رواية حب غير مشروط الفصل السادس عشر 16 بقلم لولا
رواية حب غير مشروط الجزء السادس عشر
رواية حب غير مشروط البارت السادس عشر
رواية حب غير مشروط الحلقة السادسة عشر
شهد خارجه من الحمام بتعيط وماسكه التيست اللي في شرطتين حمر ويعلن انها حامل
شهد ايديها اتنفضت وهي مسكاه ووقع منها وقعدت علي الارض وفضلت تعيط
شهد بعياط يانهار اسود ومنيل يا نهار اسود والله يموتني لو عرف اعمل ايه يارب اعمل ايه .. يعني انا نسيت البرشام مره يحصل كده .. والله حاتم ما هيسمي عليا لما يعرف اااه بجد وفضلت تعيط وقامت تحاول تفتح باب الشقه بس كلعاده مقفول فقعدت علي الارض وضمت رجليها ليها وفضلت تعيط واكملت بعياط ووجع ذمبك ايه انت تيجي الدنيا لاب زي ده ها قولي ذمبك ايه … ذمبك ايه امك يكون نصيبها كده ذمبك ايه تبقي ابن حرام لالا انا مكنش ليا عيال ولا خلفه ابني مالوش ذمب ابداا يجي للدنيا ميلاقيش اب يعترف بيه ولا يعيش زيه زي باقي الاطفال لالالا انا مينفعش اخلف وخافت واتوترت واكملت بعياط وهي بتلطم ياربي لو عرف هيموتني والله هيموتني ومش هيعديها بلساهل حاتم مش هيسكت هو محذرني لو عرف هتبقي ليلتي اسود من السواد بس والله غصب عني يارب كل اللي انا فيه ده كله اصلا غصب عني وخارج عن ارادتي ومش عارفه حتي انزل اروح لاي دكتوره اجهض اعمل ايه يارب اعمل ايه وفضلت تضرب علي بطنها بقهر وهي بتعيط
في المستشفي
عمر بصدمه ادم انت بتستعبط انت عمرك مادخلت عمليه لوحدك انت اصلا بتتدخل تساعد الدكتور مش تبقي انت الدكتور الرئيسي متهزرش
ساميه بدموع ازاي يعني كلامك ده يابني انت لسه متخرجتش
منه بدموع سبوه يا جماعه خلاص هو ناقص بس شهادته تطلع .. ادخل يا ادم ادخل وانا كلي ثقه فيك انك قدها محدش هيخاف علي عمو قدك اصلا مع اني عارفه انه صعب عليك اوي وخايف ومش هتقدر تشوفه كده. بس انت اكتر حد هيعمل كل اللي عليه علشان عمو يبقي كويس
ادم حضنها بدموع واكمل مرعوب اوي يا منه خايف اكون انا سبب فانه يمشي ومعرفش اسعفه ساعتها مش هسامح نفسي
منه بدموع لالا بعد الشر متقولش كده تفائلوا بلخير تجدوا وانت دكتور يا حبيبي وكنت بتطلع بتقديرات عاليه بسم الله مشاء الله عليك كل سنه مش مهم خالص انك تكون جديد في المهنه المهم تكون عارف هتعمل ايه وانا واثقه فيك بعد ربنا هتفرحنا ومسحت دموعه
ادم باس جبينها بحزن واكمل ادعيلي يا منه
منه بدموع مش نسياك في اي صلاه يا نورعين منه
عمر بخوف يا ادم انت متاكد من اللي هتعملوا ده حتي لو هتقدر تعملها الوضع اصعب لانه ابوك يعني نفسيا انت مدمر
ادم بتنهيده حزينه اه يا عمر خلاص هعمل كده مفيش قدامي حل تاني
ساميه بدموع ربنا معاك ويرشدك يا حبيبي ويجعلك ثابت ومتشتتش وتخاف لاجل انه ابوك اللي تحت ايدك ويجعل فيك القدره انك تجمد مشاعرك وانت شايفه كده قدامك وتعمل دورك كدكتور من غير خوف وقلق ويجعل شفاه بعد ربنا علي ايدك يا نورعيني
ادم باس ايديها واكمل بدموع امين ياست الكل امين ربنا اللي يعلم اصلا انا حالتي ازاي ادعيلي يا ماما
ساميه وهي بتمسح دموعه اكملت بدموع بدعيلك يا نورعيني بدعيلك والله يارب يا حبيبي يجبر بخاطرنا كلنا وتنجح العمليه
ادم بتنهيده يارب وراح جهز ولبس لبس الدكاتره وجهز يدخل لاوضه العمليات
منه بصتله بحب وفخر وعنيها متجمعه فيها الدموع وابتسمت بحب وعملت بايديها برفكت 👌🏻
وادم ابتسملها بحب ودخل
في الشركه
حاتم دخل لعمه واكمل وهو بيقعد ها عملت اي مع منه
كمال بصله بضيق بعدين رجع بص للورق اللي قدامه واكمل كلمتها بس مش موافقه
حاتم بحده اه يعني اي مش موافقه مش فاهم
كمال بحده يعني مش عايزاك بس قولتلها اني موافق بيك وهحدد معاد لخطوبتكم اعمل اييه تاني
حاتم بحده لا متعملش يا عمي اانا اللي هعمل لو بنتك فضلت معنده وراكبه دماغها
كمال بحده انت يالا مبتفهمش ولا معندكش دم ??? البت مش عايزاك ومع ذلك قولتلك هديهالك غباء بقي وشغل عافيه مش مع بنت كمال الشريف
حاتم بحده ماهو طريقه بنتك دي متطمنش وملهاش غير حلين الاول انها شايفه نفسها عليا علشان عارفه اني بحبها والتاني يكون في حد في حياتها
كمال بحده ايه الكلام الفاضي ده .. حاتم بقولك ايه وقتك خلص انا ورايا اجتماع رغي كتير مش عايز قولتلك منه ليك وخلاص خلصنااا
حاتم تمام يا عمي تمااام
وقام مشي
حاتم بتنهيده جتك القرف علي الصبح
عند مالك في السكن
مالك صحي واستغرب عدم وجود ادم وخد شاور ولبس وسرح شعره ونزل
ذياد ايه يا مالك كسرت الفون عليك برن مقفول من الصبح
مالك ضرب جبينه بخفه واكمل يالهوي عليا فصل ونسيت اشحنه خااالص يا ذياد والله المهم يلا نروح الامتحان
ذياد يلا
في المستشفي بعد ساعتين
منه عماله تدعي ورايحه جايه بتوتر
ساميه بدموع اهدي يابنتي اهدي يا حبيبتي باذن الله خير تعاالي اقعدي بقالك ساعتين واقفه علي رجلك
منه راحت قعدت جمبها واكملت بتوتر خايفه اوي يا ماما خايفه ادم اكيد مرعوب وهو بيعمل العمليه
عمر بقلق يارب يارب عديها علي خير يارب
تاليا بقلق باذن الله خير يا حبيبي اهدي
ساميه طبطبت علي منه واكملت بابتسامه فيها دموع فيكي الخير يابنتي بنت اصول والله اللي يشوفك زعلانه ومرعوبه كده يقول انه ابوكي بعيد الشر اللي جوه مش ابو حبيبك
منه بحب باست ايديها واكملت اديكي قولتي يا ماما ابو حبيبي يعني ابويا انا كمان وبعدين انتوا بقيتوا اهلي ولا ايه
ساميه بحب طبعا يا قلب ماما ده كفايه انك هتبقي مرات الغالي
منه حضنتها وباست جبينها واكملت بحب ادم دايما بيحكيلي عنك بس لما شوفتك حسيتك اكتر من اي كلام حلو قاله في حقك
ساميه بحب حطت ايديها علي خدها واكملت والله انتي اللي زي القمر بسم الله مشاء الله عليكي يا حبيبتي قمر اوي وكل حاجه فيكي زي العسل ادم عرف يختار والله جمال ودلال وحلاوه ومفيش بعد كده
منه ضحكت واكملت والله دي عنيكي يا ماما ..بس ايه اطمنتي علي ابنك صح ولا ايه
ساميه ضحكت واكملت اه والله الا اطمنت واخد قمر بحاله وانا كنت عارفه بردو من غير ماشوفك ادم ميحبش اي حد لازم تكون بنت كده فريده من نوعها وانتي مش بس جميله شكلا انتي حتي من جوه بتلمعي وبنت اصول ووقفتي جمب ادم في وقت زي ده واستحملتي كلام محدش يستحلمه ربنا يبارك فيكي يابنتي ويديمك ونعم الحبيبه والسند والزوجه لابني
منه بدموع وحب اللهم امين يارب ربنا يخليكي لينا يا ست الكل ده حقيقي انتي اللي فريده من نوعك وتربيتك الصالحه بعد ربنا هي اللي خلتني دلوقتي قربت من ربنا واتحجبت بسبب كلام ادم واللي يشوفك يقول انك ام ادم اللي ولدتيه … بجد اللي زيك خلصوا يا ماما ..واكملت بحزن ودموع تسمحيلي اناديكي ماما واعتبرك مكانها بما اني ماما توفت الله يرحمها
ساميه بحب ودموع حضنتها واكملت يانورعين ماما طبعا يا منه ده ربنا يعلم من كلام ادم بس حبيتك يا حبيبتي بس لما شوفتك حبيتك اكتر وانا من انهارده مكان ماما بلظبط واي وقت ادم يزعلك عرفيني اهزقهولك… منه ابتسمت بحب من بين دموعها فاكلمت ساميه ومن ناحيه اني ابان ام ادم اللي ولدته بصي يا قلب ماما ادم من يوم ما اتولد انا بحكم كنت ممرضه زمان انا شيلته علي ايدي من الدكتوره ساعتها وغيرتله ولبسته وروحت اديته لساره اللي هي صاحبه عمري ساعتها لان انا وساره كبرنا واتربينا سوا وايامها انا مكنتش لسه خلفت وكنت قايمه نايمه عند ساره في ڤيلتها علشان ولدت وبهتم بيها وبادم خصوصا فاوالله يابنتي سبحان من نزل حبه في قلبي لاكتر من ابن وخلاني اتعلقت بيه وعشقته لحد كبير و كانه سبحان الله ربنا بيقولي هيبقي ابنك طول العمر فا عوديه عليكي وكنت بقول لساره دايما ادم ابني البكري حتي ساره كانت بتقوله انا ماما ياادم وهي ماما ساميه علشان مكنتش لسه جبت مالك وكده وهو فعلا كان دايما يقولي ماما وعنيها دمعت وابتسمت بحب واكملت واديني فعلا بقيت ماما وكملت معاه عمره وهو بقي مش بس ابني ده قره عيني وحبيبي معنديش اغلي منه هو ومالك وهما الاتنين لو عايزين عيني هديهالهم وعلشان كده بطلب منك يابنتي اي ان كان الصعوبات اللي هتواجهك انتي وادم علشان متكملوش اقفي ضدد الدنيا كلها واختاري ادم واوعي تخافي او تترددي ابني ممكن يفديكي بروحه لو امكن عادي وبقولك كده يابنتي لان ادم حكالي كل حاجه عن علاقتكم ببعض وانا عارفه من غير كلامي انتي عنيكي قالت كل حاجه وانتي بتموتي فيه زي ماهو بيموت فيكي بلظبط ونفسي يابنتي اشوفه طول العمر مبسوط مع اللي اختارها وربنا يعوضه عن وجعه بقي واشيل بنته او ابنه بايدي وابقي حققت وعد ساره لما قالتلي خليه دكتور وجوزيه ست البنات وانتي يا منه مفيش غيرك تستحق تشيل اسمه كفايه حبك اللي شوفته وشيفاه وعنيك اللي بتلمع لما تيجي سيرته وتنهدت واكملت يوم مايتقفل عليكي باب واحد انتي وابني وتتجوزوا هتبقي انتصرتوا علي كل اللي وقف ضددكم وهتكملوا قصتكم للاخر فبطلب منك يابنتي توعديني انك تعملي كده ومتكسريش ابني وتستسلمي اي ان كان الوضع اللي هتتحطوا فيه لان ادم عمره ما هيستسلم فبلاش الاستسلام يجي منك انتي و انا ماصدقت ادم رجع يضحك تاني وحب وبقي في حاجه يعيش مبسوط علشانها فمش هستحمل اشوفه مكسور تاني ابدااا اوعديني يا منه تكملي معاه وتجيبلي حفيد وتفرحي قلبي وتمسكي في حبيبك اي ان كانت المواجهه واي ان كانت الخساره اللي ممكن تخسريها علشانه
منه بدموع وحب اوعدك طبعا اني هكمل معاه واوعدك ان مهما حصل هبقي علي ذمه ادم بس طول العمر وعمري ماحب ولا اشوف راجل غيره ولا اشيل اسم راجل غيره طول حياتي حتي لو مش هتجوز خالص واوعدك هجبلك حفيدك او حفيدتك ولو مكنوش من ادم يبقي مش هخلف طول حياتي وابتسمت بدموع واكملت ده انا نفسي اصلا ده يحصل وباست جبينها واكملت متقلقيش يا ست الكل ابنك في ايد امينه وانا عارفه وحاسه هو شاف ومر بايه ونفسي اعوضه فعلا عن كل ده وربنا يقدرني وهعمل كده ومش منه اللي تكسر ادم بايديها يا ماما ولا تجرحه مستحيل لان هبقي جرحت نفسي .. ادم ده انا يا ماما ادم هو كل دنيتي ومليش غيره ولا حياتي تسوي من غيره اصلا وانا مستحيل اتخلي عنه فاطمني اوي
ساميه حضنتها واكملت بحب ربنا يحميكي يابنتي ويطمن قلبك زي ماطمنتيني
وخرج ادم فكلهم راحوله بلهفه
منه بقلق ودموع وهي بتلعب في ايديها ها طمنا يا ادم
عمر بدموع ايه يا ادم ماتنطق
ساميه بدموع ابوك يا بني ماترد
ادم بضحك يا جماعه انتوا مش سايبنلي فرصه اتكلم اصلا يلا اتصلولي بدكتور مجدي يعقوب يجي يكرم دكتور ادم سليم وعرفوا ان في جراحين جامدين هنا لسه متخرجوش من الكليه اصلا
منه حضنته بدموع فرح واكملت بعياط وفرح الحمدلله الحمدلله يااااارب انا مش مصددددقه بجدددد مش مصددددقه
ادم ضمها ليه اكترر واكمل بحب الفضل بعد ربنا يرجع لدعمك ليا يا نورعيني الوحيده اللي قولتيلي ادخل انت قدها
منه بدموع وحب لاني بثق فيك اكتر من نفسي يا ادم بجد الحمدلله الف حمد وشكر
ساميه بدموع فرح اشكرررك واحمد فضلك يارررب اشكررك يارررب وفضلت تعيط
ادم حضنها واكمل بضحك ما خلاص يا سوسو عرفنا انك بتحبيه اوي ومتقدريش تعيشي من غيره حتي بعد العمر ده كله
ساميه ضحكت من بين دموعها واكملت يا واد اتلم يا واد طبيعي بحبه ومقدرش اعيش من غيره مش جوزي
منه برفعه حاجب ليه يا سي ادم هو الحب بيروح بلعمر ولا ايه
ادم راح ناحيتها واكمل بضحك بزمتك انتي مقتنعه طب ده ادم ميقدرش يعيش من غيرك اصلا وكل يوم حبك بيزيد في قلبي مش بيقل
منه بحب اممم ايوه كده
تاليا بفرح الف الف حمدلله علي سلامه عمو يا دكتور بجد ربنا يحميك كلنا فخورين بيك اوي
ادم بحب الله يبارك فيكي يا مرات اخويا
عمر حضنه واكمل بدموع فرح اخوك فخور بيك اوي اوي بجد الف الف مليون حمدلله علي سلامته يا حبيبي
ادم بحب الله يسلمك يا غالي وضحك واكمل معلش بقي نزلناك يوم صباحيتك لامتحانات ومستشفي وتلاقيك كنت عايز تروح جري للعروسه ومصدقت انك اتخرجت
تاليا بصت في الارض بخجل
وكلهم قعدوا يضحكوا عليها
عمر حط ايده علي كتفها وضمها ليه واكمل بضحك سيبك منه يا حبيبتي ده هو بس بيحقد علينا
ادم بضحك يا رااجل
تاليا وانتي صح يا مهزقه باباكي اتصل بيا قالي هي منه فين هو انتي كنتي مفهماه انك عندي وانتي اصلا مع
ادم بصلها بحده وفضل يكح واكمل كح كح كح اه كانت ..كانت مع جيسي اختها قالتلي الموضوع ده قولتلها لا عرفي ابوكي بعد كده كل حاجه
تاليا فهمت ان بسبب ان امه قاعده فاكملت بضحك ااه ده المفروض بس كل حاجه تقول تاليا تاليا ياشيخه الله يحرق تاليا
منه طلعت لسانها واكملت بغيظ انا براحتي واقول اللي يعجبني
تاليا بضحك ماشي يا منه شوفي مين هتداري عليكي تاني
منه حضنتها واكملت اختي حبيبتي انتي يا توتي
تاليا بضحك كلي بعقلي حلاوه بس ماشي صعبتي عليا
منه ضحكت عليها واكملت ساميه ابوك هيفوق امتي يا ادم
ادم بص في ساعته واكمل ساعتين بلظبط باذن الله
منه فضلت تبصله بابتسامه مليانه حب
ادم بضحك مالك يابت في ايه
منه راحت ناحيته ووقفت قدامه واكملت بحب فرحانه بيك اوي وفخوره بيك لاقصي درجه وانت لابس البالطو كده ودكتور وبتعمل عمليات وقد المسئوليه يارب اشوفك دايما فاعلي المراتب والاماكن يا حبيبي ويجعل الشفا نصيب لكل مريض يجي تحت ايديك واسمك يعلي كمان وكمان وتبقي اشهر دكتور في الدنيا وافضل كل مره اقف واشوفك وانت بتتكرم و اقول بكل فخر اللي هناك ده حبيبي و جوزي وابو ولادي و بجد يا بختي بيه
ادم حضنها واكمل بحب والله ده انا اللي يبختي بيكي ربنا جعل عوضي كله فيكي انتي يا منه بجد لساني عاجز عن انه يرد علي كلامك انا عمري ما بعجز عن التعبير اللي جوايا بكلام غير قدامك انتي لان فعليا مش مجامله مفيش كلمه واحده موجوده ولا كلام الدنيا كله يقدر يوفيكي حقك بس كفايه انتي شايفه وحاسه بقلبي قد ايه بيفرح ويدق جامد وانتي جمبه ويارب تفضلي جمبه طول العمر وميحرمنيش منك ويديمك ليا يا نعمه وكنز ربنا جعلها في حياتي عوض عن سنين كتييره اوي ووجع مريت بيه …انتي فعلا بتصلحي حاجات انتي مبوظتيهاش
ساميه اممم معلشان كده زعقتلها وبهدلتها قدامنا
ادم بضحك شوفي حماتك بتهدي النفوس
عمر بضحك حصل واخد بالي
منه بابتسامه ماما تقول اللي عايزاه
ادم برفعه حاجب الله يعني لسه مقموصه مني يا منه بعد كل ده
ساميه حقها
ادم بضحك ياماما والنبي اسكتي انتي ومتقويهاش عليا
ساميه لا اقويها يخش تنكد عليك علشان طريقتك معاها من الصبح دي
ادم بضحك والله كان غصب عني موضوع بابا كان مأثر عليا اوي وهي عارفه اني في الطبيعي مش كده
منه وقفت ورفعت حاجبها وربعت ايديها وبصتله
ادم بضحك يابت بلاش البصه دي خلاص انا هصالحك وغمزلها وشد ايديها ومشي
ساميه بضحك انت يا واد يا قليل الادب واخد البت و رايح فين .. ادم .. يا ادم ….شوف الواد يا عمر
عمر فضل يضحك واكمل سيبيه يا طنط يصالحها
ساميه بضحك لالا ده احنا مكناش شباب يا عمر يابني والله الجيل اتغير خالص انا افتكر ابو ادم كان جوزي عادي ولما امي الله يرحمها كانت تبقي قاعده جايه زياره كان يتكسف يناديني اجبله حاجه من الاوضه لامي تفهم غلط
عمر فضل يضحك علي كلامها هو وتاليا
تاليا حست بتعب فاكملت عمر
عمر بقلق ايه يا حبيبتي
تاليا هو ممكن اروح وابقي اطمن علي عمو من الفون مش قادره
عمر طب حاضر يلا يا حبيبتي. واكمل طنط معلش هروح تاليا علشان تعبانه وجاي
ساميه بحب روحي يا بنتي روحي يا حبيبتي حقك علينا نزلناكي في صباحيتك
تاليا بحب يا طنط ده زي بابا متقوليش كده الف حمدلله علي سلامته نحمد ربنا انه بقي بخير مش مهم حاجه تاني
ساميه بحب الله يسلمك يا قمرايه تسلمي
عمر هو مالك ميعرفش صح
ساميه بضحك اه وده الاحسن مالك لو عرف كان هيقلبها عزا قبل مايحصل اي حاجه اصلا مش ناقصين فونه مقفول نحمد ربنا ونشكره
عمر ضحك ومشي يروح تاليا
عند ادم ومنه في مكتب دكتور صاحب ادم
منه اهو اديني جيت عايز ايه بقي
ادم باس ايديها واكمل بحب حقك عليا والله كان غصب عني بس انا حسيت اني متربط وان ابويا هيروح مني وانا واقف اتفرج وخوفت عليه اوي وانتي عارفه هو عندي ايه
منه بدموع بس انا معملتش حاجه لكل ده انا كنت عايزه اقف جمبك
ادم سند ضهرها علي الباب وحاوطها بين ايديه واكمل بحب وهو بيمسح دموعها انا اسف يا منه حقك عليا يا نورعيني بجد مقصدش ابدا اوجعك بلطريقه دي بس كنت مشحون طاقه سلبيه وكلام صعب يعني كان بيتردد في تفكيري وده ضغط عليا بزياده فانفجرت فيكي انما مش انتي القصد ابداا يا حبيبتي والله
منه بدموع تمام يا ادم
ادم بضحك تمام بجد ولا بتحوري عليا ?
منه ودموعها علي خدها اكملت وهي بتمسحها خلاص والله
ادم باس خدها واكمل والله ماهتتقرر تاني يا ست البنات
منه ضحكت واكملت بخجل تمام اوعي واتلم بقي
ادم باس خدها التاني وفضل يضحك علي خدودها اللي حمرو من كسوفها
منه بخجل اوعي والله انت قليل الادب علشان كده جبتني مكتب صاحبك نتكلم ما هو واضح الكلام
ادم بضحك الله مش بصالحك
منه بضحك مش زعلانه وحيااتك خلاص اوعي بقي والنبي كده
ادم قرب منها وهو بيقرب علي وشها وماسك وشها مابين ايديه اكمل بابتسامه مليانه حب منا بتاكد بس انك مش زعلانه فعلا
منه بخجل غمضت عنيها وهمست ادم ابعد مينفع
ولم تكمل حتي رن فونها فاتخضت وبعدت عنه
ادم بضيق لازم يرن يعني ويفصلني
منه بضحك والله انت قليل الادب وانا هقول لامك اللي برا دي تربيك اوعي كده علشان ارد
ادم مين ?
منه ده علي
ادم برفعه حاجب علي مين ??
منه بتوتر ده اللي في جروب المشروع بتاعي انا وتاليا هو وبنت تاني احنا الاربعه سوا
ادم بحده اممم والحلو جاب رقمك منين
منه بتوتر بص هتزعقلي تاني اهو الله يخربيت العصبيه علي اللي خلفوها اهدي كده يا حبيبي احنا مهندسين ديكور وده مشروع مطلوب مننا هو بيتصل يعني اكيد حاجه تخص المشروع مش هيحب فيا يعني
ادم بحده نعممم
منه بضحك بقولك مش هيعمل كده
ادم بتذكر اييييوه استني بس استني هو الحيوان ده اللي هو قالك مين ده اللي يقدر يسيبك ساعه لما غنيتي في دهب مش كده ?
منه بلعت ريقها بتوتر واكملت بضحك يخربيت ام الذاكره اتاريك دحيح
ادم بحده والله
منه بتوتر ايه يا حبيبي
ادم بحده انتي عارفه انه عينه منك بس عامله نفسك عبيطه ومش بتعملي حاجه غير انك تحرقي دمي
منه ادم بص
ادم بمقاطعه شد منها الفون و رد واكمل الو
علي بستغراب الو
ادم بحده خير
علي بستغراب ممكن اكلم انسه منه
ادم ضحك واكمل انسه منه ?? لا قصدك مدام منه ادم سليم انا دكتور ادم سليم واكمل بحده جوزها
منه بصتله بتفاجئ وفضلت تضحك واكملت بهمس بس بس يخربيتك ماتشرحله قصه حياتنا احسن
علي بصدمه جوزها طب علي العموم الف مبروك واكمل بحزن انا هسيب المشروع مع ريم قولها تيجي تاخدوا وتضيف الملاحظات عليه وتسلمه لريم تاني علشان خلص
ادم بحده تمام بس ياريت طلما مشروعكم خلص رقمك ميرنش علي مراتي تاني ولا انت تسيب رقمها عندك واظن ده شئ طبيعي
علي بحزن اكيد يا فندم ومبروك تاني
ادم الله يبارك فيك وقفل
منه فضلت تضحك واكملت انت بجد مجنون جلطت الواد
ادم بحده خليه يغور خايفه علي مشاعره ليه مش فاهم
منه طوز فيه ياباشا المهم قالك ايه
ادم بتنهيده منه لله حرق دمي فكل حاجه بس معلش تتعوض وغمزلها
منه بضحك ادم هتتلم ولا اطلع
ادم بضحك خلاص هتلم .. بيقولك حطي ملاحظاتك علي المشروع وسلميه لريم تاني وخلاص
منه طب هروح انا الحق اعمله
ادم دلوقتي ?
منه اه كنت واقفه بس علي شغل (علي) وطلما خلص خلاص هروح
ادم طب استني اجي معاكي
منه لالا الجامعه مش بعيده عن هنا بس علشان عمو وطمني ها
ادم باس جبينها واكمل خلي بالك من نفسك وامسكي حطي المفاتيح دي في السكن عندي علشان متضيعش مني ولو لقيتي مالك متجبيش سيره قدامه خلاص علشان ميقلقش
منه بحب حاضر يا حبيبي
ومشيت
في بيت تاليا
تاليا دخلت وراحت الحمام بسرعه خدت شاور وبعد شويه طلعت ولبست شورت وبدي حماله ستان بينك وسرحت شعرها وقعدت علي السرير بتعب
عمر صفر باعجاب واكمل بحب ده ايه القمر ده
تاليا بتوتر اتلم هاا ويلا روح لصاحبك عيب كده
عمر قرب منها واعتلاها وحاوطها بين ايديه واكمل بضحك بذمتك من الصبح طالع عيني ودلوقتي عايزاني اشوف القمر ده واتلم ازاي يعني وبعدين سيبك من صاحبي دلوقتي انا هروحله شويه كده
تاليا ضحكت بانتصار واكملت غصب عنك هتتلم يا عمور مش بمزاجك
عمر بضحك ليه ماسكه عليا ذله
تاليا حاطت ايديها حوالين رقبته واكملت بضحك لا يا دكتور بس مراتك تعبانه ياروحي
عمر بصدمه بتهزري
تاليا فضلت تضحك واكملت لا والله بجد
عمر بصدمه ده ايه حرقه الدم دي يعني الصبح توتر وتعب اعصاب وامتحانات وحاجه زفت خالص ولما اروح تقوليلي تعبانه وكل ده يوم صباحيتي ياتاليا
تاليا بضحك اعملك ايه منتا اللي نحس
عمر بضحك طب بالله فاكرك بتهزري اصلا علشان تضايقني هو فعلا انتي تعبانه
تاليا بضحك لا مبهزرش اومال انا قولتلك ليه اروح تعبانه علشان اتفاجئت في المستشفي
عمر بتهزري هو انتي متعرفيش مواعيد ليها
تاليا ضربته بخجل واكملت لا معرفش واتلم مالك انت بلكلام ده ها
عمر فضل يضحك عليها واكمل اومال هيبقي ليا بمين يحبيبتي منتي مراتي يعني احنا واحد عادي لو قولتيلي
تاليا بخجل وشها احمر واكملت عمر بجد اتلم وقولتلك معرفش
عمر قعد جمبها يلبس الكوتش واكمل بضحك خلاص نبقي نتفاجئ سوا كل مره انا هروح لصاحبي بلاش مسخره
تاليا فضلت تضحك واكملت ايوه جدع روح
في الجامعه
منه دخلت وراحت قعدت في الكافيه تستني ريم تتصل بيها
جيسي قعدت هي وصافي معاها واكملت جيسي بتلم عليكي بلعافيه يخربيتك فينك من امبارح
منه والله يا جيسي حصل كذا حوار ادم تعب بعديها موضوع تاليا انتي عارفاه بعديها باباه تعب فحاجات كتير ورا بعض
جيسي يالهوي كل ده طب بليل نحكي بقي ها
منه حاضر دلوقتي هطلع احط مفاتيح ادم فوق في الاوضه بتاعته واروح اسلم المشروع وبليل احنا نتكلم
جيسي بحب تمام ماشي يا قلبي بس عدي عليا وانتي نازله من عند ادم عايزاكي
منه حاضر
وطلعت منه ملقيتش حد في الاوضه حطت المفاتيح ورنت عليها ريم قالتلها تجيلها بسرعه فانزلت راحت لريم بسرعه
في الكافيه بعد الامتحان عند مالك
مالك عم حسن القهوه بتاعتي بقي
حسن حاضر يا دكتور خمس دقايق
وفعلا شويه وجبهاله حسن ومشي
ذياد الحمدلله يا شيخ اخيرا خلصنا
مالك بضحك والله انا ماهفرح يوم فرحي كده وشرب القهوه
بعد شويه
لو سمحت يا دكتور
مالك بستغراب مين اانا
الراجل اه انسه منه عايزه حضرتك فوق في الاوضه بتاعه حضرتك
ذياد بستغراب في ايه
مالك تمام روح انت واكمل بتعب واضح اكيد متخانقه مع ادم وجايه تشكيلي
ذياد روح شوفها وابقي طمني
مالك جيه يقوم داخ اوي وقعد تاني واكمل انا مالي في ايه ومسك دماغه
ذياد بخوف مالك يالا انت وشك كله بيعرق كده ليه
مالك معرفش جسمي كله حاسس احساس غريب اوي يخربيت كده طب بقولك ايه هشوف منه وجاي بسرعه ومشي يتنسد بدوخه ويفتح عنيه وشايف تشاش
في الاوضه
دخل مالك وقعد علي السرير ملقاش حد وقال يستناها
عند جيسي وصافي
جيسي بقولك يا صافي هطلع اشوف انا منه كل ده منزلتش وانا عايزاها في حاجه مهمه
صافي طب روحي يا جيسي
في الاوضه جيسي سالت ووصلت لقيت الباب مفتوح دخلت وقفلت براحه اعتقدا منها ان منه جوه وفضلت تتمشي في البيت واكملت بهمس راحت فين دي ودخلت الاوضه واتصدمت من وجود مالك لوحده اللي هي فكراه (( ادم)) ومنه مش معاه وهو بصلها بستغراب شديد من وجودها
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب غير مشروط)
