رواية حب الطفوله الفصل الأول 1 بقلم مجهول
رواية حب الطفوله الجزء الأول
رواية حب الطفوله البارت الأول
رواية حب الطفوله الحلقة الأولى
ريان..بابا انا عندي ١٦ سنه خطوبة ايه اللى بتتكلم فيها وبعدين انا مبحبش البت دى ملقتش غير البطه دى تقولي عليها دى تخينه وشكلها وحش جدااا انا بحب شهد زميلتى
جاسم.. يعني ايه تخينه عيب كده متتكلمش عنها بالشكل ده
ريان.. هى عشان بنت صاحبك وبعدين احنا لسه صغيرين اوى احنا اطفال يابابا ماتتكلمى يا ماما
صافى.. حبيبي بابا بيتكلم صح وعمو وهو صحاب وفي شركه واحده يعني احنا عايزين نخليكم تاخدوا على بعض
ريان.. انا مش موافق علي الكلام ده ابدا ولا بطيق اشوفها أصلا فاهمين بعدين احنا لسه صغيرين على الكلام ده انا خارج مع مروان سلام
جاسم.. شايفه ابنك
صافي.. معلش هو برضو طفل لسه هنحاول نقنعه اهم حاجه عقد الشركه بس
………………
اسيل.. ماشي يابابا اللى تشوفه عن اذنك ودخلت اوضتها وهى قلبها هيخرج من مكانه عشان هى بتحب ريان من زمان اصلا من لما كانو اطفال هما دلوقتى في اولى ثانوى اطفال يعتبر بس فى مشاعر صادقه فى الوقت ده او اعجاب حتى
رغد اختها الصغيره عندها ١٤ سنه.. مالك مبسوطه كده ليه
اسيل.. ها لا مفيش حاجه انا عاديه اهو
رغد.. طيب 🤷♀️
………………………
تاني يوم فى المدرسه
شهد.. نعم؟ وانت وافقت على دى يا ريان انت مش شايف عامله ازاى
ريان.. انا رفضت بس بابا مصر مش عارف ليه انا عمري ما اوافق عليها وانتى عارفه
شهد.. اعمل اى حاجه المهم متخطبهاش مليش فيه
ريان.. خلاص ياشهد بقي
دخلت اسيل الفصل وبصتله وابتسمت هو تجاهلها وشهد بصلتها بقرف
اسيل ١٦ سنه تخينه شويه بس مش اوى يعنى شعرها بنى ناعم وعيونها عسلى بشرتها بيضه وخدودها وردى طبيعى وشفايفها زى الفرواله ملامحه صغيره جدا وكيوت
ريان ١٦ سنه جسمه رياضى بيحب لعب الكوره شعره ناعم ملامحه رجوليه جدا وطويل عنها شويه لبسه كله جميل والبنات كلها معجبه بشخصيته رغم صغر سنه
شهد.. ١٦ سنه ضعيفه بعض الشي شعرها قصير ولبسها كذلك شكلها حلو بس مش زى اسيل بس حر. بايه شويه
………….
بعد مرور اسبوع اجبروه انه يوافق بالعافيه وراحوا عن اسيل البيت
ابو اسيل وابو ريان صحاب ومتشاركين مع بعض في الشركه بتاعتهم قرروا انهم يخطبوهم لبعض ويبقى زيتنا في دقيقنا زى مابيقولوا
ريان قاعد علي اخره وهى خرجت بعد شويه كانت لابسه فستان ازرق وقعدت على الكرسي
ريان لبسها الخاتم حتى ما بصش لها
وهى لبسته الدبله وكانت طايره من الفرحه
……………
تاني يوم فى المدرسه الكل كان بيتكلم عليهم وازاى هو يخطب دى وكده
ريان دخل الفصل
شهد.. والله ده اللي مش موافق وعمرى م اخطبها
ريان.. شهد انا مش فايقلك دلوقتي
شهد.. ماشي يا ريان
اسيل دخلت وكله فضل يتكلم ويضحكوا هى مهتمتش وقعدت مكانها
ريان نزل الحوش يلعب كوره مع صحابه وهى كانت واقفه في الشباك وهو بيجرى وقع ورجله اتعورت
اسيل نزلت جرى .. ريان انت كويس وسندته
ريان بوجع.. ملكيش دعوه ابعدى
اسيل.. انت مش عارف تقف
ريان.. اووف وانتى مالك مش عايز مساعده بقولك
اسيل.. وانا قولتلك لا وفضلت مسكاه لغايه ما قعدته على الكرسي وطلعت منديل مسحتله الد. م
.. بقيت احسن
ريان.. هبقي احسن لو مشوفتكيش
أسيل زعلت جدا بس اتماسكت قدامه وبعدين مشيت راحت الحمام وفضلت تعيط فيه
……..
عدى فتره فيها احداث هنعرفها بعدين بس معاملته متغيرتش معاها
شهد.. بقالك كام شهر اهو محصلش حاجه
ريان.. غصب عني اهلى مش موافقين انى اسيبها
شهد.. يبقي تبعد عنى
ريان .. بس انا بحبك ياشهد
شهد.. وانا مش هفضل موجوده وهى في حياتك
اسيل كانت سامعه كل ده ودخلت عندهم
اسيل.. خلاص محدش جبرك تفضلي في حياته وبعدين هو واحد خاطب انتى مالك وماله
شهد.. مش مستنيه واحده زيك تقولي اعمل ايه وبعدين انتي متمسكه بيه ليه كده
اسيل .. عشان بحبه
ريان بغضب.. وانا مبحبكيش ولا بطيق اشوفك انتى لزقه كل مره اقولك ابعدى عنى وبرضو مفيش
اسيل.. ريان بس انا.
ريان.. مش عايز اسمع منك حاجه وقدام الكل اهو انا بحب شهد انتى لأ ولو اخر واحده في الدنيا مش هبصلك فاااااهمه
الكل كان واقف بيتفرج عليهم اسيل دمعت واخدت شنطتها وراحت عند باب الفصل .. وانت لو اخر واحد في الدنيا مش فكر فيك ولا حتى هبصلك تاني اشبع بشهد حبيبتك وخلعت الخاتم ورمته في وشه
……………….
بعد مرور ٧ سنين
في معرض للفن مشهور جدا في امريكا كانت لوحه معروضه والكل متجمع حواليها
ريان.. اللوحه عظمه انا مش قادر اشيل عينى من عليها
مروان.. هى فعلاً حلوه اوى
مروان صاحب ريان من الطفوله واقرب حد ليه
ريان.. تعالي نقعد اما نشوف بقي المصممين بتوع اللوح هيجوا امتى
مروان.. ماشى
بعد نص ساعه كان كل مصمم واقف على الاستيدج واللوحه بتاعته بتتعرض ويقول كلمه عنها ويستلم جايزه عليها
كله طلع اخد جايزته ولسه دور اللوحه اللى الكل حبها
المقدم.. And now it’s the turn of the face that won everyone’s admiration ( والآن دور اللوحه التى نالت اعجاب الجميع)
بتطلع بنت فى غاية الجمال بشكل يخطف الانفاس بكعب اسود وفستان اسود فخم مع خطوات ثابته لتمسك المايك وتلقي كلمتها .. I designed this painting with more love because it’s just a hobby and I didn’t know you would like it so much. Thank you all for your support.(لقد صممت هذه اللوحه بالمزيد من الحب لانها مجرد هوايه ولم اكن اعلم انها ستنال اعجابكم لهذه الدرجه اشكركم جميعا على دعمكم لى)
ليصفق الجميع بحب ونظرات فخر
ريان سرحان ومركز معاها
مروان.. ايه روحت فين؟
ريان.. تحفهه
مروان.. هى ايه دى
ريان.. هااا لا مفيش جايلك تانى
كانت خارجه من المعرض ولقت حد بيخبط على كتفها
بصت وراها
ريان.. I’m ryan (انا ريان)
مردتش عليه
ريان.. Honestly I like you (بصراحه انا اعجبت بيكي)
.. سورى مبعملش علاقات
ريان بصدمه.. انتى مصريه؟ انا قولت برضو الجمال ده اكيد عربى
مدتش ليه اهتمام ولفت ظهرها مسك ايدها.. طيب خلينا نتعرف
.. قولتلك لأ ابعد لو سمحت
ريان.. فكرى انا محدش بيقولي لأ
بصتله بخبث وقالت بصوت عالى ..Help me he is harassing me (ساعدونى بيتحر.. ش بيا)
مروان طلع جرى وشده من ايده وطلع يجرى والشرطه وراهم
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب الطفوله)
