رواية حب الروايات الفصل الأول 1 بقلم فونا

رواية حب الروايات الجزء الأول

رواية حب الروايات البارت الأول

رواية حب الروايات الحلقة الأولى

_صورني تاني
أتكلم بنرفزة_أنتِ مبتزهقيش ايه الناس تتصور صورة صورتين لكن أنتِ ألفين صوره
بصتله وكنت علي أخري مردتش أكتر معاه في الكلام خدت فوني من ايده بكل هدوء وسيبته وركبت العربية
دخل العربية وأتكلم بضيق
_هنبدأ شغل القمص بقي
أتكلمت بهدوء عكس اللي جوايا_روحني
نفخ بضيق_مريم!
اتعصبت_قولت روحني
كنت بحاول علي قد مأقدر أمسك دموعي مش بحب أعيط قدام حد بس بجد هو مبقاش يطاق
روحني نزلت من العربية من غير كلام وهبدت الباب بتاع العربية وطلعت السلم
_مريم عامله ايه
كان ابن خالتي چون بس مردتش عليه وجريت علي الشقه مكنتش عايزاه يشوف دموعي
_مريم مالك في ايه
جري ورايا بس دخلت الشقه بسرعه وقفلت علي نفسي
فضل يخبط جامد علي الباب_مريم في ايه حصل ايه
اتعصب أكتر_هو الزفت زعلك تاني تمام والله لأوريه
قومت فتحت الباب بسرعه وجريت عليه مسكته جامد
اتكلمت بدموع_أوعي أوعي عشان خاطري هو ميستاهلش خلاص خليه يغور
بصلي وبعدين ملامحه اتقلبت للغضب_هو اللي زعلك صح
اتنهدت_چون أرجوك أنا مش قادره أتكلم دلوقتي
_لا يا مريم مش هسيبك لدماغك عشان واحد زي ده
اتنهدت_هروح ألم حاجته تكلمه يجي ياخدهم لو سمحت متأذيش نفسك بسببه عشان خاطري
اتنهد ومسك ايدي بحنان_حاضر متخافيش أنا في ضهرك
بالفعل دخلت لميت كل حاجته كل حاجه كنت محتفظه بيها حتي لو حاجه صغننه لميت كل حاجه في بوكس كبير وحطيت معاهم الدهب
مش طايقه حاجه منه
دي مش أول مرة يضايقني فيها بس كنت بسكت عشان حجه إني بحبه!
يغور الحب قصاد وجع القلب ده كله!
كان دايما يتريق عليا وشايفني لسه صغيره وتافهه!
لميت حاجتي كلها وروحت اديتها لچون
_كلمته
رد بضيق_اه
اتنهدت_اتعامل معاه بهدوء عشان خاطري وخليه يغور
اتنهد وأتكلم بحنان_حاضر يا حبيبتي
بالفعل جيه وچون اداله حاجته من علي الباب مرداش يدخله البيت حتي
عدي ساعتين كنت مخنوقه أوي فقررت أنزل اتمشي شوية
لبست بنطلون مريح أسود وسويت شيرت أسود ولميت شعري وحطيت مرطب علي وشي
لبست الكوتشي ونزلت وأنا نازله علي السلم لقيت چون طالع
_رايحه فين
=هتمشي شوية
_استني هطلع الحاجات دي لماما وهاجي معاكي
=لا متتعبش نفسك وأنا محتاجه اتمشي لوحدي
_مش هكرر كلامي تاني دقيقه وهكون عندك
اتنهدت من عناده_ماشي يلا
بالفعل مكملش دقيقتين وكان قدامي
_يلا يا عسليه
مشيت قدامه بدون كلمه
وصلنا عند كورنيش النيل
_خليكي هنا هروح أجيب آيس كريم واجي
=حاضر
مكملش دقايق وجيه وفي أيده آيس كريم
عطاني واحده وقعد جنبي
كنا بناكل في صمت قاطعه هو بعد مرور وقت
_ميستاهلش علي فكرة
=…
_أنتِ غالية أوي يا مريم غالية أوي وتستاهلي حد أحسن منه بكتير تستاهلي حد يحققلك أحلامك مش يدفنها محتاجه حد يقدرك
أنتِ جميلة أوي يا مريوم وتتحبي وتستاهلي حد يحارب عشانك
دموعي كانت بتنزل مع كل كلمه بيقولها
_أنا استحملته كتير أوي يا چون وكنت بتغاضى عن أخطاء عشان علاقتنا تكمل
كنت بحارب لوحدي!
اتنهد وقرب مني وبصلي في عيوني بنظرة أول مرة أشوفها منه
_أفهمي يا مريم أنتِ جميلة وتستاهلي حد يحارب عشانك مش أنتِ اللي تحاربي عشانه!
اتوترت من قربه ومن نظرته مش عارفه ليه بعدت عنه بسرعه وأتكلمت بتوتر_اا أنا عايزة أروح
قومت بسرعه من قدامه ومشيت
أبتسم ومشي ورايا
مشينا بدون كلام بس كنت كل شوية ابصله الاقيه باصصلي وبيضحك
_أنتَ تعبان
=ليه
_أصلك مش طبيعي بتضحك ليه
أتكلم بضحك_يوه هو الضحك حرام ولا ايه
بصيتله بشك_مش مرتحالك
ضحكنا ومشينا
الحقيقة أن چون صاحبي الوحيد من صغرنا وهو معايا مش بيسبني معايا في الحزن قبل الفرح علي طول بيفرحني وجايبلي حقي من أي حد مزعلني وبيقدر يطلعني من مودي الوحش
_ حمدلله على السلامه يا مريومه
=الله يسلمك
_تعالى بقي نتعشي سوا مع نادية
=لا يوم تاني أنا هنام عشان مش قادره
_هعمل بيض بالبيفي وبعده حبه عصير وسهرة في البلكونه مع نادية وحاجة كده عسل
ضحكتك_عنادك ده يا اخيي
ضحك_مش بحب أكرر كلامي مرتين
ضحكت_خلاص يا عم متبقاش قفوش
بالفعل طلعت معاه
_أتفضلي..تعالي يا نادية مريومه معايا
=شكرا…حبيبه قلبي يا خلتو عاملة ايه
*الحمدلله يا حبيبه قلبي وأنتِ
=الحمدلله يا حبيبتي بخير
*تعالى يلا نتعشي أنا مستنياكو من بدري
_بدري ايه يا نادية ده أنا معرفك من عشر دقايق بس
*أكتم يا واد تعالي معايا يا مريوم
ضحكت علي نكافهم في بعض_حاضر
_أضحكي أضحكي ياختي
دخلت معاها المطبخ حضرنا العشا سوا وبدأنا نجهز السفرة
*روحي يا حبيبتي نادي چون
_حاضر
روحت عند الأوضه بتاعته وخبطت علي الباب
_چون يلا عشان الأكل جاهز
رد عليا من جوا_حاضر جاي وراكي
روحت قعدت مع طنط علي الأكل وبالفعل جيه ورايا علي طول
_الله بقي ايه الجمال ده تسلم ايدك يا نادية
*أخرس يا واد ده مريومه اللي عملته
أكل لقمه_اه عادي يعني اي حد بيعمل بيض
ضحكنا وكملنا أكل
خلصنا أكل وبدأت أشيل الاطباق ودخلت المطبخ
*هتعملي ايه
_هغسل المواعين ياخلتو
*لا يا حبيبتي اطلعي أنتِ البلكونه وأنا هاجي وراكي
_لا طبعاً مش هينفع أنا هغسلهم ومتحاوليش
بالفعل غسلتهم وطلعنا قعدنا في البلكونه وچون عملنا عصير
_أحلي عصير مانجو لأحلي مريومه
أبتسمت_شكرا يا چون
كانت قعدة هادية ولطيفة كنا بنتكلم في مواضيع عشوائية والوقت عدي
_أنا هطلع فوق بقي الوقت اتأخر
*ماشي يا حبيبتي
چون روح وصلها يلا
_لا ملوش لزوم ده الشقه اللي فوق حتي
=يلا قدامي يا عسل
ضحكت ومشيت قدامه
_يلا أنزل
=أدخلي جوا يلا وأقفلي
_ماشي تصبح علي خير
أبتسم وغمز=وأنتِ من أهلي
اتخضيت من الجمله وقفلت الباب بسرعه مفكرتش كتير و دخلت أخدت شاور ونمت عشان الوقت اتأخر
تاني يوم
جهزت عشان أروح الشغل لبست دريس أبيض عليه ورد أزرق صغنن كان تحت الركبه وبنص كُم ولبست كوتشي أبيض حطيت ميكب بسيط وعملت شعري كيرلي ونزلت من غير فطار
_صباح الفل
غمز_ده صباح الجمال
ضحكت بكسوف_ايه رأيك في الموف أون
ضحك_ده أحلي موف أون ده ولا إيه
ضحكت_يلا أنا هروح شغلي عايز حاجه
وقف قدامي بجسمه منعني من النزول_فطرتي
بصتله ببراءة
بصلي بغيظ_ولما تتعبي وتدوخي نعمل ايه
_خلاص بقي يا چو قلبك أبيض
=قدامي يا آخرة صبري
نزلت بهدوء مردتش أكتر في الكلام لأنه عنيد ومش هايسبني غير لما أكل
_يلا أتفضلي
عطاني سندوتشات فول وفلافل
=شكرا يا چو
كملت بضحك_مش عارفه من غيرك كان مين هيفطرني
أتكلم بغرور_أي خدمه
ضحكت_يلا بقي همشي باي
مشيت روحت المستشفى مركبتش مواصلات لأنها قريبة من بيتي
*أنا دكتوره جراحه
*چون ظابط
وصلت المستشفى ودخلت مكتبي لبست البالطو بعد وقت صغير وبدأت شغلي
خلصت علي الساعه ٧ طلعت برا المستشفى لقيت چون في وشي
_ حمدلله على السلامه
أبتسمت_الله يسلمك
_طبعا مأتغدتيش
ضحكت فبصلي بغضب
_مستفزة بجد مستنية لما تدوخي يعني ولا ايه
أتكلمت ببراءة_خلاص يا چو متبقاش قفوش
اتنهد وابتسم_تعالي يا اخره صبري نتغدي سوا وبعدين عايزك في موضوع
_ليتس جووووو
بالفعل روحنا في أرقي مكان في القاهرة
_بس حلو ساندوتش الكبدة ده
=عيب عليكي قولتلك هيعجبك ده بجنيه ونص
_إحنا ناكل من هنا وعلي غسيل المعده علي طول
ضحكنا سوا وخلصنا أكل واتمشينا شوية
_بقولك
=قول
_فاضية بكرة
=اه ليه
_عندي فرح أخت صاحبي وعازمني وصراحه مش حابب أروح لوحدي وأنتِ عارفه مش بحب جو الأفراح فتعالي معايا
أتكلمت بأستغراب_وأجي بصفتي ايه
_بنت خالتي عادي مش حوار
بصيتله شوية وبعيدن وافقت أصل صراحه أنا محتاجه أغير جو شوية
مر اليوم بسلام وجيه تاني يوم ومعاد إني أجهز
أخدت شاور ولبست فستان أحمر بنص كم قصير شوية والفستان طويل ولبست هيلز لونها أحمر وحطيت ميكب بس مش خفيف أوي وعملت شعري ويڤي
لقيت الباب بيخبط فتوقعت أنه چون
روحت فتحت وفعلاً كان هو
كان لابس قميص أسود كان مبين عضلاته وبنطلون أسود وكان شكله سكر
فضل باصصلي كتير لدرجة أنه سرح
هزيته من كتفه
_يا أخ
بصلي وابتسم_ايه الجمال ده
ضحكت بكسوف_شكلي حلو
رد وعيونه كانت بتلمع_جدا
نزلنا وركبنا عربيته ولقيته طلع ورد من الكرسي اللي ورا لونه أحمر وعطهولي
_أتفضلي
أبتسمت وحقيقي فرحت_شكرا جداً
أبتسم وشغل العربية وشغل أغنية
“الحب يبان في عيوني”
كان عمال يدندنها وكل شويه يبصلي ويبتسم
وأنا حقيقي كنت فرحانه جداً مش عارفه ليه بس كنت مبسوطه وكنت حاسه بشعور تجاه چون أول مرة أحسه
_وصلنا
كنت لسه هفتح الباب بس سبقني هو نزل بسرعه وفتحلي
أبتسمت علي الحركة بتاعته ونزلت
دخلنا القاعه وكل الناس كانت مركزة معايا وده خلاني أتوتر
_بقولك خلينا نقعد في مكان بعيد عشان متوترش
=حاضر تعالي
وفعلا روحنا عند تربيزة في زاوية بعيدة
_هروح أسلم أنا وأجيلك
=تمام متتأخرش
راح سلم علي صاحبه ووقف مع صحابه شوية وشوفت حاجه مكنتش عامله حسابي إني أشوفها
لقيت خطيبي القديم واقف مع واحده وبيضحكو ويهزرو اتصدمت لما شوفته حاولت علي قدر الأمكان مضعفش بس دموعي خانتني للأسف قومت بسرعه دخلت الحمام قبل م حد يشوفني
حاولت أهدي نفسي
_خلاص هو اللي خسر أنتِ جميلة وتستاهلي كل خير
حاولت أهدي ومسحت دموعي وعدلت الميكب وطلعت لقيت چون
أول ما شافني جري عليا بقلق
_كنتِ فين حصلك حاجه حد ضايقك
=أهدي متخافش دخلت الحمام بس
اتنهدت بأرتياح_تمام تعالي نقعد يلا
روحنا قعدت أنا وهو راح جابلي حاجه من البوفيه
_عامله ايه
بصيت لمصدر الصوت لقيت البنت اللي كان واقف معاها خطيبي القديم
اتوترت بس حاولت مبينش
=الحمدلله
بصتلي من فوق لتحت بصه غريبه وبعدين أتكلمت بغرور_مش عارفه كان بيحبك علي ايه
أستغربت كلامها_نعم؟!
كملت بقرف_خطيبك مش عارفه كان بيحبك علي ايه كان علي طول معاكي في نكد وهم كنتي منكده عليه عيشته كان مرتاح معايا
كنت مصدومه من كمية الاتهامات الكذب دي!
أنا؟! أنا اللي كنت منكده عليه؟!!!!
_واه علي فكرة هو كان مرتبط بيا وأنتم مخطوبين وكان معرفني أنه هيسيبك وهيخطبني
بالأذن
سابتني في صدمتي ومشيت!
يعني ايه! كان خاطب واحده وبيحب واحده تانية!كان بيخوني!!!!
فوقت من تفكيري علي حضور چون كان جايبلي أكل
قومت_أنا همشي مستنتش رده وطلعت برا بسرعه لو كنت فضلت كنت انهارت في العياط
طلعت بسرعه بس لقيت ايد بتمسكني بصيت لقيته چون
أتكلم بقلق_في ايه يا مريم مالك حصل ايه
مقدرتش أمسك نفسي أكتر من كده وانهارت حكيتله كل اللي حصل
_كان بيخوني وهو خاطبني المهزق
بصلي بصدمه وصدمته اتحولت لغضب
_اللي زي ده ميتزعلش عليه وبعدين أنا هجبلك حقك منه
أتكلمت وأنا بعيط_أوعي عشان خاطري بجد أوعي
بصلي والغضب بدأ يروح
_اهدي طب متخافيش مش هروح تعالي
خدني في حضنه فضلت أعيط معرفتش قد ايه فضلت لغاية مهديت خالص
_أحسن دلوقتي ؟
هزيت راسي
روحنا ركبنا العربية وخدني وراح علي النيل
_چون لو سمحت محتاجه أروح
=مش هتروحي وأنتِ زعلانه
كنت لسه هتكلم منعني من الكلام ونزل وفتحلي العربية مسك ايدي نزلني وراه وروحنا قعدنا
_ارتاحي هنا وأنا هروح أجيب حاجه نشربها وهاجي
راح وانا فضلت قاعده بفتكر كل اللي حصل في الفرح ودموعي بتنزل بدون صوت
فوقت علي ايده وهو بيمسح دموعي وبيديني عصير
_ مش عارف أقولك ايه بس الإنسان ده كان قذر والحمدلله أن ملكوش نصيب سوا وربنا كشفه ليكي ده كان شخص مؤذي وميستاهلش الزعل عليه
أتكلمت بحزن_انا اللي مزعلني أن وقت من عمري ضاع مع الشخص الغلط مش عارفه ليه عمل كده بصيتله وكملت بدموع_ده أنا كنت بقدمله كل خير ده جزاتي!!
مسك ايدي بحنيه_لا يا حبيبتي ده انسان مريض حقك علي عيني يا نور عيني حقك عليا
حسيت بإحراج شديت ايدي بسرعه بس هو مسكها جامد بصتله بإستغراب
_أنتَ بتعمل ايه
أتنهد وأتكلم بحزن_بعمل اللي كان حلم حياتي أعمله زمان
رديت بعدم فهم_نعم
أتنهد وبعدين قرب مني وبصلي في عيوني
_مريم أنا بحبك