رواية حب على حافة جبل الفصل الثامن 8 بقلم حنين الماضي
رواية حب على حافة جبل الجزء الثامن
رواية حب على حافة جبل البارت الثامن
رواية حب على حافة جبل الحلقة الثامنة
نزلت حنان من عند ادم وقلبها متعلق بية اكتر من اى مرة وحست فعلا ان المرة دى هيكون من نصيبها لانة متغير عن اى مرة قرر يبعد فيها ورجع …
وقررت حنان تفاتح اخوها الكبير فالموضوع
حنان : انا فى واحد عاوز يتقدملى
محمد اخوها: مين ؟ معاكى فالشغل ؟
حنان :لا ،دة كان اتقدملى قبل كدة وانا فى ثانوى
اخوها : ودة ظروفة اية فكرينى
حنان : هو عندة معرض الوميتال و..
اخوها : اة اة افتكرتة سيبك منة
حنان : اسيبنى ازاى
اخوها : خلاص فى واحد تانى ابن ناس ومحترم اتقدملك وانا شايفة مناسب
حنان : بس كنت عاوزاك تقعد معاة تشوفة يمكن تغير رأيك
اخوها : لالا مالوش لازمه خلينا فاللى جاى دة هيكون احسن ليكى وجهزى نفسك هيجوا بعد يومين يشوفوكى
حنان بصدمة : ……..
————-
حنان حست ان خلاص ادم كده مش ليها للأبد وغصب عنها لازم توافق على العريس اللى جابة اخوها ومتقدرش تقف قدامة لانة اخوها الكبير وكمان ظروف ادم مخلياها مش فى موقف قوى ..
لحد هنا قررت حنان تمنع اى اتصالات و مقابلات بأدم خالص ومحاولتش تتصل بيه نهائي …
———–
جة العريس واهلة يشوفوا حنان وعجبتهم واتفقوا على ميعاد الخطوبة
حنان : ماما انا مش مرتاحة للعريس دة
مامتها : هو دة كمان هطلعية معيوب
حنان: يا ماما انا بكلمك بجد والله
مامتها : مالة يعنى
حنان : يعنى اى عريس بيحاول يبص لخطيبتة او يكلمها لكن هو محاولش
مامتها : انتى عاوزة واحد قليل الادب ودة ابن ناس ومتربى
حنان : انا عاوزاة يكلمنى زى اى واحد بيكلم عروستة
مامتها : هو لسة عرفك عشان يكلمك
حنان : ماشى يا ماما
——————–
ادم فالفترة دى كان هيتجنن ويعرف اى حاجة عن حنان خصوصا انها مبتردش على اتصالاتة لحد ما بعتلها رسالة قالها طمنينى عليكى وهنا ردت حنان علية وقالتلة ( اعتبر حنان ماتت ) وعملت بلوك لادم .
كانت حنان كدة اتأكدت انها مش هينفع تكلم ادم بعد ما خلاص خطوبتها قربت …
وفعلا تمت خطوبة حنان واسامة ..
حنان : يا ماما هو لية مبيحاولش يتصل يكلمنى
مامتها : يمكن محرج عشان لسة فالاول
حنان : طيب ماهو انا محتاجة اعرفة
مامتها : نبقى نكلم اختة نشوف هو فى ايه
حنان : هو انا كل ما هيبقى فى حاجه هكلم اختة؟
مامتها : هما يكلموة بطريقتهم احسن
حنان : ماشى هقوم اكلم اختة
مامتها : ماشى
—–&———&&&
حنان : انا والله مش عارفة اقولك ايه
اختة: حصل حاجة من اسامة
حنان : مش عارفة بس حساة غريب ولية مواقف غريبة
اختة : ازاى مش فاهمه
حنان : متزعليش منى بس من يوم الخطوبة وانا ملاحظة حاجات غريبة منة بالرغم انة اكبر منى بعشر سنين، يعنى المفروض فاهم حاجات كتير عنى
اختة : لا والله هو طيب جدا وبيحبك
حنان : فى حاجات ملهاش علاقة بالحب
اختة: طيب فهمينى فى ايه
حنان : يوم الخطوبة مثلا مخدتيش بالك مش عارف يلبسنى الدبلة ولا حاول حتى يلمسنى او يبصلى
اختة : هو بس بيتحرج شوية .
حنان : طيب عالاقل يتصل بيا ،يطمن عليا
اختة : خلاص متزعليش انا هكلمة
حنان : انا لما بتصل بية بحس انة بيرد غصب عنة شووية هيزعقلي يقولى بتتصلى لية
اختة: هههههه متكبريش الموضوع وانا هكلمة واضبط كل دة متقلقيش
حنان : اتمنى ميزعلش ويفهم قصدى
اختة: الموضوع معايا متقلقيش
حنان : ماشى
—————
حنان طول فترة الخطوبة وهى مش مرتاحة لكن اخوها مصمم ومتقدرش تعارضة ..
حنان : يا ماما عدا خمس شهور من الخطوبة ومافيش اى تغيير
مامتها : اخواتة يظبطوة بقى بس هو فى حالة ومؤدب
حنان : مؤدب اية هو انا هتجوز اختى انا عاوزة واحد يهتم بيا ويتصل ويتكلم معايا ، وهو مبيعملش كدة خالص وعلى طول انا اللى بتصل واقعد اقول معلش عشان لسة بياخد عليا لكن انا حاسة ان فى حاجة غريبة
مامتها : خلاص كلها شهر وتتجوزوا وهيتقفل عليكوا باب واحد وساعتها كل حاجة هتتغير
حنان : يا ماما افتكرى انى قولتلك انة مش حاسسنى وعامل زى المصدوم على طول .
مامتها : مقدور علية ،مش احسن لما تجيبلنا واحد يبهدل فينا ونرجع نقول ياريتنا
حنان : ماشى يا ماما خلينى معاكوا لحد الاخر
——————————-
طبعا ادم كان خلاص خد قرارة وهو من بعد اخر خطوبة لية مش هيخطب ولا يتجوز غير حنان ولما عرف انها اتخطبت قرر يبعد ويراقبها من بعيد واتمنى انها تكون سعيدة فى حياتها .
فالوقت دة حنان مكنتش بتحاول تفكر فى ادم لانها كانت خايفة تضعف ومش هينفع خصوصا انها خلاص قربت تتجوز
—————–
شقة الزوجية جهزت واتحدد الفرح وحفلة الحنة لكن حنان كانت معدومة الاحساس مكنش عندها الفرحة بتاعت اى عروسة انها هتلبس الفستان الابيض ،، كل فرحتها انها جمعت اصحابها كلهم فالحنة وكانت بترقص معاهم كأنها حفلة عيد ميلادها مش حنة فرحها وتوديعها حياة البنات عشان هتكون مدام وزوجة وأم
——————
جة يوم الفرح وحنان مستنية عريسها فالكوافير زى اى عروسة يجى عريسها ياخدها ويبوسها من جيبينها او ايديها لكن للأسف كل العرايس مشيوا وهى كانت اخر عروسة لحد ما عريسها جالها الساعة ١٠م 😁🙈
طبعا كانت متضايقة جدا لكن ضغطت على نفسها عشان خلاص مافيش مفر والليلة تعدى وعشان متحرجش اهلها فاضطرت تسكت ، وبقت حنان تلاحظ وقت التصوير ان اخوات العريس هما اللى بيقولولة يمسك ايديها ازاى عشان يتصوروا وكان لا لية فى رقص ولا اى حركات بتاعت اى عريس مع عروستة 🙂
——————–
خلصت فقرات الفرح وطلعت حنان و أسامة على شقتهم 👇👇👇👇👇👇👇👇👇👇👇👇
واسامة ما زال عندة حالة من الصدمة او مش مصدق انة اتجوز تقريبا …
حنان : انا هدخل اغير الفستان واحضر العسل
اسامة : ……
حنان : هو انت مش جعان
اسامة : ………….
حنان : طيب انا هغير هدومي واكل لانى جعانة جدا وعاوزة انام عشان تعبانة
اسامة : ……………
دخلت حنان فعلا غيرت فستانها لوحدها وخرجت تتعشا وسابتة ونامت لانها كانت مجهدة جدا ، دة غير ان الرغبة فيه مش موجودة اصلا وهو كمان مشجعهاش .
مامتها فالصباحية بتتصل بيها تتطمن عليها :
حنان : الو يا ماما
مامتها : مبروك يا حبيبتى عاملة ايه
حنان : الحمدالله
مامتها : يعنى خلاص
حنان : لا
مامتها : لية بس !! طيب براحتك وابقى طمنينى عليكى
حنان : ان شاء الله
——————-
اسامة : صحيتى
حنان : هو انت نمت فالاوضة التانية؟
اسامة: اة
حنان : طب براحتك
اسامة: اخويا جاى كمان شوية قومى خلينا نخلص
حنان : 🙄
اسامة : معلش
حنان : معلش اية
اسامة: مش عارف
حنان : يالهوى يالهوى عليا
اسامة: اهدى اهدى انا هتصرف
حنان : هتعمل ايه يعنى
اسامة: هكلم اخواتى اسألهم
حنان : يالهوى على كدة
—————-
دخل فعلا اسامة كلم اخواتة وخرج وحاول تانى وتالت لكن مافيش فايدة ..
ودخل اتصل بأختة وللأسف طلبت منة يتعامل بأيدة ومن هنا كانت الصدمة لحنان :
اسامة : خلينا نجرب
حنان : والله العظيم ابدا ما هيحصل ولا هتحط ايدك عليا ووالله لو فكرت تعمل اللى اختك قالت علية دة ،لا انا هصوت والم عليك الناس
اسامة : طب اية الحل دلوقتى
حنان : لازم نروح نكشف
اسامة : طيب
————————
وفعلا راحوا كشفوا والدكتورة قالت ان حنان مشكلتها هتتحل مع الولادة الطبيعية ، ساعتها اسامة ماصدق انة لقى حجة يهرب بيها ومن ضعفة كراجل لكن حنان اصرت انة لازم يكشف عند دكتور ذكورة ، وفعلا بدأ يعمل تحاليل واشاعات وياخد علاج لكن ولا كان فارق معاة حاجة ..
وكل ما يعمل تحليل كان بيخبيها على حنان واستمر الوضع شهور وهو بيحاول بالعلاج لكن مافيش فايدة ..
لحد فى يوم ما حصلت خناقة كبيرة بين حنان واسامة واصرت حنان تكبر المشكلة وتبعت تجيب مامتها واخوها
حنان : هو دة اللى انتوا جوزتونى لية ، هو دة اللى انتوا شايفينة راجل من نظركم !! هو دة العريس النقطة!! هو دة الراجل اللى هيصونى ! انا حاسة انى متجوزة اختى
اسامة : انتى اللى مش طبيعية وكل الدكاترة قالولى كدة
حنان : طيب انا هثبتلهم انك كداب حالا
اسامة: ……
حنان : اتفضلوا خدوااا شوفوا التحاليل والاشاعات والادوية خدوا شوفوا العلاج والكريمات اللى بياخدها لو انا فعلا اللى فيا حاجة غلط ،هو يخبى منى لية التحاليل والاشاعات !؟ ياخد هو علاج لية مش المفروض انا اللى اخدة ؟
اسامة: انتى بتفتشى ورايا
حنان بغضب: هو انت فاكرنى هبلة ، دة انت حتى نظافتك الشخصية مش مهتم بيها ، دة يا ماما لما يبقى عندنا حد وهو فالحمام بيخرج عليهم على طول عادى كدة ، دة واحد اخواتة محفظينة، حتى هدومة ،اكتشفت ان الست مرات اللى كان بيجيلى فيهم طول الخطوبة كانوا اخواتة اللى بيلبسوة ،انا يا ماما حاسة انى متجوزة طفل لا بيعرف يغسل ايدة ولا بيهتم حتى بنضافتة ولا بيعرف يتكلم وكمان كداب
اخوها: طب اهدى وانا هتكلم معاة
حنان : تتكلم مع مين كانوا الدكاترة نفعوا ،دة يا اخويا الكبير طلع عندة حالة نفسية وصدمة عصبية من ساعة امة لما توفت لانة كان مرتبط بيها ودة سببله ارتخاء حاد فالاعصاب يعنى حتى العلاج مش هيجيب نتيجة معاة لانها حالة نفسية وهو عايش فيها واخواتة كانوا فاكرين انهم لما يجوزوة هيتعدل راحوا جايبينة ليا يلزقوة
اخوهابغضب: لو طلع كلام حنان صح انا هيكون ليا تصرف تانى لان كدة انتوا كدبتوا علينا
حنان : انا عاوزة اقولكوا انا بقالى ٦ شهور متجوزة وكل يوم اصبر نفسى واقول معلش يمكن يتعدل لكن انا متجوزة طوبة معندوش اى مشاعر ولا احساس انا لحد دلوقتى لسسسسة بنت وكان فى مرة هيأذينى هو واختة وانا اللى رفضت قولتلة تعملوا اللى تعملوة وبعدين يتحسب عليا راجل ومهما كنت هقول محدش هيصدقنى طبعا لكن الحمدالله ربنا معايا وانا ياما قولتلكم من الخطوبة انة مش طبيعى بس هقول ايه اهى النتيجة على قراركم قدامكم
مامتها : قومى حضرى شنطتك هترجعى معانا
اخوها : قومى اسمعى كلام امك وانا ليا كلام معاه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب على حافة جبل)
