رواية حب على متن سفينة الفصل الثاني عشر 12 بقلم صفاء حسني
رواية حب على متن سفينة البارت الثاني عشر
رواية حب على متن سفينة الجزء الثاني عشر
رواية حب على متن سفينة الحلقة الثانية عشر
نظرت نور على زين حسيت أنه مش مقتنع أن يعملوا هدنة وواضح أنه يعمل مقلب جديد
ومقلب شديد وقالت ما بين نفسها
بتتحدنى انت اصلا مش عارف اني كنت عملت دراسات تنمية بشرية ،وعرفت معظم الشخصيات وكمان اعرف اقرا عيونك و ركزت علي عيونه وحركات شفيفه علشان افهم وفعلا أول ما دخلت شفته بيغمز لشاب من الشباب الموجودين قرب منصة الطعام
خمنت أن المقلب يحصل من خلال الاكل
كان زين غمز الي شاب طول بعرض وتذكر الاتفاق
اقترب زين من شاب وقال:
في مهمة ليك يا جاسم ومش عايزك تصغرنى
ابتسم جاسم وقال:
تحت امرك طبعا انت عارف انا واخد ميداليات كتير في كمال الاجسام و البوكس اى شاب يضيق افعصه
ضحك زين وقال:
لا الواد خرع مش محتاج مجهود ، وكمان انت ناسي احنا على سفينة مش عايز خانقة
هز رأسه جاسم :
اوك ايه المطلوب يا فندم
بدأ زين يشرح ليه :
هقولك
يرجع زين ويضحك
هنشوف يا ابوا عقل رزين تتصرف ازاى دلوقتي
ذهب نور ياخذ صنية طعام من الأوبن بوفيه
جاء جاسم واقترب من منضد الاكل وكان كل ما تلمس نور طعام يا خده ثم تترك وتأخذ آخر فيأتي خلفها بياخد الآخر استمر كذلك حتي وصلو الي نهاية المنصة
تضع نور الصنية الخاصة بيه علي المنصة وتعمل نفسها تربط الحذاء فيترك جاسم الصينية الخاصة بيه وياخد صينية نور وينتظر رد فعله
كانت نور تراقب نظرته هو وزين ثم قربت منه خطوتين ومدت ايديها شكرا فلم يعطي له جاسم صنية الطعام تراجعت خطوتين كأنه هتقع ثم انتبه جاسم من حركتها يظهر أمام الجميع أن جاسم دفعه
لكن جاء ادهم ونظر الي جاسم نظرة حاده فتراجع جاسم
كان ادهم يمر وراء الموقف واتجه جاب كرسي وطلب من نور يجلس وزعق على جاسم وقال
هو انت زقته
ردت نور وقالت :
لا ما لحقيش انا من الخوف وقعت وممكن بسبب المغامرة بتاعت الصبح رجلي اتاثرت، والصراحة خوفت من شكله ده ضخم جدا انا بالنسبه ليه نمله شفوت الطول والعرض ، علشان كدة رجعت علشان مينفعش أظهر ضعيف قدامه انا حسيت أنه وحش ما يصدق يأكلون
ضحك ادهم على وصف نور وقال:
ده اسمه جاسم دراع اليمين ل زين وبودى جرد لكن انت طلعت مشكلة يخربت خفة دمك تعال معي متخافش منه انت في حمايتي لم نشوف اخر زين ايه.
…….
هزت نور راسها وقالت ما بين نفسها
فى الوقت ده كان عندى خيارين غيظ زين بيهم أن اخد صنية الاكل إللي جاسم جمعها ، او اخد صنية اكلي واروح مع ادهم، وطبعا انا مينفعش اخد مكان ايد حد ،وكمان ممكن لو فتحت بوقى كان ممكن شلنا وتوحنا اقع متكسرة ،انا اللي كانوا بيقولوا اصحابي عنى طويله انا قدامهم ،قزمة هو وادهم ومعظم الشباب اللي موجودين فاختارت أروح مع ادهم ،رغم اني بقلق منه لأنه زير نساء لكن انا دلوقتي ولد حسيت أن جاسم رغم طوله
يخاف من ادهم ونظرت عينه بتدل أن ادهم ماسك حاجة على جاسم هي ايه مش عارفة المهم مسكت ايد ادهم
قمت وقفت وروحت معه قدام الكل وقعدت في الترابيزه الخاصة بيه ،هو وسيف وعامر وحمزة دول الفريق بتاعه وكدة تم انقذى المرة
من الخطي لاني لو اعترض أو صرخت فى كان ممكن يحط رجله قدامي واتكعبل بصينيه الاكل وكل ملابسي تتبهدل غير اهانتي قدام فوق 120 شاب
………..
كان عند عمر وزين ومصطفى ومحمود
كانوا علي منضدة بالجوار من منضد ادهم
احضر ادهم صنية تاني واعطها ل نور وهو ينظر ل زين
……
اقترب عمر من زين وقال:
أعتق الواد بقي ربنا دايما بيقف معاه سيبه وهو في حماية أخوك دلوقتي
بلع زين ريقه :
ما عاش إللي يكسر كلامي يا عمر ولازم يعتذر مني النهاردة ،قدام الجميع علشان اسمح ليه يدخل الأوضة لانه كدة هو اتحداني بمرواحه مع ادهم اتنهد عمر :
هو ايه إللي عرفه أن ادهم ليه السلطه زيك
تدخل شاب اخر :
اكيد الواد ده مش سهل
شرح عمر :
اكيد يا مصطفى هو متوصي عليه. اصلا
كان الكلام بيضيق زين وقال:
يعني الباشا الكبير يقصد ينصر ادهم على
ردمصطفي وقال:
سيبكم من ادهم مش نور طلب منك هدنه يعني كدة بيعتذر
رافض زين وقال:
بطلوا رغي عشان هبدأ بالخطوة التانيه قوم يا مصطفى بدون جدال مش واد هلفوت ينتصر علي وهنشوف يا ادهم باشا لم يسيبك ويجري جري علي
تحدث شاب اخر وقال :
ممكن اول راي
طلب عمر وقال
قول يا باشا محمود انت كمان احنا بيقنا فى عصر الديمقراطية
ابتسم محمود وقال
متنكروش ان نور زكي وقرأ الخطة قبل ما تتم شفوت حركاته ابن الذين، انا صدقت أنه بيقع واكيد الشباب من بعيد ظهر قدامهم أن جاسم بيزقه يعني كان ممكن يتبلي علي الواد، وكمان كدة نفذ طلبك أنه سيطر علي نفسه دون ميتضرر
تنهّد زين وقال :
لسه الجوله التانيه
ضحك عمر وقال
فعلا ده بقه ايه رايك يغسل المواعين كلها مع الشيف طلعت او يدخل الغرفة منتصر
ضحك زين وقال :
اكيد ينام في المطبخ النهاردة قوم نفذ لازم القرع يكون مكتوب اسمه فاهم
هز مصطفي وقال:
تمام يا فندم
علي منضده ادهم.
تحدث سيف :
انت كدة بقيت في حماية ادهم محدش يقدر يضيق
استغربت نور وقالت:
مش فاهم هو احنا في حرب
ضحك سيف:
يابني لولا وجود ادهم اصلا هنا كان طفش معظم العاملين من زين
تنظر نور الي ادهم:
للدرجادي
ابتسم ادهم:
مش أوي كدة سيف بيحب يبالغ
رد حمزة وقال :
لا طبعاً في دي سيف عنده حق مش عارف زين مطلعش زي أخوه ادهم ليه
هنا من المفاجأة نور اتلخبطت:
نعم هو انتم أخوات يا استاذ ادهم بس انت كنت قلت اسمك ادهم صقر
ابتسم ادهم وقال:
ده حكاية يطول شرحها
اتنهد نور ما بين نفسها ربنا يستر من اللي جاي ثم سالت:
مش فاهم يعني وجودى هنا ممكن يكون سبب في خلاف ما بينكم
ابتسم ادهم لم شاف وجه احمر:
اكيد لا والا انت مش عايز تكون في حمايتي
ردت نور:
الحامى هو الله يا استاذ ادهم واحنا مش في حرب ممكن يكون سوء تفاهم وينحل اكيد
ردت ادهم:
علي العموم الفريق بتاعك هناك لو حبيت تتنقل عنده
وقبل ما ترد نور وجدت ٦ من الشباب
انضموا للمنضد انصدمت نور وقالت
هو اي العدد ده كان الموجودين
رامي ومدحت وعامر مين الناس ده كلهم وامتى جيمو هنا الواحد عايز يكون عقله دفتر عشان يحفظ كل الاسماء ده ،ان كان فريق زين او ادهم
هو عمي سامي فين يجى ينقذنى هو انا مش شايفه ليه وتبحث بالنظر وبعد كده شافته وقالت اهوه اقعدى هناك مع فريق الناس الكبير
…..
بدأ يتحدث شخص مع سامى وقال
هو انت ليه مركز مع الواد ده عن غير عادك ممكن افهم الكل مركز
تتنهد سامي وقال:
عادى يعني ابوه وصيني عليه مش اكتر يا ابراهيم
نصحه ابراهيم وقال:
طيب براحة وكفاية اهتمام بيه علشان انت عارف زين مش بيفرق معه ان كان سن كبير او صغير واهتمامك الزيد ده يكون ضر للولد مش لصالحه
هز سامى رأسه وقال:
عارف نسخة من المهدى
عند مصطفى قام يبدأ في الخطة التانيه يقف علي منصه موجودة أمام الجميع ويمسك ميكروفون ويبدأ يتكلم
وفي نفس الوقت بترد على سؤال ادهم
لا طبعا انا هفضل معكم لكن هو أخوك فعلا انا مش عايز مشاكل
هز ادهم رأسه وهو متفهم خوفه وقال :
واضح عليك فضول جدا ،والحكاية كبير هقولك عليها بس نسمع سي مصطفي بيقول ايه
هزت نور راسها وقالت:
تمام وتنظر أمامها وتبدأ تتناول الطعام
بدأ مصطفى يتحدث وقال:
احنا كل شهر بنعمل احتفالية نرحب فيها بالمهندسين الجدد ونودع الفريق إللي بينزل علي القاهرة ،ونظام الاحتفالية إلى المهندسين الجدد إللي مش عندهم خلفية ،عبارة عن هنكتب 4 أسماء من الناس الجديده واللي يكون اكتر واحد عليه الإجماع في اختياره ،يغني علي المسرح ده
سمعت نور الكلام من هنا ومرة واحدة شرقت وفضلت تكح علي قدوم زين خلفها ويربط على ظهرها من الخلف ويقترب من ودنها
مالك يا مهندس، شرقت ليه طيب هتعمل ايه لم تطلع علي المسرح وتغني تقولهم عندي شرقة ومستعدة للعقاب او تنتصر وترفع رأسك قدام الكل
كانت نور نفسها مكتوم وتنظر له وعيونهم تتحدث يلاحظ ده ادهم فتدخل وقال
خير يا زين في حاجة
هز رأسه زين وقال
لا مفيش كنت بخبطه علي ظهره عشان كان شرقان متقلقش عليا يا ادهم زين المهدى عمره ما خسر وينظر إلى عيون نور وقال
صح يا مهندس نور
ضحك ادهم وقال:
سيبك من نور وكلمنى هو انت ليه دائما في حرب يا اخي ، كفاية حرب دي مركبة خاصه بالبترول ،مش مركبة عمليات خاصة ودفاع
ضحك زين :
كلها حرب يا اخي سلام
ساله ادهم وقال:
رايح فين اقعد معانا
ضحك زين بسخرية وقال
من أمتي بعقد في نفس مكان الاعداء
ضحك ادهم على الاكشن الا عمله زين وقال:
أعداء مين بس وحد الله يا اخى
تنهد زين :
ونعمة بالله سلام
وهو يبتسم ويرجع مكانه
ينظر ادهم الي نور يشعر في عينها توتر وسألها
انت خايف يا ابني ده بيهزار
ضحك سيف وقال :
انت بتضحك عليه ليه يا ادهم انت عارف نظام اللعبة لو حظه يكون حلو لو اسمك مش فى الاغلبية عشان يتبهدل
انصدمت نور وقالت
للدرجة ده
ابتسم سيف وقال
واكتر فاكر الواد إللي ساب الشركة ورجع
بلعت نور ريقه بخوف :
إللي كان اسمه رضا ايه الا حصل معه
ابتسم سيف :
قول ايه الا محصلش مع محسن ، طلعت الأغلبية عليه ،لأنه مشيته وكلامه كان بطريق غريبة تحسي راقص بليه مش مهندس ،الكل توقع إللي هيحصل ويكون موقف كوميدى، يخفف الضغط إللي احنا فيه طلع علي المسرح مش عرف يغني وطلبوا منه يرقص
ضحك حمزة وهو يتذكر :
كان مسخرة وقتها
لكن حب يطمن عمر وقال
بس انت غيره صدقني مش فافي زايه انت مختلف اه لكن مش شبه
تنهدت نور وهى ترسم الثقة وقالت :
مين قال اني خايف وعادى بيحصل في كل مكان ده وفي الجامعة كان بيحصل كدة
كمل سيف كلامه وقال :
اه والله ما احنا نسترجع الأيام دي هنا
سالته نور وقالت:
طيب العقاب ايه وحصل ايه
ابتسم حمزة وهو يتذكر :
العقاب كان ياسيدي غسل الصحون وينام في المطبخ تاني يوم صحي تعبان ورجع مع أمير في الطيارة ومرجعش تاني
ضحك حمزة :
اه لأنه هو من الأساس كان تسلية للكل، لأنهم عرفوا أنه جاي بواسطه من واحد كبير ،وهو كان قسم لحام يلحم المعدات، وكان متخرج من هندسة خاصة ومستواها راقي مش استحمل التعب هنا
سألتهم نور وقالت :
طيب ايه المغزى أنكم تختار أضعف واحد على السفينة وتتنمرو عليه
ضحك ادهم وقال:
تنمرو ايه ل سمح الله افهم يا ابنى
احنا على سفينة فى عرض البحر متعرضين ل اى خطر لازم الا فيه يكون مستعد ل اي مواجه وكمان انت عارف قانون البحر
السمك الكبير بياكل السمك الصغير علشان يقدر يعيش، وكمان الضعيف لازم يكون قوي في حياتنا لأن الرجل الضعيف مش يقدر يحمي أهل بيته
ابتسم حمزة وقال:
وهو رجل ولازم يتعلم ده عشان ميكنش تحت ايد مراته وعائلته
فهمت نور مغزهم وقالت :
فى ده عندك حق لكن صدقني القوة مش جسم ولا شكل ممكن تكون قوية بعقلك
صفق عامر وقال :
انت بتبهرني دائما يا واد وعلشان كدة انا هاختارك لكن مش علشان ضعيف، معاذ الله علشان تثبت لادهم والى زين أن الحياة أبسط من اللي هما بيفكرو فيه وحرام إللي بيعملوا في المهندسين هنا مش علشان هم أصحاب المال يتحكموا في موظفينهم
نظر له ادهم وقال:
ايه الكلام الكبير ده انت هتخلى الدمعة تفر من عينى يا مسكين كانك في معتقل وبتتعذب هنا
فوق يا عامر هنا زاي اي مكان لازم نعمل كدة علشان نسيطر علي العدد المهول إلا علي السفينة وواحد يرخي وواحد يكون شديد
فهمت نور وقالت:
في ده عندك حق لأن السفينه زي البيت الأب بيكون شديد الأم بترخي او العكس ومش في كل المواقف وفعلا برافو عليكم أنكم بتقدرو تسيطروا ،وانا فهمت اللغز، ومستعد لاي تحدى علشان أثبت ليكم اني مش ضعيف
ضحك سيف وقال :
فعلا انت عقلك كبير وتشبيهك جميل
بس ياتري مين الأم ومين الأب فيهم
ضحك حمزة وقال :
فعلا واعتقدت ان ادهم ام عسل والله
ضحك سيف :
فعلا طيب كدة وحنين وقلبه كبير
رفع ادهم صوته وقال:
اتلم انت وهو لحسن والله اسلمكم لزين واخد الصف إلا تحت ايده وهما ما يصدقوا
رفع حمزة وسيف وعامر الرأي ووضعوا يدهم تحت دقنهم ويقول سامحني خلاص
وفي نفس الوقت
بدأ الاختيار والنميمة ما بين الشباب لأنهم كان متوصيين ان الجميع يختار نور في فريق معجب بشخصيته لأنه اتحدي زين وفريق في صف زين وفريق عاوز يضحك وفريق ماشي مع الزيطة وتم وضع الورق في علبة وطلعت هو إللي أختار ورقة من 120 ورقة وكان المفروض يطلع 10 ورقات واكتر اسم يتكرر هو إلا عليه الاختيار
كان أول اسم مدحت وتاني اسم نور
طلعت ربط البطرمان إلا فيه الورق وتم تحريكه ورجع أختار طلع 7 فيهم نور بالا سماء الشباب إللي جات معاها كل ده ونور متابعه وشعرت بقلق
نكمل الحلقة الجديدة
ياترى يا نور يكون حالك زى محسن 😂😂😂 اقصد رضا وهتعمل ايه
—
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب على متن سفينة)
