رواية حب على حافة جبل الفصل الخامس 5 بقلم حنين الماضي
رواية حب على حافة جبل الجزء الخامس
رواية حب على حافة جبل البارت الخامس
رواية حب على حافة جبل الحلقة الخامسة
ادم بدأ يحس انة دبس نفسة فى جوازة من بنت خالتة ..
ادم : انا مليون مرة نبهت عليكى لا تطلعى قدام اصحابى ولا تنادى عليا حصل ولا محصلش
نادية: هما اصحابك دوول اصحاب
ادم : اخر تنبية والا هقول لاخوكى
نادية: ولما انت جاى تتشطر عليا كدة روووح اتشطر على امك اللى فالطالعة والنازلة مش عاجبها حاجة
ادم : احترمى نفسك واتكلمى عنها كويس والا يومك ماهو معدى
نادية: هو دة اللى انت فالح فية ،تيجى تسمعنى الكلمتين وامك واخواتك مش قادر عليهم
ادم : ما امى اللى مش عجباكى دى،هى اللى بلتنى بيكى وحطتك فى سكتى ولولايا مكنش حد اتجوزك تانى بعد ما اطلقتى
نادية: انا شكلى اللى بقع فى رجالة ورق
ادم : ورق !! انتى عاوزة واحد قاعدلك عينة متوربش من عليكى
نادية: اتجوزتنى لية مدام مش قدى
ادم : قدرى ونصيبى الهباب
نادية: هو انت كل شوية تسمعنى الاسطوانة دى
ادم: ادينى نبهتك ودة اخر تحذير
———————-
هبة: خلاص قربت السنة تخلص ونتخرج اخيرا
حنان: الحمد لله بس بعد معاناة
هبة: هيصعب عليا قعدتنا الحلوة دى
حنان : وانا كمان دى اكتر حاجة مزعلانى
هبة: انا فالبيت خلاص مستنينى اخلص ويجوزونى
حنان: طيب واحمد يا هبة خلاص كدة اتنازلتى بسهولة عنة
هبة: انتى على ايدك شوفتى هو كام مرة يتقدم وبابا يرفضة بيقولى دة بالتحديد لاة وخلاص انا تعبت واهى جوازة والسلام ،ما انا مش هينفع افضل كدة
حنان: قولى بقى انة زغلل عينيكى على السفر برة
هبة:انا فعلا وافقت عشان اسافر بس مش حبا فالسفر لكن عشان ابعد عن عيون احمد خالص وهو كمان لازم يشوف حياتة
حنان: معقولة بعد كل الحب دة
هبة : انتى متخيلة انا بحبة من امتى ؟ من ابتدائي هههه عديت ابتدائي وانا بحبة وعديت اعدادى وانا بحبة وعديت ثانوى والجامعة وانا بحبة يبقى اكيد دة حب حقيقى مش كدة
حنان: والله ما عارفة اقولك اية بس عالعموم عريسك مش وحش وكفاية ان احمد هيفضل كبير فى نظرك ومحفور جواكى مش زى اللى انا حبيتة ومع اول مطب راح اتجوز وزمانة خلف كمان
هبة: معلش يا حنان اديكى شايفة الواحد بيبقى عاوز حاجة وتلاقى النصيب والقدر فى حتة تانية
حنان: عندك حق
———————–
نادية : الو
…: الو مين
نادية: هههه مش عارف صوتى
….: مش واخد بالى معلش
نادية: مش انت محمود صاحب ادم
محمود: اة انا
نادية: يبقى اكيد عرفتنى
محمود: لا
نادية: انا نادية مراتة
محمود باستغراب: اة اهلا وسهلا ،ادم فى حاجة ولا اية
نادية: هو دة بيحصلة حاجة
محمود: مش فاهم
نادية: انا جبت رقمك من عندة بس هو ميعرفش انى بكلمك
محمود: اة فهمت طب خير تحت امرك
نادية: كلامك حلو كدة وهادى مش زى صاحبك
محمود: بالعكس دة ادم الذوق كلة داحنا عشرة
نادية: انا مش متصلة عشان اقعد اتكلم عنة
محمود : طيب اتفضلى انا معاكى
نادية: انا عاوزة اسألك سؤال وجاوبنى بصراحة
محمود: اكيد طبعا
نادية: هو لية بتقعد تبص على جسمى اول لما تشوفنى ههههه
محمود بصدمة: نعمم اناااا
نادية: اة انت اوعى تنكر انا شوفتك ههههه.
محمود: اية يا مدام اللى بتقولية دة عيب كدة
نادية: خليك واثق ان استحالة ادم يعرف حاجة بس صارحنى
محمود: انا اسف مش هقدر اكمل المكالمة سلام
——————-
نادية ضحكت بعد لما قفل فى وشها😁
نادية: الو حسام
حسام: ايوة مين
نادية: انا نادية مرات ادم
حسام: اهلا وسهلا يا مدام اتفضلى
نادية: ادم ميعرفش حاجة عن المكالمة دى ولا اى حد
حسام : مش فاهم
نادية: انا متصلة عشانك انت
حسام:…..
نادية: هههههه قولى انا بلفت نظرك مش كدة
حسام: افندم
نادية:هههههه عارفة انك بتبص عليا وبتمسك عينك بالعافية وباخد بالى بس ادم واثق فيكوا جدا هههههه
حسام : نعمم واثق فينا يعنى اية
نادية: يعنى ممكن يتخانق معايا عشانكوا
حسام : يعنى دى امور شخصية بين راجل ومراتة ومعتقدش انك المفروض تحكى حاجة بينكوا زى كدة ،معلش مضطر انزل عندى مشوار
—————
ادم: كام مرة اقولك مجيش من شغلى الاقيكى قاعدة عند الجيران
نادية: انت عاوزنى افضل محبوسة اكلم نفسى،وبعدين اهم بينفعوا
ادم: بينفعوا !؟
نادية: كنت فين انت واهلك ساعة انا ما كنت بسقط
ادم : المفروض نشم على ضهر ايدينا مش كدة
نادية: اهو نزل من النكد اللى معيشني فية
ادم: ربنا بيحبنى بيقولى اهو رحمتك شوية
نادية: يووووة نفس الاسطوانة انا ماشية من قدامك
—————
حسام : محمود عاوزك فى موضوع
محمود: وانا كمان
حسام: لا انا موضوعى اهم
محمود: لا انا موضوعى اهم
حسام : انا بقالى فترة بفكر ابتدى الكلام ازاى ومش عارف
محمود : وانا كمان
حسام: هو انا كل ما اقولك حاجة هتقعد تقولى وانا كمان
محمود : اصل انت بتقول اللى جوايا فعلا
حسام: طب قول يا عم قبل ادم ما يجى عشان اقولك موضوعى عشان مش عاوزة يسمع
محمود : وانا كمان
حسام: بص انا على اخرى مش ناقصاك اتكلم
محمود : اتكلم انت
حسام: مش عارف ابتدى منين واياك تقولى وانا كمان
محمود : مراتة
حسام:ايوة مراتة يا ابن اللاعيبة عرفت منين ان دة اللى عاوز اقولة
محمود: انا بتكلم على موضوعى انت بتقول اية
حسام: موضوعك ازاى
محمود: مرات ادم كلمتنى
حسام: وانا كمان 🙄
محمود: نعم
حسام: مش بتريق والله دة حصل فعلا
محمود: هى كلمتك انت كمان
حسام : انا كمان يعنى اية
محمود: اتصلت بيا من فترة قالتلى كلام غريب وبصراحة كلام يخرب بيوت ويعمل مشاكل ويخسر صداقة
حسام: انا قعدت تقولى انت بتبص عليا وكلام مش تمام
محمود: نفس الكلام وتقولى انها ملفتة وانها بتاخد بالها لكن والله ما بعمل كدة،بس هى ماسكانا بالدور لية
حسام: هى شكلها ناوية تقطع علاقتنا بآدم
محمود : طب والحل
حسام: لازم نلفت نظر ادم
محمود : انت عاوزنى اقولة كلامها دة !!! لا مش هقدر يا عم
حسام : لا مش هنقول كدة بس نقولة احنا كلمتنا وزعلانة منك انك بتديها وش قدامنا
محمود : اة كدة ماشى
حسام : ادم جة اصبر
ادم: ازيكوا يا رجالة
حسام ومحمود : الحمدالله
ادم : مالكوا
حسام: عاوزين نقولك على حاجه وخايفين تتنرفز
ادم : خير
محمود : انت عارف اننا اخوات
ادم :بلاش مقدمات ملهاش لازمة ادخلوا فالموضوع
حسام: بصراحة المدام اتصلت بينا وتقريبا زعلانة انك بتشد عليها
محمود : بس والله مدنهاش فرصة وقفلنا بس قولنا لازم نعرفك
ادم : 😡😡😡😡
حسام : ادم رايح فين استنى بس
محمود: هيروحلها طبعا وحقة بس اياك متتبلاش علينا هى قدامة وهو يصدقها
حسام : ربنا يستر
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب على حافة جبل)
