رواية حب إجباري الفصل الرابع 4 بقلم ميساء
رواية حب إجباري الجزء الرابع
رواية حب إجباري البارت الرابع
رواية حب إجباري الحلقة الرابعة
نطلقك .. نطلقك .. نطلقك كلمة بقات تصوني في وذني يعني وشنو ايوب تزوج عليا؟ هزيت راسي ابتسمت شفافي ترجف حلقي نشف جسمي كامل يرعش ، حسيت برطوبة على خدي تلمستها باليد لخرى دمعة هبطت من عيني نحيت يدي كي فتح الباب وجاء في وجهي جمدت حبيت نعيط في دقيقة هذيك بصح ماعنديش صوت بكشت ، وجهه صفار عينيه وساعت كي شافني قويت روحي شرتلو بيدي لي ترعش ايوب نطلقك لشكون لشكون كنت تقولها .. هدرتها متقطعة ، جمد في بلاصتو يبلع في ريقو جاء يحكم ايدي ضحكت ودموعي تجري _انا كون ما سمعتش مليح ولا كنت نتخيل ولا نتا كنت تهدر مع روحك ياك _قمر نفهمك _نفجرت ندز فيه .. اي اي فهمني احكيلي كذبني قلي واش لي سمعتو متسكتش _اي ولله نقلك كلش ارواحي لشومبرة _ جرني دزيتو كي شفت الخوف في وجهه وهدرتو لمخربطة ويرعش عرفتو مداير مصيبة وجريمة باينة في وجهه نضت نعيط .. يعني وشنوووووو يعني لي سمعتو صح حاب تبلعطني باه تسكتني أك كنت تقول نطلقك يعني متزوووووج ااااهدر اااهدر ولا والله نحرق روووحي. ماشي هكذا ولله ما هكذا هاذي عبير هزيتها نداوي فيها وضطريت نعقد عليها بالفاتحة ماشي على حاجة باش نداويها لا اكثر ، هزيت راسي وجهي في وجهه نرجف رجيف حسيت دنيا دور بيا. عبير .. عبير شكون أنا مهبولة ولا فاقدة ذاكرة ياك عبير مرتو القديمة لي تهمتني وطعنت شرفي لالا هاذي صدمة اكبر من صدمة زواجو .. حطيت راسي على حيط حاكمة فيه لا نطيح عيطت بالصوت حتى لي كانو لداخل طلعو يتجراو علااااااااش علااااااش درت فيا هكذااااا علاااااه ، على عيطتي دخل عمي وسمر وأحمد قبالي وصوت عمتي واش كاين واش كاين نشوف في تيم يطلع في دروج درجة بدرجة وصوت غزلان تبكي ايوب مهبط راسو وعمي يحرك فيا حاب يفهم واش كاين سمر تهدر في وذني مانيش مركزة مع هدرتها ، نضت ليه جيت قدامو ودزيتو ااااااهدر وقوللهم واش كااااين أهدر ولا معندكش وجه تهدر اااااهدر حرام عليك حتى من هاذي وغسلت ايديك منها ، مسحت دموعي نمسح وحدة تهبط عشرة صديت على عمي .. عمي ولدك تزوح عليا ، هدرتها وهبطت على ركايبي نشهق بالبكاء وجمسي يرجف سمر حضنتني تشوف في ايوب وهبطت دمعتها احمد وعمي هبطو عليه علاااه وعلاه وهو يبرر .. عبير من ورايا أنا صرا فيها الباطل دارت زوج عمليات ومانجحوش امها من القهر عليها ماتت وعاشت عبير مع خالها مقبلش يداويها معندوش عيطتلي تبكي وتحلل ماعنديش غيرك مهما يكون لي بينا ماء وملح وحلفتني في لحظة ضعف وندم وإحساس بالذنب لانو أنا وصلتها لهذيك الحالة قررت نديها ندوايها ، خالها حكمني وشرط عليا شرط مدام حاب تبري ذمتك تتكفل بيها وزيد متبقاش داخل وخارج عليها وبراني عليها أعقد عليها وكي تبرى وتنجح العملية ربي يسهل عليكم ..عقدت وقتلها ايامات ونطلقك قالو عمي ب هاذي السهولة انت راح تقتلني ناقص عمر لوينتى تبقى بهاذي الخفة علاه تكسر قلب هاذي اليتيمة ماشي أمانة في رقبتك.
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حب إجباري)
