رواية حب انتقام الفصل الخامس عشر 15 بقلم آلاء عبدالظاهر
رواية حب انتقام الجزء الخامس عشر
رواية حب انتقام البارت الخامس عشر
رواية حب انتقام الحلقة الخامسة عشر
حب انتقام. البارت 15
اشرقت شمس نهار يوم جديد
ملك. بحماس. يلا يا يوسف عشان نمشي بقا
يوسف. اهدي اهدي مالك كدا كأنك رايحه المريخ
ملك. مش عارفه حاجه بتشدنى ل مصر اوي
يوسف. طيب ياستى ادينا رايحين
ملك. طب يلا بقا
طلعوا على المطار وركبوا الطياره
ملك. أنا خايفه يا يوسف
يوسف. من اي بس
ملك. من طلوع الطياره
يوسف. لا طول ما انا معاكي مش عايزك تخافى ابدا فاهمه
ملك. طول ما انت جمبى أنا مطمنه
وبعد وقت طويل جدا وصلوا الي مطار القاهرة
ملك. الله أنا حاسه أن روحي رجعتلي
يوسف. هههههه لي كل ده مصر وحشاكي
ملك. مش عارفه مصر ولا مين
يوسف . طب يلا ننزل الفيلا بتاعتى عشان تتفرجي عليها
ملك. بجد انت عندك فيلا هنا
يوسف. جهزتها وانا هناك وكنت حابب انك تكونى اول واحده تدخلها
ملك. طب يلا بسرعه
وصلوا فيلا يوسف بالقاهرة
ملك. وااااو اي الجمال ده
يوسف. اي رأيك عمايلي دي أنا الي مختار كل ده
ملك. الله ذوقك تحفه يا يوسف بجد جميله اوي دي هنعيش فيها أنا وأنت صح
يوسف. بحب. طبعا يا حبيبتي
فضلت ملك تتفرج على الفيلا
بالليل.
يوسف. اي رأيك بكره الصبح نروح الاهرامات
ملك. الله طبعا موافقه
يوسف. طب يلا عشان أنا جعان بقا اعمليلي اكل
ملك. بس كدة من عونيا
يوسف. تسلم عنيكي يا قمر
ملك. اي رأيك اعملك بيتزا
يوسف. وياترى بتعرفي تعمليها
ملك. طبع اهااا بصراحه أنا نسيت بس هحاول
يوسف. ماشي وانا معاكي يلا
في المطبخ.
طب أنا عايزة الدقيق وانا مش طايله ويوسف في الحمام اعمل اي خلاص بقا هجيبو والي يحصل يحصل
طلعت على كرسي ومدت أيدها
ملك. ايوا اهو مسكتك ولسا هتنزل اتزحلقت و مسكها يوسف والدقيق وقع عليهم
تخيلوا يا جماعه فيلم هندي كدا😂😂
يوسف. مش تستنينى طيب اجي اجيبو وانتي اوزعه كدة
ملك. اوزعه أنا سمعت الكلمه دي بس مش فاكره
يوسف. ملك روحتى فين
ملك. هااا معلش كنت مستعجله المهم روح هات دقيق تانى بقا
يوسف. اهو فيه تانى ياختى يلا جعاااان حرام عليكي 😂
ملك. ما تيجي تعمل انت احسن
يوسف. طيب والله هتدوقى أحلا بيتزا من ايد الشيف يوسف
ملك. هههههه بجد هتعمل انت
يوسف. امال😂
وبدأ في عميل البيتزا وملك بتتفرج عليه بحب
يوسف. اهو ياستى عملت ولا معملتش دوقى بقا قولي رأيك
ملك. داقت واااااو روعه وخدت الصينية وطلعت تجري
ملك. أنا هاكل لوحدي
يوسف. خدي يابت هنا أنا جعااان يابت
نسيب العصافير دول بقا ونروح مكان تانى 😂
ماذن. مراد انت لازم تنزل الشركة
مراد. مش قادر يا ماذن
ماذن. هتفضل كدا لحد امتى خلاص مش هترجع انسى بقا
مراد. لا يا ماذن هترجع أنا واثق في ربنا وعارف انها بتحبنى اكيد هترجع قلبي بيقولي كدا
ماذن. طب والشركة الي بتنهار دي اي حكايتها معاك مش ده تعب ابوك و جدك
مراد. خلاص يا ماذن من بكره هنزل
ماذن. ربنا يهديك يا صاحبي
مي. مريم أنا ملك وحشاني أوي
مريم. ومين سمعك وحشانى أنا كمان
وفاء. بس انا حاسه أن بنتى بخير بس فين بس يارب رجعهالي ياقادر يا كريم
اروى. ماما يا ماما تعالي حوشي ملك بنت خالتو مي دي لمضه اوي يا ماما وبتضربنى
مي. خدي يابت هي مين دي الي لمضه
مريم. خلاص يا مي اطفال بيلعبوا مع بعض
روحي يا اروى اللعبي بعيد
مي. انتي حره لو جيتى عند البت
اروى. هو حد يقدر يجي عندها وجرت 😂
مي. شوف البت 😂
اشرقت شمس نهار يوم جديد
يوسف. ملك يلا عشان هتروحي لوحدك تقابلي المدير عشان أنا مش فاضي
ملك. ماشي يا يوسف اهو خلاص خلصت هات العنوان
اداها يوسف العنوان ومشت في طريقها الي شركه التعاقد
وصلت ملك
ملك. أنا لي حاسه انى جيت هنا قبل كدا .. لالا اكيد مجتش يعنى وانا هعرف المكان ده منين
ودخلت الشركة ملك والكل اتحط في حالة صدمه
ملك. مالهم دول شافو عفريت ولا اي
لو سمحت عايزه اقابل المدير
السكرتيرة. بصدمة. استاذه ملك
ملك. نعم مش فاهمه حضرتك بتكلمينى أنا لا انتي غلطانه انا اسمى حور وجيه عشان أمضى التعاقد بينى وبين شركتكم
السكرتيرة. بتفاجأ. اه اتفضلى
دخلت ملك عند مراد بس مكنتش شايفه لانه كان مركز في الملفات
ملك. السلام عليكم
مراد. وقد اتصدم من تلك الصوت ورفع عينه
مراد. م ملك😯
ياترى اي الي هيحصل ل ملك لما تعرف أن يوسف ضحك عليها؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب انتقام)
