رواية حب ضد الجميع الفصل الرابع 4 بقلم زهرة الربيع
رواية حب ضد الجميع الجزء الرابع
رواية حب ضد الجميع البارت الرابع
رواية حب ضد الجميع الحلقة الرابعة
بيساوموني يرجعوا البنت مقابل انسحب من الانتخابات… والله برافو عليكم ولعبه كويسه قوي
نور حطت ايدها على بقها بصدمه
وراشد اتأكد من كلام ابوه و اتنهد وقال ….تمام يا عمي قل لهم موافق
قال بغضب شديد… انسحب ليه…و
ولسه هيتكلم بس سبقو راشد وقال…اقسم بالله يا عمي ما ليا دخل بالموضوع ده … في حد عامل العبه دي علشان عارفنا متخانقين مع بعض وعايزين يبعدوك عن الانتخابات..انا لو قلت لك ثق فيا مش هتعمل كده بس ارجوك علشان خاطر بنتك اللي معاهم اسمع كلامهم وقول لهم حاضر.. وانا هحل الموضوع ده لو ما رجعتلكش بنتك من غير ما تضطر تنسحب كمان…ساعتها حنى نور هطلقها لاني هبقى مستاهلهاش
نور استغربت لما قال كده وابوها حس انه صادق في كلامه وقفل من غير ما يرد عليه
نور بصت له بدموع وهو قال… اقسم بالله ما ليا دخل
وقعد على السرير بتعب
نور قعدت جنبه وقالت …مصدقاك
بصلها باستغراب وقال… بجد
نور ابتسمت وهي بتبص لعيونه بحب وقالت…. قلبي مصدقك وانا قررت امشي وراه زي العاده
راشد شدها لحضنه وقال….انتي قلبي وكل حياتي والله مستحيل اذيكي ابدا.. بحبك قوي وبقى يضمها بقوه…. وناموا في حضن بعض للصبح
في صباح يوم جديد نور قامت من النوم
واتفاجأت براشد ييجهز شنطهم للسفر
قالت باستغراب…. انت بتعمل ايه
راشد قال ابتسامه….هنروح الجونه يومين
نور قالت باستغراب…. ليه انا معايا شغل هنا… واختي..
راشد قال بسرعه…احنا رايحين علشان اختك..واكيد هيه اهم من اي شغل
نور قامت بسرعه وقالت… انت عرفت مكانها
راشد قال …لسه بس هعرف..اجهزي بسرعه
و فعلا قامت اخذت شاور وهي مش فاهمه اي حاجه بعد ساعات كانوا وصلوا الأوتيل واخذوا المفاتيح بتاعة الاوضه ولسه هيطلعوا …كان في راجل في ال 60 قاعد ومعاه ست في ال30 قاعدين على البحر
راشد كانت عيونه ماتشالتش من عليهم طول الوقت…و مسك نور من ايدها وقال تعالي معايا وراحلهم وقال …صباح الجمال نشئت باشا الحريري
بقلم….زهرة الربيع
نشئت بصله باستغراب وقال… مين حضرتك
راشد قال… انا دكتور طلعت السباعي ودي مراتي مدام هنا
نور كانت بتبص له باستغراب ومش فاهمه بيعمل ايه
راشد قال …احنا مبهورين بحضرتك على فكره انا واحد من الملايين اللي نفسهم جدا حضرتك تفوز في الانتخابات
نشئت ضحك وقال… شكرا اشكرك من قلبي
راشد قال…. انا على طول بعمل لك دعايه عند المرضى بتوعي
نشئت ابتسم وقال …اشكرك من ذوقك.. اتفضل اقعد معانا انت والمدام ..وكان بيبص لنور كتير
راشد اتضايق بس حاول يكتم غيظه وقال …مش تعرفنا انت على المدام
نشئت قال..اه دي سوزي مراتي
راشد سلم عليها وباس ايدها وهو بيبصلها بنظرات كلها اعجاب ونور هتتجنن منه بس سكتت بالعافيه
وهما قاعدين سوزي قالت… انا عايزه انزل البحر..ممكن يا دكتور طلعت لو ما عندكش مانع تيجي معايا لان انا لسه بتعلم
راشد سكت شويه بس نشئت قال بسرعه …روح معاها يا دكتور طلعت… لان انا مش بقدر انزل البحر
راشد قال بسرعه… اه طبعا اكيد… البس لبس البحر بس
وفعلا راح لبس ونزل وراحو هو وسوزي البحر و كانت متعمده جدا تقرب منه
نور كانت شايفاهم من بعيد وهتتجنن من حركات سوزي وقربهم من بعض وبقت تتكلم مع نشئت وتهزر معاه قاصده تخلي راشد يشوفها
راشد شافها فعلا وكان هيتجنن من حركاتها وبعد وقت نور طلعت على الأوضه
راشد ما مصدق انها طلعت وراح وراها
نور دخلت الحمام بغضب وخدت شاور ولبست ولسه هتطلع
دخل راشد بغضب وفتح الحمام ودفعها عند الحيط وقال …. ايه اللي عملتيه تحت ده
نور قالت بزهول..انت ازاي تدخل عليا الحمام كده
راشد قال بغضب…. ردي عليا ايه الي عملتيه ده
نور قالت بغضب….زي اللي انت كنت بتعمله مع سوزي هانم تحت
راشد حاوطها عند الحيط وقال بغضب…. وهو اي حاجه اعملها انتي تعملي زيها
نور قالت بغضب… اه ..ومتزعقش
راشد قال بغضب… طب انا اتفقت معاها النهارده اروح لها اوضتها انتي كمان هتروحيلو اوضته
نور اتسعت عينيها بزهول وقالت… انت بتقول ايه
راشد قال بغضب…. يا غبيه ده نشئت الحريري اللي خاطف اختك… ومراته دي ست شمال اتجوازها فتره للمزاج وعارفه عنه كل حاجه هي الوحيده اللي هتوصلنا لاختك وانا علشان كده بقرب لها
نور اتسعت عنيها بدهشه وقالت ….ايوه يعني بتقرب لها لدرجه ايه يعني …فعلا هتروح لها اوضتها
راشد ضحك وقال ….شوفي انا بقول لك ايه بقى لي ساعه وانت بتقولي ايه… هو ده اللي همك في الموضوع
نور قالت بارتباك….لا طبعا اكيد هاممني اختي وكل حاجه بس بس انت كمان جوزي وتهمني…يعني اكيد مش هسيبك تروح تخوني
راشد حط اديه على وسطها وقال.. انا عمري ما اعرف اخونك حتى لو مع واحده مكنه زي سوزي كده
نور ضربتو في صدره بغضب وقالت.. اتلم يا راشد ..ومش هتروح لها على جثتي
راشد ابتسم على غضبها وغيرتها وفتح الدش ونزلت الميه عليهم
نور اتفاجئت وشهقت بخضه ومسكت فيه بقوه وقالت…. انت بتعمل ايه يا مجنون
راشد قرب منها اكتر وقال… من وقت ما حبيتك وانا مش عايز غيرك حتى نفسي مش بتروح على اي واحده غيرك دايما عايزك محتاج لك انتي.. انتي وبس
نور كان قلبها بيدق بعنف بين ايديه وقالت بهمس… انا بغير عليك من نظره واحده ما بحبش انك تشوف غيري ولا احب ان واحده غيري تشوفك
راشد شدها عليه بكل قوته وحاوط وسطها بايديه وقال مفيش واحده غيرك تلفت نظري اصلا
وقرب منها وباسها بقوه وهيه تجاوبت معاه
بالليل كان جهز ولبس ووقف قدام المرايه بيرش البرفان بتاعه
نور كانت رايحه جايه في الاوضه بغضب وبتقول ….لا مستحيل انا هولع في نفسي على بال ما تيجي
راشد ضحك وقال …بطلي جنان بقى انتي عارفه انا رايحلها ليه
نور قالت بغضب… عارفه ومش عايزه ..مش عايزاك تروحلها انا ممكن تجرالي حاجه لو انت قربت منها
راشد ابتسم وقرب منها وقال….وحياة عيونك ماهلمسها انا بس هدخل الاوضه احط فيها حاجه وخلاص
نور لسه هتتكلم رن تليفونه وقال …اهي بتتصل كده جوزها نزل تحت..انا لازم اروحلها بسرعه ماشي متقلقيش يا قلبي وملكه عمري انتي انا عمري ما اكون غير ليكي
ولسه هيمشي مسكت ايده وقالت بسرعه….طيب اوعدني اوعدني هتحكي لي ايه اللي حصل بالظبط
راشد قال وهو مستعجل… يا مجنونه هحكي لك كل حاجه بس سيبيني دلوقتي قبل ما جوزها يطلع
نور قالت بدموع…. مش قادره مش قادره والله في نار في قلبي حاسه انك ممكن تعمل حاجه معاها
راشد اتنهد وقال ….طب بصي انا رايح احط الكاميرا دي في الاوضه عندها…علشان نعرف نسمعهم بيقولوا ايه…هيه متوصله باللاب ده وجاهزه اول ما احطها هشغلها علشان تشوفينا وتتأكدي مبسوطه كده
بقلم…زهرة الربيع
نور قالت بفرحه.. بجد طب اول ما تدخل تركبها .
ضحك وباسها بسرعه وقال من عنيا
ومشي و خبط على اوضه سوزي
فتحت له ودخل بسرعه و قفلت الباب وكانت لابسه قميص نوم باللون الازرق قصير وخفيف… قربت منه وقالت… كل ده يا دكتور بقالي ساعه باتصلت عليك
راشد قال بارتباك..اه اصلي كنت مستني مراتي تنام… اصلها بتنام من المغرب
سوزي قربت منو جامد وقالت …جوزي كمان بينام من المغرب
راشد قال بمعاكسه… حد يكون معاه العسل ده وينام من المغرب راجل ما بيفهمش خالص
ضحكت بمياعه وقالت ..اصبلك كاس
راشد قال…. يا ريت
سوزي بقت تصبلو كاسو وهو استغل انشغالها ووقف جمب الكمود و كانت في ايده كاميرا صغيره خالص بقى يحاول يثبتها في الورد اللي وراه من غير ما تاخد بالها وهو بيقول…مقولتليش يعني انتي اتجوزتي من امتى
سوزي قربت منه واديته الكاس وقالت… خمس شهور خمس شهور وهو على نفس الحاله وقربت منه وحطت ايدها ورا رقبته وقالت….انا حاسه بوحده صعبه
في الوقت ده كانت الكاميرا اشتغلت و نور بتشوف الاوضه كويس جدا وشافتها واقفه جنبه وحاطه ايدها ورا رقبته وبيشربوا سوا وكانت هتطق
راشد قال بتوتر…وعلى كده بقى معندكيش اولاد
سوزي ضحكت وقالت …بقولك بينام من المغرب.. اولاد ايه وقربت منه قوي وهي بتلعب في زراير قميصه وقالت… بس نفسي في اولاد
راشد بلع ريقه بارتباك لانه عارف ان نور شايفاه وقال..احم كلنا نفسنا في اولاد وبعد وقعد على السرير وبقى يشرب بارتباك
سوزي اخذت منه الكاس وقربت عليه وقالت… احنا هنتكلم كثير ولا ايه
راشد بصلها بعدم فهم مصطنع وقال…امال هنعمل ايه
سوزي ضحكت جامد ودفعته على سرير وقالت مش وقت هزار على فكره جوزي ممكن يطلع في اي وقت
هنا نور مقدرتش تتمالك اعصابها وراحت على الاوضه
بسرعه ووووووو
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حب ضد الجميع)
