رواية حب انتقام الفصل الثالث 3 بقلم آلاء عبدالظاهر
رواية حب انتقام البارت الثالث
رواية حب انتقام الجزء الثالث
رواية حب انتقام الحلقة الثالثة
وصلت ملك الشركة ودخلت على طول عند ماذن
ملك . صباح الخير
ماذن. صباح الخير يا آنسه ملك
ملك. حضرتك مش محتاج حاجه أنا هروح على مكتبي
ماذن. اه استاذ مراد صاحب الشركه عايز يقابلك
ملك. هو مش حضرتك صاحب الشركه
ماذن. لا أنا المدير أما صاحب الشركه يبقى مراد المحمدي
ملك. تمام فين مكتبه
ماذن. تعالي معايا اتفضلى
ودخل ماذن ومعه ملك الي مراد
ماذن. مراد الانسه ملك اهي
مراد. وهو مركز مع الورق اتفضلي يا آنسه ملك
ماذن. طب استأذن أنا بقا
ملك. بتوتر وخوف مع انها مش شايفه وشه لانو مش باصص عليها.
مراد. وهو يرفع نظره إليها
مراد. بصدمة. انتي 😯
ملك. انت😯
مراد. جيتى للجحيم برجليكي يا حلوة اهلا وسهلا
ملك. ومين قالك اصلا انى هقبل اشتغل هنا
مراد. والله براحتك بس ياريت متنسيش الشرط الأساسي وطبعا أنا مش موافق انك تمشي ف تدفعي يا حلوة طبعا انتي معكيش 20الف لأن انتي واحدة كحيانه
ملك. يعنى اي أنا ادبست كدا
مراد. حاجه زي كدا ويلا بقا روحي هاتيلي القهوة بتاعتى وتعالي
ملك. بس انا مش الخدامه بتاعتك أنا هنا في الحسابات
مراد. من دلوقتي بقيتى السكرتيرة الخاصة بتاعتى و مكتبك هيبقى عندي هنا
ملك. وانا مش موافقه وانت مفكر نفسك مين انت عشان تتحكم فيا كدا
مراد. والله انا مش بطلب رأيك ده أمر وانتي هتنفزي غصب عنك
ملك. روح ياشيخ ربنا يخدك من اليوم الاسود الي شوفتك فيه وانا مشوفتش يوم عدل
مراد. هههههه وهو انتي شوفتى حاجه ده لسا في البداية ويلا عايز القهوة ومكتبك هيتنقل هنا يلا
وطلعت ملك وهي بتبكي وشافها ماذن
ماذن. مالك يا انسه ملك حصل اي
ملك. بدموع اسأل الاستاذ مراد بقا ومشت من قدامه
ماذن. مراد عملت اي في البنت
مراد. والله يا ماذن احب اشكرك لانك جبتها لحد عندي
ماذن. مش فاهم هي مين دي
مراد. البنت الي كنت بدور عليها هي ملك
ماذن. يا نهار اسود وانت اكيد مش ناوي على خير ابدا
مراد . خير وبجي منين الخير المهم انا نقلتها هنا السكرتيرة الخاصة بتاعتى
ماذن. مراد البنت غلبانه وطيبه اوي ومش بتاع مشاكل سيبها في حالها ارجوك
مراد. اطلع انتا منها يا ماذن وملكش دعوة ويلا روح من قدامي دلوقتي
ماذن. براحتك يا صاحبي بس هتتدم
ملك. استاذ ماذن متسبنيش مع البنأدم ده
مراد. امشي يا ماذن قولتلك يللا
ماذن. أنا آسف يا انسه ملك بس مش بأيدي حاجه عن اذنك
مراد. فين القهوة يا بتاعه انتي
ملك. بنفاذ صبر. اتفضل
مراد.خدي الملفات دي كلها اكتبيها هنا تاتى وعايزها انهارده وبسرعه
ملك. بصدمة. نعم كل دول اكتبهم
مراد. وهو يشرب من القهوة.ببرود ايوا ويلا انجزي
ملك. ربنا ينتقم منك يا شيخ وابدأت في شغلها على مكتبها الجديد
وطبعا كل شويه مراد يلقى نظره عليها من وقت للتانى
بعد وقت.
ملك. اهااااا انا تعبت بقا يا استاذ انت
مراد. نعم
ملك. هو مينفعش اكمل بكره انا تعبت ومعاد انصرافي جه
مراد. قولت لا عايزهم انهارده
ومشى مراد على الغدا
ملك. روح ياشيخ اللهي اللقمه تقع في زورك
وبعد شويه رجع مراد لقاها
ملك. اتفضل خلصتهم
مراد. اي القرف ده واي الخط الزباله ده وقطع الورق كله
ملك. لااااااا حرام عليك بقا
مراد. يلا هتعيدي من تانى
ملك. لا بقا والله ما أنا عاملة حاجه وماشيه والي يحصل يحصل بقا
ومشت عند الباب ولسا هتفتحه حست بدوخه وكانت هتقع بس لحقها مراد
مراد.مالك في اي
وقد أغمى عليها
مراد. يا نهار اسود مالها دي وقد نقلها على المستشفى
مراد. مالها يا دكتور
الدكتور. متقلقش هو شويه هبوط حاد من قلة الاكل لازم الاهتمام بيها شويه لأنها ضعيفه
مراد . تمام شكرا يا دكتور
الدكتور. أنا علقتلها محاليل دلوقتي بعد ما تخلص تقدر تتفضلوا
فاقت ملك
ملك. يا نهار ابيض اي الي جانبى هنا
مراد. أنا
ملك. ماهي دي المصيبة هو اي الي حصل
مراد. اغمى عليكي ف اشفقت عليكي جبتك هنا
ملك. لاياراجل لا كتر خيرك ممكن تمشي بقا أنا كويسه
مراد. وهو أنا مستنى اذنك ولا اي يابت انتي أنا اصلا غلطان انى جبتك
ملك. ما قولنا كتر خيرك ياعم ماخلاص بقا اقولك أنا الي ماشيه وخلعت المحلول من أيدها ومشت
مراد. مجنونه ومشي هو الآخر
وفاء. رنى على اختك يا مريم اتأخرت اوي
مريم. فونها مغلق يا ماما والله متقلقيش هتكون راحت فين بس
وفاء. ربنا يستر قلبي وكلنى عليها
مريم. أن شاء الله خير
وفاء. وانتي يا مقصوفه الرقبه انتي قاعده على الفون ولا كأن اختك مختفيه
مي. وانا اعملكوا اي يعنى انتو عيله بتحب النكد وانا مليش في الجو ده وبعدين انتي مأڤوراها شويه يا فوفه فوكيها كدا بقا
وفاء. أنا وقاطعها رن جرس الباب
وفاء. قومي افتحي يابت يا اوزعه انتي
مي. يوو والله انا ناقص اجيب كرسي واقعد على الباب اشتغل بواب هنا
مي. اهي ملك جت عاملين متاحه عليكي جوا عليه نكد
وفاء. يابت غوري من وشى . كنتي فين يا ملك كدا تقلقينى عليكي
ملك. معلش يا ماما تعبت شويه وأغمى عليا وروحت المستشفى
وفاء. يا حبيبتي طب ومحدش قالنا لي وفونك مغلق لي
ملك. فصل شحن وخلاص أنا كويسه قدامك اهو
مريم.. حمد الله على سلامتك يا حبيبتي
وفاء. طب يلا عشان تأكلي
ملك . لا مليش نفس أنا تعبانه وهنام
وفاء. لا ابدا ده انتي وشك اصفر من قله الاكل أنا هجهز الاكل عقبال ما تغيري هدومك يلا
مي جعانه يا فوفه يلا بقا
مريم. يابت انتي مش بتشبعي ابدا ياريت لو الاكل ده كله بيبان عليكي يا اوزعه
وجرس الباب رن
مي. عارفه عارفه وقلدت صوت امها . قومي افتحي يا مي
مش عارفه أنا البوابه بتاعتكم ولا اي بالظبط
وفتحت
مي. هو انت ما سدقت بقا تبقا ابن خالتي ف هتنطلنا كل شويه كدا
اسلام. ملكيش دعوة يا اوزعه ودخل
وفاء. اهلا يابنى اتفضل
إسلام. عاملين اي
وفاء . و مريم. الحمدلله
اسلام. امال فين ملك
مريم. اهي جت
ملك. عامل اي يا اسلام
اسلام. كله تمام
وفاء. يلا اقعد اتغدى معانا بقا
مي. . اقعد يا اخويا أنا مش عارفه دايما تيجي على الاكل كدا حماتك بتموت فيك
وفاء. يابت اتلمي
مي. يووووو هو أنا كل ما اقول كلمه تسكتينى ما الكل عمال يتكلم اشمعنى أنا
وفاء. ما انتي لو بتقولي كلمه عدله كنت سبتك
واكلو
ملك. أنا داخلة انام يا ماما
وفاء. مالك يا ملك مش على طببعتك
ملك. لا مفيش بس تعبانه شويه عن اذنكم
ودخلت وفاء تعمل شاي
مي. منورنا يا أستاذ
اسلام. نورك يا اوزعه
مي. اقولك على حاجه ما تنام هنا احسن ما انت راشق هنا مش فاضل غير النوم
وفاء. من جوا . يابت يا مي اتلمى عيب كدا
إسلام. سبيها يا خالتي هما القصيرين كدا لسانهم طويل
مي. اعااااااااااا رخم ومستفز أنا داخلة اقعد على الفون أحسن
وفضل اسلام و مريم
اسلام. منورة يا مريم
مريم. نورك اسلام هو أنا ممكن اسألك سؤال
اسلام اه طبعا
مريم. هو انت مرتبط
اسلام. احمم لا بس قريب اوي وهو ينظر لها نظرة حب
مريم. بكسوف من نظرته. احمم اه ربنا يجعلها من نصيبك
اسلام. طب وانتي
مريم. انا اي
اسلام. مرتبطة
مريم. لا
اسلام. بتسرع. ايواا بقا حلو اوي
مريم. نعم
اسلام. وقد استوعب ما فعله. هاا لا بس أن أنا ماشي تصبحوا على خير عايزه حاجه يا خالتي
وفاء. عايزه سلامتك يا حبيبي
مريم. مجنون😂
وفاء. مريم يابت هتشربي شاي
مريم.؟؟؟؟؟؟؟؟؟؟
وفاء. الله مالها دي مبلمه لي كدا يابت يا مريم
مريم. اي في اي
وفاء . لا ولا حاجه روحي نامي
مريم. بتوهان. تصبحي على خير
وفاء. العيال اتجننوا
عند مراد.
مالك. ابو المرمر اي الاخبار
مراد. غور ياه من وشي
مالك . ألحق عليا انى جاي افرفشك شويه بدل ما انت كئيب كدا
مراد. لا شكرا ياخويا
مالك. طب اقولك نكته.
مراد. قول وغور
مالك. مره واحد راح يجيب فول لقى المحل مقفول😂😂
مراد. طب اقولك أنا واحدة احلا
مالك قول .
مراد. مره واحد راح يجيب سجؤ لقى المحل مغلؤ
مالك. هههههههههههه حلوة حلوة هههههههههههه
مراد. غور ياد وانت رخم كدا اطلع بره عايز أنام
مالك.. ماشي سلام وبصوت بنات يا مرمر 😂😂
مراد. وهو بيرمى عليه القلم غور يا غتت
مالك. طب والله انا بقول انى فرفوش وجيت غلط في العيلة دي محدش مصدقنى أنا هروح انام افضل
ياترى مالك… بيفكركوا بميييين
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حب انتقام)
يجب أن تكتب 5 تعليقات اولًا كي تظهر لك الحلقة.
