روايات

رواية حب عمري الفصل الأول 1 بقلم رضوى

رواية حب عمري الفصل الأول 1 بقلم رضوى

رواية حب عمري الجزء الأول

رواية حب عمري البارت الأول

رواية حب عمري
رواية حب عمري

رواية حب عمري الحلقة الأولى

كنا واقفين فى يوم أنا فى أولى ث وهو فى3ث ومره واحده عيونا اتقابلت ساعتها حسيت بدقه فى قلبى غريبه وجسمى كله اتنفض وابتسمت فى دماغى جامد وسيبت صحبيتى اللى أنا كنت واقفه معاها وروحت عالبيت وانا فى غايه السعاده وجسمى كله بيدق من الفرحه وكانت دى اول مره احس فيها الاحساس ده لما اشوف أو يمكن عشان اول مره عيونا تتلاقى مع انى كنت بشوفه كتير قبل كده عشان صاحب اخويا ومن بعد اليوم ده وانا بقيت انام وأصحى مبفكرش غير فيه وبس وفى لاحظه تلاقى عيونا ومره السنين وهو دخل الكليه وخلصها وخلص الجيش وانا دخلت الكليه وكل ده وانا بدعى بيه فى صلاتى دايما وفى يوم واحنا قاعدين فى ليالى الشتاء لقيت عمار اخويا جاى من بره

عمار:والله وكبرتى يا رضوى وهخلص منك للابد

رضوى : والله ميحصل لازم اختى الكبيره تتدبس الاولى ثم أنا يبنى مش عارفه تشيل مسئوليه نفسى هتشبكنى بمين أن شاء الله

عمار : لاء ملكيش دعوه بالدكتورة ساره الكبيره دى لسه وراها حجات كتير ودماغ تانيه ولو على مين فشاب محترم جدا والبيت كله هنا بيحبه

ساعت ما قال كده طبعا أنا قلبى دق ووشى طلع من نار غربيه واتمنيت يكون هنا لان فعلا كل البيت عندنا بيحبه خصوصا أنه محترم وبيعز ماما ودايما يسأل عليها

ماما : مين ده يبنى حد من صحابك

عمار : ايوه مصطفى ى ماما خلص كليه وخلص جيش وشغال مع والده من زمان وهيسافر كمان

ماما : طب استنى لما ابوك يجى من بره وخد رأيه وهو بيعزه هو كمان وان شاء الله يوافق

رضوى : حيلك حيلك انتى وهو أنا لسه مقولتش رأى

ساره : اتنيلى انتى لاقى حد يبصلك يا أوزعه دا انتى ١٥٠ سم يبه وهو ماشاء الله عليه الواد حلو وزى العسل ويجى ١٩٠سم كده

رضوى : اى الاحراج ده بتكتبوا الكتاب منين يباشا

بابا جه من بره وعمار قاله وبابا رحب جدا بالموضوع بس قاله اشوف رأى اختك الاول

بابا : تعالى يا رضوى عايزك

رضوى : نعم يا بابا

_ اخوكى قالك أن مصطفى. صاحبه متقدملك

_ مخدوش رأى يا باشا هما قالولى هو انتى لاقيه

بابا: يبقى على بركه الله … نتكلم جد شويه انتى موافقه

_ اللى حضرتك تشوفه يا بابا

_ يعنى موافقه تقعدى معاه وتشوفى

 ساعتها حسيت بكسوف وفرحه فظيعه وقولتله تمام موفقه

بابا: قولى لمصطفى ينورنا يوم الخميس أن شاء الله يا عمار

عمار اتصل بمصطفى وبلغه الموافقه المبدأيه وجه يوم الخميس من ترويق وتنفيض ومسح تقولش بكره العيد وراحوا جابولى ماسكات واللى تكوى الهدوم واللى تكوى الخمار اكتش كنت هم على قلبكوا فى ايه يا عيال

الساعه ٧ لقينا مصطفى بيخبط ومعاه أخته واللى كانت من دور اختى الكبيره ومعاها بنتها الصغيره وبم أنه مش غريب عالبيت كله طلع رحب بيه وقعدوا معاه شويه لحد ما ساره واسراء أخته لاقتهم جاين الاوضه وقالولى

ساره : مش يلا يا عروسه ولا ايه

_امشى يبت من هنا

اسراء : يلا بقى الواد قاعد مستنى بره

لبست دريس بسيط بينك على خمار ابيض وطلعت

ولقيت فجأه بابا وماما انسحبوا من الاوضه وعمار قال أنا هقف فى البلكونه هنا اشرب العصير

كان وشى بيطلع نار وقلبى بيدق بطريقه فظيعه وكنت مركزه على الشراب بتاعه جدا وقولت لو شاف شراب ميكى وبطوط اللى أنا لابساه هيجرى

مصطفى : احم احم اذيك يا رضوى

_ دا انت اخدت عليا اوى يلا ايه روضوى دى أنا مقولتش نشيل الألقاب ( الحمد لله كان فى دماغى الكلام ده )

رضوى: الحمد لله بخير انت اخبارك ايه

مصطفى: الحمد لله طيب ممكن تبيصيلى دا مش حرام خالص

_ بصيتله وكان لابس تيشرت ابيض وعليه جاكت اسود وكان شاكله استغفر الله العظيم قمر فوقى يا رضوى مش كده

طيب انا مصطفى عند ٢٥ سنه شغال مع والدى من وانا فى ثانوى وخلصت بكالوريوس تجاره والجيش وان شاء الله هسافر قريب

_بتصلى

_الحمدلله ملتزم على الصلاه مش بفوتها فى الجامع على قد ما اقدر

_ بتشرب سجاير

_ اطلاقا ولا بطيق ريحتها حتى

_طب مش شايف أن ٢٥ سنه ده لسه صغير شويه على بيت وتكوين اسره وكمان الفرق بينا هو يدوب سنتين

_ أنا الحمد لله بشتغل من صغرى وموضب جزء كبير من شقتى بفلوسى و والدى كمان بيسعدنى وان شاء الله لو حصل نصيب و وافقتى هنعيش فى شقتى مش مجبره تعملى حاجه لوالدى أو والدتى هشيلك فوق راسى طول العمر سواء عملتى أو لاء مش عايز غير الاحترام ليهم بس ودى حاجه أنا واثق منها معاكى

_ تمام هبلغك ردى مع عمار

ساعتها عمار دخل وقعد يهزر وبابا وماما وخلوا وانا دخلت جوه وشويه استأذن ماما تنادى اسراء ومشيوا

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية حب عمري)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى