ضحك جامد وشدها ليه وقال.. ما اقدرش اللي شفته ما يتنسيش
نزلت دموعها بكسوف شديد ومعتز ضحك وقال…يا مجنونه يا عبيطه انا جوزك يا بت …تعالي وشدها من ايدها وقعد على الكنبه وقالت بصي خلينا نتكلم جد انا من وقت ما فهمت يعني ايه حب وجواز وبيت وعيله ما تخيلتش غيرك في حياتي ..عارف ان كل طريقتي معاكي غلط ..ومش هكدب عليكي انتي مش اول وحده في حياتي بس اول واحده في قلبي …انا بعشقك يا نبيله وانتي مش بتديني اي فرصه اتكلم معاكي ولا اقول لك قد ايه بحبك..انا ممكن اكون عصبي شويه وبغير عليكي شويتين ثلاثه وكمان عايزك ليه انا لوحدي ثلاث اربع شويات بس انا مش وحش والله ده انا عسل اوي واسألي اي حد
نبيله ضحكت على كلامو ومعتز كمل وقال..والله يا نبيله لو ولفيتي الدنيا كلها مش هتلاقي حد يحبك قدي انا شاري يا بنت الناس والي حصل حصل واتجوزنا هاتي كل ده على جنب و خلينا نبدا من جديد انتي بنفسك هتقولي يارتني سمعتو من زمان
نبيله بصتلو بطرف عينها وقالت.. انا دلوقتي مجبره اسمع كلامك يا معتز انا ما قدامش غيرك حضرتك بعد ما كتبت عليا والي حصل حصل ..وطبعا انت مش ناوي تطلق..بس لازم تفهم مجبره افضل معاك بس اللي مش مجبر عليه انك تلمسني اياك تقرب لي والله لاخليها ليله سوده عليك
معتز ضحك واخد السلاح بتاعه وقال..برضو مفيش فايده يعني…طيب انا معايا شغل كثير اصلا مش فاضيلك ..وبعدين ماتبصيلي يا بت كده وتاحمدي ربك
قال كده ولسه هيمشي قالت بسرعه…استنى هنا…يعني ايه الكلام ده بقى
معتز قال …يعني انا القمر اللي كل الناس بتتمناه ده البنات هتضرب بعضها بالنار عليا ..بس اعمل ايه القلب وما يريد وانا قلبي مش بس رايد ده عاشق ودايب
قال كده ومشي وسابها واقفه بتبص لطيفه بابتسامه واعجاب اترمت على السرير بكسوف وهيه بتفكر في كل الي حصل بينهم وبتكرر جملتو
معتز طلع على شغله وهو و قابل ست قدام الشقه الي جمبهم كانت لابسه لبس مش تمام وقالت مش تصبح يا حضرة الظابط ما تدخل تاخذ لك ساعه
معتز قال بضيق..نتلم يا اشجان ..انا عامل الحساب الجيره ومش عايزه اعمل لك حفله كبيره
اشجان ضحكت جامد وقالت.. الحفله الكبيره هتبقى يوم ما هتنورنا يا باشا
معتز ابتسم بسخريه وقال..الاحسن ما نوركش لان يوم ما انورك هسحلك انت والي معاكي ..العيون مفتحه قد كده …لو جاني بلاغ واحد عليكي هاجي اشدك وانتي حره
اشجان قالت بوقاحه ..انت بس لو تشدني
لسه هيرد بس اتفاجأ بصوتها بتقول او اشدك انا من شعرك يا حلوه
اتصدم وضغط على ودنو مرتين ثلاثه بيتاكد اذا كان سمع صح ولا لا …ايوه هو صوتها
بصلها لقاها واقفه بتبص لاشجان بغضب شديد وقالت هو انتي معينينك هنا تقفي تعا،،كسي فالطالع والنازل
اشجان شهقت بردح وقالت وانتي مالك انتي ولا هيه بلاوي على الصبح
نبيله قالت بضيق… اسكوتي مش اتجوزنا ما باركتليش يعني
اشجان ضربت على صدرها وقالت …يا لهوي اتجوزت…اتجوزت دي …يا خبتك رجالة تموت في العصعصه
قالت كده ودخلت شقتها ونبيله قالت بغضب وصوت عالي..عصعصا..احسن منك يا فشله يا ست إلا
وبصتلو بغضب وقالت..وانت على اساس رايح شغلك
معتز مكانش مصدق نفسو وقال… والله كنت نازل ..هيه الي وقفتني…بس انتي طلعتي ليه.
نبيله قالت بغضب جايه علشان اديلك المفاتيح العربيه نسيتها ورمتهالو وقالت مكنتش اعرف انك بتتساير مع الهانم على السلم قدام الناس فضايح والسلام
لسه هتدخل شدها بقت بين اديه وقال..الفضايح لسه هتحصل…و على السلم حالا دلوقتي
نبيله بصت حوليها يمين وشمال خايفه حد يشوفهم وقالت …بس يا معتز سبني بتعمل ايه بلاش جنان
قالل وهو بيبص لعيونها..ده انتي الي هتجننيني لو بتغيري عليا طب بتعملي فيا كده ليه …ليه بتبعديني عنك…خايفه من ايه… يا بت انا بعشقك لو قسيت على الناس كلها مستحيل اقسى عليكي ..ولو خنت الناس كلها مستحيل اخونك ..ولو ايدي اتمدت على الناس كلها برده مش متتمد عليكي خايفه مني ليه
نبيله اتنهدت وقالت… مش عارفه يا معتز بقى خايفه وخلاص
معتز قال.. بس انا مش هسيبك يا بلبولتي …انا هساعدك ترتاحي وما تشوفيش الراحه الا جمبي
بقلم..زهرة الربيع
نبيله بصتلو بابتسامه جميله وقرب منها جامد و
لسه بيبعد اتفاجأ براجل وابنه واقفين على السلم بيبصولهم
نبيله شهقت وودت وشها بعيد بكسوف معتز بص لهم وقال..احم .. في حاجه هنا
الراجل اخذ ابنه وقال …لا يا ابني ابدا استغفر الله العظيم يا رب
نبيله قالت بسرعه …لا..لاا لا استغفر الله العظيم ايه انت فاهم غلط و
بس الراجل كان طلع بصت لمعتز وقالت …الله يخرب بيتك يا شيخ انا غلطانه اللي جايه اديلك مفاتيحك كنت اتمرمطت في العربيات ولا طلعت تاني تاخدهم انا مالي مني لله انا مني لله ..ودخلت البيت ورزعت الباب
معتز ضحك عليها ..ونزل على شغلو وهو مبسوط جدا
بعد ما مشي طلعت ام نبيله وراحت عند اشجان وخبطت عليها وقالت …انا ..انا جيالك في موضوع مهم وهديلك اللي انت عايزاه كلو
بعد شويه نبيله كانت في المطبخ بتحضر الاكل والحاجات اللي بيحبها معتز وهي بتفكر في كل لحظه بينهم وفي كل كلمه قالها لها بصيت لانعكاس وشها في صينيه سلس في ايدها وقالت.. هو معقوله بيحبني اوي كده ولا بقولي كلام كده وخلاص زي كل اللي بيقوله للبنات
بس ابتسمت بثقه وقالت…لا انا غير اي حد..اصلا واضح بيحبني وبقت تكمل شغل وهيه مبسوطه
في الوقت ده جت والدتها وقالت نبيله يا حبيبتي انتي كويسه يا قلبي عمل معاكي حاجه الوسخ ده
نبيله ضحكت وقالت لا يا ماما بالعكس ده كان كويس خالص معايا معمليش اي حاجه ولا اذاني كان متعصب الاول شويه وبعد كده عادي
امها قالت… ماشي طب بصي يا حبيبتي عايزه اطلب منك طلب عارفه جارتنا دي البنت الوحشه اللي اسمها اشجان
نبيله افتكرت اللي حصل الصبح وقالت بضيق.. مالها زفت
امها قالت.. روحنا السوق سوا انا وهي وبعد كده انا اشتريت عبايه وهيه اشترت عبايه الاكياس بتاعتنا اتبدلت وطبعا العبايه بتاعتها مستحيل البسها انتي عارفه لبسها عامل ازاي وانا دفعت ثمن العبايه وحقها غالي وعايزاها
نبيله قالت باستغراب.. مش فاهمه حضرتك عايزه ايه
امها قالت … انتي بس هتروحي تجيبيلي منها الشنطه بتاعتي وتديها الشنطه بتاعتها
نبيله قالت باستغراب.. بس انتي دايما بتمنعيني اروح عندها ..وانا ولسه الصبح متخانقه معاها وو
قاطعتها وقالت يا حبيبتي انتي بس هتجبيلي منها الشنطه علشان خاطر امك بقى انا دفعت فيها فلوس كتير
نبيله اتنهدت وقالت تمام حاضر حاضر يا ماما
واخدت الشنطه وطلعت عند اشجان
اشجان فتحت لها وقالت يا اهلا يا حبيبتي اهلا اتفضلي قالت بارتباك لا شكرا …ماما بتقول العبيات بتاعتكم اتبدلت اتفضلي دي عبايتك وياريت تديني عباية ماما
اشجان ابتسمت بخبث وقالت…اه..اه طبعا يا قلبي طبعا اتفضلي اتفضلي
نبيله قالت لا شكرا انا هقف هنا
بس اشجان سحبتها بقوه وقالت يا اختي ما تتفضلي مفيش حد هنا غيري وقفلت الباب و دخلت علشان تجيب لها العبايه وهي فضلت بره واقفه بارتباك شديد
وهيه بتبص للمكان بقلق
اشجان اتاخرت شويه بعد كده طلع شاب من اوضتها وقال ..احنا عندنا ضيوف ولا ايه يا شوشو
اشجان قالت من جوه.. ملكش دعوه بيها
نبيله خافت وراحت ناحيه الباب وهي بتقول هبقى اخدها منك وقت ثاني
ولسه هتطلع حط ايده على الباب وقال على فين يا جميل مش نتعرف الاول
نبيله بصتله بخوف شديد وقالت اوعى من سكتي عايزه امشي
شال ايده وقال.. اتفضلي يا حلوه امشي
و لسه هتفتح الباب الشرطه خبطت الباب بقوه كسرته ودخلت اقتحمت المكان وكان على راسهم معتز
معتز اول ما شافها اتصدم بشده وهي رفعت ايديها بارتباك شديد وقالت بخوف والله جايه اخد عباية وووو
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حب فاق توقعاتي)
