رواية حب الطفولة الفصل الرابع 4 بقلم فرح كريم
رواية حب الطفولة الجزء الرابع
رواية حب الطفولة البارت الرابع
رواية حب الطفولة الحلقة الرابعة
بصيتلها باستغراب وقولتلها:لا حصل اي
ميرنا:بيقولوا عمل حادث
انا:ازاي ده لسه كان باعت رساله
ميرنا:معرفش بجد يندي
انا:طب هو ف مستشفي اي
ميرنا:هبعتلك اللوكيشن بتاع المستشفي
كنت بحاول اخبي اني مخضوضه واني خايفه عليه بس بجد مش قادره
طلعت من الشركه علطول وروحت ع المستشفي
سألت علي الغرفه بتاعته وروحتله
خبطت
عمر:ادخل
دخلت اول ما شوفته حسيت ب حاجه غريبه حسيت كأني انا اللي عملت الحادث مكانه
انا:انت كويس
عمر:يعني الحمدلله
قعدت ع الكرسي اللي جنب سريره
عمر:الموضوع مش محتاج انتي اكيد وراكي شغل روحي الشركه
انا:لا انا هقعد جنبك
بصلي وسكت
انا:عملت الحادث ازاي
عمر:لما بعتلك كنت بسوق ومكنتش مركز فخبطت ف عربيه
بصيتله وقولتله:قدر الله ما شاء فعل
كنت بسأل عنه الدكتوره كل شويه حتي هو لاحظ خوفي عليه
عمر:ندي القديمه وحشتني ي ندي
بصيتله باستغراب
عمر:ندي اللي كانت بتلعب وتضحك وتتكلم… انتي بقيتي مش مهتمه ب اي حاجه غير الشغل ي ندي
انا:الف سلامه عليك انا متضطره امشي
قومت من علي الكرسي وكنت هطلع بره الغرفه
عمر: ومكنتيش بتهربي كمان
بصيتله وانا متعصبه وقولتله:انت جاي بعد اي تتكلم معايا انت مش فاكر اللي عملته زمان وعايزني ارد عليك واتكلم معاك انت اللي عملته فيا ده اللي خلاني ابقي كده.. ومتفتكرش اني ممكن انسي
طلعت من الغرفه وخبطت الباب
قعدت اعيط كتير يمكن ليا كتير معيطتش كده
وبعدين روحت البيت
اتصلت ب رنا
انا:ايوه ي رنا
رنا:اي ي ندود
انا:ينفع تجيلي دلوقتي؟
رنا:حصل اي
انا:عادي عيزاكي تقعدي معايا
رنا:طيب هشوف ماما واقولك
بعدها بعتتلي ماسج انها هتيجي
قومت وعملت فشار وعصير وشغلت فيلم عشان نشوفه
الباب خبط وقومت فتحت
اول ما شوفتها حضنتها علطول
رنا:مالك يحببتي
مردتش عليها وفضلت حضناها
بعدها دخلنا وقعدنا ف الصاله
انا:مش قادره ي رنا.. عمر بيضغط عليا وانا مش قادره
رنا اكتفت ب انها تبصلي لغاية ما اخلص كلام
انا:بيتكلم معايا كأن محصلش حاجه زمان وكأنه مسابنيش ولا كسر قلبي.. انا عارفه اننا كنا صغيرين وقتها بس الموضوع ده أثر عليا
رنا:طب ما هو بيحاول يصلح اللي عمله
انا:بس انا مش قادره انسي.. وكنت فاكره اني نسيته خلاص ومبقاش عندي مشاعر ناحيته بس لما شوفته حسيت قلبي بدأ يدق زي زمان بحس اني بتوتر لما اشوفه
رنا حضنتني وقالتلي:هتنسي وتسامحيه ي ندي
بعدها بشويه رنا مشيت وانا دخلت عشان انام
صحيت الصبح وروحت الشركه
ناديت ع ميرنا بس محدش رد
ف لقيتهم كلهم ف الميتينج روم
انا:بتعملوا اي هنا
ميرنا:مهو استاذ عمر هيعملنا ميتينج هو مقالكيش ولا اي
طلعت بره وروحتله المكتب
انا:انت بتتصرف مع نفسك لي هو مش انا مديره هنا
بصلي ورجع بص ف اللابتوب تاني
خبطت ب ايدي ع المكتب
ولقيته قام من ع الكرسي وقالي بصوت عالي:ندي انا ساكت كتير وبحاول استحمل بس بجد انتي زودتيهم… انا بحاول كل يوم أصلح اللي عملته زمان وانتي ولا هنا
انا:وانت فاكر اللي انت بتعمله ده هيصلح اللي عملته هيصلح انك سبتني زمان وكسرت قلبي
عمر:ي ندي انا عارف اني غلطان طب قوليلي اعملك اي عشان تسامحيني
انا:امشي ي عمر امشي من الشركه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب الطفولة)
