رواية حب خارج المنطق الفصل الثالث 3 بقلم مجهول
رواية حب خارج المنطق الجزء الثالث
رواية حب خارج المنطق البارت الثالث
رواية حب خارج المنطق الحلقة الثالثة
فوقت من سرحاني على اني خبطت في واحد قدامي ووقعت!!
: انا اسف…كنت مستعجل وبجري عشان متأخر!!..بس انتي برضو كنت سرحانه ومش واخده بالك!!…. انتي كويسه؟؟؟…. قالها وهو بيمد لي ايده
فضلت ابص عليه ببلاهة وانا فاتحة بوقي مترين وهو قعد يضحك على شكلي تقريباً بعدين استوعبت الموضوع ومسكت ايده وقومت وانا ماسكة ضهري بأ.. لم
: اااااااااااه ضهري وجعني اوي!!
بعدها مشي على طول وسابني!!…بالبساطة دي!!…ادايقت جدا!! ….كنت متوقعة منه يعتذر…. ولا يقولي اخدك المستشفى عشان اطمن عليكي!!…..بس لا مشي وسابني على طول!!……مغرور!!
دخلت القاعة وقعدت في البنش الاخير لان كل البنشات كانت مليانه الا الاخير وقعدت على الطرف ومكنش في حد جنبي بعد مسافة دخل الدكتور وبدأ يشرح كنت مركزة في المحاضرة وبدون الحاجات المهمة ومش منتبهه لحواليا
: لو سمحتي ممكن تدخلي لجوة عشان اقعد
بصيت لمصدر الصوت لقيته نفس الشاب المغرور اللي سابني ومشي كشرتله تلقائي ودخلت لجوه وهو قعد جنبي
قولت في سري وانا ببصله بنفس التكشيرة : متأخر على المحاضرة وعامل فيها المستعجل!!.. وبتخبط في بنات الناس!!
وهو اخد باله من نظراتي
: ايه هتفضلي مكشرالي كده كتير؟؟؟… اظن اني اعتذرت منك على فكرة!!…. مع انك غلطانه برضو!!!…ماشية وسرحانه!!
بصيتله بعصبية وطفح بيا الكيل وانا بهوش بايديا الاتنين : لا كده كتير وكمان مش شايف نفسك غلطان!!…. لا ده انت بجح بصحيح!!….عامل فيها مستعجل وبتجري وانت اصلا متاخر على المحاضرة!!…..ده انت تلاقيك قاصد تخبط فيا!!….عشان تتحر* ش بيا!!
بصلي بصدمة : قاصد اخبطك!!…وبعدين متى اتحر*شت فيكي اساساً؟؟…استغفرالله العظيم!!!…ده انت احسن تسكتي لان بوقك بيحدف كلام!!
: مش ساا
كنت لسه هرد عليه بس قاطعني الدكتور وهو بيزعق
: الاتنين اللي في البنش الاخير برااااااااا!!!
قومت باحراج وسط نظرات الجميع وهو خرج برضو
بصلي واحنا ماشيين في نفس الممر : عاجبك كده؟؟… اهو انطردنا بسببك!!!
: بسببي انا!!…واكملت وانا برفعله اصبع سبابتي..اسمع يا متحر*ش يا مغرور انت انا هبلغ عليك في ادارة الجامعة!!!…وهقدم عليك ثلاثه شكاوي!!!اخليك تاخد فصل نهائي!!!
كان بيبصلي باستغراب ومرة واحدة لقيته انفجر بالضحك اتعصبت وسيبته ودخلت الكافتيريا افطر في الوقت ده لقيت ماما بترن عليا
: يالهوييي ايه اللي خلاها ترن عليا دلوقتي؟؟…كده هتعرف اني بأكل اكل جاهز وهتقعد تتخانق معايا…. لا لا مش هرد دلوقتي!!
الاكل وصل وقعدت اكل بسلام لحد ما لقيت كوباية عصير بتتحط قدامي والمتحر*ش المغرور قعد قدامي
: ايه ده؟؟؟….. ايه اللي مقعدك هنا؟؟؟… مفكرني مش عارفه نواياك يا متحر*ش يا مغرور!!
: اولا اسمي باسم مش المتحر*ش المغرور!!…تانياً ده عصير اعتبريه هدية اعتذار!!…ثالثاً وده الاهم عشان انتي فاهمة غلط!!انا لما كنت بجري و مستعجل مش عشان المحاضرة !!….لاني نسيت اخد اختي من المدرسة !!..ولما جيت عشان المحاضرة هي اتصلت عليا عشان اتأخرت عليها ومشيت من المدرسة عشان لقيت مفيش حد فيها وخافت وتاهت في الشارع!!.. واتصلت بيا من حد في الشارع وهي خايفة ومش عارفه هي فين!!
: يا سلام وانا المطلوب مني اصدق القصة اللي الفتها؟!!
بصلي بهدوء وقام : انا مش مهتم تصدقيني او لا لاني عارف نفسي!!…المهم اني اعتذرت وانتي مقبلتيش تبقى دي مشكلتك مش مشكلتي!!وخليكي شايلة مني برضو مش مهتم !!
ومشي قولت بصوت عالي وغيظ : مغرووووووووور!!
لقيت كل اللي في الكافيتيريا ببصلي فنزلت راسي باحراج وكملت اكلي وشربت العصير اللي جابه كان طعمه حلو اوي طلع مذوق بس مقدرتش اتعرف على نكهة العصير
كنت ماشية انا ورحمه نهاية اليوم للشقة وكان قدامنا للصدفة المغرور ومدميدو ماشيين
بصيت باستغراب وقولت : هو احمد يعرف الشاب المغرور ده منين؟؟؟
رحمه : تقصدي باسم؟؟
قولت بضجر : اممممممم
رحمه : باسم ده واحد من الشابين اللي قولتلك ساكنين مع احمد في الشقة اللي قدامنا ومعانا
بصيتلها بصدمة : ساكن في الشقة اللي قدامنا!!… الكداب!!….. المتحر*ش وانا اللي صدقت!!
كنا وصلنا الشقة واحمد وباسم كانوا واقفين قدام الشقة شكلهم مضيعيين المفتاح وكل واحد بيقول للتاني انا متاكد ان المفتاح كان معاك انت وبيبصوا في الارض وشكلهم كان بيضحك الصراحة كنت ضحكت لولا اني مدايقة منه
: نسيييييت اختي في المدرسة!!..وقولت وانا بشاور على احمد….هي اختك مدميدو ولا ايييييه!!!….. متحر*ششششش وقفلت الباب!!
سمعت احمد من ورا الباب وهو بيقول باستغراب : مالها دي؟؟؟
كنت نايمة بعد ما رجعت من الكلية صحيت على صوت رحمه وهي بتنادي عليا بتعب
: يا ايه يا ايييييه
قومت بخضة : في ايه مالك؟؟…انت كويسة؟؟
: مش قادررررة!!…العلاج بتاعي خلص ونسيت!!…ودلوقتي حاسه اني بمو*ت !!
قولت بصدمة وانا عارفة حالتها لما تسوء : اييييييييييه؟؟؟… متخافيش دلوقتي حالاً هروح اجبلك العلاج!!
: خدي الفلوس من شنطتي
قولت بكبرياء : عيب عليكي مبيناش الكلام ده!!
ومشيت جري بسرعة على الصيدلية ووصلت في وقت قياسي
: لو سمحت عايزة دواء ***** بسرعه!!
: اتفضلي بـ 900 جنيه
قولت بصدمة : ايه 900 جنيه!!!… كان لازم يعني اكابر وانا اصلا مش معايا غير 200 جنيه لاخر الشهر!!
: والله يا انسه ده دواء قلب ومش بتلاقيه في اي مكان فطبيعي يكون غالي!!
:لو سمحت هبقى اجيبلك الفلوس بعدين اديني الدواء عشان محتاجاه ضروري دلوقتي!!
: انا اسف يا انسه مش هينفـ
: انا هدفع لها الحساب خلاص!!…اديهولها !!
بصيت لمصدر الصوت لقيته احمد والصيدلاني ادالي الادويه بعد ما احمد دفع شكرته ومشيت كنت ماشية بسرع خطوتي عشان الحق رحمه واحمد ماشي ورايا بس مكنتش منتبهه
: على فكرة ممكن تمشي براحة مش هطالبك ترجعي الفلوس!!
وقفت وادركت انو فهمني غلط : لا انت فهمتني غلط والله!!..هرجعلك فلوسك لما ارجع الشقة!!.. مش انت اللي ساكن قدامنا؟؟؟
: لالالا انا مش عايزك ترجعيها انا الحمدلله الفلوس دي ولا حاجه بالنسبالي!!… الحمدلله معايا ومش محتاج!!.. انا كنت بهزر معاكي مش اكتر!!.. واه انا مدميدو اللي ساكن في الشقة اللي قدامكم!!
اومأت براسي بعدين بصيتله بصدمة من اللي قاله وهو قعد يضحك عليا
: على فكرة حلو الاسم اول مره حد يناديني مدميدو!!
بصيتله باحراج وانا التفكير هياكلني ازاي عرف ؟؟
: اكيد بتسألي نفسك ازاي عرفت بالاسم
قولت في دماغي : ده ساحر ولا ايه ازاي عرف بفكر في ايه
ضحك : ولا ساحر ولا حاجه !!
بصيتله بسماجه وانا فاتحة بوقي
: اقفلي بوقك احسن تدخل دبانه
قفلت بوقي باحراج ومشيت بسرعة وانا بحاول اتفأداه
جري ورايا : استني انا اسف كنت بهزر معاكي!!… اتمنى متكونيش زعلتي مني!!
: لا لا مزعلتش منك ولا حاجه بس انا مستعجلة!!
: لا انتي شكلك زعلتي والله!!.. متحوريش!!
: لالا مش بحور مزعلتش منك!!..بعدين حتى لو زعلت انت خلاص اعتذرت يبقى مزعلتش!!
: بجد والله بس انا حاسس انك لسه زعلانه!!
: قولت لك خلاص مش زعلانه والله!!
: خلاص هعزمك على ايس كريم عشان اتاكد انك مش زعلانه!!
بصيتله بصدمة من طلبه : لالا طبعا مش همشي معاك في حته !!
كشر وشه وقال بزعل : يبقى لسه زعلانه!!.. وعلى العموم انا اسف!!
: لا لا متزعلش وربنا مش زعلانه!!
ابتسم : خلاص يبقى تقبلي طلبي عشان اتاكد انك مش زعلانه!!
: بس
كنت لسه هتكلم لقيته مسك ايدي وقطعني الشارع ودخلني محل الايس كريم قعدنا
: خدي اطلبي اللي انتي عايزاه
مسكت المنيو وانا بتفرج بصيت على الاسعار بصدمة اقل ايس كريم عندهم بـ 150 !!…قولت في سري….ليه جايه طالبه منيو!! ايه المحل الغالي ده!!… بعدين افتكرت الـ200 جنيه اللي في شنطتي فقولت باحراج
: الجو بارد اوي مش جو ايـ
بتـ*ـر عبارتي وقال بخبث وهو عارفني بتحجج : الجو بارد اوي!!… دي درجه الحرارة النهارده 37 °
قولت باحراج مدعية صدمة : 37 بجد!!… يبقى انا المريضة!!
سحب المنيو من ايدي بسرعة : جيبيه خلاص انتي بتتلككي انا هطلب!!!… لو سمحت اتنين من دول!!
بعد وقت وصل الايس كريم بصيتله بصدمة من حجمه و شكله كان كبير اوي قولت بصدمة
: كل ده ليا لوحدي!!
بصلي باستغراب وقعد يضحك فحمحمت بخجل وهو سكت بعد مسافة
: لما كنتي بتتخانقي مع باسم شاورتي عليا وقولتي مدميدو فعرفت اسم الدلع بتاعي!!
بصيتله باحراج وهو قعد يضحك وكنا خلصنا اكل الايس كريم
:جارسون الحساب!!
هتف بها احمد وجاء الجارسون حط قدامه الفاتورة بصيت بصدمة للحساب 1200 !!… ده انا من ده كله معنديش غير 200 جنيه!!
هتفت بصدمة بدون ما احس : لو غسلنا المواعين هيسيبونا نمشي؟؟
بصلي باستغراب بعدين قعد يضحك بقوة وهو بيطلع الفلوس وبيقوم
: على فكرة دمك خفيف اوي!!!
ضحكت بسماجه لاني مكنتش بهزر
: خد الحساب 1200 و 300 عربون هديه للجارسون
بصيتله بصدمة 300 جنيه للجارسون هديه بس!!… يااااااه وانا اللي حيلتي 200 جنيه لاخر الشهر!!
طلعنا وفي نص الطريق خبط على جبهته
: ماشي معاكي كل ده ونسيت اسألك عن اسمك!!
قولت بابتسامة : ايه
: اسمك جميل يا ايه اسم على مسمى فعلاً… معليش لو مافيهاش تدخل يعني هو انت مريضة قلب؟؟
: لا الحمدلله
طالعني باستغراب : طب كنتي عايزة الدواء ضروري ليه؟؟..؟وانا على حد علمي انك مش عايشه مع اهلك !!..عايشه مع بنات !!
قولتله : الدواء ده لواحدة صحبتي معاياا في الشقه بعدين خبطت على جبهتي بتذكر…. رحمة!!… رحمة!!… نسيت رحمة!!…… وقعدت اجري في الشارع بسرعة وسيبته ورايا
فضلت بفكر وانا بجري بأحمد وشهامته معايا وانو مرضيش يسيبني الا لما صالحني وانه دفع حق العلاج عشان مكنش معايا ومكنتش اعرف ان دي حلاوة البدايات بس واني هندم على ده كله في يوم من الايام !!
: رحمة رحمة انتي فين جيبتلك العلاج ومش هتصدقي جرى ايه معايا النها…
بصيتلها بصدمة وانا بصرخ
: رحمممممممممممممممة!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب خارج المنطق)
