رواية حب بدون ارادة الفصل الرابع 4 بقلم نشوة عادل
رواية حب بدون ارادة البارت الرابع
رواية حب بدون ارادة الجزء الرابع
رواية حب بدون ارادة الحلقة الرابعة
-فى المساء شعرت فدوة بأحد فى الغرفة فظنت انها هبة ولكنها صعقت عندما رأت ياسين يقف امامها عارى الصدر ويرتدى شورت رياضى فصرخت بأعلى صوتها اما هو وقف مصدوما لرؤيتها وع اثر صراخها جاء الجميع
كوثر: خير يا بنتى بسم الله الرحمن الرحيم ايه اللى حصل؟
فدوة: ابنك قليل الادب دخل عليا الاوضة وانا نايمة وهو بالشكل ده
ياسين: احترمى نفسك يا بت انتى انا معرفش اصلا انك هنا انا كنت مفكر انك هبة وبعدين انتى ايه اللى جابك انتى مش متجوزة مكملتيش يومين!
هبة : اه صحيح دودى انت جوزك سابك ازاى تجيلنا زيارة بعد يومين بس؟
كوثر: شباب مش وقته اسئلتكم دى يالا كل واحد يدخل ع اوضته وينام والصباح رباح
خرجت كوثر والى جانبها ياسين اما هبة فجلست الى جانب فدوة وألحت عليها فى السؤال الى ان صارحتها فدوة بكل شئ …. وفى الخارج لم يترك ياسين والدته الا بعد ان قصت عليه كل شئ
ياسين بغضب: وازاى متعملوش محضر وتوديه فى ستين داهية
كوثر: يا ابنى مصطفى ملوش ذنب ده ضحية زيه زيها كله من مؤمن بيه هو السبب فى كل ده
ياسين: انا من يوم ما ابوها مات وانا بقول تيجى تعيش وسطنا لكن هى كانت مرتبطة بجدها وفضلته علينا تشرب بقى
كوثر: حرام عليك يا ابنى متخليش زعلك منها بسبب الموضوع ده انك تظلمها وفيها ايه انها تعيش مع جدها ما هو اللى مربيها
ياسين: تمام يا امى انا هدخل انام دلوقتى عشان عندى شغل مهم الصبح عن اذنك تصبحى ع خير
دخل ياسين الى غرفته ولم يستطع النوم فقلبه كاد ان يطير فرحا برؤية محبوبته وعقله يأبى ذلك فهى لم تشعر بحبه لها ابدا بل واختارت البعد عنهم بعد ان اعترف لها بحبه لم ينم وظل مستيقظا حتى اتى الصباح ابدل ملابسه وذهب الى عمله بالمحكمة حيث كان وكيل للنيابة … اما فى القاهرة
مصطفى: لارا انتى فين؟
لارا: انا فى البيت فى حاجة ولا ايه؟
مصطفى: عايزك تاخدى ميعاد مع والدتك وجوز اختك عشان هاجى اتقدملك النهاردة
لارا بسعادة: بجد يا مصطفى
مصطفى: بجد يا عيونى والله انا مبقاش عندى استعداد اوجعك واعذبك اكتر من كده
لارا: طب وجدك ومراتك
مصطفى: انا طلقت فدوة اما جدى مبقاش ليه حق يتحكم فيا لان دى حياتى انا وانا اللى هعيشها
لارا: طيب يا حبيبى انا مش فاهمة حاجة بس ع العموم انا هكلم ايمن وماما ونستناك ع ٨ بليل
اغلقت هاتفها وصرخت بسعادة فدخلت عليها والدتها: مالك يا بنت المجنونة فى ايه؟
لارا مصطفى شوشو
شهيرة: ماله يا بنتى ؟
لارا: طلب منى انى اعرفكم انه هايجى يتقدملى النهاردة
شهيرة بفرحة : بجد ربنا يسعدك يا بنت قلبى ويهديه ليكى كمان وكمان يارب لك الحمد انا هروح اكلم ايمن واخليه يعمل حسابه
عند فدوة استيقظت وحضرت الفطور لخالتها وابنة خالتها
فدوة: صباح الهنا يا خالتو
كوثر: صباح الجمال يا حبيبتى ليه تعبتى نفسك كنتى اندهيلى اساعدك او اندهى لهبة
فدوة: مفيش داعى يا حبيبتى ده مجرد فطار يعنى روحى صحى ياسين
كوثر: ياسين نزل من بدرى لشغله
هبة: صباح الفل ايه الفطار الملوكى ده
كوثر: عمايل ايد فدوة
هبة: الله الله جمدان اخر حاجة المهم انتى ناوية ع ايه بقى يا دودى
فدوة: بعد الفطار هنزل اروح شركة شوفت اعلان انهم محتاجين محاسبات وكده كده معايا ال CV بتاعى
هبة: حلو ده هاجى معاكى بقى
فدوة: طب وكليتك؟
هبة: معنديش محاضرات النهاردة انا فرى
ذهبت فدوة الى الشركة وتم قبولها للعمل واخذت هبة فى نزهة وتمشوا قليلا ثم عادت الى المنزل وكانت كوثر ع وشك النزول عند عودتهم
هبة: ع فين يا مامتى
كوثر: هنزل اروح عزا ابو صاحبتك ندى
هبة: والله اصيلة يا ماما حيث كده انا جاية معاكى تيجى معانا يا فدوة
فدوة: معليش سامحينى مش هقدر
كوثر: خليكى يا حبيبتى بس معليش لو ياسين وصل جهزيله الغدا
فدوة: حاضر يا خالتو عيونى
مرت ساعة وكانت فدوة تخرج بعد الملابس التى سترتديها غدا وجدت باب المنزل يغلق فخرجت وتفاجئت بياسين عيناه حمراوين ولا يستطيع التنفس بانتظام هرولت اليه ولكنه فقد الوعى فصرخت: ياااااااااسين ووووو ….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حب بدون ارادة)
