رواية حب غير مشروط الفصل الخامس والعشرون 25 بقلم لولا
رواية حب غير مشروط الجزء الخامس والعشرون
رواية حب غير مشروط البارت الخامس والعشرون
رواية حب غير مشروط الحلقة الخامسة والعشرون
عمر قعدها وقعد قدامها واكمل قولي يا داليا
داليا بتنهيده انهارده بعد ما انت مشيت ماما ونسرين ضايقوا تاليا اوي وفضلوا يتكملوا علي موضوع الخلفه وقالولها كلام يوجع القلب بجد فتاليا داخلت اوضتها وفضلت تعيط بهستريه وكسرت ادويتها وكانت حرفيا منهاره وحكت ليه كل حاجه حصلت وقالوها بلظبط
عمر كور ايديه بغضب شديد واتعصب اوي واكمل تمام يا داليا روحي انتي
داليا بابتسامه ماشي يا حبيبي تصبح علي خير وباست خده
عمر بابتسامه وانتي من اهله
تاليا وهي داخله اكملت بضحك الله هو اذا حضرت الشياطين ذهبت الملائكه ولا ايه ماتخليكي جبتلنا شاي
داليا بضحك لا يا عمري طبعا انتي عارفه غلاوتك بس انا يادوبك هنام عندي محاضره الصبح بدري
تاليا بضحك الحمدلله الذي عفانا بجد ربنا معاكي يا قلبي
داليا بحب يارب يلا تصبحي علي خير
تاليا بحب وانتي من اهله وقفلت باب الاوضه وحطت الصنيه علي التربيزه وقعدت جمب عمر
عمر بتنهيده انتي جايبه ليه 3 شاي
تاليا وهي بتديه الكوبايه اكملت لينا ولداليا بس داليا هتنام خلاص
عمر لا متشربيش شاي انتي .. روحي رجعيه مكانه من امتي بتحبيه اصلا
تاليا ماهو داليا الصبح عملتلي وعجبني
عمر كماااان يعني شربتيه الصبح كمااان لا يا تاليا مينفعش الكلام ده انتي عندك الضغط سيبي الشاي زي ماهو كده وروحي هاتي عصير وتعالي علشان عايزك في حاجه مهمه
تاليا بستغراب خير ?
عمر بتنهيده روحي بس يلا
تاليا بضيق ياعمر سبني اشربه اخر مره بالله
عمر غمض عنيه واكمل بهدوء طب انا مش عايز اتعصب عليكي اقسم بالله يا تاليا فا لو سمحتي تقومي تبدليه وتجيبي عصير
تاليا بضيق حاااضر وقامت فعلا حطيته جوه وجابت عصير وقعدت جمب عمر واكملت ها خير يا حبيبي عايزني في ايه ??
عمر بتنهيده ايه كسر ادويتك كده ?
تاليا بتوتر ايه اه هو… هو كنت بجيبهم الصبح فوقعوا مني واتكسروا
عمر امممم طب خلصي العصير وقومي حضري شنطتنا
تاليا بستغراب ايه ده ليه هنروح فين ?
عمر خلصي بس واسمعي الكلام وبلاش مناهده
تاليا في ايه يا عمر مش تفهمني طيب
عمر هتفهمي بس قومي حضري الشنطه
تاليا استغربت جداا بس خلصت العصير وقامت حضرت هدومها هي وعمر في شنطه كبيره
تاليا اهو بس ليه بجد هنروح فين
عمر وهو بيزرر القميص اكمل البسي يا تولي وهتعرفي متستعجليش
تاليا عمر بجد انا مش فاهمه حاجه هو طقت في دماغك كده فاجاه ننزل ??
عمر بتنهيده ومين قالك كده
تاليا وهي بتلبس الدريس اكملت طريقتك يا عمر انت من دققتين كنت بتطلب الشاي وهتشربه وتنام حصل ايه لكل ده بجد
عمر بتنهيده يعني انتي مش عارفه يا تاليا ?
تاليا وهي بتحاول تقفل السوسته اكملت بستغراب مش عارفه علي ايه
عمر راح وراها واكمل اوعي هقفلهالك وتاليا شالت ايديها وهو قرب منها ورفعها ليها وحضنها من ضهرها بحب واكمل انا مش هقعد هنا تاني دقيقه واحده بعد اللي عرفته يا تاليا
تاليا بتوتر عرفت ايه يا عمر ??
عمر لفي طرحتك بس ويلا وعرفت اللي انتي بتفكري فيه وحسابك معايا بعدين علي كدبك عليا لما سالتك الاوديه اتكسرت ليه
تاليا بدموع انا مكدبتش هي فعلا اتكسرت بسببي والله
عمر بحده قصدك كسرتيها بنفسك من اللي سمعتيه
تاليا عنيها دمعت بصمت
عمر وقف قدامها وكمل هو لف طرحتها ودخل شعرها لجوه واكمل بحده يلا ومسك ايديها والشنطه وخرج
في الصالون
سهير بستغراب ايه ده ايه الشنطه دي علي فين يا عمر
عمر بحده رايح بيتنا القديم
نسرين بستغراب ايه ده ليه هو
عمر بحده ميخصكيش وموجهتش ليكي الكلام
سهير بحده انت ازاي تتكلم معايا انا وبنت عمك بلشكل ده ها قولنا ايه يعني
عمر بعصبيه مش هيكون اسوء من كلامكم السم لمراتي اثناء غيابي
سهير بصت لتاليا بكرهه واكملت الله كده انا فهمت واكملت بحده سخنتك علي اهلك يا عمر وانت زي الاعمي صدقتها مش كده ???
عمر بعصبيه تاليا مفتحتش بوقها ومش هسكت علي اي كلمه هتتقال في حقها تاني وطريقتك وكدبك ده خلاني فعلا اعرف انكم تعملوا اللي سمعتوا واكتر
سهير بحده انت مين كلمك ووصلك كلام غلط خلاك عصبي للدرجه دي كل اللي حصل ان بنت عمك مكانتش تعرف وفتحت موضوع الخلفه الموضوع كله من غير قصد اصلا
عمر بحده امممم مكانتش تعرف ااااه طب بصي بقي علشان نبقي بنلعب علي المكشوف ومن غير لف ودوران اولا داليا اللي حكتلي كل حاجه وكل الكلام اللي اتقال ثانيا وده الاهم انا عارف نسرين كانت تعرف حاله مراتي وعارف انك حكيالها كل حاجه وعارف ان قصدكم تسموا بدن تاليا بلكلام علشان تحس بلذمب تجاهي وعارف ان نسرين ولا مش مرتاحه في اسكندريه ولا الكلام الفاضي ده هي جايه هنا ونقلت علشان عندها امل احبها زي ماهي بتحبني ولبست لبس قذر قدامي انا وصاحبي ومهماش فاكره اني من النوع ده وهريل عليها وامشي وراها فانا فاهم كل حاااجه بس عامل نفسي عبيط لاني مش مدي اعتبار لاي حاجه بتعملوها اصلا بمعني اصح سايبكم تهروا مع نفسكم انما لحد عند مراتي لا والف لا مش هسكت لحد
نسرين بدموع للدرجه دي علشان بحبك تحسسني اني قليله كده يا عمر
سهير بحده بس يابت متعيطيش قليله مين اللي قليل صح اللي ناقص حاجه انما انتي فيكي ايه انتي زي الفل
تاليا عنيها دمعت وبصت للارض بوجع
عمر شدها لحضنه واكمل بعصبيه اللي قليل صح اللي عنده نقص في القلب والعقل ومش بيعرف يحدد كلامه اللي بيقوله ولا فاهم اي حاجه في الدنيا لانك لو فاهمه صح انتي وهي هتعرفوا ان بحب مراتي ومش هشوف غيرها مهما تعملوا .. تاليا مفيش منها في الدنيا كلها انا مراتي دي ست البنات ولو الزمن يرجع بيا مليون مره هختارها فكل مره ..يوم جوازي منها واليوم اللي هي حلمت بيه واستنه سنين قبل ماقربلها حكتلي كل حالتها وبرغم خوفها ساعتها اني اسيبها او اتجوز الا انها قالتلي مقدرش امنعك وابقي انانيه حتي لو مش هقدر اشوفك مع غيري فعلا واحده زي دي مش موجوده ولا هتبقي موجوده انا مش متجوز واحده علشان تخلفلي انا عايز واحده تصوني وتصون اسمي وتقف جمبي وتسندني وبنت ناس واصيله وبص بقرف لنسرين واكمل وملتزمه وجسمها غالي مش كلها رخص … وقبل مانتجوز تاليا كانت تشوفني تحط عنيها في الارض وانا ولا شوفت في جمالها ولا اخلاقها ولا هشوف غيرها اصلا ليوم ما اموت فوفري علي نفسك انتي وهي طاقتكم وانا كده كده سيبهالكم مخضره وغاير
نسرين بدموع خليك يا عمر متمشيش من بيتك همشي انا
سهير بحده بس يابت بلا تمشي .. تمشي تروحي فين انتي نقلتي خلاص وانت ياعمر طلما مراتك معندهاش مانع.خلاص اتجوز بنت عمك وخلف وتاليا تفضل معاك مقولناش حاجه انما انت مش من حقك ابدا تحرمني. من اني اكون جده وميبقاش في وريث لعيلتنا انت ابني الوحيد ارجوك بطل انانيه
عمر بحده وانا يا ماما اختصارا للكلام لو خيروني بين عمري وفلوسي وحياتي كلها واني اكون اب كمان ولا اختار تاليا واخسر كل الدنيا انا هختار تاليا واخسر كل الدنيا
تاليا بصتله بحب كبير وعنيها مليانه دموع
سهير بحده يعني ايه ااكلام ده
عمر بحده يعني اللي سمعتيه داليا اهي ربنا يخليهالنا تخليكي جده وتفرحك انما انا مش عايز ابقي اب ومش عايز غير مراتي وسبق وحلفتلك علي المصحف لو مخلفتش من تاليا مش هخلف من غيرها وعمري ما اقرب لست غيرها حتي لو هموت فكل اللي بتعمليه ده وقت وطاقه بتتهدر علي الارض مش اكتر وطول منا عايش مش هسمح لاي حد في الدنيا يدوس لمراتي علي طرف تاني خلاص هي علشان هبله وطيبه وبتسامح خلاص حقها يضيع ? واصلا مرديتش تحكيلي حاجه من كتر طيبتها واحده غيرها كانت حكت وكان هيبقي حقها انما هي مرضيتش تعمل مشاكل بينا مع ان ليها الحق انما انا مبسامحش بقي لان كرامه مراتي من كرامتي ووجعها اللي حست بيه ده وجع قلبي زي ماوجع قلبها بلظبط ومش هسمح لاي حد مهما كان مين يقول كلمه تاااني في حق تالياا ومسك الشنطه واكمل بهدوء يلا يا حبيبتي
سهير بدموع عمر ..عمر متمشيش علشان خاطري خلاص خليك وانا مش هكلمها تاني لا انا ولا نسرين بس خليك يابني ارجوك
عمر بحده سبق وقولتلك لو طريقتك معجبتنيش وضايقتي تاليا هسيبلكم البيت كله وهمشي وانا مش بقول كلمه وارجع فيها ابد … لما تراجعوا نفسكم بقي وتعرفوا انكم غلطوا في حقها نبقي نرجع انما انا بعد اللي سمعته ده اخاف اصلا انزل الشغل واسيبها معاكم تاني خلاص
سهير بدموع يابنتي قوليله ارجوكي احنا مش هنكلمك بس قوليله
تاليا بدموع عمر معلش هو ممكن
عمر بحده هششش ممكن مسمعش صوتك طيبتك الزياده دي هي اللي خلتهم جم عليكي انا اللي بقولك اهو بعد كده متسكتيش لحد مهما كان مين انتي مفكيش حاجه عيب ولا حرام علشان تتكسري من كلامهم بلشكل ده جوزك وقايلك انا معاكي ومش فارقلي يبقي تردي تقولي كده انا وجوزي مش عايزين مش تكسري ادويتك بلشكل ده وكمان تخبي عليا ولما اسالك تكدبي لا يا تاليا لا مش هنقعد يعني مش هنقعد يلااااا
سهير بدموع مسكته واكملت يابني حقك عليا مش هكلمها تاني بس خليك في بيتك طب انا هطلع انا ونسرين فوق بس خليك
تاليا بدموع يا عمر خلاص مامتك بتعيط متوجعهاش بلطريقه دي
عمر بحده كفياكي طيبه بقي وانتي مين بص لوجعك مين بص لكسرتك مين سمع عياطك وهون منهم عليكي علشان صعبان عليكي اوي زعلها قولتلك وهقولك اللي يجي عليكي جيه عليا انا وانتي واحد انتي مراتي وملكيش غيري ووجبي لما حد يجي عليكي اقف وانا اجبلك حقك وانا ومش هقعدك في مكان عارف انه هيتعبك حتي لو ايه
سهير بدموع يابني عارفه غلطت بس مش هقولها اي حاجه تاني وانت براحتك مش عايز تتجوز متتجوزش بس خليك في بيتك
عمر بحده انا كده كده مش هتجوز سواء بكلامك او من غيره وده امر مفيهوش نقاش انا متجوز وقولتلك تحرم عليا ستات الدنيا كلها معادا مراتي وبرافو يا امي برافو علي تدخلك في حياه ابنك وكسرتك لمراته بلشكل ده وخراب البيت اللي حصل من ورا تفكيرك انتي والهانم
ومسك الشنطه وايد تاليا ومشي ورزع الباب
نسرين بدموع هتعملي ايه يا مرات عمي
سهير بغضب ودموع ده انا هعمل وهعمل بنت الكلاب اللي عصيتوا علي امه دي وخلت ابني يقف قصادي علشانها ده عمره ما عملها ماشي اما وريتها مبقاش انا سهير وبصت لنسرين واكملت بخبث هنفذ الخطه التانيه اللي قولتلك عليها
نسرين بستغراب ازاي عمر مشي
سهير بحده هرجعه بس يومين ولا حاجه وهنروح وهقولك نعمل ايه وهنرجعه بس هو مجرد مانرجعه هننفذ والحيوانه دي لازم تتطلق منه بعدها
بعد شويه في بيت عمر ااتاني
عمر فتح الباب واكمل تعالي يا حبيبتي
تاليا دخلت واكملت بدموع عمر انا عايزه اتكلم معاك
عمر حاضر يا قلبي ننضف بس البيت علشان بقالنا كتير سايبينه وبعدين نتكلم زي مانتي عايزه
تاليا طب خليك انت انا هروق وهعمل كل حاجه
عمر بابتسامه قولت هساعدك يلا بس
وفعلا فضلوا ينضفوا لحد ما الصبح قرب يطلع
تاليا دخلت خدت شاور وعمر عمل كده في الحمام التاني وطلعت رمت نفسها علي السرير بتعب
عمر دخل الاوضه وهو بينشف شعره ولابس بنطلون بس واكمل بضحك اتهديتي انا عارف حقك عليا
تاليا بضحك لالا عادي يا حبيبي
عمر راح خدها في حضنه واتغطوا واكمل ها عايزه تقوليلي ايه ياست البنات
تاليا الاول قوم البس تيشرت علشان داخلين علي شتاء متتعبش
عمر مش بعرف انام غير كده مانتي عارفه سيبك مني وقولي اللي عايزاه
تاليا بجد يا عمر تبرد انت ازاي هتنام كده
عمر اتغطي كويس وحضنها اوي واكمل بضحك اهو ارتاحي اديني ادفيت بحضنك
تاليا ابتسمت بخجل واكملت المهم
عمر بحب اممم سامعك
تاليا بحزن انا مكنتش عايزه اسيب بيتي يا عمر عمر رايح يتكلم اكملت وقبل ماتتكلم انا عارفه انت هتقول ايه وحقيقي اول مره احس ان ليا سند وضهر وعمري ماحسيت احساس حلو غير وكان معاك بس دي مامتك وعنيها دمعت واكملت انا لو كان ربنا كاتبلي اخلف وابني وقف قصادي علشان مراته انا هتقهر يا عمر بجد
عمر بتنهيده ده انتي برغم كل اللي قالته وعملته في حقك بردو صعبت عليكي … طب انتي يا تاليا تقدري تقفي تسمي بدن مرات ابنك زي ماهي بتعمل
تاليا بدموع لا بس
عمر مبسش يا تاليا مبسش سبق وحذرتها بيني وبينها تعمل حاجه زي كده وهي مسمعتش الكلام وجرحتك وراحت جابت نسرين وبترسم وتخطط ولا اكني راجل وليا حق اختار البنت اللي هكمل معاها عمري اللي جاي ومع ذلك كبرت دماغي انما طلما وصلت انها توجعك بلكلام هي والحيوانه دي في الرايحه والجايه لا مش هسكت ابداا
تاليا بدموع ماما هتفكرني قويتك عليها يا عمر ومش هتسامحني
عمر بحده شالله ما سامحتك هو انتي عملتلها ايه يعني علشان تسامحك اصلا انا محدش بيمشيني علي كيفه وانا اللي قررت وانا اللي نفذت وخلصنا الكلام علي كده انتي فارق معاكي في ايه البيت او غيره
تاليا حضنته واكملت انا مش فارق معايا غير اني هنام في حضنك هنا او هناك او في الشارع حتي مش مهم المهم انك معايا يا عمر
عمر بحب والله عمر ماغلط ابدا في انه اختارك يا تاليا ربنا يديمك ليا يانورعيني وباس جبينها واكمل حقك عليا علي كل كلمه اتقالت في غيبتي وعلي كل دمعه نزلت منك
تاليا بدموع وحب انا معرفش عملت ايه في دنيتي حلو علشان ربنا يكافئني بيك يا عمر
عمر بحب انتي كلك حلوه وزي القمر وزي ماربنا عوضك بيا عوضني بيكي انا من يوم مادخلتي حياتي وهي اجمل
تاليا باست خده واكملت بحب ربنا يخليك ليا يارب يا حبيبي
عمر بضحك بتبدائي بعدين نرجع نزعل
تاليا سندت راسها علي صدره وغمضت عنيها واكملت بضحك نام يا عمر واتلم
عمر بضحك الحقيقه واحشاني وماصدقت انك بدائتي
تاليا بضحك عمر نام بجد فاضل 4ساعات وتنزل شغلك مش هينفع
عمر وهو بيرفع الغطا عليهم اكمل بضحك مين قالك مش هقدر اصحي لالا لسه متعرفيش جوزك انتي لسه وقرب باسها بحب
تاني يوم الصبح في بيت شهد
شهد قامت من النوم ملقيتش حاتم جمبها
شهد بنوم اكيد مشي وقامت خدت شاور ولبست قميص سماوي حمالات وقصير بقبل الركبه ووقفت سرحت شعرها الطويل واكملت بارتياح ده الواحد كان همدان اوي وخرجت راحت المطبخ وابتدت تحضر الفطار واكملت بابتسامه اخيرا بعرف اتحرك والبس وهاخد راحتي شويه قبل مايجي البيه ويقرفني
ولقيت ايده بتتلف علي وسطها
شهد شهقت بخوف
حاتم بضحك اهدي اهدي ده انا … اقرفك والله خساره فيكي شوربه الخضار امبارح
شهد باحراج من لبسها اكملت تصدق انك قليل الادب كنت فين هااا وازاي متعرفنيش انك في البيت
حاتم كان باصصلها باعجاب واضح وساكت
شهد بحرج حاتم والنبي غمض عينك واتوترت اوي وحاولت تقف علي اطراف صوابعها علشان تطوله وتحط ايديها علي عنيه بس هي قصيره
حاتم بضحك بس بس مش هتعرفي انتي بطوليني وانا قاعد بلعافيه بس اهدي كده الله يرضي عنك
شهد اتجمعت في عنيها الدموع واكملت بليز متبصش عليا كده
حاتم فضل يضحك واكمل بحب اومال ابص علي مين وحط ايديه علي وسطها وشدها ليه واكمل غير مراتي حلالي يعني وبعدين منا شوفت كل حاجه بتداري مني ايه مش فاهم وفضل يضحك
شهد ضربته في صدره واكملت بحرج بجد انت مش متربي اوعي كده
حاتم بحب لالا ده لما لبستي الاسدال فتره نساني الجمال ده والله يابت يا شهد وحط ايديه مشاه علي شعرها
شهد بحده حاتم ابعد علشان ادخل البس
حاتم نتفق اتفاق
شهد بضيق اخلص
حاتم بضحك تعمليلي فطار معاكي بعدين اسيبك تلبسي
شهد طب هعملك لما البس فرقت معاك ايه
حاتم بضحك لا وانتي كده
شهد بحرج طب ماتبصش عليا ممكن
حاتم بضحك لا ماهو من الشرط اني هبص براحتي ولفها وقفها قصاد الرخامه وحضن ضهرها بحب واكمل يلا اعملي الاكل
شهد برفعه حاجب والله ? اعمله ازاي وانت ماسك فيا كاني ههرب كده
حاتم بضحك اخص عليكي اسمها حاضنك يا عديمه الرومانسيه
شهد بحده اي ان كان بطل محن واطلع عايزه اتنيل اخلص الاكل
حاتم وهو حاضنها اكمل خلصي وانا كده يا شهد وانجزي بقي
شهد بتنهيده صبرني علي ما ابتلتني يااارب
حاتم ضحك وهي بدات تعمل الاكل وهو حط ايديه علي بطنها المنفوخه نسبيا واكمل بضحك شكلك عسل وانتي كلك 150 سم ومنفوخه كده شبه الكوره وفضل يضحك
شهد بابتسامه منه لله اللي كان السبب بقي
حاتم برفعه حاجب امممم منه لله طيب يا شهد تشكري
شهد لفتله واكملت بضيق بجد بطني مش عجباني كده انا كنت رفيعه اوي
حاتم بضحك يابنتي ده هما 5 شهور من دلوقتي وهترجعي زي ماكنتي تاني عادي يعني وبعدين والله شكلك عسل اوي
شهد بتنهيده تميت 4 بسرعه اوي
حاتم اممم معلشان كده انا ممشيتش بعد الفطار هنروح نعرف نوع البيبي سوا
شهد بتفاجئ انتي هتيجي معايا ?
حاتم طبعا اومال هتروحي لوحدك
شهد بصتله بعيون مليانه دموع واكملت بلاش يا حاتم
حاتم بتنهيده بلاش ايه يا شهد
شهد بدموع بلاش تهتم بيا ارجوك سبني في حالي وانا والله وعد مني هخلي بالي من ابنك او بنتك بس بلاش تعاملني كده حاتم رايح يتكلم قاطعته شهد واكملت بدموع انا عارفه انك بتهتم بيا لاني شايله ابنك مش اكتر من غير ما انت تقولها بس انا مش عايزه اعشم نفسي ب 1 % انك تفضل كويس كده معايا لانك مش هتتغير فارجوك بلاش ووقفت تعمل الاكل وهي عنيها بتدمع وهو خرج من المطبخ بضيق وقعد في الصالون
شهد بدموع يعني فعلا كل طريقتك دي علشان الحمل بجد انا تعبت اوي يارب تعبت
في بيت ادم فونه رن
ادم رد واكمل بنوم صباح الخير يا حبيبتي
منه يانهارك يا ادم لسه نايم قوم علشان تلحق تخلص شغلك وتقابل بابا
ادم وهو بيقوم اكمل حاضر يا منه اديني قايم اهو واتاوب واكمل انتي هتمشي يومك انهارده ازاي
منه لا انا مش هنزل انت بس خلص مع بابا وكلمني علشان انا هبقي متوتره لوحدي
ادم بضحك ولا تتوتري ولا حاجه سهله باذن الله
منه بخوف مش عارفه خايفه اوي يا ادم
ادم بحب متخافيش يا حبيبتي خير باذن الله مرضيش بقي انتي عارفه هتصرف ازاي
منه بتنهيده ربنا يستر
ادم بحب يارب يا حبيبتي يلا هسيبك علشان البس انا
منه بحب ماشي يا حبيبي بلا باي خلي بالك من نفسك
ادم بحب حاضر يا حبيبتي. باي
وقفل معاها وقام يلبس
ساميه دخلت واكملت انت صحيت يا ادم كنت داخله اصحيك
ادم اه ياست الكل منه لسه رنه مصحياني دلوقتي
ساميه بضيق اممم طيب يا حبيبي وبصت لمالك واكملت وانت طلما صاحي مصحتش اخوك ليه
مالك انا معرفش مواعيده يا ماما والله
ساميه بحده عملت ايه في موضوعك
مالك بتنهيده علي ايه يعني
ساميه بحده علي البت اللي اتنيلت معاها
مالك بنفخ ماما الله يخليكي متزوديهاش عليا انتي عارفه انه غصب عني قولتلك هتجوزها قبل ماتم شهرين خلاص بقي
ساميه اممم وابوها اصله هيردي بيكم انتوا الاتنين لبناته
ادم بتنهيده عمو كمال وافق يشوفني وهروحله انهارده
ساميه بصدمه نعم تروحله فين
ادم بستغراب في شركته هيكون فين يعني
ساميه بتوتر لالا متروحش دلوقتي اهدي شويه في ايه مش هتطير يعني الدنيا
ادم بستغراب ماما هتفرق معاكي ايه عايز اعرف
ساميه بدموع ابدا بس بس بلاش يا ادم لو بتحب امك تروح النهارده اجلها شويه وابقي روح ممكن
ادم بضحك ماما هو ايه يستدعي انك تعيطي دلوقتي في ايه يا حبيبتي عادي يعني بتحصل بعدين مينفعش الراجل يحدد معاد ومروحش يبقي ليا عين اقول عايز بنته ازاي بقي
ساميه بدموع وخوف ماشي منا فاهمه بس استني يعني انت لسه متخرج اهدي شويه علشان تروحله جاهز اكتر
ادم بستغراب اكتر ماما انا رايح اتقدم بس عايز اعرفه اني عايز بنتك هتفرق معاكي ايه دلوقتي ولا بعدين منا مش قادر افهم بجد
ساميه بحده ووجع مش هتفرق يا ادم اعمل اللي تعمله وخرجت ورزعت الباب
مالك بضحك هي مالها دي علي الصبح
ادم بتفكير معرفش بس تصرفاتها غريبه اوي
مالك بضحك يمكن غيرانه من منه ان هتاخد الكبير بقي والفرحه الاولي
ادم وهو بيلبس اكمل لا هي بتحب منه وكانت مبسوطه بلموضوع معرفش ايه خلاها قلبت كده
مالك بتنهيده ياعم فكك امك بتحبك زياده بس تلاقيها مش متقبله فكره انك تمشي وتسيب البيت فعلشان كده بتقولك دلوقتي لا
ادم وهو بيلبس الكوتش اكمل بتنهيده يمكن يلا هنزل انا عايز حاجه
مالك بحب سلامتك يا حبيبي
في اوضه ساميه
ساميه واقفه قدام صوره ليهم هي وساره وسليم وابراهيم واكملت بدموع حقك عليا ياساره معرفتش امنعه من انه يوصل لكمال يمكن ميعرفش ان كمال هو اكبر عدو ليه والسبب في وجعه السنين دي كلها بس انا مكنتش اتمني ابداا ان يجي اليوم اللي كمال يقابل ادم خصوصا ان فاكرو انه بعد الشر مات وعياطها زاد واكملت كمال مش هيوافق بابنك يا سليم كمال مجرد مايشوفه هيشوفك فيه ابنك اللي نسخه منك فكل حاجه وطباعك حتي ملامحك وعياطها زاد واكملت بوجع مكنتش عايزاه يقابله كده القديم هيتفتح وادم مش قد كمال ولا كمال هيرحم ادم لو عرف انه عايش مضمنش يمكن يحاول يقتله المفروض كان يبعد عن منه خالص ابنك ياساره هيوقف قلبي عليه ساب بنات الدنيا كلها ومحبش غير بنت كمال وفضلت تعيط واكملت اتصرف انت واحميهولي يارب .. يارب يعدي الموضوع ده علي خير يارب
في الفيلا في الصالون
منه نزلت واكملت مالك يابت قالبه بوزك كده ليه
جيسي بضيق عادي مالي منا قاعده اهو
منه بضحك هو لوكا منكد ولا ايه
جيسي بضيق اسكتي اسكتي جيبي سيره حاجه عدله
منه قعدت جمبها واكملت بضحك يابت هو مش ده اللي فكرتيه ادم وقولتي قمر اوي كمان حصل ايه دلوقتي
جيسي هو انا قولت وحش ماهو قمر مقولناش حاجه بس مش بقبله
منه بضحك مش بتقبليه ااه قولتيلي طيب ياروحي
جيسي منه والله لتسكتي علشان انا مش طايقه نفسي خالص البيه حابسني في البيت
منه بستغراب ليه هو مالك قالك متنزليش
جيسي لا طبعا بس قالي ملبسش زي ما بلبس وانا معنديش غير كده فقولتله لا انا مش هغير من نفسي من يوم وليله ومش هتنيل خالص قالي يكون احسن بردو واتعصب عليا
منه فضلت تضحك واكملت بالله تستاهلي هو انتي مشوفتيش ادم عمل فيا ايه ودول اخوات يا حبيبتي اخوات ومتربين سوا المفروض تكوني عارفه ان هتقابلي نفس الطباع
جيسي بضيق علي رايك والطباع دي هي اللي خلتني اتلغبط بينهم وافتكرت ادم هو مالك لان مالك اداني قميصه مره في دهب زي ما ادم اداكي قميصه مره
منه بستغراب انتي شوفتي مالك في دهب
جيسي بتنهيده اه وكمان مره في البار وحكتلها
منه بحب ياروحي يعني كان غيران عليكي علشان كان بيحبك ساعتها وادم قالي انه بيحبك بقاله كتير اوي اصلا
جيسي بتنهيده اه قالي كده
منه بحب والله يابختك بمالك بيحبك اوي وشاريكي بيحبك لدرجه واحنا راجعين كان مضايق خالص اكيد بسبب خناقتكم دي
جيسي بتنهيده عارفه انه كويس وبيحبني بس الموضوع جيه فاجاه فاهماني
منه بحب فاهماكي وحطت ايديها علي بطنها واكملت والقرد ده هيقربكم اكتر وهتشوفي ومالك اصلا بيموت فيكي وهيخليكي تحبيه
وفون منه رن
منه بضحك شوفي بيجي علي سيرته الو يا جوز اختي
مالك بضحك مرات اخويا الغاليه
منه بضحك يا صباح المصالح يا لوكا طلما فيها مرات اخويا الغاليه ها اديها الفون ?
مالك بضحك لالا يا مرات اخويا للدرجه دي حفظتيني
منه بضحك عيب عليك
مالك بضحك طب هاتهيا الحيوانه دي علشان قافله تليفونها قصد وانا عايز اطمن عليها
جيسي بصت لمنه و برقت بغيظ وهمست شايفه واضح انه بيحبني فعلا
منه بضحك طب انتي سمعتي حيوانه ومسمعتيش اطمن عليها يا جيسي ?
مالك الله هي جمبك ?
منه بضحك ااه
مالك بضحك طب مش جدعنه منك دي يا منمن مفروض تخليني افرمل ينفع لبستيني في الحيط كده
منه بضحك قابل بقي مش انت اللي لسانك متبري منك
جيسي شدت الفون واكملت بغيظ مين اللي حيوانه يا مالك هااا
مالك بضحك مش انتي يا عمري هو انا اقدر ده انا بقولها هاتي جيسي اطمن عليها علشان ماصدقت الفون جمع الشبكه الحيوانه كل شويه تروح وتيجي بس مش اكتر اوعي تفهمي غلط
جيسي لا والله
مالك بضحك من غير حلفان خلي في ثقه شويه بينا يا جوجو
جيسي اممم منا عارفه .. اخلص عايز ايه
مالك اخص عليكي دي طريقه تكمليني بيها
جيسي اومال اعملك ايه اقوم ارقص وانا بكملك مثلا
مالك بضحك لا وفريهم لبعد مانتجوز
منه فضلت تضحك واكملت من بين ضحكها لالااا مش قادره منا بقول بردو اخوات مش معقوله ادم بس اللي سافل يعني
جيسي بحرج انت بتقول ايه انت اتجننت الله يخربيتك منه جمبي والصوت واضح
مالك فضل يضحك واكمل منا عارف انها جمبك وسمعت ردها احنا الاتنين مشوفناش ربايه اصلا بس لسه هتكشتفوا ده مع الوقت ثم اني قولتلك لما نتجوز يعني ساعتها هتكوني حلالي يبقي متقدريش تتكلمي ولا ايه يا منمن
منه بضحك حقك طبعا يا لوكا اومال مش جوزها
جيسي بحرج ماتحترمي نفسك يا منه انتي كمان مالك بجد هتعصب
مالك امممم علي مين ??
جيسي بضحك علي منه هيكون مين يعني
منه بضحك جيبي ورا جيبي ورا والله عامله زيي ادم مجرد مايقولي اممم دي بقلق وبرجع في كلامي وفضلت تضحك
جيسي بضحك يعني حظنا بلوتين زي بعض بقي
منه بحب لا ياختي دومي مش بلوه ده حبيبي
مالك بضحك الله الله ياست شايفه البنات يابختك يا عم ادم
جيسي دي ملزقه دي انا مليش فيه الكلام ده
مالك بضحك وماله هنخليكي ليكي فيه وهنشوف حورات لبسك اللي هتجبلي السكر بدري دي بس الصبر
جيسي مالك انت بتقلقني منك ليه ?? كل حاجه تقولي الصبر الصبر هو انت ناوي تموتني ولا ايه ?
مالك بضحك اخص عليكي لا طبعا مقدرش مش للدرجه دي
منه بضحك يا غبيه الكلمه دي معناها انك تستني حاجه محترمه كده بتتحضر بس لما تكوني علي ذمته علشان كده بيقولك الصبر لانه مش هيعرف ياخد معاكي حق ولا باطل دلوقتي من طوله لسانك
مالك بضحك مرات اخويا اللي فهماني
منه بضحك عيب عليك يا لوكا من العشره بقي
جيسي بتوتر انت تقصد كده فعلا
مالك بضحك اه بس هسيبك تتفاجئ
جيسي بتوتر طب متقلنيش منك طب
مالك بضحك لالا متقلقيش ياروحي مقدرش اجبر عليكي حاجه
جيسي بتنهيده طمنتني وابتسمت واكملت ايوه كده
مالم بضحك بس بردو كلمتي هتتفذ
جيسي بقلق والله مش مرتحالك
مالك بضحك سيبك من اللبس دلوقتي واكمل بحب المهم فطرتي وخدتي دواكي ولا لسه ??
جيسي اه لسه فاطره اهو وخدته
مالك طب يا حبيبتي الف هنا
جيسي طب بقولك ايه يا مالك انا هنزل وعديها المره دي لاني اتخنقت من البيت واللبس هحاول هحاول يعني يكون كويس والله و
مالك بماقطعه و بحده ايه قولتي ايه ياروحي الصوت بيقطع مش سامع
جيسي بنفخ خلاص مش هتنيل
مالك اممم ايوه كده الشبكه حلوه وسمعت بس هو انتي نفختي وانتي بتتكملي يا جيسي ??
جيسي بتوتر لا ده الجو حر
منه بضحك زيك زي اخوك بتسمعوا اللي علي مزاجكم وبس
مالك بضحك والله انتوا مش عايزين غير كده بس الشهاده لله يابت يامنه
منه بضحك اه ابهرني
مالك بحب اتغيرتي خالص ربنا يحميكي ويثبتك وتفضلي كده علطول ويخليكي لادم ويارب نشوف عيالكم يارب
جيسي حست بضيق بس سكتت
واكملت منه بحب دي مش حاجه تقولي برافو عليها ولا هو انجاز اخد جايزه عليه والناس تسقفلي ده دين وفرض عليا يا مالك والحمدلله اللذي هدانا وبعد ربنا كلام ادم طول الاربع سنين عن البنت المحجبه خلاني مره مع مره قعدت صليت فتره طويله لما كنا في دهب ويومها عقدت النيه هلبسه خلاص خدت ااقرار في لحظه وبصراحه كده احسن حاسه اني ماشيه مرتاحه نفسيا ومحدش بيبص عليا واللي ليه الحق الوحيد انه يشوف طول شعري وجماله ولبسي اللي كت هو جوزي وبس
مالك بحب ربنا يبارك فيكي يارب
منه بحب ربنا يخليك يالوكا كلامك عندي ده كبير جدا
مالك بحب حبيبتي انتي تستاهلي يلا يا جوجو انا وصلت الشغل خلي بالك انتي من نفسك وخدي ادويتك وانا هبقي اطمن عليكي
جيسي بحزن تمام وقفلت واديت الفون لمنه ومنه مجرد ما مسكته لقيت رساله من مالك مضمنوها (( متعرفيش جيسي حاجه عن اني دكتور انا مفهمها اني شغاال نجار))
منه بعتتله ((ليه قولتلها كده))
مالك (( علشان عايز اغيرها واخليها تبطل غرور عايزها تحبني وانا بسيط يا منه عايزها تختارني من غير شروط لحبها ليا علشان انا وسيم او دكتور او غيره ))
منه بعتتله (( انت صح وانا معاك يا مالك في رايك وواثقه انك هتخلي اختي حد انا معرفوش ربنا معاك ويقويك♥️))
جيسي بتتشاتي مع مين
منه بتوتر ده .. ده ادم
جيسي بتنهيده طب سيبيه علشان شغله والمرضي بتوعه
منه قفلت الفون واكملت اديني سبته اهو مالك بقي
جيسي بحزن مفيش بس هو اشمعنا ادم دكتور ومالك لا
منه بتنهيده وايه المشكله منتي خريجه علوم وتقدري تشتغلي في اي معمل كبير دكتوره تحاليل او في شركه ادويه وانا مهندسه ديكور ملهاش علاقه ابدا يا جيسي
جيسي بحزن اصل بصراحه مش عدل ان اتنين اخوات واحد يقطع خشب ويطلع عينه طول النهار والتاني دكتور طب ده تقصير من مالك ولا من اهله منا مش فاهمه
منه بتعجب لحظه بس انتي فارق معاكي انه بيتعب اوي ولا انه اصلا شغال كده
جيسي بتنهيده مكدبش عليكي كان فارق معايا الاول اوي انه شغال كده واشمعنا ادم دكتور وهو لا او علي االاقل تعليم عاالي زيي بس لما قربت من مالك حسيته طيب اوي وحنيه الدنيا فيه وطلما هو مرتاح كده عادي معنديش اعتراض بس صعبان عليا تعبه بجد
منه اتفاجئت من كلام اختها اوي واكملت بفرح جيسي انتي بتحبيه صح
جيسي بنفخ لا مش بحبه بس بيصعب عليا في النهايه ده هيبقي جوزي وابو ابني اكيد مش عايزاه يتمرمط يعني
منه بخبث اممم فعلا وحقيقي بيطلع عينه اوي وبيفضل طول النهار يقطع خشب وينقل وحاجه صعبه ربنا يكرمه يارب طلما لقمه حلال
جيسي بحزن هو انا اقدر اديه فلوس يكبر مشروعه ويشغل ناس عنده وبلاش هو
منه بضحك جيسي انتي بتهزري صح
جيسي بضيق يووه يا منه خلاص انا غلطانه اني كلمتك
منه بضحك لالا خلاص والله اصل انتي اول مره حد يصعب عليكي اصلا بس ريحي عيله عبد الواحد كلها واحد .. ادم ابوه كان هيموت وفلوسه كانت واقفه بسبب مشكله مرديش ادفعله جنيه وعملوا هو العمليه فانسي خالص ان مالك ياخد منك قرش واحد وممكن يحس انك بتستعري منه
جيسي بسرعه ايه استعر منه لالا طبعا خلاص خليه براحته
منه ابتسمت بفرح علي كلام اختها واكملت حاسه هشوف جيسي تانيه قريب
جيسي بحزن ادعيلي ربنا يهديني زيك
منه بحب ربنا يهدي الجميع يا قلبي
في بيت عمر وتاليا
تاليا وهي بتبص في الساعه اكملت بخضه يالهوي عمر .. عمر اتاخرت نص ساعه يخربيتك قوم
عمر بنوم تاليا بالله سيبيني لسه نايم مبقاليش غير ساعتين بس
تاليا ماهو كله من دلعك لو كنت نمت علطول لما جينا مكنش حصل كل ده
عمر بنوم تاليا بالله ما ناقصك بجد مصدع اوي هاتي فوني من جمبك وافتحيه
تاليا بستغراب ليه
عمر بنوم يلا بس افتحيه
تاليا مسكته واكملت مقفول
عمر بضيق اسمك يا تاليا اكتبيه وخلصي مش قادر افتح عيني
تاليا بضحك بجد تستاهل قولتلك نام عملت فيها جامد اوي وفتحته واكملت اممم وبعده
عمر وهو مغمض قال بصوت منخفض هاتي رقم ادم
تاليا دخلت علي الاتصال واكملت مسميه ايه ?
عمر بهمس اخويا هتلاقيه عندك اخويا بس بلانجلش عارفه معناها ولا اقولك بردو
تاليا ضربته علي صدره فتأوه واكمل بوجع اااه يخربيت امك ايدك تقيله وانا همدان ونعسان مش قادر اقوم اربيكي دلوقتي
تاليا بضحك اصل مش هعرفها يعني ده انا البشمهندسه تاليا احمد هو انت علشان دكتور خلاص هتشوف نفسك
في العياده عن ادم
ادم لا بصي هو ممكن يكون انتي بتوهمي نفسك انا كشفت عليكي وشوفنا العينه تحت المجهر و مشاء الله ولا في ورم ولا اي حاجه انتي بطنك بتوجعك منين بلظبط
البنت من النص يعتبر بتوجعني وجع شديد وبيروح ويجي فبصراحه بحثت علي جوجل قال ان اعراضي ممكن تكون سرطان في المعده
ادم بتعجب سرطان في المعده ياساتر يارب لالا طبعا مفيش الكلام ده خاالص انتي بسم الله مشاء زي الفل ملكيش دعوه بجوجل خالص علشان والله انا كدكتور قبل كده دخلت عملت سيرش علي كذا حاجه حسسني اني يومين وهموت فانتي ليكي بلمراجع الطبيه انك تروحي لدكتور زي ما معملتي بلظبط دلوقتي مش وحش انك تتاكدي
ولقي فونه بيرن فضغط علي زرار االكاتم
البنت بحزن طب والحل يا دكتور منا بحس بحرقان في معدتي وانتفاخ وبرجع ودي كلها من اعراض سرطان المعده
ادم بس مش شرط ابدا واكمل بتفكير هو حضرتك متجوزه
البنت اه بقالي شهرين
ادم تنهد براحه واكمل بضحك ياشيخه اومال تعبانا ليه من الصبح ده كله اه من اعراض سرطان المعده بس انا متاكد ان مفيش اي سرطان عندك فكده بنسبه 90% حمل ودي بردو نفس اعراض الحمل
البنت بفرح حمل
ادم لقي فونه بيرن تاني فاكمل معلش ثواني ورد واكمل معايا حاله يا حيوان فينك كل ده
تاليا بضحك مرات الحيوان معاك يا دوما
ادم بضحك سوري يا تاليا هي جات فيكي .. جوزك البارد مجاش ليه كل ده
تاليا بضحك مش قادر يصحي ابن عز الدين شوفه بقي علشان عايزك
ادم هاتيه
عمر مسك الفون واكمل بنوم ادم الله يخليك قول للمدير عمر بيموت ومش هيجي انهارده
تاليا فضلت تضحك
ادم بضحك يخربيت اهلك يا عمر صوتك عامل كده ليه ??
عمر بنوم شوف من ساعه ماكنت عندي انت ومنه انا لسه نايم من ساعتين بس وكنت قبلها في المستشفي وصاحي بدري واخوك للاسف فتح في صدره وفضل سهران فمعلش خليها عليك وقوله كده
ادم بضحك سهران بتعمل ايه يا عمر ادي اللي يمشي ورا الستات خليك يا عمر يخش يرفد اهلك علشان لسه في البدايه وبتتدلع
عمر وهو بيتاوب يا جدع عريس مش كفايه يوم صابحيتي نزلت
تاليا بضحك همست بس اتلم ياعمر ادم يقول ايه
عمر بضحك ادم فهم اصلا متقلقيش
تاليا بحرج ضربته واكملت بضحك والله انت متربتش
ادم بضحك طب ياعريس خليك وهقوله عد الجمايل بس علي الله يطمر
عمر بنوم طول عمري بقول عليك. اخويا الجدع يلا سلام بقي علشان هموت وانام بجد
ادم بضحك سلام ياخويا
عمر بنوم يلا تعالي وفتح ايديه فتاليا راحت نامت في حضنه وهي بتضحك واكملت متعملش فيها جامد تاني هاا واكملت بسخريه بتقلده لالا لسه متعرفيش جوزك انتي
عمر بضحك طب نامي يا تاليا واتلمي
عند ادم
ادم اسف حقك عليا كملي
البنت بابتسامه لا يادكتور ولا يهمك
ادم لا حقيقي بعتذر لاني متعود مش برد في العياده بس ده زميل هنا يعني ولما رن اكتر من مره قولت في حاجه
البنت بابتسامه لا والله ولا يهمك بس هو انا فعلا ممكن اكون حامل
ادم اه انشاء الله هو حمل انتي روحي لدكتوره مني في نفس الدور وهي هتبشرك باذن الله بس انتي زي الفل مش سرطان ولا حاجه ونصيحه بلاش جوجل تاني
البنت بضحك وفرح حاضر يادكتور بجد ربنا يفرح قلبك تسلم
ادم بابتسامه الله يسلمك يارب
وخرجت وقفلت
السكرتيره دخلت واكملت ادخلك الحاله اللي بعدها ولا هتشرب قهوتك وتريح شويه
ادم لالا متذنبيش الناس تستاني اشرب القهوه انتي قولي لعم صابر يجبها ومشي الدور عادي الناس وراها ارتباطات تانيه
السكرتيره بابتسامه حاضر يا دكتور
وخرجت
وادم رجع ضهره لورا بتعب
وبعد يوم طويل خلص شغله واستأذن لعمر والمدير معترضش ومشي في اتجاهو لشركه كمال ولما وصل كلم منه
منه بقلق ها وصلت
ادم بحب متقلقيش خير انشاء الله
منه بقلق يارب يا ادم يارب
ادم بحب طيب يا حبيبتي هقفل معاكي دلوقتي ولما اخرج هكلمك
منه بحب ماشي يا حبيبي
وفعلا ادم طلع
ادم لو سمحتي عندي معاد مع كمال بيه
علا حاضر اقوله مين
ادم قوليله دكتور ادم
علا حاضر يا فندم
ودخلت لكمال
كمال خير يا علا
علا دكتور ادم برا يا فندم
كمال بابتسامه خبيثه تمام دخليه
ورجع ضهره لورا ومسك كوبايه القهوه بتاعته واكمل بتكبر اما نشوف مين اللي الهانم بنتي بتموت فيه ده
ادم دخل واكمل بابتسامه مساء الخير يا فندم
كمال اول ماشافه اتصدم وفتح عنيه بصدمه شديده وقام وقف ومن صدمته كوبايه القهوه وقعت اتكسرت وهمس في سره ازاي ده
ادم بستغراب في ايه حضرتك
كمال حاول يبان طبيعي واكمل بصدمه وحقد لا ولا حاجه يا دكتور اانا بس مكنتش اعرف ان اختيارات منه حلوه كده وضغط علي سنانه في اخر كلمه واكمل وهو لسه مصدوم قولي بقي اسمك ايه بلكامل
ادم بابتسامه ادم سليم سعد الشافعي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب غير مشروط)
