رواية حب بالصدفه الفصل الثالث والعشرون 23 بقلم ملك ناصر
رواية حب بالصدفه الجزء الثالث والعشرون
رواية حب بالصدفه البارت الثالث والعشرون
رواية حب بالصدفه الحلقة الثالثة والعشرون
في مكان تاني في فيلا كبيره في مكان هادي جدا تكون قاعدة بنت جميله في البلكونه شعرها الطويل بيطير وبتبص
للسما بشرود وهي بتسمع اغنيه لفيروز وبتشرب قهوتها جه من وراها شاب والابتسامه على وشه وحضنها من ضهرها..
البنت بابتسامه: حمدلله على السلامه يا حبيبي
: وحشتيني
البنت ببعض من الشرود: وانت كمان
: يالا ننزل ناكل يا حياتي..
البنت: حاضر هغير هدومي وانزل وراك..
باسها على جبينها بخفه ومشي وهي حست بقشعريره في جسمها..
البنت لنفسها: ليه مش قادرة احبك زي ما بتحبني ليه مش قادرة ابادلك نفس الشعور..
___________في قصر التهامي _________
كانت الاسره متجمعه على السفره..
لؤى: اخبار الشغل معاك ايه يا كنان
كنان بهدوء: كويسة
لؤى: وانت عامل ايه مع خطيبتك يا فهد
فهد: الحمدلله يابابا ننحدد معاد كتب الكتاب قريب والفيلا بتاعتنا بتخلص..
صفاء: برضو يا فهد مش هتتجوز معانا هنا في الفيلا يابني
لؤى: خلاص يا صفاء سيبوه براحته
فهد باس ايد مامته بحنان: والله ياست الكل حياه قالتلي نعيش هنا معاكوا انتوا عارفين هي بتحبكوا ازاي بس انا عايز
استقل بنفسي في شقتي مع مراتي ومتقلقيش هتلاقينا كل يوم عندكم هنا في الفيلا مش هتخلصي مني بالساهل يعني ههه
صفاء بابتسامه حنان: ربنا يحميك يابني ويديمك في حياتنا انت وحياه..
فهد: امين يا ست الكل يالا يا كنان علشان نروح المستشفى
كنان قام من مكانوا منغير ما يتكلم خد المفاتيح والتليفون وخرج..
لؤى بص لفهد واتنهدوا الاتنين بحزن وخرج فهد وراه..
صفاء بحزن على ابنها: وبعدين يا لؤى ابنى هيفضل كده على طول..
لؤى: معليش يا حبيبتي هو هياخد وقت لحد ما ينساها ويتخطى اللي حصل..
صفاء: هينسا ايه بس ده دخل التلاتين ولسه مخبطش حتى..
لؤى بهزار عشان يخفف عنها: خلاص بقا يا صفصف انتي
بقيتي نكدية كده ليه لا بقا دانا كده اشوفلي واحده تفرفشني..
صفاء: واهون عليك يا لولى
لؤى بهيام: لا يا قلب لولى..
المساعده من وراهم: احم لؤى بيه في تليفون لحضرتك من المكتب..
صفاء اتكسفت جدا ولؤي ضحك: حاضر جاي اهو..
__________في بيت فارس وفيروز
فيروز من المطبخ: يالا يا حبيبي الفطار جهز..
فراس خرج من اوضته وهو لابس لبس الشغل: جاي يا فيرو
فيروز حطت الاكل على السفره وقعدت وفراس راح قعد جمبها: صباح الخير يا حبيبتي
فيروز بابتسامه: صباح النور.. رايح الشغل النهارده
فراس: اممم عندنا مهمه صعبه شوية وهخلصها النهارده بأذن الله
فيروز: ربنا معاك يا حبيبي..
________________
كانت قاعده بتفطر بهدوء وشرود قاطع تفكيرها صوته
: سرحانه في ايه يا حبيبتي
البنت: مش عارفة افتكر حاجه يا صقر مش فاكره اي حاجه..
صقر بص اودامه بقلق وتوتر: يا حبيبتي مش الدكتور قال
مينفعش تضغطي على نفسك علشان متتعبيش..
البنت سابت الاكل بحزن: بس انا عايزة افتكر عايزة اعرف انا مين واتجوزنا ازاي ومين اهلي انت ليه مش عايز تقولي يا
صقر فين اهلي..
صقر بضحك: انتي دارين وانا صقر وعندك تسعتاشر سنه
واتجوزنا عن حب واهلك كلهم ما.توا وانا كمان مش عندي اهل بس كده ياستي..
دارين: مش كفايه يا صقر ازاي اهلك مش موجودين وانا معقولة مش عندي اي اهل خالص ولا ام ولا اب ولا اخوات حتى..
صقر بغضب: دارين اقفلي على الموضوع ده وبلاش كل شوية
تتكلمي فيه فاهمه انا زهقتت كل يوم عايزة افتكر عايزة افتكرر اعملك ايه يعني
دارين رجعت بضهرها لورا بخوف وصقر غمض عينه وهو
بيحاول يهدي نفسه وقرب منها ومسك اديها: يا حبيبتي انتي من سنه بعد جوازنا بكام شهر عملتي حادثة وفقدتي الزاكرة
وقعدتي في الغيبوبة تلت شهور وبس كده ده كل اللي حصل..
دارين هزت راسها وهي من جواها مش قادرة تصدق اي كلمه
من اللي قالها وبتحس دايما انها خايفة منه وبتتوتر لما يكلمها او يمسك اديها..
صقر: يالا يا دودو انا رايح الشغل باي..
صقر راح الشغل ووووو
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب بالصدفه)
