رواية حب الطفولة الفصل الأول 1 بقلم فرح كريم
رواية حب الطفولة الجزء الأول
رواية حب الطفولة البارت الأول
رواية حب الطفولة الحلقة الأولى
الساعه عشره الصبح قاعده ف كافيه ومستنيه
بعد تأخير ربع ساعه وصل..
كنت ماسكه موبايلي ومش باصه فلقيت حد وقف عند الترابيزه ف عرفت انه المستثمر وقفت وبصيت اي ده؟؟؟
اللي كنت بحبه ف المدرسه؟
عملت نفسي مش مهتمه وسلمت عليه
انا:انا ندي
عمر:وانا عمر
وقعدنا
انا:تشرب اي؟
عمر:قهوه
ناديت ع الويتر وطلبت اتنين قهوه ساده
انا:طبعا عشان نقدر نتفق انا عندي شروط
عمر:اتفضلي
انا:التأخير بيزعجني شويه وأهم حاجه عندي هي مصلحة الشركه وانك لازم يكون عندك أفكار كريتيف
عمر:بالنسبه للتأخير انا بعتذر لان الشارع كان زحمه جدا
الويتر جاب القهوه
انا:دي شويه حاجات غير طبعا البنود الموجوده ف العقد
اديتله العقد عشان يقراه
بعد كام دقيقه..
عمر:تمام
اخد قلم ومضي
فضلنا حوالي دقيقتين ساكتين..
عمر:فاكراني؟
انا:اه اكيد
عمر:مكنتش اعرف اننا ممكن نتقابل تاني
انا:وانا مجاش ف بالي اني ممكن اشوفك
انا:صحابك عاملين اي؟ محمد و مراد
عمر:كويسين الحمدلله
قطع كلامنا رنة موبايلي
انا:معلش هرد ع التليفون
الو اي ي ميرنا
ميرنا: في مشكله ي ندي ف الشركه ولازم تيجي
انا:تمام انا جايه
بصيتله وقولتله:انا لازم امشي ان شاء الله نتبسط بشغلنا مع بعض
قالي:انا واثق من ده
ابتسمت ومشيت، ركبت عربيتي عشان اروح الشركه
دخلت الشركه وناديت ع ميرنا اللي بتشتغل مساعدتي
ميرنا:ي ندي الاستاف كله عايزين اجتماع حالا
انا:لي اي حصل
ميرنا:بيقولوا انهم تعبوا من كتر الشغل وأنهم حتي مش بيناموا
بصيتلها وسكت
روحت المكان اللي موجود فيه الاستاف كله
انا:سمعت انكم متضايقين من الشغل!
واحد من الاستاف قالي:بصراحه ي استاذه ندي احنا مش بننام وتعبانين جدا من الشغل
عليت نبرة صوتي وقولت:انتو لما جيتوا تشتغلوا اعتقد ان الكلام ده كان مكتوب ف العقد ولا انا غلطانه؟
سكتوا ومحدش رد
كملت كلامي: انا عندي الشغل اهم من اي حاجه واللي شايف ان الشغل تقيل عليه يتفضل يمشي
لقيت صوت من ورايا بيقول:كفايه يجماعه شغل انهرده روحوا وارتاحوا..
قولت بصوت عالي: انت مين اصلا عشان تقول كده
بصيت ورايا لقيته عمر
عمر:انا عمر السيويفي ي انسه ندي.. وأعتقد أن ليا الحق اقول كدا..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب الطفولة)
