رواية حب الهلال الفصل الثاني 2 بقلم سما الحملاوي
رواية حب الهلال البارت الثاني
رواية حب الهلال الجزء الثاني
رواية حب الهلال الحلقة الثانية
وقفنا لما..
نجمه فضلت تمشى وهلال ماشي وراها…
نجمه وقفت فجأة بعصبيه وبصت لي…اسمع ياجدع انت انا شيفاك ماشي ورايا بقالك كتير يا تدخل دوغري وتقول في ايه يأما والله اعملك مشكلة هنا ساااامع
هلال بعصبيه…اتكلمي بأسلوب احسن من كدا انا كنت هعتذرلك عن طريقتي معاكي امبارح بس شكلي غلطت
نجمه…وهو الي بيعتذر بيمشي ورا الناس من غير ما يكلمهم
هلال بغضب دفين…عندك حق سلام
وسابها ومشي وهو متعصب…
نجمه…يا اخينا طب اسمك ايه طيب اففف يارب الصبر
ومشيت…
༺༺༺༺༺༻༻༻༻
هلال رجع دار الايتام…
الاطفال…انت مين
هلال بأبتسامه…انا هلال
الاطفال…هلال بتاع رمضان
هلال بضحك… لا مش بتاع رمضان بس انا جبتلكم فوانيس رمضان معايا وطلع لهم الفوانيس واللعب
واحد من الاطفال اسمو زين…الله زي ما ابله نجمه عملت
هلال بأنتباه…مين ابله نجمه
زين بأبتسامه بريئه…ابله نجمه دي طيبه خاالص بتيجي هنا عندنا الدار ديما وبتجبلنا لعب وحاجات حلوة كتير وبتحكي لنا قصص كتيره وانهاردة حكتلنا قصة سيدنا ايوب وقد ايه هو صبور
هلال بسرحان لنفسه…بئا اسمك نجمه ماااشي ياست نجمه
هلال فاق وقال لزين…ماشي ياحبيبي يلا كمل لعب مع اخواتك
فضل يلعب معاهم ويضحكهم لحد مة جت فكره في دماغ هلال…
هلال…زين انت عندك قد ايه يابطل
زين ببراءه…٧سنين
هلال بأبتسامه…دا انت كبير خاالص طيب نتفق اتفاق بس توعدني متقولش لحد يابطل
زين بأبتسامه…وعد
هلال…طيب انت معاك رقم ابله نجمه
زين…ايوه معايا ابله نجمه جابتلي تيليفون عشان هي بتحبني اوي وخدت رقمها
هلال بأبتسامه…طيب ممكن رقمها دا عشان عاوز اتعرف عليها بس توعدني انها متعرفش
زين بتفكير…ماشي اوعدك بس بشرط
هلال بضحك…شرط يا شبر ونص طيب اشرط
زين بغرور لا يليق بطفل…تجبلي شكولاته المرا الجايه
هلال بأبتسامه…بس كدا عيوني هات يلا الرقم
༺༺༺༺༺༻༻༻༻
عند نجمه…
نجمه دخلت البيت…
نجمه بشقاوة…باباااااا يا حته سكره
والدها محمد بضحك…قلب ابوكي عامله ايه
نجمه بحب…الحمدلله ياحبيبي
نور…عامله ايه يانجوم
نجمه بحب…الحمدلله ياقلب نجوم
نورسين…طيب يلا ادخلي بدلي هدومك وتعالي عشان نعلق الزينه
نجمه…طيااااره
ودخلت بدلت هدومها وخرجت…
نورسين بهمس…خطيبه اخوكي جوا
نجمه بملل…يوووه هي على طول هنا
نورسين بهمس…وطي صوتك وعدي الليله
نجمه…خليكي جنبي عشان مقومش اتخانق معاها
نورسين…حاضر
وهما واقفين جت عند رجل نجمه ملاك بنت اختها…
نجمه بحب وفرحه…ملااااكي عامله ايه ياعيوني
ملاك ببراءه…نمه
نجمه بضحك…قلب نمه من جواااا ياناس
نورسين بضحك…مش بتقول غير اسمك يامحظوظههه
نجمه بضحك…قروا علينا بئا
༺༺༺༺༻༻༻༻
عند هلال…
هبه…كويس انك جيت ياحبيبي
هلال بأبتسامه…حبيبتي
هبه…تعاالى يلا نعلق الزينه عقبال ما ولاد خالتك يجوا
هلال…طيب ياحبيبتي هبدل هدومي واجيلك اهو
بعد شوية…
هبه…ارفعها شوية وحط الهلال جمبها
هلال…كدا حلو
هبه…اه يلا روح للفرع التاني بئا
بعد شوية..
هلال…كدا علقنا كل الزينه
هبه بأبتسامه…ايوه ياحبيبي
بعد شوية ولاد خالتو جم وخالتو وزوج خالتو…
مازن ابن خالته…ازيك يابو الهلايل
هلال بضحك…الحمدلله بخير
ميرنا بدلع…ازيك يا هلولي
هلال بملل…ازيك ياميرنا
ميرنا بدلع…بخير لما شوفتك
هلال بعدم اهتمام…ياسمين ازيك
ياسمين بهدوء…الحمدلله ياهلال
»مازن ٢١سنه مرح جدا وبيعتبر هلال اخوه في كلية تجار انجليزي..ميرنا ٢٣سنه بتحب هلال او بمعنى اصح بتحب فلوسو وشكلو دلوعه ومش محجبه لبسها مكشوف..ياسمين تؤام ميرنا بس عكسها تماماً حتى في الشكل هاديه ومحترمه في لبسها «
خالة هلال ماجده…وانت اخبار شغلك ايه ياهلال
هلال…الحمدلله ياخالتي تمام
زوج خالته مدحت…مش ناوي تفرحنا
هلال ابتسم…نفرح بمازن الاول بئا
مازن بضحك…ماازن ايه ياعم انا لسه صغير
هبه بضحك…ونبي انتو الاتنين ما هتتجوزوا لو فضلتوا كدا
༺༺༺༺༻༻༻༻༻
عند نجمه…
نجمه بأبتسامه بالغصب…نادين اهلا منوره والله
نادين بتكبر…حبيبتي مرسي
نجمه قعدت بغيظ…
نورسين بمحاولة تهدءة نجمه…نادر هو انت علقت فرع النور
نادر بأنتباه…لا لسه مستني نجمه
نجمه بأبتسامه…ماشــ
نادين بمقاطعه…ما تعلقوا هي انت قاعد مع خطيبتك
نجمه بغيظ…دود هنعلقوا في الفجريه كدا
نادر…ماشي ياحبيبتي
بعد شويه…
نجمه بزهق…نادر انا هنزل شوية واجيب حاجات
نادين…ما تنزلي ياحبيبتي بتاخدي اذنو ليه
نجمه بغيظ…اللهم طولك ياروح
نادر…ماشي ياحبيبتي متتأخريش لو احتاجتي حاجه رني عليا
نجمه…تمام
وسابتهم ودخلت الاوضة وجت وراها نورسين..
نورسين بهدوء…مالك ياحبيبي
نجمه…البت دي متنفعش لأخوكي معرفش اعجب بيها على ايه
نورسين…هنعمل ايه بئا نصيبه كدا
نجمه…انا مش عاوزه انزل
نورسين…مش قولتي هتنزلي
نجمه…لاا خلاص هلعب مع ملاك
وخدت ملاك وفضلت تجري وراها…
نادر بضحك…مش قالت هتنزل
نورسين…ملاك شبطت فيها ف قالت خلاص مش هنزل هتقعد هنا تلعب معاها
نادين…تلعب مع طفله سنتين لا عقلها كبير
نجمه سمعت وجت قامت نورسين مسكاها ودخلتها البلكونه…
نادر بغضب دفين…اتكلمي عن نجمه احسن من كدا
نادين بتمثيل البراءه…مش قصدي حاجه والله
»نادين ٢٤سنه بنت مغروره وشايفه نفسها لبسها نوعاً ما محترم بتلف الحجاب لورا اسكارف بس مع نادر بتتعامل على انها ملاك«
༺༺༺༺༺༻༻༻༻༻
عند هلال…
هلال…منورنا والله ياجماعه
ردو كلهم وقالت ميرنا..والله محدش منور غيرك يا هلولي
هلال بمحاولة استفزازها…وانتي بئا يا ميرووو هتفضلي بلبسك دا في رمضان
ماجده…اه والله ياهلال قولها غلوبت معاها
ميرنا بغيظ…امممم لا هلبس شوال عشان ترتاحوا
هلال ببرود…انتي الكلام معاكي مينفعش يلا ياجماعه عشان نتغدا
اتغدوا وخلصوا غدا وقعدوا شوية وقاموا يمشوا وطلع هلال يرتاح…
༺༺༺༺༺༻༻༻༻༻
عند نجمه…
نادين…انا همشي بئا يا نادر
نادر…استني هوصلك
نادين…تمام يلا
ونزلوا بعد ما سلموا عليهم ونجمه قالت…اخيرااا دا لاازقه
محمد بضحك…بأمانه انا مش برتاح لها بردو
نور…كلام بيني وبينكم ولا انا
كلهم ضحكوا ودخلت اوضتها ترتاح…
فتحت فونها شافت رسالة من رقم غريب…
»كنتي جميلة اوي انهاردة«
نجمه…انت مين
»مش مهم المهم انك جميلة«
نجمه بغيظ…هعمل بلوك
»بصي لو عملتي ١٠٠بلوك هقدر اكلمك من اي رقم تاني ف.متعمليش بلوك احسن«
نجمه…طب انت مين لازم اعرف
»مش لازم دلوقتي بعدين هتعرفي سلام يانجمتي»
نجمه قفلت ومردتش…ياترى مين دا ويعرفني منين
༺༺༺༺༺༻༻༻༻༻
بيمر الوقت ويجي وقت السحور بيتسحروا وينامو…
في بيت نجمه الصبح…
نجمه صحيت وصلت وقرأت قرأن وخرجت لهم الليفنج..
محمد…صباح الخير ياحبيبتي
نجمه…صباح الفل يابابتي
محمد…رمضان كريم عليكي
نجمه…الله اكرم ياحبيبي
دخلت لولدتها المطبخ…
نجمه…رمضان كريم عليكي ياحبيبتي
نور…الله اكرم يانجوم
نجمه…نورسين فين
نور…زمانها نازلة هي وزوجها
»نورسين عايشه في الدور الي فوقهم«
نور…اللبسي يانجمه وروحي هاتيلنا حاجات
نجمه…حاضر ياست الكل
لبست ونزلت على طول…
راحت كذا محل كلهم قافلين…
رنت عليها صديقتها علا…
نجمه بأبتسامه…ازيك يا لولي
علا…الحمدلله ياحبيبتي رمضان كريم عليكي وكل سنه وانتي بخير
نجمه…وعليكي ياحبيبي وانتي بخير يارب
علا بغيظ…الي مسألتش على صحبتها
نجمه…اقسم بالله يابنتي مطحونه بقالي يومين
علا بأبتسامه….عارفة ياحبيبي اي فينك كدا
نجمه…اسكتي ياعلا بقالي شوية عماله اللف على محلات مش لاقيه
علا…طب بصي انا في هايبر الهلال تعالي هناك هتلاقي كل حاجتك واسعاروا حلوة اوي
نجمه…ابعتيلي اللوكيشن هجيلك
༺༺༺༺༺༻༻༻༻༻
عند هلال…
هلال…ماما عاوزه حاجه ياحبيبتي
هبه…لا ياحبيبي تسلملي
هلال…طيب انا هنزل الشغل
هبه…ماشي ياحبيبي خد بالك من نفسك
هلال…حاضر سلام
༺༺༺༺༺༻༻༻༻༻
عند نجمه…
راحت الهايبر وقابلت علا…
علا حضنتها…ازيك يا نجومتي
نجمه…بخير يالولي
»علا نفس عمر نجمه عيونها عسلي فاتح شعرها بني ناعم لحد بعد كتفها شخصيتها طيبه خالص مرحه لكن في حياتها شوية حزن بسبب انها بتحب من طرف واحد وهنعرف مع الاحداث متربيه مع نجمه وصحاب بقالهم١٢سنه«
نجمه…دا في كل حاجه ما شاء الله مع انه مش كبير اوي
علا…ايوه منا بقولك
جابو كل حاجتهم…
فجأة لقوا حركه غريبة في المكان سألوا حد قالهم ان المدير جه…
وقفوا كلهم في انتظاره…
نجمه بغيظ…مين يعني عشان يوقفونا عشانوا كدا
علا…استني هنشوف
بعد ربع ساعه نجمه بزهق وعصبيه وصوت عالي…اييييه هو سي المدير دا مش جاي موقفنا كل دا عشان سعادته كان مين هو يعني عشان نقف ونعطل حالنا عشانو عالم معاها شوية فلوس ف تخلي الناس عبيد دا تلاقي واحد مغرور شايف نفسوا
واحد من الموظفين…الله يرحمها جمالها راح هدر
المدير بغضب جحيمي…عيدي كلامك تاني كدا بس قدامي
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حب الهلال)
