رواية حب خفي الفصل الثالث 3 بقلم سحر حسين
رواية حب خفي البارت الثالث
رواية حب خفي الجزء الثالث
رواية حب خفي الحلقة الثالثة
وتليفون رن وردتيت وانا نايمه خالص ومش حاسه باي حاجه ولا شايفه مين اللي علي تلفون اصلا .
**************
ريم : الو ..
زين : الو يا استاذه ريم عامله ايه .
ريم : تمام تمام .
زين : اه انا اسفه شكلك نائمه اسف علي الازعاج انا بس كنت حابب اطمن عليكي .
ريم : انا كويسه . …
زين : طيب انت اصلا عارفه مين معاكي .
ريم : ……………
زين : استاذه ريم . …. طيب هكلمك تاني لما تصحي سلام .
ريم : …………
***************
زين قفل التلفون وبعد ساعات من نوم صحيت والحمدلله وببص في التلفون لقيته متصل ورديت عليه وانا كنت محرجه جدا منه ومش عارفه اعمل ايه اتصل بيه ولا لا وبعد تفكير حوالي كده ١٠ دقايق اتصلت بيه طبعا ……
****************
ريم : الو
زين : الو عامله ايه دلوقتي .
ريم : تمام الحمدلله انا اسفه جدا .
زين : طيب الحمدلله …. اسفه على ايه .
ريم : عشان يعني اتصلت وانا كنت نائمه .
زين : اه بس انتي رديتي عليا .
ريم : ايه يا ادي الاحراج .
زين : احراج ايه انتي مش فاكره اصلا انتي قولتي ايه .
ريم : بصراحه اه مش فاكره اني رديت اصلا .
زين : هههههههههه اصلا كان باين عليكي التعب اووي .
ريم : اه كنت تعبانه جدا وهموت ونام .
زين : بعد الشر طيب ايه لسه عايزه تنامي تاني ولا ايه .
ريم : لا تمام اووي كده .
زين : طيب كويس قومي بقي صلي الفجر ولبسي وتعالي الشركه هكون في انتظارك .
ريم : فجر فجر ايه ليه هي الساعه كام .
زين : هههههههههه انتي كمان مش عارفه الساعه كام الساعه ٥ الفجر .
ريم : بصدمه كبيره 😲 ٥ الفجر انا اتصلت بيك ٥ الفجر طيب انا اسفه جدا جدا صاحيتك .
زين : ولا يهمك انا اصلا صاحي .
ريم : طيب انا هقفل بقي .
زين : تمام هتيجي الشركه .
ريم : اه طبعا لحسن ترجع في كلامك .
زين : هههههههههه لا يا ستي ما تخفيش .
ريم : تمام ماشي اشوفك علي خير ان شاء الله .
زين : تمام ماشي .
ريم : معلش انا اسفه ممكن سؤال .
زين : اه طبعا اتفضلي .
ريم : هو انت صاحي دلوقتي ليه .
زين : هههههههههه عادي كنت بلعب رياضه .
ريم : رياضه دلوقتي ربنا يعينك .
زين : هههههههههه امين يارب .
ريم : ماشي سلام بقي .
زين : سلام .
ريم : اه اه ثواني معلش .
زين : هههههههههه ايه تاني .
ريم : معلش هو انا هاجي الشركه الساعه كام .
زين : الساعه ٧ .
ريم : ايه ٧ طيب يلا بقي عشان الحق البس سلام سلام .
زين : سلام .
************************
قفلت معاه وجريت زاي المجنونه علي الحمام اخد شور ولبس عشان الحق انزل .
******************
عند زين :
دخل خد شور وكان واقف يلبس قدام المرايا بتاعته وهو كان مبتسم جدا وكان كل شويه يفتكر كلمها وطريقتها كان بيضحك علي آخره .
لا دي اكيد مجنونه مفيش حد كده بس انا بجد اول مره اضحك اووي كده لا ومن قلبي طريقتها مجنونه بجد هو فيه كده .
زين خلص لبسه ونزل ركب عربيته وكان برضو مبتسم وده غير العادي يعني .
********************
عند ريم :
الام : اه بسم الله الرحمن الرحيم انتي صاحيه دلوقتي لا غريبه دي لتكوني يا بت تعبانه .
ريم : ماما والله يباركلك انا مش فاضيه خالص ونبي بعدين بعدين .
الام : هو ايه أصله ده .
ريم :ماما انا مستعجله والله مش وقته .
الام : ماشي يا اختي انتي حره بقي .
ريم : هي الساعه كام يا ماما .
الام : الساعه ٧ و ١٠
ريم : ايه يالهووووي اوعي يا ماما اوعي .
الام : وربنا مجنونه ….. انتي هتلبسي الجزمه في الشارع ما تلبسي زي الناس يا بت .
ريم : عادي يا ماما في ناس بتلبسها في الشارع عادي بقي .
الام : ماشي يا اختي روحي .
********************
نزلت وانا ماسكه الجزمه في أيدي وبلبسها في الشارع وكنت بجري زاي المجنونه ووقفت تاكسي وجريت ركبت علي طول .
وبعد شويه وصلت الشركه وتصلت بيه عشان اشوف مكان فين .
****************
ريم : الو يا استاذ زين مكان حضرتك فين بظبط انا في الشركه اهو .
زين : اطلعي الدور الثالث واسألي عليا .
ريم : تمام ماشي سلام .
زين : سلام .
**************
طلعت فوق وداخلت السكرتيرة علي زين وردت عليا بستغراب
السكرتيرة : حضرتك عايزه الاستاذ زين متاكده .
ريم : اه انا ممكن تقوليله الاستاذه ريم .
السكرتيره : تمام ماشي اتفضلي .
*************
ريم : السلام عليكم ورحمه الله وبركاته .
زين : وعليكم السلام ورحمه الله وبركاته يعني من اول يوم تيجي متاخره كده .
ريم : انا اسفه بقي .
زين : استاذه ريم انا اهم حاجه عندي في الشغل هو الالتزام بالمواعيد .
ريم : تمام بس انا هشتغل مع مين بظبط يعني مين المدير بتاعتي .
زين : انا ..
ريم : نعم .
زين : ايه مش عاجبك ولا ايه .
ريم : لا مش قاصدي بس انت قولتلي انا هقابل المدير أو صاحب الشركه علي الاقل .
******************
قاعد زين وحط رجل علي رجل ويلف الكرسي شمال ويمين ويضحك ضحكه كده مستفزه
ويقولها …………..
***************
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب خفي)
