رواية حب غير مقصود الفصل التاسع 9 بقلم منة
رواية حب غير مقصود البارت التاسع
رواية حب غير مقصود الجزء التاسع
رواية حب غير مقصود الحلقة التاسعة
ادهم كان مصدوم من اللي بيسمعه.
ايمن اتعصب وقام ضرب ياسر ف بطنه ووشه و كل مكان ف جسمه..
ادهم شاف ان ايمن متهور اوي وراح مسكه وحاول يهديه واخده و مشى وعمرو نزل وراهم.. الكل مضايق وجايب اخره.
عند نسمه..
شريف بعد شويه وقت بقا احسن هو ونسمه ورجع بيته..
ايمن رجع بيته لانه كان متعصب و ع اخره..
عايده كانت قعده بتسرح لريم شعرها ورحيم قاعد بيلعب جنبها واول ما عايده شافت ايمن داخل متعصب قامت بسرعه واتكلمت بلهفه ايمن ف اي و ماله شكلك..
ايمن مردش عليها وسابها ودخل الاوضه..
عايده : بقولكوا اي ي ولاد ادخلوا اوضتكم العبوا مع بعض..
ريم و رحيم قاموا وعايده دخلت لايمن..
ايمن كان ف الحمام بياخد شاور..
عايده خبطت ع باب الحمام : ايمن انت طلعت هدومك ولا اطلعلك ي حبيبي..
ايمن بضيق : طلعي ي عايده انا دخلت ع طول..
عايده : حاضر.. عايده جهزت هدوم لايمن وقلقانه من شكله وقعدة ع السرير وبتهز رجليها من التوتر و بتدعي ان ميكونش حصل حاجه كبيره.. خلص ايمن ولبس وشاف عايده قعده مش ع بعضها..
ايمن : فيكي اي..
قامت عايده بسرعه مسكت ايده : ايمن انت اللي فيك اي.. اي اللي حصل ريحني.
ايمن : مفيش حاجه متقلقيش..
عايده اتكلمت بتعب ومسكت بطنها : لا اقلق هو انا لو مقلقتش عليك هقلق ع مين..
ايمن اتخض عليها : عايده مالك مسكتي بطنك ليه..
عايده : ااه.. وبلعت ريقها لا مفيش حاجه بطني تعباني شويه بس.. قولي انت فيك اي واي اللي حصل..
ايمن مسك ايد عايده وراح بيها ع السرير ونيمها و غطاها : نامي وارتاحي شويه ولما تقومي هقولك.. وباس راسها متقلقيش كله تمام.
ايمن راح شاف ريم ورحيم لقاهم بيلعبوا وسابهم و خرج البلكونه قعد يفكر ف اللي حصل وخايف ع اخته من اللي جاي..
عند نسمه..
وصل ادهم و عمرو وكل واحد ف 100 فكره و فكره جواه
هدى : حمدلله السلامه طمنوني ده انا قلبي وجعني اوي
ادهم : اطمني ي ام ايمن كل شئ هيبقا تمام ان شاء الله. هي نسمه فين..
هدى : نسمه نايمه ف اوضتها شريف لسه ماشي من شويه..
ادهم : تمام انا هدخل الاوضه اريح شويه
عمرو : وانا كمان هنام.
هدى : استنوا كلوا لقمه او اي حاجه..
ادهم : لا مليش نفس.. ودخل اوضته..
عمرو : لا انا تمام.. ودخل اوضته.
هدى بحزن : يارب هون علينا يارب..
ياسر قام وجسمه كله مكسر وحرفيا مش نافع.. صاحبه جاله وكان معدى عليه صدفه..
عادل لسه هيدخل لكن اتفاجا بشكل ياسر : الله يخربيتك ي ياسر اي اللي عمل فيك كده..
ياسر قعد ع الكنبه ورجع راسه لورا وحكى كل حاجه..
عادل : ي بني مانا قولتلك بلاش السكه دي هي دلوقتي متجوزه يعني لحد غيرك وانت المفروض تفهم بسرعه قبل ما تضيع اكتر من كده..
ياسر : صدقني مش قادر اشوفها مع غيري..
عادل : انت مش بتفهم صح.. انا بقولك متزوجه متزوجه.. انت سامع انا بقول اي.. لا و كمان مش متزوجه حد مانعرفهوش لا ده اخوك اللي انت حاولت كتير تقتله.. بس انا عارف ان عمر ما الدم يبقا مايه ي صحبي.. وطبطب عادل ع دراع ياسر.. قوم معايا نروح للدكتور لان وشك بينزف جامد جنب عينك وياريت تفكر ف اللي قولته..
ياسر حاسس ان جواه نار ومش عارف يقول اي ولا يعمل اي ولا حتى يتصرف ازاي.. وقال لنفسه بس اكيد كلام عادل صح بس غصب عني انا عايزها ليا..
عادل اخده ع المستشفى و الدكتور قال ان كان ف كسر ف دراعه اليمين و جبسه ورجع البيت..
شريف رجع و كانت امه وابوه وابتسام قعدين ف الصالة وبيتفرجوا ع التلفزيون..
شريف : السلام عليكم ورحمة الله وبركاته..
كلهم : وعليكم السلام ورحمة الله وبركاته..
شريف راح قعد جنب ابتسام..
فاتن : كنت فين ي شريف اتاخرت بره كده ليه.
شريف: معلش ي امي.. كنت عند نسمه وهي كانت تعبانه شويه فاضطريت اقعد معاها..
حازم : تعبانه.. تعبانه مالها ي بني ماخدتهاش عند الدكتور ليه..
شريف : اخدتها ي بابا وقال انها تمام بس ده شوية ارهاق وبس.
فاتن بزعل : ربنا يشفيها دي طيبه وبتحب الكل و مش بتحب تاذي حد ابدا.
شريف : يارب يا امي.
ابتسام : اه صحيح ي شريف هو ياسر فين بقاله كذا يوم مش بيجي يعني..
شريف الغضب بان ع ملامحه و سابهم وراح ع الاوضه وقفل الباب جامد والكل اتخض..
ابتسام : ف اي ي ماما ماله شريف هو انا قولت حاجه غلط..
فاتن : ي بنتي سبيه مراته تعبانه والله اعلم الدكتور قاله اي ولا حصل اي ربنا معاه..
حازم وابتسام : اللهم آمين.
عند نسمه..
دخلت اوضتي وكلمت واحده صديقه ليا ف الشغل..
: السلام عليكم ورحمة الله وبركاته..
نجلاء : وعليكم السلام ورحمة الله وبركاته.. ازيك ي نسمه عامله اي ي بنتي وحشتينا وطالت الغيبه.. والله حاسه بفراغ من غيرك..
: الحمدلله بخير.. انتي عامله اي والمستشفى والحالات اللي كنت بتابع معاها والله انا عارفه اني مقصره بس اعمل اي والله مش عارفه انزل المستشفى خالص عايشه ف دوامه مش عارفه اولها من اخرها بس بقول لنفسي احاول اجي بكرا المستشفى ع الاقل هغير جو..
نجلاء : كله تمام ي نسوم والله وتحت السيطره ومتشغليش بالك اهم حاجه تهتمي بنفسك وسيبي الباقي ع الله ربنا قادر ع كل شئ قادر انه يدبر امورك و يجبر بخاطرك.. ولو مش قادره تيجي بكرا خلاص خليكي من بداية الاسبوع..
: ونعم بالله العلي العظيم.. لا انا هحاول اجي لاني معتش قادره اقعد ف البيت.
نجلاء : ماشي ي حب تعالي واقعد معاكِ وافهم فيكي اي..
: ماشي ي نوجا ان شاء الله.. سلام.
نجلاء : سلام وقفلوا مع بعض..
عند عمرو….
دخل الاوضه غير هدومه و دماغه مصدعه خرج عمل كوبايه قهوة لان هدى كانت عند واحده جارتهم ومحبش يقلق نسمه.. عمل كوباية القهوة ودخل اوضته ومسك فونه ورن ع شهد وقعدوا يتكلموا بس مقلش ليها حاجه وشهد كانت حاسه انه مضايق وحاولت تخرجه من مود الزعل اللي هو فيه وقدرت فعلا تعمل ده..
عند شريف..
شريف بعت رساله لنسمه عامله اي.. ومستني الرد منها..
عند نسمه..
كنت بنظم الاوضه بتاعتي و بعد مخلصت مسكت الفون ولقيت شريف باعت الرساله من حوالي ربع ساعه فتحة الرساله وبعتله.. الحمدلله تمام وانت عامل اي..
شريف : بخير مادام انتي ف حياتي وبخير ي نسمه..
نسمه : احم… شريف بقولك.
شريف : قولي.
نسمه : عايزه انزل بكره المستشفى..
شريف : انتي بتهزري ي نسمه صح انتي عارفه انك تعبانه وكمان هتبقي لوحدك هناك مفيش حد من عيلتك معاكي ومن ساعة اللي حصل وانا قلبي مش مطمن الله يرضى عنك ي نسمه شيلي موضوع نزول الشغل الوقتي من دماغك خالص لحد ما اشوف هتصرف ازاي مع ياسر..
شوفت الرساله واخدت نفس وخرجته ببطء وبعتله.. متقلقش والله ي شريف انا هبقا ف امان وانا هبقا مرتاحه لما اروح شغلي اللي بحبه واختلط بالناس من اول وجديد وهتكلم مع الكل والله هنسى كل حاجه..
شريف : اعملي ي نسمه اللي يريحك بس انا اللي هوصلك بس للاسف مش هعرف ارجع اخدك من المستشفى لاني هبقا لسه ف الشغل ابقي خلي بالك من نفسك..
نسمه : ماشي ي حبيبي..
شريف : تمام.
شريف قفل وانا فضلت ماسكه الفون لمدة دقيقتين ولقيتني ببعتله.. شريف هو لو ياسر رجع ندمان هتسامحه.
شريف شاف الرساله وانا قلبي بيدق اوي وخايفه من رد فعله وقعدة اقول لنفسي ليه قولت كده انا غبيه غبيه وفضلت الوم نفسي لحد مالقيت منه رساله..
شريف : اسامحه؟!! نسمه انا مش عارف ليه ياسر اصلا عمل كده انتي مش غريبه ي نسمه انتي كنت ف وسطنا دايما وكنتي شايفه ان انا وياسر كنا شخص واحد وقلب واحد كنت مأمنه ع روحي وحياتي انا مش قادر ازعل من ياسر ولا اغضب عليه وف نفس الوقت مش قادر اتخطى انه فكر فيكي بالطريقه القذره دي ولا حتى قادر اتخيل ان هو اللي حاول يقتلني بدل المره اتنين وتلاته مش قادر افهم هو ازاي قدر يتغير 180 درجه كده ياسر كان ضهري وانا ضهري مال وانا اتكسرت.. صدقيني انا تايه عايز اروح اقتله بسبب اللي عمله وف نفس الوقت مش هقدر اتحمل انه يتاذى ف حاجات كتير جوايا عكس بعض انا مش عارف انتي هتفهميني ولا لا علشان انا نفسي مش عارف انا عايز اي ولا محتاج اي كل اللي عارفه اني عايز اخويا يرجع ياسر بتاع زمان اللي اول ما احتاج حاجه مش بيجي ف بالي الا هو مش علشان اخويا لا علشان هو كان اخويا وابويا وصاحبي وضهري وحاجات كتير نفسي اعرف هو قرر انه يخذلني ليه..
كنت بقرا الرساله وانا دموعي نازله ع خدي لان انا اكتر واحده عارفه قد اي شريف و ياسر بيحبوا بعض اوي ومفيش حد فيهم يقدر يستغنى عن التاني وكان دايما ايديهم ف ايد بعض بس ليه كل شئ اتغير..
مكنتش عارفه ارد وبعتله : اكيد ف حاجه كبيره هي اللي خلته يعمل كده وسيبها ع الله ي حبيبي وان شاء الله هنعرف منه هو اي اللي غيره.
شريف : تمام روحي يلا شوفي بتعملي اي..
نسمه : سلام.
شريف بحزن كبير اوي دخل نام..
ونسمه قعدة ع الارض وعيطت ع الحال اللي وصلوا ليه..
عند ايمن وعايده..
عايده قامت من النوم وجهزت الاكل وقعدوا ياكلوا وعايده اصرت ان ايمن يحكي ليها اللي حصل.. وايمن فعلا قال ليها اللي حصل وكانت عايده مصدومه من اللي بتسمعه هي بقالها حوالي7 سنين متجوزه وعارفه قد اي شريف وياسر متمسكين ببعض وعدى اليوم وكان الكل مضايق..
تاني يوم..
قومت لبست ف معادي لقيت ماما بتجهز الفطار لبابا..
هدى : راحه فين ي نسمه..
: صباح الخير الاول..
هدى : صباح النور بس مقولتليش بردو راحه فين..
: نازله المستشفى قولت اغير جو وانزل شغلي تاني احسن القبض الشهر ده خلاص مفيش قبض انا اخدت الشهر كله نوم..
هدى : ولو.. تتحرق الفلوس اهم حاجه صحتك وراحتك.. ادخدلي ي حبيبتي غيري هدومك وبلاش تنزلي وتتعبي نفسك. وبعدين شريف لو عرف هيزعل و هيضايق..
: لا متقلقيش ي حبيبتي انا قولت لشريف وهو وافق..
هدى بقلة حيله : خلاص اعملي اللي يريحك بما ان جوزك عارف.
: قربت عليها بوستها من خدها حبيبتي ي ماما متحرمش منك..
هدى بابتسامه ولا منك ي بنتي.. يلا افطري علشان تنزلي..
ف الوقت ده خرج ادهم وكان جاهز علشان يفطر وينزل..
ادهم : صباح الخير..
هدى : صباح الخير..
قومت من ع الكرسي وقربت ع بابا وبوسة ع ايده صباح الهنا ي حبيبي…
ادهم : الله يهنيكي ي بنتي.. اي ده انتي نازله المستشفى ولا اي..
ايوه ي يابا ان شاء الله..
اتكلمت هدى : والله ي ابو ايمن قعدة اقولها بلاش تنزلي وادخلي ارتاحي هي مش راضيه..
ادهم مسد ع حجاب نسمه : بما ان هي هتبقا مرتاحه انا هبقا مرتاح و مش هعارضها..
: حبيبي ي بابا متحرمش منك..
فطرت حاجه بسيطه ولقيت شريف بيرن عليا علشان انزله ويوصلني..
وعدى الاسبوعين وهقول اي اللي حصل ف الاسبوعين دول ع السريع…
فضل شريف يوصل نسمه ع المستشفى ف طريقه وهي ترجع مع نجلاء صاحبتهاا..
عمرو وشهد بيعدوا الايام اللي باقيه ع يوم الخطوبه.. ونزلوا اختاروا الشبكه والفستان وكل حاجه تمام..
ياسر راح عند فاتن البيت وكان خايف من المواجهه بس عادل هو اللي شجعه ع الخطوة دي ولما راح لقى امه حضنتة وعيطت وسالته هو مكانش بيرجع البيت ولا حتى بيسال عليها واكتشف ان محدش يعرف حاجه ولا امه ولا ابوه ولا حتى نسمه ياسر حضن امه وعيط بدموع وجوه شعور غريب وقالها انه كان تعبان علشان كده معرفش يجيلها وهي من خوفها عليه اخدته اوضته ونيمته ع السرير وعملتله حاجه دافيه يشربها وياسر دموعه نازله..
ايمن مهتم بعايده جدا وبيساعدها ف بعض الحاجات اللي بيعرف يعملها..
شريف حبه لنسمه كل يوم بيزيد اكتر واكتر ومحبش يقول لاهله حاجه عن ياسر لاسباب كتير منها انه خايف ع امه وابوه من الصدمه.. و خايف ياسر يخسر الكل ويبقا وحيد و خاف انه يبوظ فرحة عمرو… واتفق مع كل اللي عارف انهم ميجبوش سيرة لحد ما الوقت ده يعدى..
وها قد جاء يوم الخطوبه….
شريف جاب فستان وجزمه و حجاب وخاتم لنسمه..
وراح ليها عند البيت وقدمها لنسمه بكل حب وهي كان فرحانه جدا بحب شريف واهتمامه وقالت لنفسها ده الحب طلع حلو اوي انا كنت خايفه او كده ليه وقربت من شريف و حضنته..
عند ايمن وعايده..
ايمن جاب لعايده فستان واسع شوية علشان تاخد راحتها فيه..
ايمن : خدي ي قلبي ده فستان جبته ليكي..
عايده بفرحه : حبيبي متحرمش منك ابدا وطلعت الفستان من الشنطه..
ايمن : بصي بقا ي روحي انا جايبه ليكي واسع علشان تبقي مرتاحه فيه..
عايده لبسته علشان تقيسه كان فعلا مظبوط عليها كانه متفصل ليها بالظبط..
عايده بصت لايمن واتكلمت بنبره تخوف : تقصد اي ي ايمن باللي قولته ده..
ايمن بلع ريقه بخوف : بس انا مقولتش حاجه..
عايده : اومال مين اللي قال انا جبت الفستان واسع؟!
ايمن بعدم فهم : انا.
عايده : يعني تقصد اني تخنت..
ايمن : لا والله مقصدش كده وقبل مايكمل كلامه..
لفت عايده للمرايا بدموع هو انا بجد تخنت ي ايمن ومعتش هتحبني زي الاول وهتروح تتجوز عليا..
ايمن مصدوم وقرب ليها ولف وشها ليه : اي اللي انتي بتقوليه ده.. انا اقصد انك تبقي مرتاحه فيه والله ما اقصد حاجه ده انتي قمر ي ديدا.. وبعدين اي الهبل اللي بتقوليه ده هو انا شقطك ي بت علشان اشوف غيرك ده انا بعشقك ي بت اخدك ع حب يعني.. اضحكي بقا والله ما اقصد.
ضحكت عايده : احم وانا كمان بحبك..
قولي بقا جبت اي لريم ورحيم.
ايمن مسك ايد عايده : تعالي وانا اقولك..
واخدها علشان تشوف هو جاب اي….
عند ياسر..
ياسر مضطر يحضر الخطوبه علشان اهله ميقولوش ليه مش هتحضر ..
..
ف الخطوبه..
-حطت الصنيه ف ايده اتفضل ي اسمك اي انت وزع العصير ع المعازيم واعطي للكل متقصرش رقبتنا قدام الناس الغريبه قالت جملتها بسرعه وسابته ومشيت..
-انا اوزع عصير ع المعازيم؟!!!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حب غير مقصود)
