رواية حب الصدفة الفصل السادس 6 بقلم نور ابراهيم
رواية حب الصدفة الجزء السادس
رواية حب الصدفة البارت السادس
رواية حب الصدفة الحلقة السادسة
جويرية : إنتي ليه بتعملي كل دا إنتي مستحيل تكوني أم إزاى قلبك يخليكي تعملي كدا في إبنك إنتي بتدمريه
نعيمة وهى بتضحك بسخرية : أنا فعلا مش أم عاصي ولو مش عملتي اللى قولت ليكي عليه هقت”له إنتي فاهمة قدامك ٢٤ ساعة يا تجيبى ليا إمضاء على الورق دا بإسم عاصي يا هتكوني إنتي السبب فى فقدانه
جويرية : بس إنتي ازاى مش أم عاصي أنا مش فاهمة حاجة
نعيمة : إنتي ملكيش دعوة بالموضوع دا نهائى و قدامك الحل دا يا تعمليه و أنا اللى ههربك بنفسي عشان طبعا عاصي مش هيسيبك عايشة يا إما متنفذيش اللى قولتلك عليه و ساعتها أنا اللى مش هسيبكم انتم الاتنين عايشين و أه صحيح اللى كان بيحبك فعلا و انا اللى رفضت انه يتجوزك هو عاصي يمكن مش بيحبك بس دا بيعشق إسمك بس خلاص التنازلي بدأ و انتي اللى في إيدك حياتكم و أكملت بضحكة صاخبة بس طبعا بعيد عن بعض لانه مش هيطيق يشوف وشنا بعد اللى هنعمله و سابتها و خرجت
جويرية ببكاء : ليه كل دا أعمل أي يا ربي أتصرف ازاى دا أنا كنت بقول خلاص هنبدأ من جديد ليه كل م حياتي تتعدل ترجع تدمر تاني أنا مش عارفة أعمل اي بعد كل دا
وقاطع حديثها الذاتي دخول عاصي بتعجب من حالتها
عاصي بحزن : جويرية مالك ليه بتعيطي
جويرية بتوتر : هاااا لا مفيش حاجة و مسحت دموعها بهرولة ثم أردفت
إنت اى اللى رجعك تاني في حاجة نسيتها ولا اى
عاصي : ايوة فى ورق مهم نسيت أخده معايا
جويرية : تمام إدخل خده عشان متتأخرش
تعجب عاصي من طريقة جويرية اللى اتغيرت معاه تغير جذرى لكنه فرح من تقبلها وجوده و بالفعل أخد الورق و لسه هيخرج ولكنه وقف بتعجب متسائلاً …
عاصي : جويرية اي المستند اللى في إيدك دا
جويرية بتوتر يكاد أن يقفز من عيونها اللامعة بالدموع : هااااا دا ورق خاص ب بابا الله يرحمه
عاصي بتعجب : عمي !!!
جويرية : أيوة يا عاصي و يلا عشان شغلك و أكملت بخفة و تيجي بدري عشان تخرجني أنا قولت ليك أهو يا أستاذ عاصي إياك تنسى
عاصي بفرحة : لا طبعا مش هنسى يا جورى يلا سلام
جويرية بابتسامه : سلام
ثم غاصت مع بحر الأفكار الذى يدور في رأسها فهناك شئ يقول لها اخبريه و دعي القلب ينتصر هذه المرة و هناك شئ يدعي الخوف و يريد ألا تخبره و تستسلم لعقلها الذى سيفقد حب العاصي إلى الأبد ..
*****************
في الشركة ..
و لأول مرة يدخل هذا العاصي و هنالك إبتسامة ترتسم على ثغره و ألقى السلام على الموظفين و ثم دخل مكتبه و خلفه صديقه أحمد الذى يتعجب من أمره …
أحمد : اي يا عم شايف الفرحة في عينك فرحني معاك
عاصي : اقعد و أنا أفهمك وقص له ما حدث بينه و بين جويرية
أحمد : دا بجد أنا مش مصدق إن خلاص هتبدأ تعيش حياتك مع البنت اللى استنيتها كتير
عاصي : أنا قولتلك الصبر حلو بس مفيش أحلى من الصبر دا بجد
أحمد : يلا يا عم نشوف شغلنا
عاصي بجدية : يلا بس استني صحيح نسيت أقولك جويرية النهاردة كانت ماسكة مستند و لما سألتها قالت دا بتاع بابا
بس أنا عارف شكل المستندات دي دا مستند ملكية بس انا مش شوفته
أحمد : ممكن تكون فاهم غلط اى اللى هيخلي جويرية تمسك مستند ملكية هي مش بتفهم في الأوراق دي
عاصي باستنكار : مش عارف هبقى أفهم الموضوع منها انهاردة
ثم أكملوا حديثهم فى الشغل ..
*******************
عند نعيمة …
نعيمة : ألو .. أنا عوزاك تخلي إتنين يراقبوا الست جويرية لانى سمعت انهم خارجين انهاردة و هى بدأت تلعب على ثقة و حب عاصي و الغبي صدقها
عوزاهم يراقبوها كويس جدا عشان أعرف الخطة ماشية تمام ولا فى حاجة غلط
المجهول : تمام بس بقولك اي م تيجي ليا انهاردة
نعيمة بضحكة صاخبة : ايه مش قادر تصبر ولا اى يلا معدش حاجة و هكون معاك علطول
المجهول بخبث : أيوة طبعا بس المرة دي عاوزة عشان نكون على تواصل مع اللى هيراقبوا جويرية عشان نضمن نجاح الخطة و بقولك حاولي تحطي الجهاز اللى معاكي فى شنطتها عشان نفهم اي اللى بيحصل كويس
نعيمة : لا من الناحية دي متخافش أنا أول م عرفت انهم خارجين عملت كدا و انا مسافة الطريق أكون عندك عشان محدش يشك في حاجة
المجهول بخبث : تمام و أنا مستنيكي يا بيبي
*****************
جويرية وهى بتجهز عشان تستقبل عاصي
عاصي على الباب : اي الجمال دا كله
جويرية بخجل : أنا خلصت يلا بينا
عاصي : يلا يا جوري
ابتسمت جويرية على هذا الاسم الجذاب الذى يطلقه هذا العاصي عليها
وبعد وقت ليس بقصير من الضحك و المرح في الطريق وصلوا كافيه كان مخصص ليهم
جويرية : المكان دا شكله حلو أوى يا عاصي
عاصي : و أنا مجهزه مخصوص عشان خاطر جوري
جويرية بفرحة و خجل شديد : شكرا
و جلسوا يتحدثون و كثيرا في مزيج من الفرحة و الحب و الحيرة و الحزن حتى سرقهم الوقت ولكن قاطع هذا الحديث صوت فون عاصي
عاصي : لحظة يا جويرية
جويرية : تمام اتفضل
أحمد : عاصي تعالى بسرعة مخزن البضاعة اللي هتتسلم ولع
عاصي : ايييي اللي بتقوله دا مسافة الطريق وأكون عندك
جويرية : عاصي فى اي
عاصي : جويرية أنا همشى دلوقتى و انتي السواق هياخدك على القصر
جويرية : طمني بس في اى
عاصى : مش وقته أنا همشي دلوقتى
جويرية : تمام ربنا معاك
****************
المجهول : نفذ .. و إياك حد يلمح وشك ..
يتبع …
لقراءة الفصل التالي : اضغط هنا
لقراءة الرواية كاملة اضغط على : (رواية حب الصدفة)
