رواية حب غير مشروط الفصل الحادي عشر 11 بقلم لولا
رواية حب غير مشروط الجزء الحادي عشر
رواية حب غير مشروط البارت الحادي عشر
رواية حب غير مشروط الحلقة الحادية عشر
حب غير مشروط
البارت الحادي عشر
منه فتحت عنيها بصدمه وبصت لادم بتوتر اللي نظراته تحمل كل معني العصبيه ومطمنش
منه بلعت ريقها بتوتر واكملت بحده سواء بابا رجع مرجعش انا بنسبالك نجمه في السماا ومش هتطولني يا حاتم حتي في احلامك انت سااامع
حاتم بضحك وليه الانفعال بس يا عروسه عموما تعالي علشان ابوكي عايزك ونبقي نشوف موضوع فرحنا ده بعدين
منه بحده متقولش فرحناااا يا حيوان
ادم اتعصب جامد بس ماسك نفسه لانه مش هينفع يتكلم
حاتم بضحك خلاص يا حبيبي مش
ولم يكمل كان مسك ادم الفون ورماه بعصبيه علي الارض فصل
منه اتخضت واكملت بخوف والمصحف ماليش دعوه متتعصبش عليا والنبي وراحت وقفت ورا مالك
مالك ادم اهدي هي مالها يعني ما اديك سامع ردها عليه
ادم بعصبيه انا مبقولش هيي يا ماااالك انا متكلمتش علي منه دلوقتييي انا دمي محروق ومتعصب من الواد ده ونفسي اشوفه واطلع فيه كل غلي منه .. الحيوان ابن الكلب عمال حبيبي وعروستنا وزق ااتربيزه برجله بعصبيه واكمل بعصبيه يلا احنا يا مالك وانتي وقوليلهم اي حاجه ومتروحيش
منه بدموع ادم استني بابا رجع ودلوقتي لازم اروح مينفعش افضل ارجوك افهمني
مالك بتنهيده هي صح دلوقتي ايه حجتها ابوها رجع
ادم بعصبيه علي اسسااااس اييه ابوكي ده مينفعش يتسمي اب علشان انا وانتي عارفين انه هيحاول يجبرك علي حاتم بس ساعتها يا منه انا مش هسكت تاني وهتكلم واللي يحصل يحصل
منه بدموع تمام يا ادم وانا شارياك وموافقه علي اي قرار هتاخده بس ارجوك سبني اروح دلوقتي
ادم ضمها ليه جامد واكمل بوجع مش جايلي قلب اوديكي لمكان عارف انه هيأذيكي حتي لو متعرضليكش مش هتبقي مستقره هناك نفسيا علي الاقل ولا عارف اتصرف دلوقتي وانتي مش عايزاني اكلم باباكي
منه بدموع وهي في حضنه اكملت والله بابا مش هيرضي بيك دلوقتي وهيعاند علشان هو عاوز حاتم سبني انا اقنعه اني مش عاوزاه بعدين اتكلم وحطت ايديها علي وشه واكملت بدموع حبيبي انت كرامتك من كرامتي وانا مرداش ابداا اي حد مهما كان يرفضك فعلشان كده عايزاك تستني شويه وكده كده منه لادم وبس .. انت عارف صح عارف ان منه مش ملك لحد غيرك ولالا
ادم حضنها واكمل بصوت موجوع عارف يا حبيبتي عارف بس تعبت من اني افضل مستخبي نفسي امسك ايديك ونمشي في الشارع وميهمنيش حد يا منه حقيقي تعبت
منه بدموع هيحصل يا قلب منه والله هيحصل ولو فضل بابا معند راسه يبقي هو اللي اجبرني اتصرف تصرف مش هيعجبه بس اي كانت النتيجه هتستحمل يا ادم وتحاربه علشاني
ادم بحب وهو حاضنها اكمل ادم مستعد يحارب الدنيا كلها علشان تكوني معايا قدام اي حد مش ابوكي بس يا منه
منه بدموع حقيقي بحبك اوي يا كل دنيتي
مالك بضحك لا دقيقتين كمان وهيجيلي جفاف عاطفي يا جماعه
ادم ابتسم وهو بيمسح دموع منه واكمل بصوت مخنوق يلا كفايه علشان مالك ميغيرش مننا روحي البسي ولمي حاجتك
منه بضحك حاضر
ودخلت
مالك بتنهيده مش قدامك حل تاني دلوقتي غير تصبر
ادم كور ايديه بغل واكمل لا قدامي بس حل هيفتح حرب ومشاكل كبيره اوي منه في غني عنها دلوقتي فمؤقتا هستني هي تقولي اكلم ابوها وافق تمام موافقش يبقي هو اللي اجبرني اتصرف التصرف ااتاني وانا مبخافش من حد ولا هسيبها لحد غيري حتي لو علي موتي
مالك بابتسامه و
هي اصيله وشارياك وتستاهل الصراحه انك فعلا تحارب علشانها ..انا بعد اللي شوفته من منه ده بقولها بقلب مليان فعلا مش هيفرق معاها مستواك خاالص
ادم بابتسامه منه بتحب ادم .. ادم وبس مش حاجه تاني
مالك بحب ربنا يخليكم لبعض يا حبيبي
منه يلا انا خلصت اهو
ادم بص علي هدومها برضا كانت لابسه دريس روز وحجاب ابيض وكوتش ابيض واكمل يلا وخد منها شنطتها ونزلوا
منه انا كلمت اوبر وجاي دلوقتي
ادم واوبر ليه فين بيتك هروحك لحد هناك
منه لالا ارجوك يا ادم مش ناقصين حد يشوفك
مالك معاها حق يا ادم انت ركبها اوبر وخليك معاها علي الخط انما تروح هناك مينفعش متجبلهاش مشاكل
ادم بنفخ والله انا معارف مستحمل العيشه دي ليه وانا بايدي اكلمه واخلص بس معلش علشانك يا منه مش اكتر هعمل كده
منه بحب ربنا يخليك ليا يا حبيبي وباذن الله هانت خلاص
وفعلا الاوبر جيه ومنه ركبت واتصلت بادم يبقي معاها علي الخط
في بيت ساميه
دخل ابراهيم واكمل مساء الخير
ساميه مساء النور يا حج فينك كل ده
ابراهيم بتنهيده استلمت شغل فبدات من انهارده بس
ساميه بحب الحمدلله طب فين ده بعيد ?
ابراهيم بتوتر يعني مش بعيد اوي
ساميه بستغراب مالك يا حج
ابراهيم مفيش يا ام ادم انا كويس عايز انام بس
ساميه طب نوم العوافي بس ثواني احطلك العشا
ابراهيم طيب ادم ومالك كالوا قبل مايناموا ?
ساميه بضحك بياكلوا برا مع صحابهم ياخويا
ابراهيم لحد دلوقتي يا ساميه ماجوش ?
ساميه اه بس خلاص علي وشك لانهم قالولي كده من بدري
ابراهيم طيب اانا هدخل اوضتي لحد ما تحضري الاكل
ساميه ماشي قايمه اهو
ودخل ابراهيم اوضته وقفل الباب
عند منه وقفت قدام الفيلا ونزلت
منه اهو يا حبيبي خلاص وصلت
ادم بتحذير منه اي حركه كده ولا كده اي كلمه اي تعرض ليكي اصلا بلقلم وعلي وشه اوعي تسكتي بدل ما اجي انا واحقق احلامي واوديه المستشفي
منه بضحك عيب عليك حبيبتك ب 100 راجل متخافش يا حبيبي طول ما بابا رجع ميقدرش يضايقني
ادم والله انا ما خايف غير من ابوكي ده
منه بضحك لالا متقلقش يلا هقفل معاك بقي دلوقتي
ادم ماشي كلميني قبل ماتنامي
منه بحب حاضر اكيد
ادم باي
منه باي
وفتحت الباب ودخلت شنطتها واكملت وهي
بتبص عليهم ومستغربه نظراتهم السلام عليكم
حاتم بضحك وعليكم السلام هو انتي متاكده انك كنتي عند تاليا مش في مكه وفضل يضحك
منه بحده هو ايه اللي يضحك اصلا
كمال بابتسامه انك اتحجبتي مثلا وبقيتي تلبسي طويل
منه بحب لان ده الصح اصلا والمفروض كان يحصل
كمال قام وقف واكمل بحب وهو بيحضنها حلو بردو التغير ده ..عامله ايه يا حبيبت بابا واحشتيني اوي وليه يا منه كل الغيبه دي من البيت
منه بحب وانت واحشني اكتر يا حبيبي بجد .. وانا حبيت اغير جو الفيلا واقعد مع تاليا بتبقي لوحدها مغلطش يعني
كمال بابتسامه طول عمري بقول عنك عاقله والله يا منه ومبسوط بتغيرك ده اوي يا حبيبتي ومش مشكله قعادك عند تاليا اديني رجعت ومش هتسيبي البيت تاني ولا ايه
منه بحب اه اكيد يا حبيبي وحضنته واكملت طول منتا في البيت فاهو اكيد مينفعش يتساب ووقتنا معاك بيعدي بسرعه
كمال بضحك دايما بكاشه كده وتضحكي عليا بكلمتين بس بحبك والله يا منه انتي وكلامك
جيسي كانت واقفه عنيها مليانه دموع ومش عايزه تنزلها ومضايقه اوي ان ابوها مش بيحبها زي منه واكملت بصوت موجوع انا هطلع انام
حاتم بستغراب ما لسه بدري
جيسي بوجع وهي طالعه لالا انا كده كويس اوي علشان عندي امتحان بكره عن اذنكم
وطلعت
منه بهمس طب هطلعلها انا يا بابا ها
كمال ماشي روحيلها
ومنه طلعت وراها
حاتم بضحك ايه سر الحب الزياده المفاجئ ده لمنه
كمال قعد واكمل منتا طول عمرك غبي
حاتم قعد واكمل منك نستفيد بردو
كمال يا غبي هي كده كده بنتي وبحبها بس انا بعاملها كده لهدف في دماغي وبلطريقه دي انا عارف ازاي هخليها توافق بيك
حاتم بضحك منا بقول بردو اكيد فيه هدف للحنيه دي وطلما الهدف في صالحي في بلتوفيق يا حمايا العزيز يلا انا هخرج شويه انا
كمال في داهيه
حاتم بضحك الله قدامي كده عموما مقبوله منك علشان انت ابو عروستي بس
وطلع وقفل
كمال رجع ضهره لورا بتعب وفضل يفكر هيعمل ايه
في اوضه جيسي
جيسي قاعده بتعيط وبتفتكر كلام مالك ليها مع اللي بيحصل دلوقتي واكملت بوجع. ودموع هو انا للدرجه دي وحشه ومحدش بيحبني اااه بجد ياريتك كنتي هنا يا ماما كان زماني اترميت في حضنك انا تعبانه اوي بجد
منه خبطت ودخلت فجيسي لما شافتها مسحت دموعها بسرعه
منه بستغراب مالك يا جيسي
جيسي بجمود مفيش يا حبيبتي كويسه بطني واجعاني شويه بس
منه متاكده ?
جيسي بابتسامه اه يا حبيبتي متاكده
منه بحب طب انا جيبالك هديه حلوه اوي هتعجبك
جيسي وده بمناسبه ايه
منه بحزن عيد ميلادك واسفه اني
جيسي بمقاطعه لالا عادي يا قلبي متعتذريش اصلا مش انتي بس اللي نسيتي
منه حضنتها واكملت بدموع انا حقيقي اسفه ياروح قلبي ومقصدش ابدا بس ربنا يعلم دماغي فيها 100 حاجه
جيسي مسحت دموعها واكملت بابتسامه خلاص مش مهم متزعليش نفسك انتي حته مني يا منه واختي وكل اهلي انتي وبابا هزعل ازاي هو انا ليا غيركم
منه بمرح بجد بموت فيكي وحضنتهاا
جيسي ابتسمت بحب وبادلتها الحضن واكملت كنتي واحشاني اوي بليز متمشيش تاني
منه بحب مش همشي يا روح قلبي
جيسي بمرح طب متنامي معايا انهارده يا منه بليز
منه بحب بس كده حاضر انا هقوم اجيب هدومي واجي انام معاكي
جيسي سقفت بمرح واكملت تمام يلا روحي وانا هشوف الهديه
منه بحب تمام ومشيت منه تجيب هدومها
وفتحت جيسي الهديه لقيتها دريس شيك جداا اللي كان عاجبها علشان حافله تخرجها ومعاه طقم اكسسوارات وبرفيوم
جيسي بفرح وحب الله بجدد تسلم ايديكي يا قلب اختك بجد وقامت شافته عليها في المرايه كان طويل لبعض الركبه وكتافه هاف شوردر ولونه بيبي بلو وبيلمح من عند الصدر وفيه تطريزه
جيسي بحب بجد جميل اوي وراحت شالتهم في الدولاب
منه دخلت واكملت ها عجبوكي
جيسي بحب جداا بجد تسلم ايديكي يا قلبي
منه بحب تعيشي وتلبسي يلا هدخل انا اخد شاور واغير
جيسي ماشي
في بيت ادم
ادم فتح واكمل مساء الخير
ساميه مساء النور يا حبايبي
مالك منمتيش ليه يا ماما
ساميه معرفتش تغمضلي عين وانتوا برا يابني والله
ادم بحب باس جبينها واكمل ربنا يخليكي لينا يا حبيبتي بجد
ساميه بحب ويخليكم ليا ها اقوم اعملكم اكل
مالك لا كالنا وزي الفل روحي انتي نامي يا حبيبتي
ادم بابا نام ولا ايه
ساميه اه جيه من الشغل ونام
ادم هو لقي شغل
ساميه اه يا حبيبي الحمدلله
ادم وفين ده بقي
ساميه بتنهيده والله ماعرف يابني مقالش بس قال انه قريب يعني
ادم طب الحمدلله امسكي الادويه اهي وزي ماقولتلك
ساميه بحب ماشي يا حبيبي ربنا يخليك لينا يارب وبصت لمالك واكملت بستغراب جاكتك فين يا واد
ادم هو نزل بجاكت
ساميه اه نزل بجاكت بس فينه بقي
مالك بضحكه مزيفه هيكون فين يعني يا ماما نسيته عند صاحبي
ساميه طول عمرك دماغك مش فيك انت طب ابقي هاته يا مسطول يلا تصبحوا علي خير
ادم بضحك وانتي من اهله يا ست الكل
في اوضه مالك
ادم سند علي الباب واكمل بضحك وهو مربع ايديه هتجيبه بقي ازاي من جيسي يا روح امك
مالك حط ايده علي بوقه واكمل بضحك بس يخربيتك انا قولت صاحبي جيسي ايه بس
ادم بضحك صاحبك دي تتقال لامك الغلبانه وتصدقك ماشي انما مش ادم يا لوكا
مالك بضحك مبتعديش منك حاجه ابداا ?
ادم بضحك عيب عليك اكيد انت اللي خليتها تلبسه بسبب لبسها يعني
مالك قعد واكمل اه حصل كده ومعرفش هجيبه منها ازاي وضحك واكمل دي كده عندها قميص وجاكت البت هتاخد هدومي كلها شكلها
ادم بضحك الاتنين وحياتك قلعونا هدومنا ويلبسوها هما
مالك بضحك مش اخواات بقي .. بس الصراحه منه اتظبطت ربنا يثبتها وتنهد واكمل وعقبال جيسي بقي
ادم بحب هيحصل باذن الله يلا تصبح علي خير
مالك ماتخليك معايا طلما جيت
ادم بضحك والله منا كسفك ادخل كده
مالك لا هنام انا علي الحرف
ادم مبنامش من جوه انا هتدخل ولا امشي ?
مالك دخل واكمل بضحك ده انت غتت جدا طب لما تبقي بعد كده انت ومنه نايمين لو قالتلك هي عايزه الحرف تعمل ايه
ادم بضحك اطلقها علشان كده مش هنتفق
مالك بضحك يا شيخ اتنيل واكدب كدبه تتصدق
ادم بضحك حقيقي بكدب بس هي منه كده كده مش بيفرق معاها
مالك عاقله مش محسوب علينا دكتور وبيتخانق علي الحرف
ادم وهو بيفتح فونه اكمل بضحك حقيقي مبعرفش انام غير كده
في اوضه جيسي
فون منه رن ومنه كانت في الحمام
جيسي مسكته واتصدمت انه مكتوب( حبيبي)
جيسي بصدمه حبيبك !!! حبيبك مين يا منه يخربيتك
منه وهي طالعه لابسه البورنص لقيتها ماسكه الفون وبتبصلها اكملت بتوتر مالك في ايه
جيسي وريتها الفون واكملت بسخريه مين حبيبك ده يا ست الحسن والجمال ومن امتي اصلا
منه بتوتر هشش اسكتي مش ناقصين مشاكل هاتي وانا هفهمك
جيسي بحده مش قبل ماعرف
منه بتوتر يابنتي هاتي بقي لحسن هيتعصب عليا مبيحبش اتاخر في الرد
جيسي بسخريه كمان ده فيه عشره بقي
وفضلت ترخم عليها لغايه ما الرنه خلصت لاخرها
منه بتوتر ياختااااي ياااختاااي يا جيسي هتجبيلي التهزيق الرنه خلصت يامورك يا منه كنتي طيبه والله
جيسي ضحكت غصب عنها علي شكل اختها واكملت بضحك امسكي شوفي ياختي بس هتفهميني
منه لبست بسرعه البيجامه واكملت حاضر والله
وقعدت علي السرير وجيسي جمبها
واافون رن تاني
منه. بعدت الفون شويه عن ودنها واكملت بتوتر الو
ادم بحده لا ردي بكره يا منه وتردي دلوقتي ليه .. متعصبيش اهلي ليه يعني
منه بتوتر ادم بالله توطي صوتك والله انا كنت عارفه ان ده هيحصل فا بعدت اافون عن ودني
ادم ضحك غصب عنه واكمل يا منه مش ساعه علشان تردي 100 مره اقولك طول منتي في الفيلا وبتتاخري انا بقلق وبيجي في بالي 100 سناريو يابنتي بجد حرام عليكي
منه بحب حقك عليا يا روح منه
ادم بابتسامه اممم اممم وايه كمان
منه بضحك هو انت متثبتش ب روح منه اخص عليك
ادم ضحك واكمل لا انا بتثبت بس بطمع في اكتر فاهمه
منه ضحكت واكملت بحب من غير ما تطمع انت اصلا ااكلام الحلو ده موجود علشان يكون ليك
ادم ضحك واكمل لا خلاص رفعت رايه استسلامي واتثبت
منه بضحك شوفت بقي
ادم المهم طمنيني ابوكي قالك ايه
منه رجعت ضهرها لورا واكملت والله يا ادم مقالش وده قاالقني مش مطمني يعني كان عايش معايا دور الحنين اوي ومجابش سيره اي حاجه
ادم بقلق ربنا يستر مش مطمن لسكوته كنت عايز اشوف هو بيفكر في ايه
منه كبر دماغك ومتشغلش بالك يا حبيبي مفيش حاجه تدعي للقلق ده كله انا ومش هوافق مهما يحصل انت ايه مخوفك
ادم بتنهيده منه انتي ليا غصب عن اي حد كده كده بس المبدا اللي اقصده ان مش عايز عداوه بيني وبين ابوكي
منه بتنهيده باذن الله خير متقلقش انت يا حبيبي وسيبها علي ربنا
ادم طيب يا حبيبتي رايحه بكره الجامعه
منه اه عندي امتحان
ادم بحب طيب يا قلبي ربنا معاكي
منه بحب ومعاك يا عمري يلا تصبح علي خير
ادم وانتي من معايا يا ست البنات
منه بحب باي
ادم باي
جيسي بمرح تحكيلي كل حاااجه سامعه يلا ابدائي
منه بضحك كل حاجه ايه بس ده كلام يطول شرحه
جيسي بضحك ليه بقالك قد ايه يا خبيثه انتي بتحبيه
منه رفعت ايديها برقم اربعه وهي بتضحك
جيسي بضحك والمصحف بتهزري كل ده ازاي يعني وعرفتي تخبي
منه بابتسامه اهو اللي حصل
جيسي طب احكيلي عرفتيه منين
منه من الجامعه في اول اسبوع ليا. كان في ولد بيضايقني وهو دافع عني بعديها شكرته وبقينا نتقابل كتير صدف ومرات بنبقي قاصدين نشوف بعض لحد ما في مره قالي انه بيحبني وانا ساعتها طيرت من فرحتي وقولتله اني كمان بحبه وعلشان كده كنت حاضنه قميصه مره اما شوفتيني
جيسي اااه طب واداهولك ليه
منه بضحك علشان كنت لابسه كت فاكره
جيسي بضحك ااه علشان بيغير عليكي
منه بضحك يووه بيغير دي قليله شايفه الاسكرينه بتاعت الفون مكسوره ازاي
جيسي اه دي من ايه
منه الباشا رمي الفون في الارض لما سمع حاتم وهو بيقولي عروستي وحبيبي
جيسي بحزن بصراحه حقه يتعصب بس لحظه هو سمع ازاي
منه بتنهيده عارفه حقه والله بس انا مش بحب غيره مفروض يعرف ده وعرف لانه كان عندي بيطمن عليا قبل مايروح بيته
جيسي ااه عند تاليا يعني
منه بضحك لا شقه واحده صاحبه علي النيل انا مقعدتش عند تاليا علشان عبدالله اخوها وسيبت اابيت بسبب تهديد حاتم ليا
جيسي بصدمه لحظه لحظه بس هو انتي كنتي في شقه تخص ادم وهو بيجي يطمن عليكي دي تمام فهمتها ايه بقي تهديد حاتم دي
منه بحزن حاتم هددني انه يقربلي لو موافقتش بيه يا جيسي وانتي عارفه بابا عايزه
جيسي اتصدمت من كلامها وعرفت ان حاتم كان بيكدب عليها لما قالها انه بيهزر وميقصدش اللي سمعته واكملت بتوتر طب وبعدين ادم ده متخليه يجي يتقدملك بسرعه
منه بتنهيده ابوكي مش هيرضي دلوقتي يا جيسي منتي فاهمه بقي
جيسي طب والحل هتبعدي حاتم عنك ازاي
منه بنفخ والله منا عارفه ولو عرف بحبي لادم مش بعيد يعمله حاجه يعني ده بردو مش حل انا لازم اخليه يكرهني اناا بس مش راضي انسان فعلا معندوش دم ولا كرامه
جيسي حضنتها واكملت بحزن سيبها لربك وبكره حاتم يعرف انك مش عايزاه ويتقبل ده
منه بضيق اتمني بجد لاني مش عايزه مشاكل انا عايزه ادم وبس
جيسي بابتسامه نفسي اعرف ازاي حد وقعك فيه كده
منه سرحت بحب واكملت يابنتي ده ضحكته بس كفيله تخرجني من اي مود ربنا يخليهولي بجد وميحرمنيش منه
جيسي بحب اللهم امين يارب … بس صح يا بت يا منه هو من عيله ايه ولا ساكن فين وايه مستواه والكلام ده
منه تصدقي وتامني بالله انا عمري ما قولتله مستواك ايه ولا الكلام ده بس عارفه انه عايش مع ام واب مربينيه وتنهدت بحزن لان ماما ساره وبابا سليم ماتوا في حادثه عربيه من 21 سنه وساعتها صاحب ابوه اللي رباه وده اللي بيعتبره ابوه دلوقتي لانه عمامه كبروا دماغهم واهل امه مش هنا عايشين برا فا من الاخر رموه
جيسي بحزن ده ايه وجع ااقلب ده الله يرحمهم ده احنا ماما بس وتعبانين ربنا يصبره بجد
منه بحزن ادم كل سنه في اليوم ده ببرجع عيل صغير مشتاق لامه وابوه شافهم بعنيه وهما بيمتوتوا وكان حاضن مامته وبيقولها يلا نروح احناواختي النونو لان اخته الصغيره نزلت ميته الله يرحمها فحقيقي شاف كتير اوي يا جيسي
جيسي بحزن بجد مفيش طفل يتحمل كده ربنا يصبره علي فراقهم .. بس خدي بالك لو مستواه المادي مش زيك اكيد بابي هيرفض لانه لازم تعيشي زي ما اهلك عيشوكي
منه اي الكلام ده هو نتي لما تحبي هتختاري بلنسبه لفلوسه ولا الشخص ده مين وايه بس عموما ادم حبني وطلما حبني يبقي عارف احنا مين فمتقلقيش
جيسي بصراحه هحب اه بس من مستوايا يعني مش هحب اقل فاهمه فين العيب ان يكون في شخص بيحبك اوي عادي بس في نفس الوقت غني زيك
منه مفيش عيب طبعا بس محدش قالك انه مش لاقي ياكل في ايه يا جيسي وبعدين هو اهم عندي
جيسي حبيبتي انا مقصدش ادم اصلا انا بتكلم عموما في المطلق لازم نعيش نفس مستوانا وبابا مش هيرضي غير بكده وربنا يخليكم لبعض ونفرح بيكم
منه بحب يارب
تاني يوم الصبح
في بيت ادم
ساميه يلا يا واد اصحي انت وهو الفطار اتحط
ادم بنوم والنبي شويه يا ماما مش قادر
مالك بنوم مش عايز اكل
ساميه بضحك طب والله اناديلكم ابوكم يجي علشان تصحوا يلا
ادم قام واكمل وهو بيدعك في عنيه خلاص قومت اهو
ساميه يلا يا مالك اخلص عندكم امتحانات يابني
مالك قام واكمل بضيق والله الواحد قرف اصلا
ساميه بضحك شوف الواد ولا اكنه في ابتدائي
ادم قام خد شاور ولبس قميص اسود وبنطلون اسود وحزام جملي وجزمه جملي ووقف سرح شعره ورش برفيوم وكان طالع شيك اوي
مالك بضحك ايه يسطا الشياكه دي كلها
ادم بضحك اتفضله يا مالك
مالك بضحك لا انا هلبس زيك واتفضله ليه منا معايا
ادم بضحك يلا يا قلود
مالك بضحك شغل ابتدائي اللي احنا عايشين فيه ده
ودخل مالك لبس زيه وطلعوا علشان الفطار
ابراهيم اهلا وسهلا اخيرا نورتوا
ادم وهو بيقعد معلش يا حج كنا بنلبس
مالك صحيح يا بابا انا وادم عايزين نقعد في سكن الجامعه عاشان عندنا امتحانات كتير الفتره دي وهيبقي تعب نرروح ونيجي كل يوم
ساميه اخص عليكم وتسبوني
ادم بحب حبيبتي هما كام يوم وهنتخرج خالص بقي
ابراهيم سيبيهم يا ساميه علشان مشوار عليهم كل يوم وبيشتغلوا
ساميه بحزن طيب يا حج خلاص
ادم باس ايديها واكمل من غير زعل ياست الكل مقدرش علي زعلك
ساميه بحب ربنا معاكم يا حبيبي مقدرش ازعل منكم
مالك ماما انتي مجبتيش ليه بيض مسلوق جمب الاكل
ساميه بتذكر والله يابني سلقته ونسيته جوه استني اجبهولك يا عمري
مالك لالا خليكي هجيبه انا وقام جاب البيض وجيه وكملوا اكل مابين كلامهم وهزارهم مع بعض
بعد الاكل
ادم يلا هنمشي احنا
ساميه بحب ربنا معاكم يا حبيبي
وقام مالك وادم في اتجاهم للجامعه
في احدي البيوت
شهد يا حاتم ايه كل ده نايم
حاتم وهو بيقوم من جمبها اكمل وهو بيدعك في عنيه انا نمت هنا ازاي يخربيتك هقولهم ايه في البيت
شهد بتنهيده معرفش يعني هو انا قولتلك بات قولهم اي حاجه بقي قول انك كنت عند صاحبك هما هيحاسبوك
حاتم وهو بيفتح علبه السجاير وبياخد منها واحده وبيولعها اكمل بنفخ والله انتي اللي يمشي ورا جمالك ده يروح في داهيه انا قايل لعمي اني اتغيرت علشان يرضي يجوزني منه من غير شوشره ربنا يستر وميشكش ويعاند معايا
شهد بغيره ودموع وهي ست خرا فيها ايه زياده عني يعني مش فاهمه
حاتم ضحك واكمل انتي بتقارني نفسك بمين ?? بمنه طب ده ضافر منه برقبتك
شهد بحده ودموع واما هي كده بتجيلي ليه يا حبيبي اعتديت عليا ليه حابسني في شقتك ليه ماتروح لمنه بتاعتك
حاتم وهو بيمسك شعرها اكمل بحده انتي هتنسي نفسك ياروح امك ولا ايه .. لااا انا لميتك من الشوارع ونضفتك وجبتلك بيتي علشان تفضلي هنا لمزاجي وبس انما هتقارني نفسك بمنه صدقيني هتخسري كتير
شهد بدموع ااه ااه خلاص اوعي سيب شعري خلاص
حاتم زقها واكمل بحده غوري حضري الحمام علشان اتنيل وامشي من هنا
شهد بدموع ووجع حاضر
حاتم قعد واكمل بضيق جتك الارف عصبتيني علي الصبح
في الفيلا
منه قامت وخدت شاور ولبست دريس بيبي بلو وطرحه بيضه وكوتش ابيض
منه جيسي
جيسي لا رد
منه وهي بتهزها يابنتي قومي بقي وراكي امتحان
جيسي قامت وهي بتدعك في عنيها واكملت الساعه كام
منه 8 ونص
جيسي بخضه اييه 8 ونص يامنه امتحاني 9 يخربيتك
منه ما بصحيكي من بدري وانتي اللي مقتوله
وقامت جري لبست بنطلون جينز اسود وتيشرت حماله ابيض مطرز وسرحت شعرها بسرعه
جيسي بسرعه يلا هتاخر
منه طب يلا اهو متقلقيش انشاء الله خير
ونزلوا
كمال بحب صباح الخير يا حبايبي
جيسي باست خده واكملت صباح النور يا حبيبي
منه صباح الفل يا حبيبي
كمال اقعدوا يلا افطروا معايا
جيسي بتوتر متاخره جداا يابابي والله يلا سلام
كمال خدي يا جيسي
جيسي ايه يا بابي
كمال متطلعيش من غير اكل يا حبيبتي تعالي افطري انتي واختك
منه في امتحانات يا بابا متقلقش هنفطر في الجامعه
كمال بتنهيده طب ربنا معاكم يا حبايبي
منه بحب يارب
برا علي الباب منه بتذمر بعربيتها
ابراهيم حاضر ثواني يا ست هانم
منه نزلت واكملت بستغراب هو حضرتك جديد صح
ابراهيم بحب اه يابنتي جديد
منه بابتسامه ماشي يا عمو ربنا معاك واي حاجه تعوزها قولي
ابراهيم بحب تسلمي يا بنتي
منه ابتسمت وركبت عربيتها تاني ومشيت
في الجامعه دخلت منه وجيسي
وكل واحده راحت لكليتها
منه حضنت تاليا واكملت بحب حبيبت قلبي واحشاني اوي عامله ايه
تاليا بحب بخير يا قلبي اقعدي
وقعدت معاها وطلبوا ياكلوا
وبعد شويه
عمر بحب ازيك يا تاليا عامله ايه
تاليا بحب كويسه الحمدلله
عمر منه مشوفتيش ادم
منه بستغراب هو لسه مجاش
عمر لا جيه وامتحن بس مشوفتوش تاني من ساعتها
منه بقلق طب ايه هيكون راح فين
تاليا طب امتحانا هيبدا يا حبيبتي نخلص ونطلع نشوفه
منه بنفخ ماشي يلا
في الفيلا
حاتم دخل وكان في اتجاهو يطلع لاوضته
كمال استني يا حاتم
حاتم وقف ولفله واكمل خيير
كمال بحده كنت فين من امبارح
حاتم بسخريه هو انا هديك خط سيري ليه تكونش جوزي
كمال بحده اتكلم عدل يا حيوان
حاتم نفخ واكمل بحده ااه خير يعني يا عمي عايز ايه
كمال بحده انت لو فضلت في القرف اللي انت فيه ده انسي بنتي انت فاهم
حاتم ضحك واكمل انا مش هنسي حاجه غير الجمله بتاعتك اللي اتقالت دلوقتي واكمل بخبث وده احسن ليا وليك وكمل طريقه فانه يطلع
وكان سامعهم ابراهيم ومستغرب اوي
ابراهيم احم كمال بيه
كمال لف واكمل بتوتر من انه يكون سمع نعم ي ابراهيم
ابراهيم في حد برا عايز حضرتك بيقول انه من الشركه
كمال ااه اه تمام خليه يدخل
في الجامعه عند جيسي
جيسي خلصت وطلعت وكانت زهقانه اوي فقالت تروح لمنه
جيسي تاليا هي فين منه
تاليا بتوتر راحت التيولت
جيسي بضحك ولا تشوف ادم
تاليا بصدمه انتي عرفتي
جيسي بضحك عيب عليكي
تاليا بضحك طب بحيث كده راحت تقابله عند بوابه الجامعه
جيسي بمرح اوكيه انا رايحالهم
تاليا بحب ماشي يا قلبي
جيسي وهي ماشيه اكملت بضحك اخيراا هشوف القمر اللي بتحكي عنه اللي عمل فيكي كده يا منه
وراحت ناحيه البوابه وشافت منه واقفه بتتكلم وبتضحك مع حد
منه بضحك ضربت كفها في كفه واكملت والله انت مشكله بجد انا هبقي اقول لماما عليك تربيتك دي اللي باظت خالص
ولكن لحظه وقفت مصدومه قبل ماتروحلها عند ظهور الشخص فكان مالك
جيسي بصدمه الحيوان ده هو اااادم حبيب منه !!!!!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب غير مشروط)
