رواية حب على متن سفينة الفصل الثامن عشر 18 بقلم صفاء حسني

رواية حب على متن سفينة الفصل الثامن عشر 18 بقلم صفاء حسني

رواية حب على متن سفينة البارت الثامن عشر

رواية حب على متن سفينة الجزء الثامن عشر

رواية حب على متن سفينة الحلقة الثامنة عشر

قام زين وهو فى قمة غضب ودخل علي الحمام اخد شاور ثم ارتد ملابسه وخرج وكان والهاتف مستمر فى الرن

….

استغربت مديحة أن رافت بيتصل وسألته

انت ليه بتتصل ب نور ممكن افهم

انفعل رأفت وقال:

علشان ترجع انا مش عندى استعداد بالمخاطره ببنتي وأن كان علي الفلوس هشتغل في الفاعل وارده

انصدمت مديحة من رد فعله:

عرفت ليه كنت خايفة احكيلك ،علشان رده فعلك دي سيب نور تشتغل صدقنى انا بحبها جدا ومتقلقش مفيش أي خطورة عليها

كان رأفت يتجنن وقال:

رد بقي يا نور انتي لازم تاخد التليفون معاكي في كل مكان مينفعش كدة

اندهشت مديحة أنه متجاهل كلامها :

انت مش سامعني ولا مركز معايا نور مفيش اي خطر عليها

اغلق رأفت الهاتف ونظر لها :

انت فاهمة النتيجة اللي هاتحصل لو عرف مهدى بأن انا زوجك وانتي عايشة معايا وأن بنتي إللي عملت نفسها ولد وهو كان موافق ممكن يعمل ايه وبنتي هتروح في داهية

طمنته مديحة وقالت:

استحلفك بالله سيب نور هناك ممكن تقدر توصل الحقيقة لزين ،انا عرفت أن زين وافق تكون في نفس غرفته ومرة بمرة ممكن يبقوا أصدقاء ،واعرف هم عملوا ايه أو قالوا ايه عني هى فترة بسيطة علشان لم أرجع اخد حقي أكون علي بينة بكل اللي حصل

استغرب رأفت انانيتها وقال:

مش على حساب بنتى انا متصورتش انك ترمى بنتى فى النار عشان بس تعرف كل حاجه عن ابنك

لازم اخليه تعمل حسابها أن محدش يكشفها

…

كان زين فى قمة الغضب وقال

هو الزفت ده مش هيسكت ومسك الهاتف الوو مين

رد رأفت:

انت إللي مين فين نور مش ده تليفونه

ينظر زين الي الهاتف ويكتشف أن الهاتف الخاص ب نور ورد

:نعم هو في العمل اي خدمة حضرتك

ساله رأفت:

انت مين حضرتك زميله في الشغل

رد زين بغرور :

انا المدير بتاعه زين مهدى فواد السملوطي اسمي بالكامل عايز شهادة الميلاد كمان عشان تتأكد على المحروسه الا خرج من حضنك متسيبه يسترجل كدة

غضب رأفت وقال:

ايه قله الذوق دي تمسك تليفون ابني وكمان تبجح

اتكلم زين بحدة :

دلوقتى انا عرفت الواد لسانه طويل ليه طلع علشان ورث الطبع والتطبع

اتعصب رأفت وقال:

اكيد يورث كل حاجه مين أدي ليه التليفون يلا

رفض زين وقال:

ممنوع

غضب رأفت وقال:

هو ايه إللي ممنوع هو في معتقل

ابتسم زين وقال :

برافو عليك ويغلق الهاتف

غضب رأفت وقال:

واضح أن ابنك ده نسخه من ابوه لكن بدون أدب

اتكلمت مديحة بحزن :

عارفة سامي حكي ليا كل تصرفاته وعلشان كدة لازم يشوف حد نسخه منه علشان يتغير الله يسامحها حماتي سممت عقله

غضب رأفت وقال :

مش على حسب بنتي وبنتى مش ولد بنت و مش نسخه منه، وانا مش مسؤول يتغير او لأ أهم حاجة عندي بنتي متتعرضش لضرر وده إللي متوقعه يحصل وانا وهي نخسر كل حاجه

اتكلمت مديحة بثقة وقالت:

محدش يقدر ولو يوم حصل انا هظهر وليا نسبه هناك

نظر رافت لها وقال:

مش بتقولي انك فى نظرهم ميتة بس ليه اختارت تكون ميتة وايه التهمة إللي خلتك تخجلي وتفضلي الموت وانك تتحرم من ابنك

اتنهدت مديحة بحزن :

أبشع تهمة اكيد لاي ست او بنت شرفها او تتهم بالخيانة

أنصدم رافت وقال:

لا حول ولا قوة إلا بالله كملي انا مش رايح الشغل النهاردة الوقت اتاخر

هزت مديحة راسها :

طيب احضرك الفطار

رفض رافت:

لأ انا وانتي انفطر برا واهو يوم تفتكري فيه العز وايام دودى هانم

ضحكت مديحة فى وسط حزنها :

صدقنى انا حياتي معاكم انت وأختي وداد الله يرحمها ونور والرزق القليل احسن من الغني مع الخداع

هز رأسه رافت :

بس انا مصمم لسببين الأول اني عرفت سر انك بتخاف تخرج في الإمكان العامة ،ثانيا علشان محتاج أروح ازور زوجتي

هزت مديحة حاضر ألبس هدومي

……….

كان ادهم بيضحك :

خسرت الرهان يا فالح الواد خرج وهو مستخبي

استغرب عمر :

مش غريبة أول مرة زين ينام كل الفترة دي

ابتسم ادهم :

فعلا ليكون تعبان بسبب إنقاذه نور وبيداري ألمه

انفزع عمر وقال:

تعالي نشوفه

….

كانت نور تشرح للشباب دورهم وقالت:

تمام يا شباب كدة كل واحد عرف ازاي يفتح موقع علي جوجل جريدة او شركة او عيادة

سألها عامر ‘:

طيب يا مهندس نور ده سهل لكن ازاى نقدر نحمي المواقع إللي فتحنا من السرقة او الهكر

ابتسمت نور وقالت :

بالحيلة والدهاء مثل الثعبان إللي ببقترب منك وانت متحسيش بيه الا لما يلدغ .

سألها مدحت:

يعني تقصد نخدع إللي يخترق ويهكر

ابتسمت نور :

الله يفتح عليك وعارف ازاى

يقطع كلامه زين واحراجها

بأنك تحط مخدر في زيت الزيتون والخل وتدهن علي الشخص إللي قرصك صح

انصدمت نور وقالت:

انت بتتكلم عن ايه حضرتك

زعق زين وقال:

عن حركات الثعابين اشمعنا النهارده بالتحديد أنام النوم ده كله ومش احسي ولا بصوت البوق او بالسفينة

انصدمت نور من اتهم زين ليها وقالت :

حضرتك مش وقته الكلام ده بعد إذن حضرتك

زين يرفع صوته بغضب

هو انت خليت فيها حضرتك عاوز تخدرني نفسك اموت صح .

كانت نور تتحدث ما بين نفسها

اللهم طولك يا روح ثم ترد:

هو انت حضرتك بتخترع مشاكل من أي نوع

اتعصب زين وقال :

انا الا بعمل مشاكل والا انت عارف اعترف قول ايه الا عملته عشان انام لحد دلوقتي

تنظر نور الي المهندسين وطلبوا منهم يخرجوا وقالت

اتفضلوا حضراتكم دقايق وبعدين نكمل

هز رأسهم المهندسين ب التمام يا وخرجوا من مكتب الحاسوب

غضب زين وقال:

هو مين اللي بيدى أوامر هنا انا ولا انت خايف ليكتشفوا حيلتك،

وانا كنت مش مطمني لادبك لكن عرفت السر سهون زي الثعبان

غضبت نور وقالت:

هو انت في وعيك يا بشمهندس زين مستوعب اللي بتقوله من فين لازم نجبر الموظفين علي احترامنا ومن فين بتتهمني وتهنى اقدمهم

استوعب زين لكن كان بيكبر وقال:

انت السبب انت عارف انا اول يوم اتاخر كدة في النوم و اشمعنا لم انت تكون معايا في نفس الغرفة اكيد حطيت لي مخدر علشان انام

علي قدوم ادهم وعمر عندما سمعوا صوت زين المرتفع

طلب ادهم منهم يهدو :

اهدى يا اخى وفهمني ايه اللي عمله نور تاني

اتكلم زين بغضب:

الباشا بيسهيني علشان الكل يتكلم انه المنتصر

استغرب عمر:

منتصر ايه بس مش اعتذر ليك امبارح وانت قبلت ايه اللي حصل بس

كمل زين بعصبية:

اساله شوف كان يقصد ايه ابن امه ده

يلتفت الجميع لم يجد نور

دفع عمر وقال:

مين قال ان ابن امه نور يتيم يا مهندس والا مربيه مرات ابوى

انصدموا زين وادهم وبصوت واحد :

نعم

كانت نور خرجت عشان تتأكد من كلام زين وذهبت إلى المطبخ وهي تتحدث مع نفسها هو فعلا في حد حطلوا نسبة مخدر ولا هو من التعب نام وعادى انا لما بكون مجهدة بفتح في النوم هو فاكر نفسه قطر

وفعلا تذهب للتأكد

تتجه نحو المطبخ وتذهب عند الشيف طلعت وتلقي السلام وتقول :

صباح الخير يا شيف طلعت

ابتسم طلعت وقال :

صبح النور يا ابني لسه مفطرتش احضر ليك فطار

هزت راسها بالنفي وقالت :

لا حضرتك انا فطرت لكن الأستاذ زين لسه مفطرش ممكن تحضر ليه الاكل

ابتسم طلعت وقال:

اكيد يا ابني انا كنت متوقع أنه يصحي متأخر وجهزتله الفطار

استغرابت نور وسألتها :

اشمعنا كنت متوقع كده

ابتسم الشيف طلعت:

الصراحة يا ابني وبيني وبينك الدكتور فارس وهو بيكشف علي الأستاذ زين لاحظ ان عنده إرهاق جامد بسبب عدم النوم الصحيح والعصبية الدائما ده بسبب كدة وطلب مني اضع له بعض مهدئ في الأكل بتاعه لكن هو رفض يتعشى لكن لم انت جيت وطلبت الزيت واليمون والخل علشان هو تعبان فوضعت المهدئ مع الزيت

انصدمت نور وقالت :

فعلا هو نام وارتاح مفيش اي مشكلة بس يارب يوافق يدهن النهارده كمان

ابتسم طلعت :

حتي لو رفض اضيفه في العصير أو الشاي لأنه حالته أصبحت في خطر

استغربت نور وقالت :

بس مش عجيبة الدكتور فارس مش تخصصه عظام ايه علاقته بالتوتر النفسي

رد عليها من الخلف فارس وقال :

انا ممارس عام وعارف كتير عن جميع التخصصات وانا فاهم بتسال أن العلاج مش ضار عليه .

هزت نور راسها وقالت :

أظن ده الواجب لأن كدة حضراتكم بتخدعوه وانا بسمع أن كتر المهدئات بتسبب ادمان .

هز رأسه فارس:

فعلا لكن في حالة لو النسبة كبيرة هي مجرد نسبة بسيطة جدا تجعله يسترخي.

سالته نور وقالت:

وانتم بتعملوا كدة دايما ولا علي حظى الجميل علشان الهدنه تفشل قبل ما تبدأ

ابتسم فارس :

انت مشكلة يا مهندس يا عسل انت الصراحة عمر خاف جدا ومش وافق من غير علم زين

ابتسمت نور وقالت :

عسل والا عبيط استغلتونى اهوه فاكرنى انا السبب وعمر عنده حق في ده لانى ممكن لقدر الله يتعرض لاي ضرر

هز فارس رأسه يطمنها وقال :

ده رأي دكتور كان كشف علي مهندس زين الأجازة إلا فاتت من 3شهور كان أتعرض لأزمة وصحته اتدهورت وقع من علي متن السفينة.

انصدمت نور وقالت

‘ ليه كدة

بدأ فارس يشرح :

مش عارف السبب لكن من شهور مرة واحدة اغمى عليه ووقع في البحر كان ستر ربنا أن المهندس ادهم وعمر كانوا قريبن منه

وطلبوا الغواصين وانقذوه .

وامير جاب دكتور مخ واعصاب ونفسي وكتب العلاج ده ولكن هو رفض ياخد وغلبني معاه

فهمت نور وقالت :

خلاص مفيش مشكلة انا عندى الحل

بلهفة تحدث فارس :

بجد هو ايه

شرحت نور :

انا كنت خايف من المشاكل إلا هتحصل لكن انا هتصرف وبإذن الله اقنعه ممكن مساعدتك انت وعمي طلعت

هز رأسه فارس وقال:اه اكيد

وايضا طلعت قال :

تحت امرك يا ابني

هزت نور راسها وقالت:

الأمر لله وحده المشكلة إللي عند زين عند معظم العاملين علي السفينة صح

هز فارس رأسه:

طبعا الملل مع العزلة في وسط البحر بتعمل خلل في توازن العقل والجسم لكن علي الأقل معظمنا بينزل كل شهر او شهرين اما المهندس زين لأ

ابتسمت نور وقالت

كدة اتحلت حضرتك تعملي تركيبه زاي بتاعت امبارح بس بكمية بسيطة جدا تكف 120 عامل

استغرب فارس وسألها

ليه كل ده

ردت نور وقالت:

اسمع مني يا دكتور وان شاء الله هننجح

هز فارس رأسه:

تمام عندك كمية كبيرة من الاغراض يا طلعت

هز رأسه طلعت:

اه يا فندم وبكرة نبلغ أمير يجيب تاني

هزت راسها وقالت

إن شاء الله مش هانحتاح كتير لكن محتاج علبة صغير جدا مغلفة

كان مستغرب فارس:

افهم بس ليه كل ده

ردت نور وقالت

الممنوع مرغوب يا دكتور صح

ابتسم فارس :

صح لكن افهم

أكملت نور وقالت

وغريزه البشر لما بيلاقي حد اتعالج ب علاج يجري ياخد منه حتي لو مش مناسب ليه

ضحك فارس وقال:

للاسف الشديد الشعب المصري واخد الاوسكار فى الموضوع ده وميعرفش ان كل جسم مختلف وليه المضادات الخاصة بيه

هزت راسها نور ب اسف وقالت :

فعلا هقولك اعمل ايه

انا هوزع إللي هنعمله علي جميع الشباب كدة زين عشان ميكنش أقل من حد هياخد علبة هو كمان ويدهن منها وكدة عرفنا نخليه ياخد العلاج لكن بطريقة غير مباشرة

ابتسم فارس :

يا ابن اللعيبة تمام بكرة يكون جاهز

هزت راسها نور وقالت

تمام خلال الوقت ده يا عم طلعت لازم كل السفينة تعرف ان مستر ادهم اخد علاج رايحة ومستر عمر وطبعا اللاشعة هتنشنتر والكل يقول عن حد اخد

ابتسم طلعت :

حاضر يا ابني

…

سال ادهم :

انت بتقول ايه يتيم هو كمان

هز عمر رأسه :

اه سمعت وهو بيتكلم مع مرات أبوه وبيطلب منها تهتم بابوه لأنه مريض

أنصدم ادهم :

ربنا يتولاه ورغم كدة احنا اشتغلنا عليه تريقة من وقت ما جيه

مكنش فارق زين معه وقال:

انا مش فارق معايا كل ده المهم اعرف ليه حطلي مخدر عايز يثبت ايه

عادت نور وقالت:

ولا حاجه يا استاذ زين ده مجرد وصفة مهدي ومسكن للألم وضعتها مع الزيت ودهنت منه لي انا كمان علشان أثر الواقعة مش يظهر علينا لأن لول الدهان ده مكنتش هتقدر تنام من الواقعة وانا كمان ولو انت شايف اني غلطان ولو خايف علي حياتك مني وشايف اني قاتل ومجرم ممكن تنقلني لغرفة أخري وده آخر كلام عندى حضرتك لو سمحتوا اتفضلوا علشان اكمل العمل مع المهندسين

كان زين يشعر بالغضب وقال:

ايه البجاحة دي والله لربيك

بدأ يهدى ادهم:

خلاص يا زين هو اعترف وكمان صورتك قدام الشباب تتهز كدة سيبك منه طنشه

أيده عمر وقال:

انا رأي من رأي ادهم وفي الأول انت كنت محتاج تنام وبتعاني من عدم النوم بالعكس هو نفعك لما عمل ليك الموضوع دي ياريت يديني الوصفة

ابتسمت نور وقالت

اكيد اتفضل علبة

رد ادهم وقال :

وانا كمان انا بفضل اتقلب طول الليل وبقوم متكسر

ضحك عمر وقال

علشان بترغي مع البنات

ضربه ادهم ضربه خفيفه

لا والله بخ موضوع البنات انتهى

ردت نور وقالت

حاضر يا فندم لم أخلص شغلي هعمل ليك علبة

لم يستطع زين أن يتحدث وخرج ومرت ساعات العمل عليهم حتى جاء وقت الغداء وزين لحظ قمة النشاط إلا هو فيه هذا اليوم عكس باقي الأيام

وفعلا طول اليوم بدأت الاشاعة تنتشر

…..

وفي بريك الغداء انتشر علي متن السفينة أن المهندس نور عنده خلطه سحرية تجعل الشخص يسترخي

اخر اليوم اتجه زين نحو غرفته وجد توابير من الشباب علي الغرفة ينتظر اثناء الغداء

اتعصب زين وقال بصوت عالي

انتم بتعملوا ايه هنا

رد سيف

بناخد الكريم من المهندس نور يافندم

سألهم زين

كريم ايه ده

رد عامر وقال

كريم سحري يا فندم وأخرج علبه

يري زين علبة صغير في يده وسألهم

:بيعمل ايه ده

رد اسر وقال :

شبه ابو فاس بتاع زمان لعلاج المفاصل يا فندم والصداع

رد سيف وقال:

سمعنا ان حضرتك ارتاحت عليه واحنا بنفضل طول الليل نتقلب وتاني يوم بنصحي بدرى

يرد شاب آخر :

انا جربته امبارح وعرفت انام

وغيره شاب تلو الأخر

زعق زين وقال

كل واحد يرجع علي اوضته مفهوم

ودخل عند نور وقال

ايه يادكتور نور هتدخل في شغل الدجل والحل حوش

سالتها نور وقالت:

ليه يا فندم

اتعصب زين وقال

ايه اللي انت بتعمله ده

ابتسمت نور وقالت:

بثبت ليك اني مش كنت عايز اقتلك بعد ما شفت الخوف والشك في عيونك

اتكلم زين بتحدى :

انا مش بخاف من حد علي فكرة

هزت راسها نور وقالت

عارف يا فندم لكن انت طول اليوم متكلمتش واحنا اتفقنا نكون اصدقاء او اتمني اكون صديق ليك

ابتسم زين:

تروح تبيع التخريف ده

ابتسمت نور وقالت

حضرتك كل شخص بيعيش علي أمل في الحياة انه يشتري الراحة والسعادة ،وممكن التركيبة دي تكون بسيطة لكن اللي جربها عايش علي امل انه يكون نشيط تاني يوم

نظر زين لها وقال:

طيب كفاية كدة ركز في شغلك

سالته نور وقالت:

والباقي

رد زين:

انا اشتريهم منك كلهم كدا حضرتك ارتحت بس مش عايز دوشة على السفينة

: تبتسم نور ابتسامة طفولية

وتنطط زي الأطفال وتنسي أنه راجل

هيه اكيد مرتاح

يسرح زين في حركاته ثم يفوق ويزعق

انت ياواد استرجل كدة ايه حركات الطفولة ديه : تنتبه نور وتقف

آسف يا فندم

كمل زين وقال:

هو انت فاكر نفسك جيبت جول كل الموضوع انى أخدتك على قد عقلك لحد ما تخلص مدتك هنا

حزنت نور حزن مصطنع:

هو انا طفل قدامك

ضحك زين :

ومش أي طفل أكبر طفل شفته في حياتي ويقترب منه ثم يمسك كتفه ويسحبه ويأخذه على مراية الحمام

شايف ايه طفل والا لا

تنظر نور على شكله تجد بعض من الخلطة مدهون علي وجهه فوق الجبين وتحت في ذقنه تصرخ :

اي ده الا وشي

ضحك زين على شكلها وقال

أثر مطش الكرة أغسل وشك كدة وغير ملابسك وابدا في شغلك إلا انت جاي ليه بسرعه

هزت نور راسها:

حاضر لكن ليه

ابتسم زين :

علشان نرتاح منك يا كابتن لأنك طول ما انت هنا ويسكت عندما ينظر الي عيون نور

سالته نور ببراة وقالت:

طول ما انا هنا ايه يا فندم

تحدث زين ما بين نفسه هفضل متلخبط وتايه انت فيك حاجة غريبة بحس أني بشوف احيانا نفسي وانا صغير، واحيانا بحس فيك حنان الأخ واحيانا بحس بمشاعر عجيبة، حب او عشق ينفض أفكاره ثم يرد ممكن تبقي صديق الانتيم، وفي هذه الحالة أعلمك زى تسترجل أتعامل معاك علي انك صديق

ابتسمت نور وقالت

زي ما بتتعامل مع الأستاذ عمر وادهم وأنا أكون سعيد أني أكون صديق ليكم وأخ

نظر زين لها وقال :

انت إنسان غريب علي فكره

سالته نور :

هو ايه إلي غريب فيا يا مهندس

ابتسم زين وقال:

على قد ما رخم ولسانك طويل لكن روحك حلوة وطاهر جدا خالي من الحقد والمكر إلا يتطبع بيه معظم الشباب كأنك ورقة بيضة خالي من أي حبر

ابتسمت نور وقالت

يعني مش ثعبان وتعلب الحمد الله انك عرفت شخصيتي يا فندم كنت بزعل لما بحس انك بتنظر لي نظرة احتقار

ابتسم زين :

في البدايه كدا اما دلوقتي لا وانا قررت هتكون صهر العائلة واجوزك اختى

انصدمت نور وقالت:

نعم

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية حب على متن سفينة)