رواية حب غير مشروط الفصل العشرون 20 بقلم لولا
رواية حب غير مشروط الجزء العشرون
رواية حب غير مشروط البارت العشرون
رواية حب غير مشروط الحلقة العشرون
تاليا اتصدمت من كلامها واكملت بدموع بيخلف ??
سهير بحده اه بيخلف انتي بقي عقيمه فعلا ?
تاليا بصتلها بوجع دي اراده ربنا وانا يعني باخد ادويه و
سهير بحده اه ولو مخفتيش يعني ابني ذمبه ايه مش فاهمه
داليا ماما ميصحش كده وبصت لتاليا واكملت حقك عليا انا هي ماما بس نفسها تفرح بعيال عمر مش قصدها تضايقك
تاليا ابتسمت بوجع من بين دموعها واكملت وهي عندها حق انا مش بغلطها بس انا قولت لعمر يا ماما والله قولتله ومكدبتش عليه وهو ساعتها قالي انه
سهير بمقاطعه و بحده عمر يقول اللي يقوله هو مش فارق معاه انما انا عايزه اشوف عيال ابني ولو انتي معرفتيش تجيبله اجبله انا اللي تجيبله
داليا بصدمه ماما انتي بتقولي ايه
تاليا ابتسمت من بين دموعها واكملت لالا هي مغلطتش خالص حقها الست عايزه تفرح بعيال اابنها
عمر دخل واكمل وهو بيحط الفون علي السفره بقلق ايه ده مالك يا حبيبتي في ايه بتعيطي ليه وقعد خدها في حضنه ومسح دموعها وباس خدها واكمل بقلق ماتردي يا تاليا في ايه يا حبيبتي
تاليا بابتسامه حزينه اكملت كويسه متقلقش
سهير بحده عمر انا طالعه شقتي واطلعلي عايزاك فوق
عمر باستغراب في ايه يا ماما محنا قاعدين كلنا مع بعض وايه الطريقه دي حصل ايه
سهير بحده قولت تعالالي فوق يلا يا داليا
داليا حضنت تاليا وهمست بحزن متقلقيش يا حبيبتي ههديها ومتزعليش نفسك ده نصيب
وطلعت معاها
عمر هطلع انا اشوفها وجاي يا حبيبتي وباس جبينها وطلع
تاليا كانت قاعده مصدومه من اللي سمعته ودموعها عماله تنزل بغزاره علي خدها واكملت في سرها بوجع ليه يا عمر ليه تكدب عليا وتكسرني بلشكل ده ليه تحطني في موقف زي ده وتكدب عليا وتكسر ثقتي فيك وقامت دخلت اوضتها وابتدت تلم هدومها في الشنطه وهي بتعيط
عند ام عمر
سهير بحده تقدر تفهمني ايه اللي انا سمعته تحت ده
عمر بتنهيده سمعتي ايه يا ماما
سهير بحده سمعت انك متجوز واحده عقيمه ايه يجبرك انت انك تتجوز بنت عقيمه وانت زي الفل
عمر اتصدم من كلامها واكمل بصدمه يانهااار اسود انتي قولتي كده لتاليا ??
سهير بحده طبعا حقك تتصدم منتا مفهمها انك عقيم زيها
عمر بحده ماما انتي بتقولي ايييه اما انتي بتكلميني بلطريقه دي كده لوحدنا ومش مراعيا شعوري وان دي مراتي اللي بتتكلمي عنها بلشكل ده قولتلها هي ايه بقي
داليا بحزن نفس الكلام
عمر بص لامه بصدمه واكمل بحده انتي قولتي لمراتي كده بجد ??
سهير سكتت وبصتله بحزن
عمر بحده يانهار اسود يعني قولتلها انها عقيمه وعلشان كده عيطت يا ماما حرام عليكي يا ماما البنت يتيمه بدل ماتعتبريها زي داليا توجعيها بلشكل ده
سهير بحده لاني عايزه اشوف عيالك وقولتلها كمان لو معرفتش تجيبه انا هجيبلك اللي تجيبلك العيل
عمر اتصدم من كلامها وكان جمبه فازه رماها بعصبيه اتكسرت علي الارض واكمل بحده انتي ازاي تقوليلها كدده ازاي توجعيها بلشكل ده هو انا اشتكيتلك ولا جيت قولتلك عايز اخلف انا مش عايز عيال انا عايز مراتي ومش عايز غيرها
سهير بحده بطل تبقي اناني زي منتا بتحبها انا بحبك ونفسي اشوف عيالك انت ابني الوحيد وابنك هيبقي وريث عيلتنا الوحيد فكر يا عمر فكر ووافق واتجوز نسرين بنت عمك واهي بتحبك وانت عارف ولحد دلوقتي والله ماقولتلها انك متجوز وخلي تاليا علي ذمتك بردو طلما بتحبها مقولناش حاجه انا قولت هي كويسه وطيبه وحلوه من اول ماشوفتها انما هتطلع مبتخلفش لا بلاش منها هي وحلاوتها بس خليها علشان انت بتحبها
عمر بحده وانتي مين اصلا سمحلك تقولي رايك في مراتي واخليها ولا مخليهاش وبتقرري وتتخطي مين قالك اصلا ان كلمه من اللي انتي قولتيها دي دخلت دماغي ولا هعملها اهميه وكاني عيل صغير مش راجل ليا حق اختار اللي هتعيش معايا عمري اللي جاي وريحي نفسك ولا نسرين ولا زفت انا مش بحب غير مراتي ومش هتجوز عليها حتي لو اطبقت السما علي الارض و لو حصل ايه وراح مسك المصحف وحط ايده عليه واكمل بحده علشان بس ننهي اي هري ممكن يتقال قدام لاني عارف تفكيرك انا والمصحف ده ماهقرب لست غير مراتي ولا هتجوز عليها ويحرم عليا ستات العالم كله معادا هي ولو مكنتش هخلف من تاليا يبقي مش هخلف خالص
سهير بصتله بصدمه واكملت انت اتجننت يا عمر
عمر حط المصحف مكانه واكمل بحده اعتبري بقي واقسم بالله يا ماما اي كومنت هسمعه سخيف في حق تاليا الفتره اللي جايه واي مضايقه ليها او كلمه في حقها انا همشي من البيت كله وانتي عرفاني مبرجعش في كلامي وخرج ورزع الباب بقوه
سهير بدموع شايفه اخوكي يا داليا
داليا انا معاه بصراحه يعني ايه علشان مراته تعبانه يسيبها طب لو عمر اللي تعبان يا ماما مش كنتي هتزعلي لو هي سابته وكنتي هتقولي قليله اصل
سهير بحده ودموع بس يابت بعد الشر علي اخوكي .. اخوكي زي الفل
داليا بتنهيده نصيحه مني يا ماما سيبيه في حاله البنت زي القمر وحلوه وطيبه اوي وبتحب ابنك وابنك بيموت فيها سيبيه يختار يكمل عمره ازاي مع البنت اللي حبها
تحت في شقه عمر
تاليا فتحت الباب ورايحه تخرج لقيته قدامها
عمر بصلها بستغراب واكمل بحده رايحه فين
تاليا بدموع ملكش دعوه اوعي
عمر بحده هو ايه اللي مليش دعوه انتي اتجننتي ومسك دراعها واكمل ادخلي كده ودخل وقفل الباب
تاليا بدموع افتح الباب يا عمر ومشيني
عمر بتنهيده تاليا اسمعيني
تاليا بعصبيه ودموع اسمع ايه هاا اسمع ايه يا كداب انا من بعد انهارده مش هثق فيك تاني
عمر شدها قربها منه وحط ايده علي وسطها واكمل بحب واالله عملت كده من كتر ما بحبك ومش عايز غيرك افهمي بقي
تاليا ضربته في صدره جامد واكملت بحده ودموع ابعد عني ياعمر وانا مش هصدق اي كلمه تانيه تقولها عارف ليه علشان انت كداااب وكسرت ثقتي فيك وبصتله بوجع واكملت للدرجه دي شايفني قليله
عمر بحده تاليا فوقي وبطلي جنان انا قولتلك كده علشان مش عايزك تحسي ان ناقصك حاجه وان عادي مش عايز عيال ومش فارقلي غيرك مش عايزك تفضلي تفكري انك ظلماني زي ماحكتيلي يوم كتب كتابنا
تاليا بدموع ووجع بس انا اتوجعت اكتر ياعمر سيبك من شكلي قدام مامتك اللي كان زي الزفت بس انت لو كنت صريح معاايا من الاول زي منا كنت صريحه معاك كنت هحس انك قابل بوضعي عادي حتي بعد ماعرفت بيه ولسه بتحبني وعايزني ومش فارقلك فعلا رغم انك كويس وبتخلف انما انت كدبت علشان عارف انها فعلا حاجه تضايق وميتسكتش عليها. فا اللي هو لا متزعليش ياتاليا احنا زي بعض
عمر بحزن والله ماقصد احسسك بكده وحياه حبك في قلبي يا تاليا ما دي كانت نيتي كل ما في الامر مرضتش اخليكي تحسي بلذمب تجاهي زي ماكنتي بتحكيلي وتفضلي تقولي انا ظلماه وحرماه انه يبقي اب قولت اخليكي تشيلي فكره الخلفه كلها من دماغك يبقي لانا ولا انتي ومحدش بيظلم حد
تاليا بدموع اوعي يا عمر اانا عايزه امشي
عمر بعصبيه تمشي تروحي فين انتي اتجننتي مفيش مرواح في حته
تاليا بدموع لا همشي انا وبصتله بوجع واكملت وانت روح شوف بقي العروسه الجديده اللي امك هتجيبهالك تخلفلك
عمر شدها ناحيته واكمل بحب وهو بيحط ايده علي خدها برغم انك مجنونه بس والله عيني ما شايفه ولا هتشوف غيرك وفوق خربت الدنيا لما عرفت الكلام ده ومسكت المصحف وحلفت قدامهم ان تتحرم عليا بنات العالم كله الا انتي واني عمري ماهتجوز عليكي ولو مش هخلف من تاليا مش هخلف من حد انا لما حبيتك يا تاليا مفرقش معايا انتي مين واهلك مين وظروفك ايه وحتي تعبك لما عرفت كل ده مفرقليش وفضلت احبك وهفضل احبك لاني مش حااطط شرط لحبك يا تاليا فهحبك في كل الظروف وباس خدها
تاليا بدموع ليه يا عمر
عمر بحب ليه ايه يا قلب عمر
تاليا بدموع ليه تقول علي نفسك كده ليه
عمر بحب انا الموضوع ده مش فارقلي اصلا بس قولتلك انا قولت كده علشان مش عايزك تحسي انك مذنبه تجاهي او ظلماني وحرماني من الخلفه وتنهد واكمل فكدبت انما وحياتك عندي انا مش فارق معايا الموضوع ده انتي بتتعالجي خلفنا حتي لو بعد 100 سنه خير مخلفناش خير بردو وحط ايده مسح دموعها اللي بتنزل واكمل بحب محدش بياخد كل حاجه يا تاليا وانا قولت اخد تاليا ومش مهم اي حاجه تانيه واديني خدتك واديني بقررهالك ولو مش هخلف منك يا تاليا يبقي مش هخلف خالص اطمني عمر مستحيل يشوف غيرك
تاليا اتعلقت في رقبته وحضنته وهي بتعيط وهو ضمها ليه اكتر وباس رقبتها بحب واكمل بس يا حبيبتي حقك عليا بس اهدي وفضل يطبطب عليها بحنان
تاليا بعياط انا تعبانه اوي يا عمر حتي انا نفسي اخلف منك اوي نفسي نكون اسره نفسي اجيب ولد شبهك بلظبط واختارلكم. لبس زي بعض ونخرج احنا التلاته سوا ونكبره سوا انا متمنتش غيرك وقولت زيك عايزه عمر ومش مهم اي حاجه تاني كنت بدعي تكون نصيبي وانا شيفاك كتير عليا وممكن حتي متقبلش بحالتي بس لما ربنا استجاب. وبقيت جوزي بقي نفسي اوي اخلف منك انا شوفت كتير وحش اوي بجد مستهلش كده
عمر ضمها اكتر واكمل بحزن وهو بيملس علي راسها بحنان بس يا حبيبتي ايه ااكلام ده استغفري ربك حرام نقول كده بعدين محنا كفايه لبعض يا تاليا ليه ااكلام ده بس
تاليا بدموع بصتله واكملت بس انا عمري ما هسمع كلمه ماما يا عمر عمري ماهشوف حته مننا بتكبر قدامي ولا هجوز ابني واشوف عياله انا بتعبي ده حرمتك و اتحرمت من القاب كتيره اوي في حياتي ماما عندها حق انت ذمبك ايه متخلفش ذمبك ايه تتحرم من الكلمه دي طول عمرك وانت زي الفل الحمدلله
عمر بحب وانا قولتلك محدش بياخد كل حاجه وانا خدت نصيبي الحلو كله فيكي يا تاليا وعارف ان ده صعب عليكي بس هنعدي كل حاجه سوا ومش هحسسك انك محتاجه اي لقب من دول ولو عليا والله ماعايز غيرك
تاليا بدموع لالا يا عمر ماما هتفضل تسمعني كلام عن .. عن انك وبصت في الارض واكملت بوجع ودموع انك تتجوز علشان تخلف وانا اكيد مش هقدر اعارض
عمر ليه انشاء الله متقداريش تعارضي ?
تاليا بصت في الارض واكملت بدموع اعارض بأي وش وانا حارمه ابنها من انه يكون اب طول العمر
عمر بخبث خلاص لو فضلت تزن اوي ومعرفناش نتصرف هتجوز نسرين بنت عمي وخلاص بس علشان الخلفه وبس طبعا انما انتي الاصل
تاليا رفعت وشها واكمل بعياط وصدمه اييه
عمر فضل يضحك واكمل بضحك يعني بتعارضي اهو ورفعتيلي وشك
تاليا ضربته في صدره واكملت بعياط تصدق انك بارد بجد ورايحه تمشي عمر شدها لحضنه واكمل بحب وهو بيمسح دموعها قولتها وهقولها مفيش غيرك هيملي القلب والعين تاليا
تاليا بدموع عمرك ماهتذلني وتعايرني اني عقميه ياعمر ?
عمر شدها وسطها ليه واكمل بحب وهو بيزيح طرحتها عمري ما اقدر اعايرك ده انتي مراتي وبنتي وحته مني وقطع لسان اللي يقول عنك عقيمه
تاليا بتوتر ع ع عمر
عمر رمي طرحتها فانسدل شعرها علي ضهرها واكمل بضحك ايه ياقلب عمر علقتي ولا ايه
تاليا بتوتر اوعي سبني ادخل اغير
عمر شالها بين ايديه فشهقت واكملت بضحك يخربيتك بتعمل ايه نزلني
عمر بضحك تعالي بس لحسن من الصبح عايزك في موضوع مهم اوي وانتي نكدتي علينا وقلباها دراما يا شيخه بلا عيال بلا وش
———————————–
في الشركه عند كمال
كمال بس كده ودي بقي الورق ده لمكتب احمد المحامي وقوليله يراجعه
السكرتيره حاضر يا فندم وخرجت
كمال قام فتح خزنته وطلع صوره وراح قعد علي مكتبه ورجع ضهره لورا واكمل بحب ودموع وهو بيلمس الصوره بايديه واحشتيني اوي يا حبيبتي وفضل يبكي بحزن وافتكر
فلاااااش باااااااك
كمال بضحك والله يابنتي زي مابقولك
ساره بضحك بجد انت فظيع كسفت نوال اوي ولا اكنها بنت خالتك عيب يا كمال
كمال بتنهيده بس انا مش بحبها يا ساره امي عايزاني اتجوزها بس انا وسكت
ساره انت ايه سمعاك
سليم بحده ساره
ساره اتنفضت واكملت وهي بتقف ايه يا حبيبي في ايه
سليم شدها واكمل بحده انتي قاعده معاه بتعملي ايه
ساره بخوف في ايه يا سليم انت عارف كمال وابراهيم وساميه وانا وانت كلنا صحاب في بعض ايه الجديد يعني وبعدين هو معايا في نفس الكليه
سليم بحده وانا مش قايلك متقعديش معاه تاني
كمال بحده في ايه يا سليم هو انا هاكلها
سليم بصله واكمل بحده انا وانت عارفين انا مش عايز اقعدها معاك ليه واحسنلك ابعد عن مراتي
كمال بحده انا مش في نيتي حاجه انا قاعد معاها وبنتكلم علي نوال بنت خالتي يعني متعدتش حدودي معاها اصلا
سليم بعصبيه يابجحتك ياخي وانت تقعد معاها ليه اصلااا ده لو انت عامل حساب للعيش والملح تغض بصرك عنها اصلا
كمال بصله بوجع واكمل وانت لما اتجوزت البنت اللي انا بحبها مكنش غدر للعيش والملح واكمل بسخريه يا صاحبي
سليم بعصبيه انت اتجننت يا كمال بتحب مين اما انا اللي معرفك عليها لما جبتها من البلد معايا و نقلتها الجامعه دي علشان ساره قريبتي من بعيد يعني مين اللي كان بيحبها في الاصل هو انا بس انت رخيص وحطيت عينك علي مرات اخوك
كمال بحده مبروك مش اتجوزتها بس مش هتمنعي حتي اطمن عليها كصديقه ده مش من حقك
سليم مسكه من قميصه واكمل بعصبيه لا من حقي لان دي مراتي وام ابني اللي جاي ومن حقي اعمل اي حاجه تعجبني وانا مش هخليها تنزل الكليه تاني اصلا تاني غير للامتحانات وانت لو راجل حط عينك عليها ولا كلمها تاني بس هو الغلط مش منك الغلط من مراتي انا علي عدم سمعانها كلامي
ساره بخوف حبيبي ممكن تهدي ميصحش كده انتوا اخوات
كمال بحده مات اللي كان اخويا مات ده دلوقتي عدوي في الشغل وفي الحياه وخد مني البنت الوحيده اللي حبيتها كمان
ساره بصدمه كمال ميصحش كده عيب انا بعتبرك اخويا الكبير بس مش اكتر انما دعوتك علي جوزي وطريقتك دي غير مقبوله
كمال بحزن انا اسف يا ساره بس انا والله بح
ولم يكمل حته ضربه سليم بلبوكس بقوه وقعه علي الارض فشقهت ساره بخوف
كمال بسخريه الله انت قد الضربه دي
سليم بحده مسكه ضربه تاني واكمل بعصبيه مش سليم الشافعي اللي يخاف يا كمال انت وفلوسك وسلطتك تحت رجلي وساره ليا ومراتي غصب عنك وانا قايلك من ساعه ماوقفت ضددي في الشغل وحطيت عينك علي مراتي انسي ان ليك صاحب بس انهارده بقولهالك انا صاحبي مات
كمال قام وقف واكمل انت كلك علي بعضك ولا تفرقلي وانا نسيتك من دلوقتي انما حبي لساره مش هنساه
ساره بحده كمال مينفعش كده انا متجوزه وحامل وبحب جوزي ارجوك متجبليش المشاكل
كمال بصلها بحزن بس انا مش قادر انساكي يا ساره اعمل ايه وانتي ملكاني ومالكه كل حته جوايا
سليم بحده اقولك انا تعمل ايه ياروح امك ومسك فيه ضربه وكمال كان بيضربه وساره حجزت بينهم بلعافيه
ساره بس بس خلاااص انت وهو وبصت لكمال واكملت انا كنت فكراك اخويا الكبير بس حتي الصله دي انت قطعتها من انهارده. شكلي كنت غلطانه من الاول لما بقول لسليم اللي بينكم شغل مش اكتر وكمال كويس بس ارجوك ابعد عن حياتي وسبني اعيش في هدوء انا تعبت من اللي انتوا بتعملوا وانا بحب سليم وجايلي بعد 7 شهور ابن منه وانا مش عايزه من حياتي كلها غيره هو وابني كنت بقول عليك صاحبه بس انت عملت وحش كتير وانا اقول معلش ده شغل ومنافسه وانا جوزي قدر يقف علي رجله تاني وبقي قوي وليه اسمه في البلد انما هتبص لمراته انا نفسي مستحملش اكلم واحد نظرته ليا مش كويسه حتي لو بصباح الخير ومساء الخير انا ليا راجل اصون اسمه في غيابه قبل وجوده
سليم بحده خلصتي يلا وشدها ومشي وكمال وقف متعصب وحزين جداا واكمل بحده وربنا نهايتك علي ايدي مهما طال الزمن وهاخد منك ساره يعني هاخدها
ساره بوجع اااه ااه ايه يا سليم خلاص هتوقعني
سليم وقف علي جمب واكمل وهو بياخد نفسه بهدوء من غير عصبيه اهو انتي ايه قعدك معاه ???
ساره بتوتر وخوف سليم والمصحف هو اللي جيه قعد معاايا والله كان بيحكي معايا علي نوال و
سليم بعصبيه واناااا قاااايل لاهلك اييييه
ساره بدموع هو ده اللي من غير عصبيه وفضلت تعيط واكملت انا كنت بكلمه زمان بحسن نيه فاتعودت علشان كنتوا صحاب بس خلاص والله هقطع علاقتي بيه نهائي
سليم صعبت عليه وخدها في حضنه ومسح دموعها واكمل بحزن حقك عليا ياساره مقصدش ازعقلك بس والله من غيرتي عليكي كمال مش صافي من ناحيتك يا ساره ونيته مش خير وكل نظره منه ليكي غرضها مش كويس
ساره وهي بتمسح دموعها حاضر يا حبيبي والله خلاص مش هتقرر تاني وحياتك
سليم شدها ليه وباسها بحب وهي حاطت ايديها حوالين رقبته وباسته بعدين بعدت واكملت بضحك خلاص اتلم لحسن حد يجي يشوفنا احنا مش في البيت
سليم ضحك واكمل محدش ليه حاجه عندنا وشدها ليه وحط ايديه علي وسطها واكمل بحب ده انتي واحشاني بشككل
ساره ضحكت واكملت اتلم يا سليم وبلنسبه اللي بقاله شهرين بس في بطني ده
سليم بضحك مضطرين مؤقتا نتلم لحد ما سي ادم يجي بالف خير ووطي باس بطنها
ساره بحب ودموع بتحبه اوي كده
سليم بحب بعشقه مش كفايه انه من حبيبت عمري كله وبعدين هي مش هتقف علي ادم بس انا عايز منك عياال كتير
ساره بضحك ليه ارنبه
سليم باس خدها واكمل بضحك ياخواتي ده ام ادم احلي ارنبه
ساره بحب قولي ايه مخليك متاكد بقي انه ادم
سليم بحب حاسس بيه
ساره بضحك ايوه يا ابو ادم يا حاسيس انت
سليم بضحك عيب عليكي
ساره بحب تفتكر هنعيش لغايه ما نكبر ادم سوا يا سليم واكملت بحماس انا نفسي اوي يبقي دكتور جراح زيك
سليم بحب اتمني يبقي زيي واحسن مني ونكبره ونشوفه هو واخواته في اعلي المراكز ونفرح بيهم يارب
ساره بدموع وحب يارب بجد يا سليم
وكل ده وكان واقف كمال متابعهم وعيونه دمعت
نوال من وراه محبتكش ومحدش حبك قدي
كمال لفلها واكمل بحزن بتمني انساها بس مش قادر
نوال بحب جرب يا كمال جرب وشوف مين بيحبك بجد
كمال بتنهيده اما نشوف
وبعد 4 سنين مابين مشاكل كل شويه وعدواه بتزيد بين سليم وكمال…. وكمال اتجوز نوال ام منه وكان في حفله بتضم كل رجال الاعمال وكان معزوم عليها سليم وكمال
في الحفله
كمال بحب واعجاب ايه القمر ده عامله ايه يا ساره لسه زي مانتي بنفس جمالك حتي وانتي بطنك قدامك كده
ساره بتوتر ها اه ازيك يا كمال وسلمت عليه واكملت عن اذنك انا بقي هر
ولم تكمل كان جيه سليم وبصله بحده وشد ساره ومشي
وطبعا حصل بينهم مشاده كبيره اللي وصلتها انها تسيب الفيلا و تروح لساميه هي وادم
كمال طلع فونه واكمل الو يا مجدي نفذ اللي اتفقنا عليه فرامل عربيته تتفك وانهارده
مجدي بخبث اوامرك يا باشا
كمال بابتسامه خليك وراه واهم حاجه لما يكون لوحده لو معاه ساره اوعوا تنفذوا اوعوا
مجدي علم وينفذ يا كبير
وفعلا لما سليم وقف بعربيته تحت بيت ابراهيم فكوا للفرامل ومكنوش يعرفوا انه هينزل بساره من فوق لانه بيت غريب بنسبالهم
ولما تمت الحادثه
كمال بابتسامه ها نقول الله يرحمه
مجدي بتوتر اه بس
كمال بحده بس ايه
مجدي بتوتر هو وقف تحت بيت غريب وطلع لوحده واحنا فكيناها بس نزل بمراته وحاليا الاتنين حالتهم خطر وبيحتضروا
كمال بصدمه ووجع ايه انت بتقول ايه يا حيوان انت وفضل يبكي واكمل ساااااره لا قولتلك ساااااره لا ده انا هشرب من دمك يا كلب يا ابن االكلب لو ساره حصلها حاجه
في المستشفي
كمال بدموع لو سمحتي ايه اخبار مدام ساره الشافعي جات في حادثه عربيه
نعمه الممرضه بحزن ادعيلها يا بيه حالتها صعبه وبيشوفوا لو هيعرفوا يولدوها قبل ما امر الله ينفذ
كمال بعصبيه ودموع تموت ايه يا حيوانه انتي لا ساره هتبقي كويسه انا واثق واكمل وفين .. فين سليم
الممرضه شاورتله ومشيت
دخل لسليم اللي كانت حالته صعبه اوي واكمل بسخريه تصدق شكلك عاجبني وهيعجبني اكتر في الكفن لما تغور في داهيه وتسيب حبيبتي انا اخدها كفاياك بقي ولو علي العشره والعيش والملح فعيالك في عيني ابسط يا عم هكون جوز ام حنين متقلقش
سليم بسخريه وتعب للدرجه دي بتكرهني للدرجه اللي تخليك تموت واحد كان في يوم من الايام وفضل يكح واكمل صاحبك
كمال بحده كنت صاحبي كنت من سنين كتير كنت صاحب كمال الاهبل انما دلوقتي والسنين اللي فااتت انا كمال الشريف رجل اعمال وليا سلطه وشغال في تجاره السلاح والمخدرات يمكن مش زيك بلحلال ولا معايا فلوس قدك وبخسر الفتره دي وقربت افلس بس ملحوقه هاخد كل حاجه تخصك دلوقتي فلوسك ومراتك اللي في الاصل حبيبتي
سليم بتعب فضل يكح وابتسم واكمل ساره هتيجي ورايا يا كمال ساره مش هتسبني ولا في الاخره ولا في الدنيا لو موت هتموت ورايا ولو عشت هتعيش زيي وفضل يكح واكمل وانا زيها بلظبط وحتي لو عاشت مستحيل تشيل اسم راجل غيري مهما تعملها هتفضل لسليم وبس وفضل يكح بتعب شديد
كمال بحده نبقي نشوف كلامك الفاضي ده بعدين انا لو كنت اعرف ان حبيبتي هتبقي معاك مكنش فكيت الفرامل المره دي بس معلش هتبقي بخير وانا هعوضها عن كل حاجه امضي هنا
سليم بتعب وصوت منخفض ده ايه ده وفضل يكح
كمال بحده ده ورق تنازل عن كل ما تملك من فلوس شركات فيلال وليا بيع وشراء وده مقابل سلامه ابنك الصغير بدل مايجيلك انت عارفني مبقاش يفرق معايا دلوقتي وبقيت جاحد
سليم خاف واكمل بدموع وخوف ادم لا يا كمال ارجوك وفضل يكح بتعب واكمل بدموع هعملك اللي انت عايزه وخد كل املاكي بس ارجوك ابني لا ده عيل صغير اوي ارحمه
كمال بابتسامه اوعدك هرحمه لو مضيت .. اضمي
سليم مضي بايدي مرتجفه وتعب
واكمل كمال بابتسامه الله يرحمك بقي يا صاحبي
وطلع ومشي من المستشفي كلها ووصي الدكاتره يبلغوا لما ساره تبقي بخير
بعد عدت ساعات
كمال بلهفه ها يا مجدي طمني
مجدي بحزن الله يرحمها ياباشا
كمال اتصدم وفونه وقع وقعد علي الارض وفضل يصرخ واكمل بصراااخ ودموع سااااااااره لا يااااا سااااره لتاني مره اختارتي سليم وسبتيني لوحدي ااااه لتاني مره توجعيني ببعدك عني انا اسف يا حبيبتي والله ماقصدي اموتك انتي يا نورعيني مكنش قصدي انتي خااالص والله يا حبيبتي لو كنت اعرف مستحيل كنت افك الفرامل ااااه يارب اااه مش قادر استحمل فراقك مش قادر ولا قادر اقتنع انك مشيتي
نوال بخوف دخلتله مكتبه واكملت ايه في ايه يا حبيبي حصل ايه
كمال بحده ودموع وانتي مال اهلك انتي. .. قولتلك انتي هنا في البيت ده ملكيش لازمه غير لما انا يجيلي مزاج ليكي غير كده لا جتك الارف وخرج ورزع الباب وهو بيبكي بوجع
نوال بحزن كتر خيرك يا كماال
باااااك
كمال بدموع برغم كل السنين دي مقدرتش انساكي ولا هنساكي يا حبيبت عمري وقرب الصوره منه باسها ودموعه نزلت واكمل حقك عليا يا ساره والله مكنش قصدي انتي ابداا يا حبيبتي وشال صورتها ومسك فونه رن علي حاتم
في بيت حاتم وشهد
حاتم نايم وواخد شهد في حضنه صحي علي صوت الفون
حاتم اتعدل ونزل شهد براحه و رد
حاتم بنوم خير يا عمي
كمال بحده تجيلي الشركه حالا
حااتم نفخ واكمل طب لسه صاحي طب افوق وافطر وجايلك
كمال بحده متتااخرش وقفل
حاتم لنفسه ناقصه قرف علي الصبح وبص علي شهد اللي نايمه بعمق وشعرها مغطي وشها فزاح بايديه شعرها عن وشها وقرب باس خدها وقام خد شاور ودخل المطبخ حضر الفطار وكوبايه اللبن وطبق الفاكهه وحاطهم علي التربيزه
ودخل الاوضه وراح جمبها واكمل بحب شهد .. انتي يابت قومي .. يابت خلصي يخربيتك ايه النوم ده كله
شهد بتعب امممم عايز ايه يا حاتم مش قادره والله
حاتم قومي يابابا علشان تفطري هو انا بضربك
شهد فتحت عنيها بصدمه واكملت افطر !!!!
حااتم ضحك واكمل اه فيها ايه غريب للدرجه دي يعني ?
شهد اتعدلت ورجعت شعرها الطويل لورا واكملت بستغراب اصل متعوده علي حاجه تانيه خالص الصراحه
حاتم بابتسامه اممم ومتعوده علي ايه بقي
شهد وهي بتقلده اكملت شهد .. انتي ياخرا فينك .. اعمليلي ام الطفح علشان اغور من هنا يللاا اخلصييي.
حااتم فضل يضحك من قلبه علي طريقتها في تقليده لدرجه عنيه دمعت واكمل من بين ضحكه هو انا حلو اوي كده
شهد بصت في الارض واكملت احترم نفسك يا حاتم
حاتم رفع وشها ليه واكمل بحب متخبيش العيون الحلوه دي عني تاني وقرب باسها بحب واكمل وهو ساند جبينه علي جبينها حقيقي لما اتجوزتك حسيت ان قربي منك اجمل بكتير
شهد زقته وقامت واكملت بحده متحلمش باكتر من كده ياروحي خلاص كل اللي جاي زي ليله امبارح مش هتقربلي ف ياتنام جمبي بادبك ياتطلع تنام برا
حاتم بحده اه ده اللي هو ازاي يعني
شهد بحده اللي هو اللي انت فهمته بلظبط انا مش جاريه عندك وموجوده لمزاج حضرتك وبس لا شطبنااا خلاص
حاتم بحده شهد انتي اتجننتي انتي مراتي يعني اللي بتعمليه ده حرام وميصحش
شهد ضحكت بسخريه من بين دموعها واكملت ح ايه حرام ليه وهو انت كل اللي عملته فيا ده كان ايه يا بتاع الحلال والحرام
حاتم بتنهيده ونفترض كلنا بنغلط او انا كنت بشيل الذمب لوحدي لانه غصب عنك انما دلوقتي انتي مراتي يعني طريقتك دي هتشيلك انتي ذمب انا مقولتلكيش دلوقتي كده كده انتي لسه في اول شهور حمل بس بتكلم عموما
شهد بدموع ولا دلوقتي ولا بعدين انا متجوزاك غصب بردو علشان اللي انت عملته فيا واللي نتج عنه ابن منك انما اوعي تفكرني فرحت اني اتجوزك يا حاتم واني علشان بحبك هنسي واسامح واعدي تبقي بتحلم ده البنت مننا ملهاش غير كرامتها وشرفها وانت خسرتني الاتنين فمبقاش ليا حاجه ابكي عليها ولو علي الذمب فا ده بيني وبين ربي انا هخلصه
حاتم قرب منها وشدها ليه واكمل بحب وهمس والله مهما تقولي مش هتقدري تنكري حبك ليا انتي بس بتتقلي وعارفه اني مش هقربلك علشان حملك لسه في الاول بس مع الوقت هتنسي يا شهد وباس خدها
شهد زقته واكملت بحده انسي انت اني انسي حاجه واكملت بسخريه يا ابو ابني وطلعت
حاتم نفخ بغضب واكمل بهمس صبرني يارب صبرني
وطلع
شهد قعدت في الصالون واستغربت ان حاتم عمل لوحده كل ده
حاتم خرج واكمل بضحك ها ايه رايك بقي في حبيبك
شهد بابتسامه بارده تسلم ايديك
حاتم بحب الف هنا يا قلبي يلا بقي امسكي وحط الاكل قدامها واكمل كله يتاكل علشان دواكي تقيل شويه
شهد بصتله بستغراب واكملت خير يا حاتم والله مش مطمنالك من شهد الجاريه بياعه المناديل اللي مش عايز منها عيال لشهد قلبك ومراتك وام ابنك وفي يوم واحد كل التغير ده انت طبيعي ???
حاتم ضحك واكمل وهو بياكلها تفاح والله انتي مش بيعجبك العجب
شهد وهو بتاكل اكملت لا ماهو اكيد في حاجه غيرتك كده متقنعنيش
حاتم وهو بيحط قدامها اللبن اكمل ولا اي حاجه كل الحكايه كنت مخنوق وحكيت مع المأذون اللي جوزنا ده وهو شارني بلصح وقالي اعمل كده وان ابني مالوش ذمب ولازم يجي وسط اهله ويحس انهم متفاهمين
شهد بوجع حزنت انها بردو مش فارقه معاه وكل اللي همه ابنه يعني لو كانت مش حامل كانت هتفضل هي هي شهد الجاريه في نظره فبصتله واكملت بوجع اممم طيب يا حاتم
حاتم يلا كلي واشربي اللبن
شهد بقرف لبن ايه انا مبشربش اللبن ده ولا بقبله
حاتم بتنهيده الدكتوره قالت كل يوم يتشرب يبقي يتشرب ومش عايز اتعصب عليكي وساعتها هتزعلي وتعيطي وبردو هشتربيه في الاخر واكمل وهو بيبصلها بحده وهو بياكلها موز فوفري علي نفسك يا قلبي التهزيق ماشي
شهد كلت الموز منه وبصت للبن بقرف وغمضت عنيها وشربته بلعافيه وسابت الكوبايه فاضيه
حاتم بضحك برافو ياقلبي ايوه كده احبك وانتي مطيعه
وبعد الاكل دخلت شهد خدت شاور وطلعت لابسه البورنص
شهد بستغراب انت ماشي
حاتم بضحك اه انتي اتعودتي اني هفضل علشان قعدت يومين ولا اي
شهد بصت للمرايه وبدات تسرح شعرها واكملت بحده ولا اتعودت ولا نيله في داهيه
حاتم قفل اخر زرار من قميصه وراح حضنها من ضهرها واكمل بضحك قدامي كده طب استني امشي وباس رقبتها بحب واكمل علي العموم انا ممكن اجيلك كل يوم علشان حملك والدوا
شهد بحده لا مش لازم متتعبش نفسك
حاتم لفها ليه وقربها منه واكمل سبق وقولتلك انا بهتم بيكي علشان ابني يا شهد
شهد بجمود تمام انا عارفه كده كده
حاتم بصلها باعجاب واكمل بضحك بعدين متطلعيش كده قدامي لحسن مش مسئول عن رده فعلي
شهد باحراج اوعي انت اصلا عمرك ما هتتربي ورايحه تبعد شدها ليه واكمل بحب ثواني بس اودعك علشان نازل وقرب باسها بحب
شهد بعدت بقرف وجريت علي الحمام وفضلت ترجع
حاتم راح وراها واكمل بخوف مالك في ايه
شهد فضلت ترجع وحاتم طبطب علي ضهرها ورفع شعرها بعدين خلصت وغسلها وشها واكمل بخوف مالك يا شهد في ايه اجبلك الدكتوره ??
شهد بضيق قرفانه منك ابعد عني
حاتم شالها بين ايديه وقعدها علي السرير واكمل بصدمه وهو بيبعد عنها للدرجه دي كرهتيني
شهد بصتله وفضلت تضحك علي ريأكشن وشه
حاتم بحده ايه يضحك مش فاهم
شهد بضحك علشان انا اقصد ان حملي جاي بقرف اني مش مستحمله قربك او ريحه برفانك فا قرفانه منك
حاتم بفهم اااه وضحك واكمل اذا كان كده نبعد خالص المهم الباشا الصغير يستريح ووطي باس بطنها
شهد ابتسمت بحزن وسكتت
حاتم بحب يلا بقي علشان الدوا
شهد هزت راسها ب اه
حاتم اداها الدوا واكمل يلا علشان الحقنه
شهد برعب هو في حقن
حاتم بهمس اااه بدأنا وبصلها واكمل والله يا شهد انا ماعندي وقت احايل فالو سمحتي ممكن تنجزي
شهد بدموع بس انا مش بحبها وانت بتفضل تزعقلي وخلاص
حاتم بصدمه هو اتكملت ?? ايه يستدعي انك تعيطي يخربيت ام دي هرمونات بجد ومسح دموعها وباس جبينها واكمل حبيبتي صدقيني انا مش بمزاجي ولو بزعقلك فبزعق لان دي صحتك ودلوقتي انتي اكيد مش هترضي ابننا يضر ولا ايه
شهد بحب اه طبعا
حاتم ابتسم وفعلا اداها الحقنه و فضل معاها لحد مانامت ومشي
في بيت ادم
ادم وهو بيتاوب صباح الخير ياست الكل
ساميه بابتسامه نموسيتك كحلي يا حبيبي كل ده نوم
ادم قعد واكمل والله ياماما ماصدقت مش ورايا حاجه ارتاحت بقي علشان خلاص الحمدلله عمر لسه باعتلي مسدج اننا اتقبلنا في المستشفي مبدائيا لحد ماناخد الشهاده بعد اسبوعين ونقدمها
ساميه بفرح يا حبيبي مبارك يا نورعيني
ادم بحب ده بسبب دعواتك ياست الكل والله
ساميه بحب بدعيلك دايما يانورعيني ومش بنساك
ادم بحب معلشان كده بقابل في طريقي الخير كله .. منه ودخلت الكليه اللي بتمناها وهتوظف بسرعه فا للحمدلله بجد
ساميه بلعت ريقها بتوتر واكملت بحزن ربنا يخليكم لبعض يا حبيبي
ادم بحب اللهم امين يارب
ولقي فون رن فقام دخل البلكونه
ادم بحب ايه يا حبيبي صباح الخير
منه بنرفزه صباح ايه بس كل ده منا مترد عليا طب لا صباح ولا مسا ولا كلمه كويسه ايه رايك بقي
ادم بضحك كل ده علشان مسمعتش الفون والله يابنتي كنت نايم تعبان اوي
منه بلهفه ليه تعبان مالك
ادم بحب عادي يا قلبي كان من ضغط الايام اللي فاتت
منه بجد اه كان كتر خيرك
ادم فينك انتي دلوقتي وعملتي ايه في امتحانك
منه بحب زي الفل وفيني انا في الفيلا
ادم لوحدك ?
منه بحب اه متقلقش مش بيجي بقاله يومين
ادم فداهيه يخش مايجي خالص
منه بضحك يا ادم بس عيب
ادم بحده خليكي في حالك انتي انا مش متربي
منه بضحك لا ياروحي متقولش علي نفسك كده
ادم منه اسكتي بجد علشان والله خلاص قربت اطق
منه بحب هانت باذن الله
ادم بتنهيده يارب بقي يارب
في مكتب كمال
حاتم دخل واكمل خير يا عمي
كمال بابتسامه صباحيه مباركه يا عريس طب والله كويس نزلت مقولتليش ازاي تنزلني يوم صباحيتي ياعمي
حاتم قعد واكمل بضحك اه انت بتراقبني بقي
كمال بحده اه براقبك وعايزك تعرف كلمتين اي ان كان مين البنت اللي انت اتجوزتها واتجوزتها ليه انت متهمنيش كلك علي بعضك انما بنتي مش هتبقي زوجه تا
ولم يكمل اكمل حاتم هتبقي يا عمي ومن غير علو صوت منه هتبقي زوجه تانيه ومع احترامي ليك ده غصب عنك وعنها عادي جداا تبقي زوجه تانيه ولا افاجئ عيالك بان ابوهم قتال قتله وتاجر سلاح
كمال بعصبيه انت بتهددني يا حيوان يعني هو انت اللي نضيف اوي
حاتم بضحك انا مش زيك انا اجي ايه جمبك انا يادوبك حاجه بسيطه وهصفي قريب واشتغل في شركتي علي نضافه انا مهندس وهعرف اكسب كويس وهقف علي رجلي وحتي لو فضلت وحش انا مفرقلهمش انت تفرق لانك ابوهم بس عموما اعتبر اه بهددك وخاف مني احسنلك علشان ابتديت ازهق منك انت وبنتك وقام مشي
كمال بعصبيه كلببب وزباله
وبعد مرور اسبوعين. تحديدا يوم حفله تخرج جيسي وكان ادم اتوظف في المستشفي بعد حفله تخرجه هو ومنه والفتره دي كلها ماشيه تمام مفيش اي حاجه و عمر وتاليا حبهم بيزيد لبعض بس حماتها بتحاول تتجنب وجودها خالص ومش حباها وداليا اتصاحبت علي تاليا جداا ومالك بيحاول يكلم جيسي وهي مش بتديه فرصه واطفت ومبقتش زي الاول وصافي بتسالها مش بترد ومبقتش تروح اي حته وحاتم كان بيروح لشهد كل يوم يديها الدوا واحيانا كان ينام عندها واحيانا كان يمشي
جيسي واقفه ولابسه الدريس اللي منه كانت جيباهولها ومنه واقفه بتتفرج عليها وهي بتستلم شهادتها بفرح وكانت بتسقفلها
جيسي ابتسمت بحزن وخدت الشهاده وسلمت علي الدكاتره ونزلت صحابها اتصوروا معاها ومالك كان واقف شايفها وبيتفرج عليها بحب وفرح بيها بعدين مشي واكملت جيسي بتعب منه ممكن يلا مش قادره خالص عايزه اروح
منه بحزن مالك يا جيسي اتغيرتي كده ليه
جيسي بتعب ودموع هقولك لما نروح خلاص انا تعبت من السكوت
منه بحزن يلا يا حبيبتي وفونها رن
منه ايه يا حبيبي
ادم وهو بيبص علي ورق اكمل روحتي ولا لسه
منه اهو لسه هطلع يا ادم والله
ادم بحب ماشي يا حبيبتي باركي لجيسي بلنيابه عني وروحي طمنيني
منه بحب حاضر يا حبيبي وبصت لجيسي واكملت ادم بيباركلك يا حبيبتي
جيسي بصتلها بوجع ودموع وده استغربته منه
ادم بحب يلا باي بحبك
منه بحب وانا اكتر
ولم تتحمل جيسي اكتر فوقعت مغشي عليها
منه بخوف جيسي بت مااالك يالهوي جيسي ردي
ادم كان لسه مقفلش فاكمل بخوف مالها يا منه في ايه
منه بدموع معرفش وقعت ومش بتتكلم خالص
ادم بخوف اهدي انا جايلكم حالا
منه بخوف وعياط يلا يا ادم ارجوك بسرعه
ادم وهو بيجري ناحيه الجامعه اكمل بقلق متخافيش باذن الله خير
وبعد شويه وصل ودخل شاف جيسي علي الارض ومنه جمبها وصحابها بيحاولوا يفوقوها
ادم بحده اوعوا كده يا جماعه اوعوا ووطي شالها بين ايديه واكمل لمنه يلا تعالي
بعد شويه في المستشفي جيسي نايمه وتعبانه اوي
منه بخوف ادم انت بقالك ساعه ساكت ماتطمني اختي مالها فيها ايه
ادم بتنهيده حزينه اديني مستني التحاليل اللي عملتهالها تتطلع مش عايز اقول كلام انا مش واثق منه
منه بقلق ادم في ايه ابوس ايدك طمني
ادم وهو بيطبطب عليها اكمل اهدي يا حبيبتي اهدي اكيد انا فاهم غلط
منه بدموع ليه جيسي مالها
قاطعها دخول الممرضه واكملت اتفضل يا دكتور التحليل
ادم شكرا تعبتك تقدري تروحي
جيسي ابتدت تفوق واكملت بتعب انا فين يا منه
منه راحتلها بسرعه واكملت بدموع انتي في المستشفي يا نورعيني مالك يا جيسي قلقتيني عليكي يا حبيبتي
جيسي بتعب متقلقيش انا بخير
منه ها نتيجه التحليل ايه
ادم بص للنتيجه بذهول وصدمه وعمال يعيد قرائتها مش عايز يصدق واكمل بوجع وحزن في سره اااه لما تعرف يا مالك انت هتتدمر بس مين عمل فيها كده وازاي
ادم قعد واكمل بهدوء عكس الحزن والغضب اللي جواه واكمل منه ممكن متتكلميش خالص اثناء منا بتكلم
منه بقلق حاضر بس في ايه
ادم بحزن ووجع انتي في حد لمسك يا جيسي ??
جيسي اتصدمت من كلامه وفضلت تعيط بصمت
منه بصدمه نعممم حد لمسها ازاي يعني وانت عرفت منين ايه الكلام ده لالا اكيد انت فاهم غلط
ادم بحزن ووجع منه التحاليل اثبتت ان جيسي حامل
منه بصراخ ودموع ايييه حامل
جيسي بعياط وصدمه حامل يانهار اسود ومنيل وفضلت تلطم علي وشها بقهر
منه بصدمه وصراخ يانهارك اسود انتي عملتي كده فعلا وضربتها بلقلم واكملت بحده عملتي كده علشان سايينك براحتك وواثقيين فيككككي
ادم بعدها عنها واكمل بعصبيه انتي اتجننتي يا منه ايه الطريقه دي ميصحش كده اختك ممكن جدا تكون ضحيه افهمي منها الاول وبطلي غباء
منه بعياط افهم ايه افهم ايه ده بابا هيقتلها لو عرف
ادم بحده طب ممكن تهدي وبص لجيسي واكمل بحزن وهو بيقعد قدامها انا هساعدك بس اهدي يا حبيبتي و قوليلي غصب عنك ولا بمزاجك
جيسي بعياط والله يا دكتور غصب عني والمصحف غصب عني
ادم طبطب عليها بحزن ووجع علي حالها واكمل طب ممكن تهدي علشان حالتك متتدهورش اكتر دلوقتي قوليلي مين ابو اللي في بطنك تعرفيه منين
جيسي فضلت تعيط وادم فضل يطبطب عليها واكمل بحزن حقك عليا يا حبيبتي اني بضغط عليكي بس ده ضروري
منه بعصبيه ودموع ماتنطقي يا حيوانه وتخلصي
ادم بحده منه قولت اخرصييي
منه بدموع اديني هسكت خاالص اهو اتفضل اسال الهانم
ادم طبطب عليها واكمل بحزن ووجع قوليلي يا حبيبتي مين ابو اللي في بطنك ومتخافيش انا هحميكي
جيسي بوجع ودموع ادم حبيب منه
ادم بصدمه نعمممم ده اللي هو ازاي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب غير مشروط)
