رواية حب الطفوله الفصل الرابع 4 بقلم مجهول
رواية حب الطفوله الجزء الرابع
رواية حب الطفوله البارت الرابع
رواية حب الطفوله الحلقة الرابعة
كلهم اتصدموا امها وقعت في الارض ورغد فضلت تعيط وجاسم ومراته بيهدوا فيهم
اسيل رجعت لورا ومشيت براحه راحت علي الحمام جرى وهى بتجرى خبطت في حد
هو.. معقول؟!! انتى
كانت حاطه ايدها على وشها وبتعيط وهى بتجرى
مروان بص قدامه. لا اكيد واحده شبهها
سأل الممرضه علي مكان رضوان وراح
جاسم.. تعالى يا مروان
مروان.. فى حاجه ياعمى اتصلت ليه انت كويس والاستاذ رضوان كويس
جاسم.. للاسف لا انا اتصلت بيك عشان كنت رايح اجتماع وجيت على هنا بس مش هينفع يتأجل ولو قولت لريان مش هيرضى يروح خد الملف اهو وروح احضره معلش
مروان.. ولا يهمك ياعمى
جاسم.. ربنا يبارك فيك يابنى
مروان خرج راح الشركه
………
اسيل في الحمام باصه لنفسها في المرايا.. انا السبب انا السببببب اااااه
فلاش باك
رضوان.. ايه ياقلب بابا وحشتيني
اسيل.. أنت اكتر ياحبيبي والله اخبارك ايه
رضوان.. بصراحه انا متصل عليكى عشان عايزك تنزلى مصر
اسيل.. نعم ليه يابابا انت عارف اني مش هنزل
رضوان.. الشركه فيها مشكله والاجتماعات كتيره انا معدتش اقدر ولو محضرتش وحاولت اتفاوض هخسر الاسهم كلها كده وانا واخد قروض
اسيل.. اكيد فى حل يابابا غير اني انزل انت عارف انى استقريت هنا ومرتاحه هنا
رضوان.. براحتك يا اسيل اللى يريحك انا هففل دلوقتي عشان عندى شغل ياحبيبتي سلام
اسيل.. سلام يابابا
باك……
اسيل.. لو كنت نزلت من يومها مكنش حصل كده انا آسفه يا بابااا 😭
الوقت عدى واسيل روحت هى وامها ورغد عشان يرتاحوا وهيروحوا المستشفى تانى يوم
………………
مروان.. ايوه خلصت الاجتماع يعم والشغل جميل مالك معقد الدنيا ليه امال لو ماسك الشركه لوحدك زيي
ريان.. مش عايز اشغل دماغي
مروان.. النهارده وانا المستشفى خبطت فى بنت زى اللى كانت فى امريكا بالضبط دا انا فكرتها هى
ريان.. يجدع يعني احنا سايبينها في امريكا اول امبارح نلاقيها هنا النهارده بطل تخيلات
مروان .. سيبك تيجي نخرج
ريان.. اشطا يلا
كانوا قاعدين وريان لقي بنت بتحط ايدها علي كتفه
مروان.. انتى تعرفيه
ريان بصلها مت تحت لفوق كانت لابسه فستان ضيق وقصير وفرده شعرها وحاطه ميكب صارخ
شهد.. ايوه اعرفه وهو كمان عارفنى
ريان بتذكر.. مين؟
شهد.. مش عارفنى يا ريان
ريان.. ش ششهد!
شهد بدلع وهى بتمسك ايده.. ايوه شهد وحشتني
ريان قام وقف وشال ايدها من عليه
مروان مستغرب اللى بيحصل
ريان.. يلا يا مروان
شهد.. ريان ادينى فرصه نرجع تاني عشان خاطري
ريان.. خلينا صحاب احسن
شهد بخبث.. موافقه المهم نرجع نتكلم
ريان.. تمام يا شهد وخد مروان ومشيوا
فلاش باك لما كانوا صغيرين………
ريان.. هى مشيت من البلد خالص وبعدت عننا عايزه ايه تانى يا شهد
شهد.. تعالى اخطبنى
ريان.. احنا فى تانيه ثانوى لسه صغيرين
شهد.. والله ومكنتش صغير السنه اللي فاتت وانت خاطبها
ريان.. ده كان عشان اهلى بس وانتى عارفه اللى فيها
شهد.. خلاص ابعد عنى انت اصلا بتتسلى بيا
ريان .. انا بحبك يا شهد والله العظيم بحبك
شهد قدام الفصل كله .. وانا مش بحبك ابعد عني بقي
ريان زعل جامد وقرر ينساها ويبعد عنها بعد فتره عرف انها كانت مصاحبه ولد تاني وبيتقابلوا فضل مكتئب وزعلان ولغاها من حياته خالص ومن يومها وهو مش بيرتبط ببنات تاني
باك………
مروان.. سرحت في ايه
ريان.. مفيش
مروان.. اتمنى 🤷♀️
……………………..
جاسم.. ايه رأيك نجوزهم
ام ريان.. مش اتخبطوا مره وفركشوا ريان مش هيرضى انا عارفه
جاسم.. البنت جميله ماشاء الله ومش غريبه عننا احسن من الاشكال اللي بيعرفهم دول
ام ريان.. حاول تقنعه
جاسم.. هقنعها هى الاول وهو هجوزه غصب عنه بقي خليه يتربى
……………………….
جاسم اتكلم مع اسيل وهى رفضت
اسيل.. لا ياعمو
جاسم.. بصي يابنتي دلوقتي شركة ابوكي في النازل وانتى اللى هتتولى الشغل بعده والاسهم باسم ريان في القسم بتاعى وهو ولا بيشتغل ولا نيله عارف انك بتحبينا ودى خدمه لينا انك تغيريه مش يمكن علاقتكم تتحسن وتحبوا بعض وافقي عشان خاطري
اسيل نفسها تقوم ترقص اصلا بس مش عارفه 😂😂.. ياعمو بس وضع بابا وكده
جاسم.. اكتبوا الكتاب بس وياستى خليها سنه اتفاق مرتحتيش معاه انا اللى هطلقك منه
اسيل في سرها.. انا اصلا عديمة الكرامه بس بحبه الحمااااار
جاسم.. هاا قولتى ايه
اسيل.. ماشي ياعمو
………………………
ريان .. متسحيييييل هو في ايه انا اخلص منها وانا صغير تطلعلى وانا كبير دى لو اخر واحده في الدنيا مش هاخدها
جاسم.. اسمع انا كتبت كل حاجه ليها في الشركه لمدة سنه عشان نسد قروض ابوها يعني انت ملكش حاجه دلوقتي فاهم يعنى شوف هتصرف وتتسرمح منين
ريان بعصبيه… كمااااان ضحكت عليكم الطماعه بنت ال** عشان تكتب حاجتى بإسمها ليه هى مفكره نفسها ميين
جاسم.. متغلطش يا ريان انا ساكت من ساعتها قولت اللى عندى لو عايز حقك يضيع براحتك انا حذرتك
ريان خرج بعصبيه ورزع الباب وراه
ام ريان .. ليه كده يا جاسم كدبت عليه حرام البنت نظلمها معانا
جاسم.. مفيش حل غير كده عشان يوافق مش هيقدر يقعد من غير فلوس وبعد ما يتجوزا اقوله الحقيقه بس هيكون اتدبس وقتها نحاول نخليهم يحبوا بعض هههه
ام ريان.. هههه اه يانى من افكارك دى
………………………….
ريان قاعد علي تليفونه متضايق بعت رساله لمروان يجيله
فتح جوجل وكتب ايسو آرت تاني وفضل يقلب لقي رسومات كتيره فضل يتفرج وبيقرأ المكتوب تحت لتقع عينه على جمله خلته يتصدم 😳
«وقد تصدرت الفنانه المصريه اسيل رضوان العمري المركز الاول لاخر مسابقه تم انشائها في اشهر معارض امريكا لعام 2022»
ريان.. طلعتى انتى؟؟!!!!!
مروان.. هى مين دى
ريان عيونه احمرت من العصبيه .. ماشي مااااشي
مروان.. في ايه يابني
ريان.. بابا عرض عليا اتجوز بنت رضوان العمري
مروان.. نعم؟ وانت وافقت اكيد لا طبعا انت هتتجوز دى!!
ريان ضحك بخبث.. اه وافقت
مروان وقف مكانه.. ريااان انت اتجننت هتجوزها ازاى مش فاكر شكلها وبعدين انت عمرك ما طقتها اصلا
ريان لف ضهره.. مش مهم الشكل انا وافقت وخلاص
واتكلم في سره.. حياتك الجايه سو. ده يا بنت العمري 😡
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب الطفوله)
