رواية حب إجباري الفصل العاشر 10 بقلم ميساء
رواية حب إجباري الجزء العاشر
رواية حب إجباري البارت العاشر
رواية حب إجباري الحلقة العاشرة
دليتو على لبلاصة حطني قدام الباب خلصتو وهبطت. تنفست بالجهد وفي نفس الوقت حايرة واش راح يقول خالي في هذا الوقت .. طبطبت الباب أكثر من مرة مكانش رد بلاك راقدين تعبت هبطت كآبة من كتفي وغزلان راقدة اصلا سرير تاعها عاوني نرفد بيه ، نضت نطبطب بكل قوتي حتى لي سمعت داخل تفتح باب منبعد تفتح باب الشارع خرجلي ولد خالي في وجهي صراحة لا هو عرفني ولا أنا عرفتو ولا كيعاد ليا بزاااف مشفتوش وزيد تبدل بزااااف مقارنة بقبل كبر ودار لحية وكبر شعرو ، حشمت ما عرفت واش نقولو عينيه مغمضة من نوم فاتح عين ولوخرة غالقها شاف فيا متفاجئ تبسم بزربة قالي تفضلي _صباح الخير_صباح النور _عرفتني ولا نعرفك _ حسيتو تحرج حك راسو كيشغل أو يتذكر منبعد قالي وحدة من بنات عمتي امال ولا غالط_هزيت راسي ب اي ، ثم ثم هز عليا كآبة من لارض وانا هزيت غزلان وهو يقلي تفضلي تفضلي فتح باب كوزينة بعدها باب صالو .. قالي اقعدي ذرك نعيط ل يما وبابا ، بقيت ساكتة راح نسمع فيه يطبطب في بابهم بقيت نخلط في صباعي حابة نبكي من الحشمة ، دقايق وجاء خالي وموراه مرتو شاف معايا اهلا بيك خالي. نضت باش نبوسو جبد راسي في حضنو تحضني ويبوس في راسي بعدها بعدني يسئل ويستفسر قتله مشكلة أنا وراجلي جر نفس وقالي محلولة بإذن الله نتي ريحي دك. مرتو سلمت عليا وقعدنا عيط خالي جاسم جيب كاس ماء تفكرتو لي فتحلي الباب اسمو جاسم .. شوي وجاء في يدو الكاس وانا حلقي من قهر يابس هزيتو عليه شربتو ، ناضت غزلان تبكي جبتها في حضني وجبدت بيبرو تاعها فيه غير شوي اعطتهولها ومرت خالي تمسد على شعر تيم .. يا عمري كيفاه راقد امشي جاسم نوض هذوك رزيات كون نضربو عليهم نح ينوضو غير الضهر _يما واش راح ينوضهم دك وزيد مزال صباح_ياو روح نوضهم بلا هدرة زايدة _وقف قدام الباب يعيط عليهم نوضو نوضو أو جانا ضياف قالو خالي روح عيطلهم من بيتهم مبردش حتى نوضهم بالعياط وقالهم ياله للكوزينة .. أنا في همي ومشاكلي ضحكني تصرفاتو غريبة ، جاو سلمو عليا عادي بصح حسييتهم مستغربين من جيتي وخالي محرجنيش يتصرف عادي مع العلم انا لي تصرفاتي تبين ساكتة وحشمانة للخر غير مهبطة راسي. بداو يوجدو في لفطور خالي عايلتو كبيرة عندو اربع كنات وكل وحدة جايبة جي خمسة ولا ستة ولاد وكلهم في دار خالي لانو دارو كبيرة والبناتو كلهم معرسين بالزهر لقيت ثم هذاك نهار غير جاسم ماشي متزوج بقيت باهتة في تصرفاتو العفوية الطفولية .. وكل طفل يفوت للصالة يقعد يشوف مستغرب يشرلو جاسم يقولو روح سلم وانا كل شوي يدخلي واحد يسلم عليا. لا علينا المهم تحط الفطور مقربتش ومعنديش نفس خالي حكم يدي قالي افطري بنتي حلي ريقك باه نتفاهمو ، شربت غير تاي ونضت شوي ولحقني خالي ومرتو .. الغصة في قلبي وحلقي حساتو مجروح حايرة منين نبدالو نقلهم تزوح عليا ولا نقلهم مرتو واش دارت فيا وذرك عقد عليها وعشرين يوم وهو معاها أنا ماشي عارفة تفرفشت ما عرفت منين نبدا. خالي بقى يقلي أنا خالك وانا عندك قولي واش صرالك بنتي متحشميش صح حنا بعاد بصح تبقي من ريحة الغالية ، وكيعاد نتي عند عمك مطمن عليك عليها مانيش نعيطلكم بصح اليوم طبطبتي بابي وانا عند عينك اذا عندك حق نجيبو مربع ..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حب إجباري)
